Luk 9
9
Yeesu tuuƴiɗ Apootar ci
1Wa raakka mbeh, Yeesu cohɗohha Apootar ci ndaŋkiyaah na kanak ci (12), a onnda ɓa hatil na min-min aañoha jiini nu nik na wirɗoha kosaay ci. 2Ƴutta a tuuƴca ɓa ne ɓa yegɗoha Nguuriŋ-Kooh te ɓa wiriɗ kosaayiɗ ci. 3A woosa ɓa ne : « Ɗu kaɗee ɗah, kinaat ɓayndoh ali in, findi ndooɗ, saak, kañam wala kopor, te kinaat ɓay kulɓa kanak. 4Ɗu aas kahan, ɓa teyɗuk ɗu ɗah, nikaat nga po mbaɗna ɗu cootan. 5Waaye ɗu kaɗ kur, ɗu teyɗukuuɗi nga ɗah, paangaat kot ciŋ ɗu, ɗu pul, ɓa inah ne ɓa heya markiɗe na Kooh. » 6Ɓa kaɗta, ɓa aaseeɗa ŋ kur na kur ; ɗisik nu ɗisik, ɓa woyeeɗa Yegɗohiŋ Muci, ɓa wirɗeeɗa kosaayiɗ ca.
7Herod, ya adgohee Galile, wa a kerah in ca raakee jen, a feyuusa, laam raakiɗ ɓi woyee ne : « A Yahya Ɓoktohi a yi hultiɗu. » 8Ɓum woyeeɗa ne : « A woosuuɗi Ilyas a yi hayis. » Ɓinooɓi woyeeɗa ne : « A woosuuɗ ŋ woosuuɗ ca ɗeɓgaan a yi na pesisse. » 9Waaye Herod woosa ne : « Yahya Ɓoktohi, ñam nguɗɗuk hafiŋ ɗe ; kon ƴaari mi na kerhe na haɓɗe in cii, a joy nik ɓa ? » A waakeeɗa ɗiski a hotohan Yeesu.
Ɓaataŋ mbuuruuca
10Wa Apootar ca puloh ɗisik ca ɓa tuuƴse, ɓa naandsukka Yeesu in ca ɓa haɓiɗ jen. Ƴutta, a ɓayya ɓa ŋ kur ka na woyse Betsayda, a ɗaayya na ɓa nga. 11Waaye ɓooɓa yegga ineem, ɓa raakka ɗe nga. Yeesu teyɗukka ɓa, a woyeeɗa na ɓa ŋ ini kaɗ ŋ Nguuriŋ-Kooh, a wiriɗta kosaayiɗ ca.
12Wa noha na niine, Apootar ci reɓpa ŋ Yeesu, ɓa woosa ɗe ne : « Ndii bilaf. Woya ɓooɓii ɓa kaɗ ŋ kur ci reɓ ndii, ɓa waaka ɗiski ɓa nikan na ini ɓa ñaman. » 13Waaye a loffa ɓa ne : « Ɗu, eɗaat ɓa ini ɓaa hee ñame. » Ɓa woosa ɗe ne : « Ɓoo raak mbuuru yatuus na cuurund kanak dong ndii, te ɓoo minɗi ɓa kaɗ romɗa kañam jen ! » 14Ƴaar ca ŋ ɗiska ɗaleen ree junni-yatuus (5000) wala ini uupa. A woosa taalubeeciŋ ɗe ne : « Woyaat ɓa, ɓa ɓoof ndaŋkiyaah-yatuus ndaŋkiyaah-yatuus (50-50). » 15Ɓa haɓiɗta ini a woo, ɓa ɓoofiɗta ɓooɓa jen. 16A ɓayya mbuuru ca yatuus ca na cuurund ca kanak ca, a taaknukka ŋ Eel ci, a gidimmba Kooh, a nguɗsohha ca, a eɗta taalubeeciŋ ɗe ne ɓa paysoh mboolnda ca. 17Ɓooɓa jen ñammba po ɓa kappa. Ɓa tummba tasɗohiica ŋ pañe ndaŋkiyaah na kanak (12).
