Markus 7
7
ONTOPORUA 7.
Eemukaro zaajuda tadi popiua.
1Aafariseji naanongo jomambo jamue, mba ja zi ku Jerusalem, oji igongere pu Jesus,
2Nde je uete aarongua je jamue taa kuata iikurja neenjara inadi jera, kutja inadi koshua tango, jo taa tshi ganda.
3Oshoka aafariseji naajuda ajeshe kaa rja, ng’inanj’ikosha unene eenjara, nokudiginina ngiino eemukaro eemukuru.
4Tsh’otsho uo kaa rja, nge taa zi kotshirandero, ng’inaa kosha tango orutu. Noku neemukaro odindji di iri, je di peua kaakuru, je di diginine, ngashi tsha tja: okukosha omahoro niitenga neembiga nuuriri.
5Otsho aafariseji naanongo jomambo taa mu pura: Otshike nduno aarongua johe kaa diginina eemukaro eemukuru, nde taa ri iikurja jauo neenjara inadi koshoka?
6Nde he ta jamukura: Notshiri Isaias okua shunganekere eehapu da tsa ne, ooneruado, ngashi kua tshangua: Otshiguana shika otatshi simaneke ndje ouara neemurungu, ndere eemuenjo dauo odi ri kokure na ngaje.
7Taa karere ndje ouara, oshoka otaa rong’ike omarongo neempango daantu.
8Oshoka manka tamu dini otshipango tsha Karunga, otamu diginine eemukaro, di mua cigurura kaantu, ngashi da tja: okukosha omahoro, iitenga nojindji ja fa mbika, tamu ji rongo.
9He ta ti ku jo: Otshipango tsha Karunga otamu tshiua okutsheeca, opo mu diginine eemukaro deni.
10Moses okua tire: Simaneka sho na njoko, na ngu ta njana she nenge hina, na se.
11Ndere ne amu ti: Omuntu, ngu ta rombuere she nenge hina: Korban, nokutja egano rjejapuro orjo ajishe, mbi u nokupeua ku ngaje.
12Nena inamu ara ue, a rongere she na hina.
13Nokutja: otamu dimi po ompango ha Karunga neemukaro, di mua cigurura. Tsh’otsho tamu ningi ojindji ja fa mbika.
14H’oti icana itshee aantu je engene ko, nde ta ti ku jo: Puakeneni amushe, ne mu uvite ko naua!
15Kakuna tsha kombanda homuntu, shi tatshi mu nigirike, nge tatshi hi mu he, aaue, ndere shi tatshi zi mo momuntu, otsho tatshi nigirike omuntu.
16Ngu e nomakutsi gokuuva, nu uve ko.
17Sho a zi po paantu, nde ta hi megumbo, aarongua je je mu pura ejere ndika.
18Nde ta ti ku jo: Na ne kamu nuunongo nani? Kamu uvite ko nani, nokutja ajishe mbi taji zi kondje, nde tahi hi momuntu, itaji vuru okumunigirika?
19Oshoka itaji hi momutima gue, aaue, mepunda tuu, jo taji piti mompito ha tshitua, ndji hahi keke iikurja ajishe.
20He ta ti itshee ku jo: Shi tatshi zi mo momuntu, otsho tatshi nigirike omuntu.
21Oshoka meni, momutima guomuntu tamu zi omadiradiro omiineji, omaagero, uuharu uuineji, omadipagacano.
22Uufuci, oruisho, joshoni, omajekacano, efupa, omatshekero, uuntsa nuuraji.
23Uuineji aushe mbuka ohau zi meni, ouo hau nigirike omuntu.
Jesus Nomukurukadi Omupagani.
24Okuza hoka okua hi motshirongo tsha Tirus na Sidon, nde ta hi megumbo rimue, h’ina ara, aantu je mu uve, ndere okua njengua okukara mofuci.
25Mpoka mpo oku uvika komukurukadi, ngu e nomona omukadona, a kuatua kombepo ombuineji, naanzija ta hi, nde ti ishata keempadi de.
26Omukiintu ngu okua ri omupagani, a varua mu Sirofonitsa. H’ote mu indire a tide mo momona gue ombepo ombuineji.
27Nde he ta ti: Eca uunona u kuta tango, oshoka inatshu uka okukuca omboroto haanona nokuhuumbira eembua.
28H’ota jamukura: Eno, Muene uumbuagona ohau ri uo uupambu u’uunona koshi hotshiriro.
29Nde ta ti ku he: Omoru ohapu ndjika inda, ombepo ombuineji oha za mo momumuohe.
30Sho e ja megumbo rje, okua ada omukadona a rara mokariri, nd’ombepo ombuineji ha tidua mo mu he.
Omuntu a sit’eui nomakutsi.
31H’okua zi ko itshee keemukunda za Tirus, nde ta hi kefuta rja Galilea nokupitira mu Sidon no motshirongo tsheemukunda omurongo.
32Mpoka aantu oje eta ku he omuntu a sit’eui nomakutsi, taa mu indire, e mu tenteke eke rje.
33H’ote mu kuca maantu, ta tura eemunue de momakutsi ge, ta njenge eraka rje nomate.
34Ta rigamenica omesho ge keguru, ta keme, nde ta ti ku he: Efeta, kutja, cituruka.
35Nopo mpo omakutsi ge oga cituruka neraka rje rja manguruka, nde ta popi naua nduno.
36H’ote ja rombuere, kaa tshe epururire nand’omuntu. Ndere nande e ja kumagida nokuganda, jo taa tsho okorora nokuri.
37Jo ja kumua ko unenenene, taa ti: Ajishe okue ji ronga naua; mba ja sit’omakutsi, ote ja ningi ju uve ko, na mba ja sit’omaui, ja popje.
Currently Selected:
Markus 7: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
