Luk 8
8
Sokohi na tisohiŋ ɗe
1Wa in ceem coot, Yeesu kaɗeeɗa ŋ kur ca yakak ca na ca ƴin ca, a woyeeɗa ɓooɓa Yegɗohiŋ Muci, wi kaɗ ŋ Nguuriŋ-Kooh ; a hunee na Apootar ci ndaŋkiyaah na kanak ci (12). 2A nameen hun na ɓi ɓitiɓ ɓi a saɓsohee na jiiniica ambee ɓa, na ɓa a wirɗee ŋ kosaay caŋ ɓa. Findi Mari yi na woyse Mari Makdala yi a saɓsohee na jiini yasna-kanak, 3na Saan ɓiti Kuusa, ƴaara nikee daga meeɗ taambkoh raak-raakaŋ Herod, na Susaan na ɓi wiiriis laayiɗ. Ɓeem ɓeɗ ɓaatɗohee Yeesu na Apootar ciŋ ɗe ŋ in ca ɓa raak.
4Ɓooɓa puloheeɗa ɗisik nu ɗisik, ɓa hayeeɗa ŋ Yeesu. Wa mboolnda laay, a woosa ɓa andiinii : 5« A nikee guuroh, a kaɗta soka. Wi a soke, a saaweeɗa tisohi, in nga hennda ŋ waasi ŋ ɗooƴ yohni, ɓooɓi daksoheeɗa ca, sel ci hayya ñammbaa. 6Raakka ci keen ŋ keheƴ raakiɗ atoh ; wi ca paar, maañɗi ca suyya laam ɗiska iiri'eeɗi. 7Cum keennda ŋ ñaaɓaaɓ ci, ca paarandoosa na ca, ñaaɓaaɓ ca ammba ca. 8Cinooca hennda ŋ kehƴa baahɗa, ca paarra, wa ca yak ca eɗohha ini ree waas teemet ŋ ina soku. » Teemb ndeem, Yeesu woosa ɓa ne : « Ɓo' nu raak nof kerhoha ɗah, a kerhaat. »
9Taalubeeciŋ ɗe meekissa ɗe ini andiineem tokis. 10A loffa ɓa ne : « Ɗu onuuɗ ne ɗu inah in ci ɗasɗukiɗ ciŋ Nguuriŋ-Kooh, waaye ɓinooɓi na woyse in ŋ andiin ne :
“ Ɓa markee baahiɗ, ɓa minuu hot,
ɓa sikɗuke, ɓa minuu inah.#Esayi 6:9 ”
11Ŋ ini kaɗ ŋ andiinii, wa tokis inii : Tisohi weɗ woo kiŋ Kooh. 12Ɓum ɓeɗ ŋ sero waasi, ɓeɗ ɓooɓi na kerhe woo kiŋ Kooh, waaye Seytaani hay a nihisa ŋ keeñ ciŋ ɓa ; a hondoh ɓa kos ne ɓa mucɗu. 13Ɓum ɓeɗ paaroh ŋ ini saawu ŋ kehƴi raak atoh ci ; ɓeɗ ɓooɓi na kerhe Woo ki, te ɓa teyɗuka na keeñ soosiɗ, waaye ɓa na raakeeɗi niir, laam kosi ɓa kos na maañeeɗi, miskiɗ ci hayya ɗah, ɓa faɗ. 14Ɓum ɓeɗ paaroh ŋ ini saawu ŋ ñaaɓaaɓ ci, ɓeɗ ɓooɓi na kerhe Woo ki, ɓa teyɗuka, waaye liiɓsiɗoh ci na raak-raak ci na neɓiɗ ciŋ Adina amb ɓa po ɓa raakuu rim ruundiɗ. 15Ɓinooɓi ɓeɗ paaroh ŋ ini saawu ŋ kehƴi baahiɗi, ɓeɗ ɓi na kerhe Woo ki, ɓa teyɗuka na keeñ moɗiɗ ! Ɓa amba ndengiɗ po ɓa raak rim.