Yeesu a yi ɓa ?
18Wa raakka mbeh, Yeesu ɗaayya, a kiimeeɗa Kooh ; taalubeeciŋ ɗe nikee na ɗe, a meekissa ɓa ne : « Ɓooɓi na woye ne ñam ɓa ? » 19Ɓa loffa ɗe ne : « Ɓum na woye ne a fu Yahya Ɓoktohi, ɓinooɓi woyee ne a fu Ilyas, raakka ɓi na woye ne fu woosuuɗ wiiriis, ɓaah ŋ ɓa maañiɗ ca, fu hulit hulit. » 20Yeesu woosa ɓa ne : « Moo ɗu nak ? Ɗu na woye ne a mi ɓa ? » Piyeer loffa ɗe ne : « Ya fu Mucɗohi Kooh gapohe. »
21Yeesu dennga ɓa baahiɗ ne ɓa kinaata woo ali ɓo'. 22A woosa ɓa ne : « Kuɓkiŋ ɓoyi joyiɗ yaaɓ keeh-keeh ŋ yaah ciŋ yakak ci na kilifaaciŋ seeƴkiɗoh ciŋ waasiŋ Musaa na jangɗohoh ciŋ wa, ɓa hey ɗe sange, a apu te a hultiɗu ŋ neeha kaahayɗoh. »
23A woyissa ɓa ne : « Ɓo' nu waaɗ hun na so ɗah, a joyɗi liiɓ haf ce te Kooh-nu-wiis ɗah, a deguk kurwaani aa hee daaƴohse, a ñaakiɗ to. 24Laam ɓo' nu waaɗ muciɗ kipes kiŋ ɗe ɗah, a heya ñake, waaye ɓo' nu eɗoh kipes kiŋ ɗe saguuso ɗah, a hey wa mucɗe. 25Ɓo' raak adinaani jen na in ci nik nga, a han ñak kipes kiŋ ɗe wala a yah haf ce ɗah, wa raakiɗ ɗe winde etoh ?
26Ɓo' nu supuk hun na so na woo ciŋ ngo ɗah, Kuɓkiŋ ɓoyi hey ɗe supke inah ne a hayee ŋ kiyak kiŋ ɗe, na wiŋ Baabi na wiŋ malaakaaci hooliɗ ci ɗah. 27Ñam na woyee ɗu inii, te wa keeh, ɓi ɓo' ɓii ŋ ndii, ɓa kaananɗi muk te ɓa hotɗi Nguuriŋ-Kooh. »
Apootar ca kaahay ca hotiɗ Yeesu na ndami nik nga ɗe.
28Wa degga ini ɗal ree neeh yasna-kaahay ŋ finho woo ceem, Yeesu hunnda na Piyeer na Saaŋ na Saak ; a rappa ŋ tango ne a kiim Kooh. 29Wa a na kiime, fikiiriŋ ɗe ɓoƴsukohha, kulɓaaciŋ ɗe nikka yaanow tar po ca melciɗeeɗa. 30Ɗekka po ɓo' kanak woyeeɗa na ɗe, ɓa nikee woosuuɗ, Musaa na Ilyas. 31Ɓa siñaarɗeeɗa siñaariɗ, ɓa woyeeɗa na Yeesu ŋ kurkohiŋ ɗe ŋ Adina wi ɗiindohan ini ɓay ɗe, te wa joyya raakoh Yerusalem.
32Piyeer na huntoh ciŋ ɗe nikee neeheeɗa neeh nooɗiɗ. Ɓa yunukka, ɓa hotta siñaariŋ ndamiŋ Yeesu na ɓooɓa kanak ca jombee na ɗe. 33Wa ƴaaɓa kanak ca na coote, Piyeer woosa Yeesu ne : « Kilifaani, wa baahiɗ ne ɓoo nik ndii, ɓoo haɓiɗ ɗiip kaahay, winoori nik wiŋ ɗa, winni nik wiŋ Musaa, wi tas nik wiŋ Ilyas. » Waaye a inheeɗi ini a woye.
