Markus 2
2
ONTOPORUA 2.
Otshirema tatshe ende.
1Omasiku gamue sho ga piti po, okui ire itshee mu Kafarnaum.
2Nde sho tshu uvika, nokutja oku ri megumbo, aantu ojendji oje ja mo, nde potsheero opua kar’ike kapu na ue eshara, rje ja guana. He tu uvica.
3Jamue oje engene ko, taj’eta po omuntu ta arukua uungorue, a humbatua kaarumentu jane.
4Jo ja njengua okumueta pu he morua shi pu nongundu onene haantu. Jo otsho ano taa suukura po ondunda mpo e ri, nde sho ja ninga ompito, taa hendjererica okariri, hoka ka rara otshirema.
5Nde Jesus, sho a mono ehiteero rjauo, h’ota rombuere otshirema: Mumuandje, eendjo dohe ode ku diminua po.
6Aanongo jomambo jamue oja kaatumba mpo, jo ta diradira meemutima dauo:
7Ngono ota popi tshike!? Ota tsheke Karunga. Oda ta vuru okudimina po eendjo? ndi tshi, oKarunga ike.
8Jesus h’ota dimburukua shi taa hidiradira, nde ta ti ku jo: Otshike tamu tumbu omadiradira ga tja ngii meemutima deni?
9Otshipu otshiini, okurombuera otshirema: eendjo dohe oue di diminua po, nenge okutja: cikama, nguee to kuca okariri, nde to ende?
10Kutja mu tshiue, Omuna guOmuntu oku neenkondo komband’evi okudimina po eendjo, he ta ti kotshirema:
11Otii ku rombuere: Cikama, tuta okariri kohe, nguee to hi kaandjohe.
12Naanzija h’ota cikama, ta kuca okariri ke, nde ta zi po mpo miipaci jaantu ajeshe. Ajeshe jo ja kumua ko, taa hamberere Karunga, nde taa ti: Hera tua za, inatu mona iinima ja tja ngaaka.
Levi Mateus ti icanua.
13H’otu uka itshee rokefuta, nd’aantu ajeshe taa hi ku he, he te ja rongo.
14Mondjira okua mono Levi, omumua Alfeus, a kaatumba pokatsari kefendero, nde ta ti ku he: Randura ndje. H’ota cikama, nde te mu randura.
15Nopua ningi, sho a kaatumba megumbo rje potshiriro, aafenderi naarunde ojendji taa kaatumba puamue na Jesus naarongua potshiriro, oshoka mba je mu randura, oja ri po ojendji.
16Aafariseji naanongo jomambo oje tshi mono, kutja ota rire puamue naafenderi naarunde; jo taa ti kaarongua: Otshike nduno omuongi gueni ta rire, he ta nuine puamue naafenderi naarunde?
17Jesus te tshu uvu uo, nde ta ti ku jo: Ha kutja mba ja kora ja pumbua omupangi, aaue, aavu ike, oshoka ngaje inandi ja ndi icane aanehuko, aaue, aarunde ike.
Jesus ta pukurura aafariseji.
18Aarongua ja Johannes no jaafariseji oja ri haa hidirike iikurja mesiku ndija. Aantu taa hengene po, taa ti ku he: Otshike aarongua ja Johannes no jaafariseji haa hidirike iikurja, ndere aarongua johe kaa hidirike?
19He Jesus ta jamukura: Aanahango otaa vuru ngiini okuidirika, manka omujareki e ri mokati kauo? Manka je nomujareki pu jo, itaa hidirike.
20Ndere omasiku otage ja, omujareki ota kucua mu jo; omasiku ngano nge ge ja, jo taa ki idirike uo.
21Kakuna ngu to ondjo otshaandeko tsherapi epe konguuo onkuru; nge te tshi ningi, shi otshipe otsho tatshi togonjoka ko konguuo onkuru, nd’ombururu tahi ningi onene hi vure po.
22Otsho tuu kakuna ngu ta zire omavinju omape meempunda eenkuru; nge te tshi ningi, omavinju go taga tsipukica eempunda, nd’omavinju taga tika, eempunda do tadi pogonjoka; omavinju omape naga pungurue ano meempunda eempe.
23Tsha ningua, manka Muene te ende momapja mesabata, aarongua je oja tameke okuteja iirja mokuenda kuauo.
24Aafariseji jo taa ti ku he: Tara, otshike aarongua johe taa ningi shi inatshu uka okuninga mesabata?
25Nde ta ti ku jo: Inamu resha nani, David shi a ninga, sho a hepa mondjara, he muene naaranduri je?
26Sho a hi mondjugo ha Karunga muujuni uomupristeri omukuruntu Abiatar, nde ta ri eemboroto eendjapuki di da pitikua okurja kaapristeri ike, nde te di topora uo na mba ja ri na he.
27Nde ta ti ku jo: Esabata orja ningirua omuntu, ha kutja omuntu a ningirua esabata.
28Ano Omuna guOmuntu ohe muene guesebata.
Currently Selected:
Markus 2: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