Laampaani
16Ali ɓo' na fuuɗeeɗi laampa, a kuna na kanoh wala a ɗaaka ŋ ooɓ fiƴaang, waaye a na degee wa ŋ degohaaniŋ wa ne ɓo' nu aas ɗah, wa ñiinɗiɗ ɗe. 17Laam, ini ɗemb jen hey hotke, ini ɗasɗu jen hey inhasse noh cong. 18Mbaa sikɗukaat na nof laam ɓoyi raak hey ɓaatse, te ɓoyi raakɗi, ini a liiɓ ne a raakiɗa, hey ɓayse. »
A ɓinde yaay ɓi Yeesu na taambɗoh ciŋ ɗe ?
19Weɗ yaay ɓi Yeesu na taambɗoh ciŋ Yeesu hayoh ɗe marke, waaye ɓa minɗi ree nga ɗe sagu mboolnda. 20A woyuusa ne : « Yaay ɗu na taambɗoh ciŋ ɗa ɓa ɗaa ŋ finhoora te ɓa waaɗiɗ ɗa hot. » 21A loffa ne : « Yaay ɓoo na taambɗoh ciŋ ngo ɓeɗ ɓooɓi na sikɗukee woo kiŋ Kooh te ɓa taambɗee wa. »
Yeesu tufkiɗiɗ puuɗsa
22Wa raakka mbeh, Yeesu aassa ŋ gaal, a yi na taalubeeciŋ ɗe, a woosa ɓa ne : « Ɓoo kaɗaat ŋ ɓaka faahaŋ cookma. » Ɓa kaɗta. 23Wa ɓa joowe, Yeesu neehha. Ɗekka po puuɗis yakak raakka ɓa ŋ cookma, gaala riiffa na masuɓ po wa heeɗa diige. 24Taalubeeciŋ ɗe reɓpa nga ɗe ɓa yuneeɗa ɗe an : « Kilifaani ! Kilifaani, ɓoo ɓii kaan de' ! » Yeesu yunukka, a ngassa puuɗsa na ginaah ca yakiɗ ca, ca yeeɓukka, ɗiska eennda. 25Yeesu woosa taalubeeciŋ ɗe ne : « Wa nde kosi ɗu kos ? » Ɓa feyuusa ; ɓa woyeeɗa ŋ harmban ɓa ne : « Ƴaarii joy nik ɓa, po a woyee na puuɗsi na masmi ca kerhiɗee ɗe ?#Sabuur 65:8; 89:10; 107:23-32 »
Yeesu wirɗiɗ ɓoyi jiini amb
26Ŋ pulohaŋ ɓa Galile, Yeesu na taalubeeciŋ ɗe taalndiɗta, ɓa kaɗeeɗa ŋ cookma po ɓa serra ŋ kur caŋ Geraas ca ; kur ceem yurhiɗkoh na Galile. 27Wa Yeesu yipuk, ƴaar gen kur ka kaɗta coha na ɗe, ca jiini ambee ɗe. A gijeen ɓekuk kulɓa te a nikeeɗi ŋ kahan, a genee ruy-ruy ca. 28A hotta Yeesu, a ƴekka ŋ fikiice a leehkeeɗa ŋ ɗafka, a woosa ne : « Yeesu Kuɓkiŋ Kooh yi ŋ ɗafka ɗafka, fu nar ye nga so ? Mi yii kiim ɗa ne fu tumuu so miskiɗ. »
29Laam raak Yeesu woyiɗ jiiniica na hoolaaɗiika ca hoolaaɗi, ne ca pulaat ŋ ƴaara. Ca meeɗeen ɗe amb waas laayiɗ. Ca ammba ɗe ɗah, ɓa tok yaah ci na kot ciŋ ɗe na ceen, ɓa niiɗee ɗe. Hondohɗi a nguɗ ceen ceem te jiiniica hiir ɗe ne a kaɗ ɗaaya ŋ nduufa.