34Wa a na woye, eel saanginnda ɓa, taalubeeci neƴƴohha wa eela muur ɓa. 35Ŋ ɗooƴ eela raakka hoosoora woo ne : « Yii, a yi kuɓkiŋ ngo ŋ tan, sikɗukaat a yi. » 36Wa hoosoora kerhuk, ɓa hotta Yeesu kiik ce njong. Ŋ neeh caam, ɓa naandsukɗi ali ɓo' ini ɓa hot, ɓa ɗekkaa teɗ.
Yeesu wirɗiɗ njaanja jiini ambe
37Wa Kooh wiis, ɓa ruhussa tangoora weɗ mboolo yakak hayoh cohe na Yeesu. 38Wa raakeen ƴaar nga a woyeeɗa ŋ ɗafka an : « Jangɗohohi mi yii kiim ɗa, markiɗ to kuɓkiŋ ngo, a yi dong ŋ raak ; 39na ɗekee ɗek po jiini amb ɗe, a leehke, a walañke, nguɓiŋ ɗe soñe ; a na faɗseeɗi ɗe te a pooksohɗi faaniŋ ɗe. 40Ŋ nakiɗ taalubeeciŋ ɗa ne ɓa saɓsoh ɗe na ɗe, waaye ɓa minɗaa. » 41Yeesu woosa ne : « Ɗu ɓi ɓooɓi woti-woti e ɗu kosaaɗi, ɗu yahukka, ŋ nikan nik na ɗu ŋ muñɗee ɗu po kiɗa ? » A woosa ƴaara ne : « Ɓaya kuɓkiŋ ɗa ndii. » 42Wa kuɓka na reɓe, jiinnda folla ɗe, a walañkeeɗa. Yeesu ngassa jiinnda, a wiriɗta kuɓka, a wikka ɗe baabiŋ ɗe. 43Ɓooɓa jen feyuusa ŋ yakkiŋ Kooh.
Ɓo' nu nga feyuusa ŋ in ca Yeesu haɓɗe jen. Weɗi a woyoh taalubeeciŋ ɗe ne : 44« Sikɗukaat baahiɗ ini maa hee ɗu woye : Kuɓkiŋ ɓoyi hey degse ŋ yaah ciŋ ɓooɓi. » 45Waaye taalubeeciŋ ɗe inheeɗi ini woo keem tokis, ɓa ɗasɗohseen ini wa waaɗ woo, te ɓa kaañeeɗi ɗe wa meekis.
Ya ɓa uup yak ?
46Taasoh raakka ŋ harmban taalubeeciŋ Yeesu, raak ɓa markee yi uup nik kilifa nga ɓa. 47Yeesu inahha ini nik ŋ keeñ ciŋ ɓa, a ɓayya komaaki ƴin a tufkiɗta ɗe ŋ serooce, 48a woosa ɓa ne : « Ɓo' nu teyɗuk njaanjii saguuso ɗah, a teyɗuk ko ; te ɓo' nu teyɗuk ko ɗah, fu teyɗuk Kooh yi woos so ; laam, ɓoyi uup ƴissuut nga ɗu jen, a yi uup yak. »
49Saaŋ woosa ɗe ne : « Kilifaani, ɓoo hotiɗ ɓo' aañeeɗa jiiniici ŋ tiikiŋ ɗa, te a ɓaahɗi nga ɓoo, tahha po ɓoo woosa ɗe ne a kinaata tumis. » 50Yeesu woosa ɗe ne : « Kinaat ɗe wa sangoh, ɓo' nu sangɗi ɗu ɗah, a hun na ɗu. »
Ɓi Samari
51Jamanoona Yeesu joy rapɗohu Eel ci reɓeeɗa, heliŋ ɗe jen nikka ngaŋ kaɗ Yerusalem. 52A woossa ɓi ɓo' ne ɓa adug ɗe ŋ kur ngaŋ caŋ ɓi Samari#9:52 Samari : ɓi Samari na Yawuut ca kerhiɗoheeɗi ; ɓa heeftiɗohee heeftiɗoh, ɓa sangtiɗohha., ne ɓa waakiɗ ɗe dal nga, 53waaye ɓi kur ka sannga sagu ina Yeesu ɓay waasa kaɗ Yerusalem#9:53 Ɓi Samari teyɗukeeɗi ne Yerusalem, weɗ ɗiski joy seeƴkohu.. 54Taalubeeciŋ ɗe Saak na Saaŋ hotta ŋ ineem ɓa woosa ɗe ne : « Kilifaani, fu waaɗiɗ ne ɓoo nak yongkaah, wa puloh eel ci wa ɗumbiɗ ɓa e ? » 55Yeesu yurhiɗkohha na ɓa, a ngassa ɓa. 56A na huntoh ciŋ ɗe kaɗta kur wiiriis.
