Markus 11
11
ONTOPORUA 11.
Jesus ta ambererua mu Jerusalem.
1Sho ja ciki pu Jerusalem, popepi na Betania na Betfage, pondundu heemono, okua tumu jaari jo maarongua je.
2Nde ta ti ku jo: Indeni komukunda, ngu gu ri komesho geni, naanzija nge mua hi mo, otamu ka mona okandongi ka mangua, omuntu ina ronda nanena ku ko; ka mangurureni, ne mu ke ete.
3Omuntu ng’ote mu pura; otamu ningi tshike na ko, popjeni ike: Muene okue ka pumbua, naanzija ote ke eca.
4Jo otaa hi, nde taa mono okandongi ka mangua potsheero pondje, peharara, nde taa ka mangurura.
5Jamue po, mba ja cikama po, oja ti ku jo: Otamu ningi tshee, sho tamu mangurura okandongi?
6Jo taa popi ngashi Jesus e ja rombuere, jo taa ke ja pe.
7Jo taa fara okandongi ku Jesus, taa ka kutire omaruakani gauo, nde he ta rondo ko.
8Ojendji no ja jara eenguuo dauo mondjira, jamue taa tete iitaji iitarara momapja, jo taa ji shana mondjira.
9Na mba ja tetekere na mba ja randura ko, ajeshe otaa higida: Hosiana.
10Na ambererue ngu te ja medina rja Muene, notshirongo tsha tate David natshi ambererue, shi tatshi ja. Hosiana gomombanda.
11H’ote ja ku Jerusalem, nde ta hi montempeli. Sho a tara ajishe miihende jaho, okua hi puamue na mbeja omurongo na jaari ku Betania, oshoka etango orja ri rja ningina.
Omukuju tagu cingua.
12Esiku rja nofu taa zi mo mu Betania, he ta s’ondjara.
13Sho a mono kokure omukuju gu nomafo, okua hi ko a tare, nge ta mono tsha mu go. Ndere sho a ciki, oku uete ike omafo, oshoka karja ri ecimbo rjiihimati.
14H’ota ti ku go: Nandoonando omuntu ta ka rja iihimati mu nguee sigoosigo. Aarongua jo taa tshu uvu.
15Jo taa hi mu Jerusalem. Sho a hi montempeli, okua tida mo montempeli mba taa randa na mba taa randica, nde ta kandura po iitafura ja mba taa tshendje iimariua niipundi ja mba taa randica eenguti.
16He ina ara nand’omuntu a hende a humbata otshijuma montempeli.
17Nde te ja rongo, ta ti: Inatshi tshangua nani, nokutja ondjugo handie nahi rukue ondjugo homagarikano hiiguana ahishe? Ndere ne omue hi ninga okuena kuaafuci?
18Aapristeri aakuruntu naanongo jomambo, sho je tshu uvu, oja kongo ja vure okumudipaga, jo je mu tira, oshoka aantu ajeshe oja kuminua unene erongo rje.
19Etango sho rja ningine, okua zi mo momukunda.
20Ngura, sho ja piti po pomukuju, oje gu mono gua kukuta ciru okuza keemudi.
21Petrus okua dimburukua eehapu de, nde ta ti ku he: Muongi, tara omukuju ngu ua cinga, ogua kukuta.
22Jesus h’ota jamukura: Omu nehiteero mu Karunga?
23Tshiri, andi mu rombuere: Keshe ngu ta rombuere ondundu ndjika: ijeruca, ngueje u ihumbire mefuta, he ita rimbirirua nande momuenjo gue, ndere oti iteere, kutja ajishe mbi ta rombuere, otaji ningua uo, otsho tatshi mu ningirua.
24Ano otii mu rombuere: Atshishe shi tamu indire ngaa megarikano, tshi iteereni nokutja otamu ke tshi peua, sho otatshi mu ningirua.
25Nge mua cikama okugarikana, tango diminacaneni po eendjo, nge mua ningacana nomuntu, opo uo Sho, ngu e ri meguru, e mu dimine po eendjo deni.
26Ndere ng’itamu diminacana po, na Sho, ngu e ri meguru, ite mu dimine po eendjo deni.
Aafariseji taa purire Jesus epangero rje.
27Jo je ja itshee ku Jerusalem. Manka te endahenda montempeli, aapristeri aakuruntu naanongo jomambo naakuruntukuruntu oje engene ku he.
28Jo taa ti ku he: Omeenkondo di ini to rongo shika? Ore e ku pa epangero ndika u ronge ngaaka?
29Jesus h’ota jamukura, ta ti ku jo: Na ngaje onda ara ndi mu pure ohapu; nge mua jamukura ngaa, ngaje otii mu rombuere uo, kutja omeenkondo da re tii rongo shino.
31Jo taa kundacana, taa ti: Ng’atu ti okeguru, nena he ta ka tja: Otshike nduno inamu mu iteera?
32Ng’atu ti okaantu, nena otatu tira aantu, oshoka ajeshe oja tire Johannes omuprofeti omunene.
33Ano jo taa jamukura Jesus: Katu tshi tshi. Jesus h’ota jamukura: Na ngaje itii mu rombuere kutja omeenkondo da re te rongo shino.
Currently Selected:
Markus 11: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Markus 11
11
ONTOPORUA 11.
Jesus ta ambererua mu Jerusalem.
1Sho ja ciki pu Jerusalem, popepi na Betania na Betfage, pondundu heemono, okua tumu jaari jo maarongua je.
2Nde ta ti ku jo: Indeni komukunda, ngu gu ri komesho geni, naanzija nge mua hi mo, otamu ka mona okandongi ka mangua, omuntu ina ronda nanena ku ko; ka mangurureni, ne mu ke ete.
3Omuntu ng’ote mu pura; otamu ningi tshike na ko, popjeni ike: Muene okue ka pumbua, naanzija ote ke eca.
4Jo otaa hi, nde taa mono okandongi ka mangua potsheero pondje, peharara, nde taa ka mangurura.
5Jamue po, mba ja cikama po, oja ti ku jo: Otamu ningi tshee, sho tamu mangurura okandongi?
6Jo taa popi ngashi Jesus e ja rombuere, jo taa ke ja pe.
7Jo taa fara okandongi ku Jesus, taa ka kutire omaruakani gauo, nde he ta rondo ko.
8Ojendji no ja jara eenguuo dauo mondjira, jamue taa tete iitaji iitarara momapja, jo taa ji shana mondjira.
9Na mba ja tetekere na mba ja randura ko, ajeshe otaa higida: Hosiana.
10Na ambererue ngu te ja medina rja Muene, notshirongo tsha tate David natshi ambererue, shi tatshi ja. Hosiana gomombanda.
11H’ote ja ku Jerusalem, nde ta hi montempeli. Sho a tara ajishe miihende jaho, okua hi puamue na mbeja omurongo na jaari ku Betania, oshoka etango orja ri rja ningina.
Omukuju tagu cingua.
12Esiku rja nofu taa zi mo mu Betania, he ta s’ondjara.
13Sho a mono kokure omukuju gu nomafo, okua hi ko a tare, nge ta mono tsha mu go. Ndere sho a ciki, oku uete ike omafo, oshoka karja ri ecimbo rjiihimati.
14H’ota ti ku go: Nandoonando omuntu ta ka rja iihimati mu nguee sigoosigo. Aarongua jo taa tshu uvu.
15Jo taa hi mu Jerusalem. Sho a hi montempeli, okua tida mo montempeli mba taa randa na mba taa randica, nde ta kandura po iitafura ja mba taa tshendje iimariua niipundi ja mba taa randica eenguti.
16He ina ara nand’omuntu a hende a humbata otshijuma montempeli.
17Nde te ja rongo, ta ti: Inatshi tshangua nani, nokutja ondjugo handie nahi rukue ondjugo homagarikano hiiguana ahishe? Ndere ne omue hi ninga okuena kuaafuci?
18Aapristeri aakuruntu naanongo jomambo, sho je tshu uvu, oja kongo ja vure okumudipaga, jo je mu tira, oshoka aantu ajeshe oja kuminua unene erongo rje.
19Etango sho rja ningine, okua zi mo momukunda.
20Ngura, sho ja piti po pomukuju, oje gu mono gua kukuta ciru okuza keemudi.
21Petrus okua dimburukua eehapu de, nde ta ti ku he: Muongi, tara omukuju ngu ua cinga, ogua kukuta.
22Jesus h’ota jamukura: Omu nehiteero mu Karunga?
23Tshiri, andi mu rombuere: Keshe ngu ta rombuere ondundu ndjika: ijeruca, ngueje u ihumbire mefuta, he ita rimbirirua nande momuenjo gue, ndere oti iteere, kutja ajishe mbi ta rombuere, otaji ningua uo, otsho tatshi mu ningirua.
24Ano otii mu rombuere: Atshishe shi tamu indire ngaa megarikano, tshi iteereni nokutja otamu ke tshi peua, sho otatshi mu ningirua.
25Nge mua cikama okugarikana, tango diminacaneni po eendjo, nge mua ningacana nomuntu, opo uo Sho, ngu e ri meguru, e mu dimine po eendjo deni.
26Ndere ng’itamu diminacana po, na Sho, ngu e ri meguru, ite mu dimine po eendjo deni.
Aafariseji taa purire Jesus epangero rje.
27Jo je ja itshee ku Jerusalem. Manka te endahenda montempeli, aapristeri aakuruntu naanongo jomambo naakuruntukuruntu oje engene ku he.
28Jo taa ti ku he: Omeenkondo di ini to rongo shika? Ore e ku pa epangero ndika u ronge ngaaka?
29Jesus h’ota jamukura, ta ti ku jo: Na ngaje onda ara ndi mu pure ohapu; nge mua jamukura ngaa, ngaje otii mu rombuere uo, kutja omeenkondo da re tii rongo shino.
31Jo taa kundacana, taa ti: Ng’atu ti okeguru, nena he ta ka tja: Otshike nduno inamu mu iteera?
32Ng’atu ti okaantu, nena otatu tira aantu, oshoka ajeshe oja tire Johannes omuprofeti omunene.
33Ano jo taa jamukura Jesus: Katu tshi tshi. Jesus h’ota jamukura: Na ngaje itii mu rombuere kutja omeenkondo da re te rongo shino.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.