30Yeesu meekissa ƴaara ne : « Fu teeku na ? » A loffa ne « Ŋ teeku Lesiyong#8:30 lesiyong : ŋ ɓi Rom ɗeɓgaan, weɗ soldaar junni junni.. » Ca jiini gooñ nikee na ɗe, weɗ tah a woosa ineem. 31Jiiniica kiimeeɗa Yeesu ne a kinaat ca tuuƴ ŋ nunga nooɗɗa ca na hee torhiɗohse. 32Raak ŋ serooɓa, ŋ tangoora, gat mbaam-huk yakak nikee ñameeɗa nga. Jiiniica kiimmba Yeesu keeh-keeh ne a on ca ca aas ŋ mbaam ca ; a onnda ca ineem. 33Ca pulla ŋ ƴaara, ca aassa ŋ mbaam ca, gata jen giirukka, hunnda na mbartala, faɗsukka ŋ cookma, mbaam ca lappa nga.
34Wa ɓooɓa niiɗee mbaam ca hot ineem, ɓa nuppa, ɓa kaɗtaa woya ŋ kur-taaha na kur ca ƴin ca. 35Ɓooɓa hayeeɗa marke ini raak. Ɓa reesa, ɓa raakka ƴaara jiiniica puloh nga ɗe ɓoofiɗ ŋ kot ciŋ Yeesu, ɓekkiɗ kulɓa, a hunnda na sagooniŋ ɗe ; ɓa neƴƴohha. 36Ɓooɓa maasohee naandsukka ɓa findi ƴaara saɓsohohu na jiiniica. 37Ɓeɗ ɓa genee Geraas jen kiimmba Yeesu ne a pul ndaam laam ɓa neƴƴoheen lool. Yeesu rappa ŋ gaala ne a coot, 38ƴaara kiimmba ɗe ne : « On ndo ŋ hun na ɗa. » Waaye Yeesu gurdiɗta ɗe, a woosa ɗe ne : 39« Haada kahan ɗu, fu naandsuka ini Kooh tumiɗ ɗa jen. » Ƴaara haadda, a naandsukka ɓi kur ka jen ina Yeesu haɓɗiɗ ɗe.
Yeesu hultiɗiɗ kuɓkiŋ Jayrus ɓitɓi
40Wa a dokuk Galile, Yeesu raak ɓo' laayiɗ sekeeɗa ɗe. 41Ɗekka po ƴaara na woyse Jayrus, ya adgohee sinaagoga hayya nga ɗe. A ƴekka ŋ fikiice a kiimmba ɗe ne a kaɗ kahan ce, 42laam raak kuɓkaŋ ɗe cafƴa heeɗa kaane te a raakee ɗe yino, tel kuɓkeem yii ŋ kiis ndaŋkiyaah na kiis kanak ciŋ ɗe (12).