Findi taalube joy mand
57Wa ɓa kaɗee, raakka ƴaara woo Yeesu ŋ waasa ne : « Kilifaani, ɗisik nu fu kaɗ ɗah, ŋ hey ɗa ñaakɗe. » 58Yeesu woosa ɗe ne : « Ɓaakoɓ ci raakiɗ nung, sel ci raakiɗ taar, waaye Kuɓkiŋ ɓoyi raakɗi sah ɗiski a na hee iɗsiɗkohe. » 59Yeesu woosa ƴaar wiiriis ne : « Ñaakiɗ to. » Waaye ƴaara loffa ɗe ne : « Kilifaani, on ndo paaɗ, ŋ taambkoh yaɓkooriŋ ngo po a kaan, ŋ uumb ɗe. » 60Yeesu woosa ɗe ne : « Faɗa kaaniɗ ci ɓa uumb kaaniɗ ciŋ ɓa te fu kaɗ yegɗoha Nguuriŋ-Kooh. » 61Raakka ƴaara nam ɗe woo ne : « Kilifaani ŋ hey ɗa ñaakɗe, waaye on ndo ŋ kaɗ aska ɓi kahan ndo paaɗ. » 62Yeesu loffa ɗe ne : « Nguuriŋ-Kooh etohɗi ɓoyi na guure heelke. »
Currently Selected:
Luk 9: YM
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
Luk 9
9
Yeesu tuuƴiɗ Apootar ci
1Wa raakka mbeh, Yeesu cohɗohha Apootar ci ndaŋkiyaah na kanak ci (12), a onnda ɓa hatil na min-min aañoha jiini nu nik na wirɗoha kosaay ci. 2Ƴutta a tuuƴca ɓa ne ɓa yegɗoha Nguuriŋ-Kooh te ɓa wiriɗ kosaayiɗ ci. 3A woosa ɓa ne : « Ɗu kaɗee ɗah, kinaat ɓayndoh ali in, findi ndooɗ, saak, kañam wala kopor, te kinaat ɓay kulɓa kanak. 4Ɗu aas kahan, ɓa teyɗuk ɗu ɗah, nikaat nga po mbaɗna ɗu cootan. 5Waaye ɗu kaɗ kur, ɗu teyɗukuuɗi nga ɗah, paangaat kot ciŋ ɗu, ɗu pul, ɓa inah ne ɓa heya markiɗe na Kooh. » 6Ɓa kaɗta, ɓa aaseeɗa ŋ kur na kur ; ɗisik nu ɗisik, ɓa woyeeɗa Yegɗohiŋ Muci, ɓa wirɗeeɗa kosaayiɗ ca.
7Herod, ya adgohee Galile, wa a kerah in ca raakee jen, a feyuusa, laam raakiɗ ɓi woyee ne : « A Yahya Ɓoktohi a yi hultiɗu. » 8Ɓum woyeeɗa ne : « A woosuuɗi Ilyas a yi hayis. » Ɓinooɓi woyeeɗa ne : « A woosuuɗ ŋ woosuuɗ ca ɗeɓgaan a yi na pesisse. » 9Waaye Herod woosa ne : « Yahya Ɓoktohi, ñam nguɗɗuk hafiŋ ɗe ; kon ƴaari mi na kerhe na haɓɗe in cii, a joy nik ɓa ? » A waakeeɗa ɗiski a hotohan Yeesu.
