Mateus 5
5
ONTOPORUA 5.
Ehuvico mondundu
1Ano Jesus, sho a mono eengundu daantu, okua rondo kondundu, nde sho a kaatumba, aarongua oje ja ku he.
2He ta jeruca eui rje a ronge aantu, ta ti:
3Aanerago oomba je nuucigona komuenjo, oshoka otshirongo tsheguru otshauo.#5:3 Je nuucigona komuenjo, nokutja aantu mb’inaj’inekera ouara miinima juujuni, aaue, oja jerukua uujamba ueguru.
4Aanerago oomba taa nik’uupongo, oshoka onaa hekerericua.
5Aanerago oomba je nontaranteni, oshoka onaa peua otshirongo.#5:5 Otshirongo — tsheshunganekero, otsh’ombiri harushe.
6Aanerago oomba je nondjara nenota komuenjo gu’uka, oshoka onaa kuticua.
7Aanerago oomba je nesiroshenda, oshoka onaa mono esiroshenda.
8Aanerago oomba je neemuenjo da jera, oshoka onaa tara Karunga.
9Aanerago oomba je nombiri, oshoka onaa tiua aana ja Karunga.
10Aanerago mba taa tidagurirua ehuko, oshoka otshirongo tsheguru otshauo.
11Aanerago ne, aantu nge taa mu tsheke, taa mu tidagura, jo taa mu popire muuineji aushe niirombo morua ndje.
12Njanjukueni, ne mu rigore, oshoka ondjambi heni onene tuu meguru; otsho uo oja tidagura aaprofeti, mba je mu tetekerera.
Iironga jaarongua.
13One ’mongua guevi, ndere omongua ng’ogua z’uururu, otagu rurururua na tshike? Kagu na ue shi tagu rongo, otagu ekeruashi ike, nde tagu ratua kaantu.
14One uujerere u’uujuni. Omukunda gu ri mondundu, kagu siruka.
15Omuntu ka sameka onjeka, nde te hi tura mesinguriro, aaue, okombanda hongudi tuu, hi minikire aantu ajeshe jo megumbo.
16Otsho uo uujerere ueni nau jerere aantu komesho ngii, opo ja mone iironga iiuanaua jeni, jo ja amberere Sho heni, ngu e ri meguru.
Jesus nompango onkuru.
17Inamu tja: Onde ja ndi dikure po otshipango naaprofeti. Inandi ja okujadikura, aaue, okujaguanica tuu.
18Oshoka otandi mu rombuere tshiri: Sigo eguru nevi tari shuru po, itapu zi nand’okandanda nenge okadidiriko kamue kotshipango, sigo ajishe otaji ningua, tshivarerue.
19Ano ngu ta dikura po tshimue tsho miipango nand’otshitshonatshona, nde ta rongo ngiino aantu, ota ka tiua omutshonatshona motshirongo tsheguru; ndere ngu te ji diginine nokujironga uo, he ta ka tiua omunene motshirongo tsheguru.
20Oshoka ngaje otandi mu rombuere: Ng’itamu uka, mu kare mu vure aatshiui jomambo naafariseji, itamu ka ha motshirongo tsheguru.
21Mue tshu uva, nokutja aakuru jonare ja rombuererue: ino dipaga, ndere ngu ta dipaga, oku notshikoro tshokupangurua.
22Ndere ngaje andi mu rombuere: keshe tuu ngu ta geere mumuahina, oti ihicica mepanguro. Na ngu ta ruku mumuahina: tshidudu, oti ifara motshingongi. Na ngu ta ti: tshikorokoshi nguee, oti ihetere momuriro guarushe.
23Ngueje ono, nge to eta egano rjohe kohaltari, nde to dimburukua mpo, nokutja nomumuanjoko omua ningacana tsha na he,
24Ciga po manka egano rjohe kohaltari, nde to hi u ka gejurukice tango omumuanjoko, ngueje u je naua u gandje egano rjohe.
25Ino arura okukongo ombiri nomutondi guohe, manka to hende na he mondjira, omutondi ke ku fare komupanguri, nd’omupanguri te ku gandja miikasha jaapija jepanguro, u umbirue modorongo.
26Tshiri, otii mu rombuere: moka ito zi mo ue, manka ino futa epenipeni.
27Omue tshu uva, nokutja aakuru jonare oja rombuererue: ino ondera.
28Ndere ngaje otii mu rombuere: keshe tuu ngu ta tara omukiintu e mu arukira, okuo ondera momuenjo.
29Esho rjohe rjo korurjo nge tari ku pukica, ri tsipuraa mo u ri ekereshi, oshoka okueca tshimue tsho miikuarutu johe oko opara ku vure po orutu ruohe arushe ru umbirue momuriro guarushe.
30Neke rjohe rjo korurjo, nge tari ku shindi, ri keka ko u ri ekereshi, oshoka okueca tshimue tsho miikuarutu johe oko opara ku vure po, orutu ruohe arushe ru he momuriro guarushe.
31Omua rombuererue uo aku ti: ngu ta rareke omukiintu gue, ne mu pe ombirive herareko.#5:31 5:31–32 Pu Moses: 5:5, 24 opu nefatururo rjotshipango. Jesus muene ta ti pu Markus 10:5: Moses okua tshanga shika moru uukukutu ueemuenjo deni, ha Karunga. Moses ta ti: Omurumentu ng’a hokana, nde ta dimburura omukaro omuineji momukiintu gue: ne mu pe ombirive herareko, omurumentu opo a mangururue. Ndika efatururo rjaantu, ndere Karunga a hara shi: ino topora ehokano, nokutja ino ondera, ngueje ino ronga tsha shi tatshi topora ohore mehokano. (Moses 2:24: Adam na Eva oja ninga onjama himuike.) Ndere Jesus ta ti: Shi tsha popiua kaakuru jonare, katshi shi eharo rja Karunga. Pu Mateus 5:31: Jesus ta pitika ngaa okutshanga ombirive herareko moru ehondero, ndere ine tshi rombuera. Nge a pitika erareko, he ina pitika ehokano epe, tshivarerue. Resh’ike Markus 10:2, 12 na Luk 16:18 na 1 Kor 7:10–11 na Rom 7:2–3 Ano Petrus okua kuata Petra, omukiintu gue, moruondero; ota vuru okumurareka, ndere okuokana itshee gumue po, tshivarerue. Petra ta hi a hokanue po komupagani muupagani‐nanena Petrus okus mangua, kapena’muntu ta vuru okumumangurura, Karunga oh’ike te tshi ningi mokusa kua gumue. Nge to okana, he Petrus oto ondere ngashi Petra, ja facana.
32Ndere ngaje otii mu rombuere, te ti: keshe tuu ngu ta rareke omukiintu gue-ng’inatshi ningua moru oruondero-ote mu farica moruondero, na ngu ta tuumba omurarekua mehokano, oto ondere.
33Omue tshu uva uo, nokutja aakuru jonare ja rombuererue: ino gana iirombo, ndere u diginine shi ua ganena Muene.
34Ndere ngaje otii mu rombuere: inamu gana nandooziro, nenge okeguru, oshoka orjo otshipundi tsha Karunga.
35Nenge okevi, oshoka orjo otshipundi tsheempadi de, nenge oku Jerusalem, oshoka ogu omukunda guomukuaniirua omunene.
36Otsho tuu uo ino gana komutse guohe, oshoka ito vuru okutokica nenge okuruudica efufu nande rimuike.
37Ndere omurombo gueni nagu tje: eno, eno; aaue, aaue; ngu tagu guedua ko, ogo omuineji.
38Omu uva kua tiua: esho moru esho, ehego moru ehego.#5:38 Esho moru esho … okutuja: esho ohari futua esho; ng’oua tsipura mo esho rjandje, na ngaje otii tsipura mo uo esho rjohe. Nde Jesus: inatshu uka.
39Ndere ngaje ote ti: inamu kondjica omukorokoshi, aaue, ndere omuntu te ku denge korupanda ro korurjo, mu pa itshee orukuauo.
40Nomuntu a hara a patane na nguee mepanguro e ku jeke ohema, mu cigira uo nombaikica.
41Nomuntu nge te ku ciminike u ende ondjira h’eempadi ejovi rimue, mu cindikira ngaa eempadi omajovi gaari.
42Ngu te ku indire, mu pa; ngu a hara e ku rire eenkuma, ngu ino mu piramena.
43Omu uva kua tiua: ora mukueni, ngueje u tonde omutondi guohe.
44Ndere ngaje ote ti: oreni aatondi jeni, ningireni uuanaua, mba je mu tonde, ne mu garikanene, mba taa mu tidagura na mba taa mu rundira.
45Opu mu ninge aanona ja Sho meguru, ngu ta piticire etango rje aauanaua naauineji, he ta rokicire, mba ju uka na mb’inaj’uka.
46Oshoka ne ng’omua kara mu ore ike mba je mu ore, ondjambi ohatshike namu peua? Naafenderi kaa tshi ninga shino?
47Na nge tamu kundu ike ookume keni, otamu ningi tshike mu ja vure? Naapagani itaa ningi ngaaka?
48Kareni ano mu uka ngashi Sho meguru a huka.
Currently Selected:
Mateus 5: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