Wa Yeesu kaɗee nga, mboolnda ɗiifɗoheeɗa ɗe. 43Ŋ ɗooƴ mboolnda, ɓitiɓ nikeen nga, ñif miŋ ɗe meeɗ meeɗ aamuk, a tumiɗ na kosaay keem kiis ndaŋkiyaah na kiis kanak (12), [a tumeen ina a raake jen ŋ paƴoh ca,] te ali ɓo' mineeɗi ɗe wiriɗ. 44A lahha Yeesu finho, a laalla lecmiŋ kulɓaakiŋ ɗe ; ŋ ɗiska ɗiska, ñif maŋ ɗe aamkisɗi. 45Yeesu meeksohha ne : « Ya ɓa laal lo ? » Yaa nu nga ɗah taaskeeɗa. Piyeer woosa ɗe ne : « Moo Kilifaani, ɓooɓi wil ɗa wil te ɓa ɗii ɗiifkoheeɗa ! » Yeesu woosa ɗe ne : 46« Ee ! Waaye raakiɗ doolndi puloh nga so, weɗ tah ŋ inahha ne raakiɗ ɓoyi laal lo. »
47Wa ɓitɓa inah ne a yeguuɗ, a saakɗoheeɗa, a ƴekka ŋ kot ciŋ Yeesu, a naandsukka ŋ fiki ɓooɓa jen, ini tah a laalla Yeesu na findi a wiroh ŋ ɗiska ɗiska. 48Yeesu woosa ɗe ne : « Kosi fu kos wirɗiɗ ɗa, kaɗa moɗoɗ ɓitɓi. »
49Wa Yeesu woyee, ɓo' pulohha kahan Jayrus, a woosa yeem ne : « Wa etohisɗi fu yaaɓɗe Jangɗohohi, kuɓkiŋ ɗa kaaniɗ. » 50Yeesu kerahha nga a woosa Jayrus ne : « Kina neƴƴoh, kosa rek, kuɓkiŋ ɗa hey muce. »
51Wa Yeesu ree kahna, ɗal Piyeer na Saaŋ na Saak na baab ɓi kuɓki na yaay ɓa ɗah, a faɗɗi ali ɓo' ne a aas na ɗe nga. 52Ɓooɓa jen nikee rooyeeɗa kuɓka, Yeesu woosa ɓa ne : « Kanaat rooy, a kaanɗi, a na neehe. » 53Ɓa njembteeɗa ɗe laam ɓa inheen ne a kaaniɗ. 54Yeesu ammba yaahiŋ kuɓka, a woosa ŋ ɗafka ne : « Kuɓu kurka ! » 55A hulitta, a jaarra kuruk. Yeesu woosa ɓa ne ɓa onaat kuɓka a ñam. 56Yaay ɓa na baab ɓa feyuusa waaye Yeesu woosa ɓa ne ɓa kinaata woo ali ɓo'.
Currently Selected:
Luk 8: YM
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
Luk 8
8
Sokohi na tisohiŋ ɗe
1Wa in ceem coot, Yeesu kaɗeeɗa ŋ kur ca yakak ca na ca ƴin ca, a woyeeɗa ɓooɓa Yegɗohiŋ Muci, wi kaɗ ŋ Nguuriŋ-Kooh ; a hunee na Apootar ci ndaŋkiyaah na kanak ci (12). 2A nameen hun na ɓi ɓitiɓ ɓi a saɓsohee na jiiniica ambee ɓa, na ɓa a wirɗee ŋ kosaay caŋ ɓa. Findi Mari yi na woyse Mari Makdala yi a saɓsohee na jiini yasna-kanak, 3na Saan ɓiti Kuusa, ƴaara nikee daga meeɗ taambkoh raak-raakaŋ Herod, na Susaan na ɓi wiiriis laayiɗ. Ɓeem ɓeɗ ɓaatɗohee Yeesu na Apootar ciŋ ɗe ŋ in ca ɓa raak.