Ɓaataŋ mbuuruuca
10Wa Apootar ca puloh ɗisik ca ɓa tuuƴse, ɓa naandsukka Yeesu in ca ɓa haɓiɗ jen. Ƴutta, a ɓayya ɓa ŋ kur ka na woyse Betsayda, a ɗaayya na ɓa nga. 11Waaye ɓooɓa yegga ineem, ɓa raakka ɗe nga. Yeesu teyɗukka ɓa, a woyeeɗa na ɓa ŋ ini kaɗ ŋ Nguuriŋ-Kooh, a wiriɗta kosaayiɗ ca.
12Wa noha na niine, Apootar ci reɓpa ŋ Yeesu, ɓa woosa ɗe ne : « Ndii bilaf. Woya ɓooɓii ɓa kaɗ ŋ kur ci reɓ ndii, ɓa waaka ɗiski ɓa nikan na ini ɓa ñaman. » 13Waaye a loffa ɓa ne : « Ɗu, eɗaat ɓa ini ɓaa hee ñame. » Ɓa woosa ɗe ne : « Ɓoo raak mbuuru yatuus na cuurund kanak dong ndii, te ɓoo minɗi ɓa kaɗ romɗa kañam jen ! » 14Ƴaar ca ŋ ɗiska ɗaleen ree junni-yatuus (5000) wala ini uupa. A woosa taalubeeciŋ ɗe ne : « Woyaat ɓa, ɓa ɓoof ndaŋkiyaah-yatuus ndaŋkiyaah-yatuus (50-50). » 15Ɓa haɓiɗta ini a woo, ɓa ɓoofiɗta ɓooɓa jen. 16A ɓayya mbuuru ca yatuus ca na cuurund ca kanak ca, a taaknukka ŋ Eel ci, a gidimmba Kooh, a nguɗsohha ca, a eɗta taalubeeciŋ ɗe ne ɓa paysoh mboolnda ca. 17Ɓooɓa jen ñammba po ɓa kappa. Ɓa tummba tasɗohiica ŋ pañe ndaŋkiyaah na kanak (12).
Yeesu a yi ɓa ?
18Wa raakka mbeh, Yeesu ɗaayya, a kiimeeɗa Kooh ; taalubeeciŋ ɗe nikee na ɗe, a meekissa ɓa ne : « Ɓooɓi na woye ne ñam ɓa ? » 19Ɓa loffa ɗe ne : « Ɓum na woye ne a fu Yahya Ɓoktohi, ɓinooɓi woyee ne a fu Ilyas, raakka ɓi na woye ne fu woosuuɗ wiiriis, ɓaah ŋ ɓa maañiɗ ca, fu hulit hulit. » 20Yeesu woosa ɓa ne : « Moo ɗu nak ? Ɗu na woye ne a mi ɓa ? » Piyeer loffa ɗe ne : « Ya fu Mucɗohi Kooh gapohe. »
21Yeesu dennga ɓa baahiɗ ne ɓa kinaata woo ali ɓo'. 22A woosa ɓa ne : « Kuɓkiŋ ɓoyi joyiɗ yaaɓ keeh-keeh ŋ yaah ciŋ yakak ci na kilifaaciŋ seeƴkiɗoh ciŋ waasiŋ Musaa na jangɗohoh ciŋ wa, ɓa hey ɗe sange, a apu te a hultiɗu ŋ neeha kaahayɗoh. »
23A woyissa ɓa ne : « Ɓo' nu waaɗ hun na so ɗah, a joyɗi liiɓ haf ce te Kooh-nu-wiis ɗah, a deguk kurwaani aa hee daaƴohse, a ñaakiɗ to. 24Laam ɓo' nu waaɗ muciɗ kipes kiŋ ɗe ɗah, a heya ñake, waaye ɓo' nu eɗoh kipes kiŋ ɗe saguuso ɗah, a hey wa mucɗe. 25Ɓo' raak adinaani jen na in ci nik nga, a han ñak kipes kiŋ ɗe wala a yah haf ce ɗah, wa raakiɗ ɗe winde etoh ?
26Ɓo' nu supuk hun na so na woo ciŋ ngo ɗah, Kuɓkiŋ ɓoyi hey ɗe supke inah ne a hayee ŋ kiyak kiŋ ɗe, na wiŋ Baabi na wiŋ malaakaaci hooliɗ ci ɗah. 27Ñam na woyee ɗu inii, te wa keeh, ɓi ɓo' ɓii ŋ ndii, ɓa kaananɗi muk te ɓa hotɗi Nguuriŋ-Kooh. »
Apootar ca kaahay ca hotiɗ Yeesu na ndami nik nga ɗe.
28Wa degga ini ɗal ree neeh yasna-kaahay ŋ finho woo ceem, Yeesu hunnda na Piyeer na Saaŋ na Saak ; a rappa ŋ tango ne a kiim Kooh. 29Wa a na kiime, fikiiriŋ ɗe ɓoƴsukohha, kulɓaaciŋ ɗe nikka yaanow tar po ca melciɗeeɗa. 30Ɗekka po ɓo' kanak woyeeɗa na ɗe, ɓa nikee woosuuɗ, Musaa na Ilyas. 31Ɓa siñaarɗeeɗa siñaariɗ, ɓa woyeeɗa na Yeesu ŋ kurkohiŋ ɗe ŋ Adina wi ɗiindohan ini ɓay ɗe, te wa joyya raakoh Yerusalem.
32Piyeer na huntoh ciŋ ɗe nikee neeheeɗa neeh nooɗiɗ. Ɓa yunukka, ɓa hotta siñaariŋ ndamiŋ Yeesu na ɓooɓa kanak ca jombee na ɗe. 33Wa ƴaaɓa kanak ca na coote, Piyeer woosa Yeesu ne : « Kilifaani, wa baahiɗ ne ɓoo nik ndii, ɓoo haɓiɗ ɗiip kaahay, winoori nik wiŋ ɗa, winni nik wiŋ Musaa, wi tas nik wiŋ Ilyas. » Waaye a inheeɗi ini a woye.
34Wa a na woye, eel saanginnda ɓa, taalubeeci neƴƴohha wa eela muur ɓa. 35Ŋ ɗooƴ eela raakka hoosoora woo ne : « Yii, a yi kuɓkiŋ ngo ŋ tan, sikɗukaat a yi. » 36Wa hoosoora kerhuk, ɓa hotta Yeesu kiik ce njong. Ŋ neeh caam, ɓa naandsukɗi ali ɓo' ini ɓa hot, ɓa ɗekkaa teɗ.
Yeesu wirɗiɗ njaanja jiini ambe
37Wa Kooh wiis, ɓa ruhussa tangoora weɗ mboolo yakak hayoh cohe na Yeesu. 38Wa raakeen ƴaar nga a woyeeɗa ŋ ɗafka an : « Jangɗohohi mi yii kiim ɗa, markiɗ to kuɓkiŋ ngo, a yi dong ŋ raak ; 39na ɗekee ɗek po jiini amb ɗe, a leehke, a walañke, nguɓiŋ ɗe soñe ; a na faɗseeɗi ɗe te a pooksohɗi faaniŋ ɗe. 40Ŋ nakiɗ taalubeeciŋ ɗa ne ɓa saɓsoh ɗe na ɗe, waaye ɓa minɗaa. » 41Yeesu woosa ne : « Ɗu ɓi ɓooɓi woti-woti e ɗu kosaaɗi, ɗu yahukka, ŋ nikan nik na ɗu ŋ muñɗee ɗu po kiɗa ? » A woosa ƴaara ne : « Ɓaya kuɓkiŋ ɗa ndii. » 42Wa kuɓka na reɓe, jiinnda folla ɗe, a walañkeeɗa. Yeesu ngassa jiinnda, a wiriɗta kuɓka, a wikka ɗe baabiŋ ɗe. 43Ɓooɓa jen feyuusa ŋ yakkiŋ Kooh.
Ɓo' nu nga feyuusa ŋ in ca Yeesu haɓɗe jen. Weɗi a woyoh taalubeeciŋ ɗe ne : 44« Sikɗukaat baahiɗ ini maa hee ɗu woye : Kuɓkiŋ ɓoyi hey degse ŋ yaah ciŋ ɓooɓi. » 45Waaye taalubeeciŋ ɗe inheeɗi ini woo keem tokis, ɓa ɗasɗohseen ini wa waaɗ woo, te ɓa kaañeeɗi ɗe wa meekis.
Ya ɓa uup yak ?
46Taasoh raakka ŋ harmban taalubeeciŋ Yeesu, raak ɓa markee yi uup nik kilifa nga ɓa. 47Yeesu inahha ini nik ŋ keeñ ciŋ ɓa, a ɓayya komaaki ƴin a tufkiɗta ɗe ŋ serooce, 48a woosa ɓa ne : « Ɓo' nu teyɗuk njaanjii saguuso ɗah, a teyɗuk ko ; te ɓo' nu teyɗuk ko ɗah, fu teyɗuk Kooh yi woos so ; laam, ɓoyi uup ƴissuut nga ɗu jen, a yi uup yak. »
49Saaŋ woosa ɗe ne : « Kilifaani, ɓoo hotiɗ ɓo' aañeeɗa jiiniici ŋ tiikiŋ ɗa, te a ɓaahɗi nga ɓoo, tahha po ɓoo woosa ɗe ne a kinaata tumis. » 50Yeesu woosa ɗe ne : « Kinaat ɗe wa sangoh, ɓo' nu sangɗi ɗu ɗah, a hun na ɗu. »
Ɓi Samari
51Jamanoona Yeesu joy rapɗohu Eel ci reɓeeɗa, heliŋ ɗe jen nikka ngaŋ kaɗ Yerusalem. 52A woossa ɓi ɓo' ne ɓa adug ɗe ŋ kur ngaŋ caŋ ɓi Samari#9:52 Samari : ɓi Samari na Yawuut ca kerhiɗoheeɗi ; ɓa heeftiɗohee heeftiɗoh, ɓa sangtiɗohha., ne ɓa waakiɗ ɗe dal nga, 53waaye ɓi kur ka sannga sagu ina Yeesu ɓay waasa kaɗ Yerusalem#9:53 Ɓi Samari teyɗukeeɗi ne Yerusalem, weɗ ɗiski joy seeƴkohu.. 54Taalubeeciŋ ɗe Saak na Saaŋ hotta ŋ ineem ɓa woosa ɗe ne : « Kilifaani, fu waaɗiɗ ne ɓoo nak yongkaah, wa puloh eel ci wa ɗumbiɗ ɓa e ? » 55Yeesu yurhiɗkohha na ɓa, a ngassa ɓa. 56A na huntoh ciŋ ɗe kaɗta kur wiiriis.
Findi taalube joy mand
57Wa ɓa kaɗee, raakka ƴaara woo Yeesu ŋ waasa ne : « Kilifaani, ɗisik nu fu kaɗ ɗah, ŋ hey ɗa ñaakɗe. » 58Yeesu woosa ɗe ne : « Ɓaakoɓ ci raakiɗ nung, sel ci raakiɗ taar, waaye Kuɓkiŋ ɓoyi raakɗi sah ɗiski a na hee iɗsiɗkohe. » 59Yeesu woosa ƴaar wiiriis ne : « Ñaakiɗ to. » Waaye ƴaara loffa ɗe ne : « Kilifaani, on ndo paaɗ, ŋ taambkoh yaɓkooriŋ ngo po a kaan, ŋ uumb ɗe. » 60Yeesu woosa ɗe ne : « Faɗa kaaniɗ ci ɓa uumb kaaniɗ ciŋ ɓa te fu kaɗ yegɗoha Nguuriŋ-Kooh. » 61Raakka ƴaara nam ɗe woo ne : « Kilifaani ŋ hey ɗa ñaakɗe, waaye on ndo ŋ kaɗ aska ɓi kahan ndo paaɗ. » 62Yeesu loffa ɗe ne : « Nguuriŋ-Kooh etohɗi ɓoyi na guure heelke. »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc