Markus 16
16
ONTOPORUA 16.
Ejumuko nerondo.
1Esiku rjesabata sho rja piti, Maria Magdalena na Maria, hina ha Jakobus, na Salome ja randa iizimba, ja he je mu guajeke.
2Naangura onene hesiku rjotango rjotshiuike jo taa hi kombira, etango rja pita katshona.
3Nde taa kundacana: Ore te tu kandurire po emanja, ri ze po potsheero tshombira?
4Ndere sho ja tara ko, oje uete emanja rja kandurua po, rjo rja ri enene nokuri.
5Sho ja hi mombira, oja mono omumati a kaatumba korurjo, a zara onguuo ontokere, nde taa haruka.
6Ndere nguija te ja popica: Inamu tira! Otamu kongo Jesus omunazareta, h’omuarerua komutshigakano. Okua jumuka, ke mo ue mu, tareni eshara, mpo je mu rangekere mo.
7Indeni, nde tamu ka rombuera aarongua je na Petrus, nokutja h’ote mu tetekerere, ta hi ku Galilea, oko tamu ke mu mona, ngashi e mu rombuerere.
8Jo taa zi mo mombira, taa hi nzija, oshoka uumbanda netiro orje ja kuata. Ndere inaa popja tsha nand’onomuntu, oshoka oja tiririra.
9Nde ngu a jumuka mesiku riotango riotshiuike, he ti ihororere tango Maria Magdalena, ngu a tidirue eembepo eembuineji.
10He ta hi, e ke tshe epururire ajeshe, mba ja ri na he nokuponga nokurira.
11Ndere sho ju uvu, nokutja oku nomuenjo, a monikua ku he, inaa ara okumuiteera.
12Te ja ti ihororere jaari jo mu jo mondjira okuha komukunda morupe ru iri.
13Na mbono taa hi, je tshi rombuere ojakuauo, ndere inaa ji iteera uo.
14Naashugunina ti ihororere mbeja omurongo na gumue, sho ja kaatumba kotshiriro, te ja gandere uukukutu uauo mehiteero no meemuenjo, oshoka inaa hiteera mbeja, mba je mu mona a jumuka.
15Nde ta ti ku jo: Indeni muujuni aushe, mu uvicire aantu ajeshe evangelium.
16Ngu ti iteere, h’a hara okutshatshua, otu upicua. Ndere ngu ini iteera, ota ke ekeruashi.
17Ndere mbono, mba ji iteera, oja randurua kiirongankondo iinene mbi: Otaa ka tida mo eembepo eembuineji medina rjandje, jo taa popi momaraka omape.
18Taa ka jambura po omajoka; nge ja ka nua uuzigo, itau ja nigirika. Otaa ka tenteke aavu omake, nde taa heruka.
19Muene Jesus sho a popja na jo, okua tuumbua meguru, mo ta kaatumba korurjo rua Karunga.
20Jo taa hi, taa huvica apeshe, nde Muene ta rongo puamue na jo, he ta koreke ohapu niironga iinene taji randura ko.
Currently Selected:
Markus 16: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