4Ɓooɓa puloheeɗa ɗisik nu ɗisik, ɓa hayeeɗa ŋ Yeesu. Wa mboolnda laay, a woosa ɓa andiinii : 5« A nikee guuroh, a kaɗta soka. Wi a soke, a saaweeɗa tisohi, in nga hennda ŋ waasi ŋ ɗooƴ yohni, ɓooɓi daksoheeɗa ca, sel ci hayya ñammbaa. 6Raakka ci keen ŋ keheƴ raakiɗ atoh ; wi ca paar, maañɗi ca suyya laam ɗiska iiri'eeɗi. 7Cum keennda ŋ ñaaɓaaɓ ci, ca paarandoosa na ca, ñaaɓaaɓ ca ammba ca. 8Cinooca hennda ŋ kehƴa baahɗa, ca paarra, wa ca yak ca eɗohha ini ree waas teemet ŋ ina soku. » Teemb ndeem, Yeesu woosa ɓa ne : « Ɓo' nu raak nof kerhoha ɗah, a kerhaat. »
9Taalubeeciŋ ɗe meekissa ɗe ini andiineem tokis. 10A loffa ɓa ne : « Ɗu onuuɗ ne ɗu inah in ci ɗasɗukiɗ ciŋ Nguuriŋ-Kooh, waaye ɓinooɓi na woyse in ŋ andiin ne :
“ Ɓa markee baahiɗ, ɓa minuu hot,
ɓa sikɗuke, ɓa minuu inah.#Esayi 6:9 ”
11Ŋ ini kaɗ ŋ andiinii, wa tokis inii : Tisohi weɗ woo kiŋ Kooh. 12Ɓum ɓeɗ ŋ sero waasi, ɓeɗ ɓooɓi na kerhe woo kiŋ Kooh, waaye Seytaani hay a nihisa ŋ keeñ ciŋ ɓa ; a hondoh ɓa kos ne ɓa mucɗu. 13Ɓum ɓeɗ paaroh ŋ ini saawu ŋ kehƴi raak atoh ci ; ɓeɗ ɓooɓi na kerhe Woo ki, te ɓa teyɗuka na keeñ soosiɗ, waaye ɓa na raakeeɗi niir, laam kosi ɓa kos na maañeeɗi, miskiɗ ci hayya ɗah, ɓa faɗ. 14Ɓum ɓeɗ paaroh ŋ ini saawu ŋ ñaaɓaaɓ ci, ɓeɗ ɓooɓi na kerhe Woo ki, ɓa teyɗuka, waaye liiɓsiɗoh ci na raak-raak ci na neɓiɗ ciŋ Adina amb ɓa po ɓa raakuu rim ruundiɗ. 15Ɓinooɓi ɓeɗ paaroh ŋ ini saawu ŋ kehƴi baahiɗi, ɓeɗ ɓi na kerhe Woo ki, ɓa teyɗuka na keeñ moɗiɗ ! Ɓa amba ndengiɗ po ɓa raak rim.
Laampaani
16Ali ɓo' na fuuɗeeɗi laampa, a kuna na kanoh wala a ɗaaka ŋ ooɓ fiƴaang, waaye a na degee wa ŋ degohaaniŋ wa ne ɓo' nu aas ɗah, wa ñiinɗiɗ ɗe. 17Laam, ini ɗemb jen hey hotke, ini ɗasɗu jen hey inhasse noh cong. 18Mbaa sikɗukaat na nof laam ɓoyi raak hey ɓaatse, te ɓoyi raakɗi, ini a liiɓ ne a raakiɗa, hey ɓayse. »
A ɓinde yaay ɓi Yeesu na taambɗoh ciŋ ɗe ?
19Weɗ yaay ɓi Yeesu na taambɗoh ciŋ Yeesu hayoh ɗe marke, waaye ɓa minɗi ree nga ɗe sagu mboolnda. 20A woyuusa ne : « Yaay ɗu na taambɗoh ciŋ ɗa ɓa ɗaa ŋ finhoora te ɓa waaɗiɗ ɗa hot. » 21A loffa ne : « Yaay ɓoo na taambɗoh ciŋ ngo ɓeɗ ɓooɓi na sikɗukee woo kiŋ Kooh te ɓa taambɗee wa. »
Yeesu tufkiɗiɗ puuɗsa
22Wa raakka mbeh, Yeesu aassa ŋ gaal, a yi na taalubeeciŋ ɗe, a woosa ɓa ne : « Ɓoo kaɗaat ŋ ɓaka faahaŋ cookma. » Ɓa kaɗta. 23Wa ɓa joowe, Yeesu neehha. Ɗekka po puuɗis yakak raakka ɓa ŋ cookma, gaala riiffa na masuɓ po wa heeɗa diige. 24Taalubeeciŋ ɗe reɓpa nga ɗe ɓa yuneeɗa ɗe an : « Kilifaani ! Kilifaani, ɓoo ɓii kaan de' ! » Yeesu yunukka, a ngassa puuɗsa na ginaah ca yakiɗ ca, ca yeeɓukka, ɗiska eennda. 25Yeesu woosa taalubeeciŋ ɗe ne : « Wa nde kosi ɗu kos ? » Ɓa feyuusa ; ɓa woyeeɗa ŋ harmban ɓa ne : « Ƴaarii joy nik ɓa, po a woyee na puuɗsi na masmi ca kerhiɗee ɗe ?#Sabuur 65:8; 89:10; 107:23-32 »
Yeesu wirɗiɗ ɓoyi jiini amb
26Ŋ pulohaŋ ɓa Galile, Yeesu na taalubeeciŋ ɗe taalndiɗta, ɓa kaɗeeɗa ŋ cookma po ɓa serra ŋ kur caŋ Geraas ca ; kur ceem yurhiɗkoh na Galile. 27Wa Yeesu yipuk, ƴaar gen kur ka kaɗta coha na ɗe, ca jiini ambee ɗe. A gijeen ɓekuk kulɓa te a nikeeɗi ŋ kahan, a genee ruy-ruy ca. 28A hotta Yeesu, a ƴekka ŋ fikiice a leehkeeɗa ŋ ɗafka, a woosa ne : « Yeesu Kuɓkiŋ Kooh yi ŋ ɗafka ɗafka, fu nar ye nga so ? Mi yii kiim ɗa ne fu tumuu so miskiɗ. »
29Laam raak Yeesu woyiɗ jiiniica na hoolaaɗiika ca hoolaaɗi, ne ca pulaat ŋ ƴaara. Ca meeɗeen ɗe amb waas laayiɗ. Ca ammba ɗe ɗah, ɓa tok yaah ci na kot ciŋ ɗe na ceen, ɓa niiɗee ɗe. Hondohɗi a nguɗ ceen ceem te jiiniica hiir ɗe ne a kaɗ ɗaaya ŋ nduufa.
30Yeesu meekissa ƴaara ne : « Fu teeku na ? » A loffa ne « Ŋ teeku Lesiyong#8:30 lesiyong : ŋ ɓi Rom ɗeɓgaan, weɗ soldaar junni junni.. » Ca jiini gooñ nikee na ɗe, weɗ tah a woosa ineem. 31Jiiniica kiimeeɗa Yeesu ne a kinaat ca tuuƴ ŋ nunga nooɗɗa ca na hee torhiɗohse. 32Raak ŋ serooɓa, ŋ tangoora, gat mbaam-huk yakak nikee ñameeɗa nga. Jiiniica kiimmba Yeesu keeh-keeh ne a on ca ca aas ŋ mbaam ca ; a onnda ca ineem. 33Ca pulla ŋ ƴaara, ca aassa ŋ mbaam ca, gata jen giirukka, hunnda na mbartala, faɗsukka ŋ cookma, mbaam ca lappa nga.
34Wa ɓooɓa niiɗee mbaam ca hot ineem, ɓa nuppa, ɓa kaɗtaa woya ŋ kur-taaha na kur ca ƴin ca. 35Ɓooɓa hayeeɗa marke ini raak. Ɓa reesa, ɓa raakka ƴaara jiiniica puloh nga ɗe ɓoofiɗ ŋ kot ciŋ Yeesu, ɓekkiɗ kulɓa, a hunnda na sagooniŋ ɗe ; ɓa neƴƴohha. 36Ɓooɓa maasohee naandsukka ɓa findi ƴaara saɓsohohu na jiiniica. 37Ɓeɗ ɓa genee Geraas jen kiimmba Yeesu ne a pul ndaam laam ɓa neƴƴoheen lool. Yeesu rappa ŋ gaala ne a coot, 38ƴaara kiimmba ɗe ne : « On ndo ŋ hun na ɗa. » Waaye Yeesu gurdiɗta ɗe, a woosa ɗe ne : 39« Haada kahan ɗu, fu naandsuka ini Kooh tumiɗ ɗa jen. » Ƴaara haadda, a naandsukka ɓi kur ka jen ina Yeesu haɓɗiɗ ɗe.
Yeesu hultiɗiɗ kuɓkiŋ Jayrus ɓitɓi
40Wa a dokuk Galile, Yeesu raak ɓo' laayiɗ sekeeɗa ɗe. 41Ɗekka po ƴaara na woyse Jayrus, ya adgohee sinaagoga hayya nga ɗe. A ƴekka ŋ fikiice a kiimmba ɗe ne a kaɗ kahan ce, 42laam raak kuɓkaŋ ɗe cafƴa heeɗa kaane te a raakee ɗe yino, tel kuɓkeem yii ŋ kiis ndaŋkiyaah na kiis kanak ciŋ ɗe (12).
Wa Yeesu kaɗee nga, mboolnda ɗiifɗoheeɗa ɗe. 43Ŋ ɗooƴ mboolnda, ɓitiɓ nikeen nga, ñif miŋ ɗe meeɗ meeɗ aamuk, a tumiɗ na kosaay keem kiis ndaŋkiyaah na kiis kanak (12), [a tumeen ina a raake jen ŋ paƴoh ca,] te ali ɓo' mineeɗi ɗe wiriɗ. 44A lahha Yeesu finho, a laalla lecmiŋ kulɓaakiŋ ɗe ; ŋ ɗiska ɗiska, ñif maŋ ɗe aamkisɗi. 45Yeesu meeksohha ne : « Ya ɓa laal lo ? » Yaa nu nga ɗah taaskeeɗa. Piyeer woosa ɗe ne : « Moo Kilifaani, ɓooɓi wil ɗa wil te ɓa ɗii ɗiifkoheeɗa ! » Yeesu woosa ɗe ne : 46« Ee ! Waaye raakiɗ doolndi puloh nga so, weɗ tah ŋ inahha ne raakiɗ ɓoyi laal lo. »
47Wa ɓitɓa inah ne a yeguuɗ, a saakɗoheeɗa, a ƴekka ŋ kot ciŋ Yeesu, a naandsukka ŋ fiki ɓooɓa jen, ini tah a laalla Yeesu na findi a wiroh ŋ ɗiska ɗiska. 48Yeesu woosa ɗe ne : « Kosi fu kos wirɗiɗ ɗa, kaɗa moɗoɗ ɓitɓi. »
49Wa Yeesu woyee, ɓo' pulohha kahan Jayrus, a woosa yeem ne : « Wa etohisɗi fu yaaɓɗe Jangɗohohi, kuɓkiŋ ɗa kaaniɗ. » 50Yeesu kerahha nga a woosa Jayrus ne : « Kina neƴƴoh, kosa rek, kuɓkiŋ ɗa hey muce. »
51Wa Yeesu ree kahna, ɗal Piyeer na Saaŋ na Saak na baab ɓi kuɓki na yaay ɓa ɗah, a faɗɗi ali ɓo' ne a aas na ɗe nga. 52Ɓooɓa jen nikee rooyeeɗa kuɓka, Yeesu woosa ɓa ne : « Kanaat rooy, a kaanɗi, a na neehe. » 53Ɓa njembteeɗa ɗe laam ɓa inheen ne a kaaniɗ. 54Yeesu ammba yaahiŋ kuɓka, a woosa ŋ ɗafka ne : « Kuɓu kurka ! » 55A hulitta, a jaarra kuruk. Yeesu woosa ɓa ne ɓa onaat kuɓka a ñam. 56Yaay ɓa na baab ɓa feyuusa waaye Yeesu woosa ɓa ne ɓa kinaata woo ali ɓo'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc