San Lucas 18
18
Rekuaku, Juez pättäkuku wȩnȩtü̧ ji'äwinü̧
1Jesú-mä̧ 'kuättächi'oka'a 'kuäopünä̧tä̧ Dio-rü ttukuokua pä'ümä̧ ji̧yȩtȩnä̧ wȩnȩtü̧ jiäwinä̧u̧. 2Pa̧'a̧nü̧ päinä̧u̧: yo̧mȩtȩ ütawiyänä̧, ya̧tȩ juez pättäku kki̧nü̧, Dio-rü'i̧nä̧ ye'ekuokü ja̧'wa̧ta̧nü̧ ttü̧ja̧rü̧'i̧nä̧ ukuotokü. 3Ja̧'wa̧ta̧nü̧ juȩnȩ ütawiyänä̧mä̧, yajute rekua kki̧nä̧ju̧, Jua̧u̧ juez-rü pä'ä'chäju: Cha̧bo̧i̧ya̧rü̧ ppä'ädittü, jü̧nä̧. 4Rekuo jä̧'ȩpä̧rü̧ kuejächa'anä̧, juez-mä̧ ppäda päokokua pinä̧ju̧. Ja̧'wa̧nü̧ jȩpü̧mä̧ amükuädi'inü̧: Dio-rü'i̧nä̧ ye'ekuokü cha'anä̧, ttü̧ja̧rü̧'i̧nä̧ ukuotokü cha'anä̧, 5pajumä̧, yabonü̧ ttürü mȩjo̧pä̧rü̧ juiyäkua'anü̧, ppadädajujä̧, ppädädü juiyüttümä̧ 'kuäopünä̧tä̧ kkicha'a cha̧mi̧surächi'ättü 'kua̧ra̧'a̧, 6ja̧'wa̧ta̧nü̧ Jesú-mä̧ päinä̧u̧: Adiu ä̧ju̧kuä̧tu̧kui̧, su̧ro̧pa̧ juez pättäku päinü̧mä̧. 7Ja̧'wa̧nü̧ wokü'i̧nä̧ jȩi̧na̧'a̧mä̧, ¿Dio ȩmi̧nä̧u̧ru̧mä̧, mo̧ro̧'i̧nä̧, yodo'i̧nä̧ jä̧'ȩpä̧tü̧rü̧mä̧ ppä'ädokü jä̧kua̧? ¿rekuo tta̧ttä̧rü̧nä̧ jȩä̧kua̧'a̧ ja̧'a̧? 8Jua̧u̧mä̧ yotäku ppä̧dä̧kuä̧u̧. Ja̧'wa̧nü̧ ja̧'a̧nä̧, ubo I̧tti̧ ichomȩnä̧mä̧ ¿tta̧'kua̧ wȩnä̧rä̧tü̧rü̧ ü̧'o̧kui̧'ä̧kua̧?
Fariseo wa̧ku̧, pärätä ka̧ka̧kuä̧ i̧sa̧ku̧ wȩnȩtü̧ ji'äwinü̧
9Jesú-mä̧ tta̧mü̧nä̧ pa̧ja̧tü̧, adiwä isotü 'kua̧rü̧nä̧ topäkuäu, kkorotürü kkü'kokotürümä̧ pi̧yȩnä̧ wȩnȩtü̧ ji'äwinü̧: 10U̧mä̧tü̧ ta̧ju̧ Dio-rü ukuokuäkuäwodera̧'a̧, Dio-rü ukuoku 'chi̧nä̧tü̧: ya̧tȩmä̧ fariseo wotü i̧sa̧ ji̧na̧'a̧, kka̧ra̧tä̧ Roma-ra̧'a̧ weäwä pärätä ka̧ka̧kuä̧ i̧sa̧ ji̧na̧'a̧. 11Fariseo wotü i̧sa̧mä̧ ä̧rä̧mi̧'ä̧ji̧'ka̧ kkä̧nü̧ pa̧'a̧nü̧ Dio-rü ukuokuinü̧: Chü̧ä̧nä̧wa̧ Dio, ukuru eseusä, kkorotü jü̧'a̧nü̧, nä̧u̧kuä̧rü̧'i̧nä̧, suronä̧ jȩpä̧'chü̧'i̧nä̧, ttirekua pokojuru kkä̧'chü̧'i̧nä̧ ja̧'wa̧ta̧nü̧ pide Roma-ra̧'a̧ weäwä pärätä ka̧ka̧kuä̧ i̧sa̧ jü̧'a̧nü̧'i̧nä̧ jȩpo̧kü̧ cha'attü, 12ttümä̧ ji̧yȩtȩ semana-nä̧mä̧, todärenä̧ chu̧kuȩ a̧do̧chü̧ Dio-rü ukuokuä'ijüsä ja̧'wa̧ta̧nü̧ chaditäwä mikuä chȩmü̧ o'kajuiyüttümä̧, diezmo-mä̧ iyüsä. 13Ja̧'wa̧nü̧ ja̧'a̧nä̧, Roma-ra̧'a̧ weäwä pärätä ka̧ka̧kuä̧ i̧sa̧mä̧, otonä̧tä̧ kkä̧nü̧, u'i̧nä̧ kä'epü mo̧ro̧jä̧ra̧'a̧ku̧mä̧ toa päoka'atä, a̧mü̧kanä̧ 'ta'tapäkuäu pä'inü̧: Chü̧ä̧nä̧wa̧ Dio, rȩrü̧jü̧ topittü, ttümä̧ surojütä jȩä̧kuä̧wä̧ i̧sa̧sä̧. 14Isopäi'ünä̧ pädäu̧jä̧: Pide Roma-ra̧'a̧ weäwä pärätä ka̧ka̧kuä̧ i̧sa̧ päjimä̧, surojü jui̧'a̧ jü̧nä̧, Dio jȩpü̧ ikuäjäkutä i̧wi̧nü̧ ojusodera̧'a̧ku̧mä̧; isopäi'ünä̧, ya̧tȩ a̧mü̧nä̧ pa̧ja̧tü̧ ukuo te'äkuäu ä̧rä̧mü̧rü̧mä̧, ukuo ȩmü̧ i̧kuä̧wä̧kua̧. Ja̧'wa̧ta̧nü̧ a̧mü̧nä̧ pa̧ja̧tü̧ ukuo teäkuäwoka'a, rekuä rü̧jä̧ku̧ jü̧nä̧ amükuädäkuäurumä̧, ukuo iyü äräbe'ä̧kuä̧wä̧kua̧.
Jesú-mä̧ ppo̧'ä̧tü̧rü̧ mȩ'ü̧ ukuokuinü̧
(Mt 19.13-15; Mc 10.13-16)
15Jesú ü̧jo̧mȩku̧ ppo̧'ä̧tü̧rü̧ i'kächinä̧tü̧ mȩi̧ya̧tü̧ pä'ü; ja̧'wa̧nü̧ jȩtta̧'a̧ topü, u̧wo̧juȩtä̧u̧mä̧, tti'kächü juiyünä̧ yattokuinä̧u̧. 16Ja̧'wa̧nü̧ ja̧'a̧ topü, Jesú-mä̧ wopo'ü päinä̧u̧:
—Tto̧kuȩpä̧rä̧tu̧kuä̧, ppo̧'ä̧tü̧rü̧ ja̧'a̧tä̧ topätukui ttüku tticha'anä̧, isopäi'ünä̧ Ru̧wa̧ Dio weümä̧ juätü jü̧'a̧nü̧ wotürü pätetü jü̧ ja̧'a̧. 17Isopäi'ünä̧ ukuturu pä'üsä, Ru̧wa̧ Dio weü, ya̧tȩ ji̧'ki̧cha̧wa̧ jü̧'a̧nü̧ ȩmo̧kü̧mä̧, jua̧u̧nä̧mä̧ do'ächokü jä̧kua̧.
Pärätä ru̧wa̧ Jesú-ru jä'epü ä̧ju̧kui̧nü̧:
(Mt 19.16-30; Mc 10.17-31)
18—Wo̧juȩkuä̧ i̧sa̧, adiwä i̧sa̧jä̧, ¿Däjetä jȩcha̧'a̧jä̧ttü̧, kkä̧kuä̧wä̧ i'ko chu̧ju̧nä̧ra̧ pä'ümä̧? 19Jesú-mä̧ ädätinä̧ku̧: —¿Tta̧'a̧nü̧ pä'ü adiwä i̧sa̧ päkuäkusättü̧? Adiwä i̧sa̧mä̧ ya̧tȩtä̧ ja̧'a̧ Dio-tä. 20Weäwä wȩnȩmä̧ wo̧jua̧jä̧: Kkorotü tti̧rȩkua̧mü̧rü̧ jȩ'kuä̧'chä̧, kuä'ü kuikuä, ku̧nä̧u̧kuä̧, yapareu jikuäwä'chä, kuä'orü'i̧nä̧, kua̧ju̧ru̧'i̧nä̧ ukuoti pä'ijomȩmä̧. 21Päku ädätinü̧:
—Jua̧u̧mä̧ o'kajuiyünä̧ mü̧ä̧ya̧ttu̧tä̧ päi'ünä̧ jȩpü̧ chü̧ji̧nü̧. 22Ja̧'wa̧nü̧ pä'a ä̧ju̧ku̧, Jesú-mä̧ päinä̧ku̧:
—Ji̧nä̧ ji̧yȩtȩ jui̧'a̧jä̧: ku̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji ja̧'wa̧nü̧ jȩpi̧'ü̧'ka̧ usurä isotürü ppäkuäda ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧tä̧ kku̧ju̧nä̧rä̧kua̧jä̧ kuiäre pärätämä̧; ja̧'wa̧nü̧ jȩpü̧ ttüku ichi. 23Ja̧'wa̧nü̧ ja̧'a̧nä̧, pi̧yȩ ä̧ju̧ku̧mä̧, rü̧ȩnä̧ a̧'kua̧ tta̧'ȩkui̧pinü̧, rü̧ȩnä̧ ru̧wa̧ ja̧'a̧. 24Ja̧'wa̧nü̧ päia'a topü Jesú-mä̧ pä'inü̧:
—¡Isoo, rü̧ȩnä̧ 'kiya'a abotä jä̧kua̧'a̧, pärätä ruwotü, Ru̧wa̧ Dio weünä̧ dodetta pä'ümä̧! 25Camellu-mä̧, pä̧ra̧ta̧ri̧ isäjunä̧ 'kuäünä̧ 'kuäo'a'anä̧, pärätä ru̧wa̧rü̧mä̧, yoriso 'kiya'a Ru̧wa̧ Dio weomȩ doächa pä'ümä̧. 26Ja̧'wa̧nü̧ pä'a ä̧ju̧ku̧, jä'epü ttä̧ju̧kui̧nä̧ku̧:
—Jua̧u̧nu̧mä̧ ¿Dítä jä̧kua̧'a̧jä̧ttü̧, ra̧wä̧pi̧jü̧ttü̧ ü̧ji̧pä̧kua̧mä̧? 27Pättiyäku Jesú-mä̧ ädätinä̧u̧:
—Pi̧jä̧ ttü̧ja̧sa̧, jȩü̧ juiyünä̧ iweyekumä̧, Dio-mä̧ jȩü̧tä̧ ja̧'a̧. 28Päiyäku, Peduru-mä̧ pä'inü̧:
—Chu̧ru̧wa̧ ujutumä̧ tiäre o'kajuiyünä̧ kku̧ni̧pü̧, kuo'ka'anä̧ ichinä̧tü̧jä̧. 29Jesú-mä̧ ädätinä̧ku̧:
—Isopäi'ünä̧ ya̧tȩ'i̧nä̧ toa'a, ojusode jäwä'i̧nä̧, jä̧'o̧tü̧rü̧'i̧nä̧, ü̧jä̧wa̧tü̧rü̧'i̧nä̧, üjäwaju̧tu̧rü̧'i̧nä̧, i̧tti̧mü̧rü̧'i̧nä̧, kä'ädi'inü̧mä̧ Ru̧wa̧ Dio weü jäwänä̧. 30Ja̧'wa̧nü̧ ja̧'a̧nä̧, pi̧jä̧ttü̧mä̧ u̧ju̧ni̧'i̧nü̧ttü̧'i̧nä̧ abonä̧nü̧ ȩmä̧kua̧ ja̧'wa̧ta̧nü̧ yodoji'i̧nä̧ kkä̧kuä̧wä̧ i'ko ȩmä̧kua̧.
Wäbodäkuä päi'ünä̧, Jesú-mä̧ toe'ä̧kuȩ ji'äwinü̧
(Mt 20.17-19; Mc 10.32-34)
31Jesú-mä̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü i̧mi̧ku̧nä̧ wopo'ü pä'inü̧:
—Jitämä̧ Jerusarȩ́-ra̧'a̧ku̧ 'cha'achätüjä̧, jua'attü ubo I̧tti̧ ütü'kümä̧, profeta winä̧tü̧ ttukuokuinü̧ o'kajuiyünä̧tä̧ 'kuäopäkua'a. 32Ttürümä̧ judío pokotü ttu̧mü̧nä̧ iyü tti̧kuä̧kua̧sä̧, ya̧ttä̧wȩ'ä̧kua̧sä̧, rü̧ȩnä̧ ttü̧ra̧wä̧rä̧kua̧sä̧ ja̧'wa̧ta̧nü̧ surepü'i̧nä̧, surettä̧kua̧sä̧. 33Ja̧'wa̧nü̧ jȩpü̧ kuäkuäpi'ü'kotü, kuä'ü ttiku o'ka'a, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.
34Pä'anä̧, Jesú jiäumä̧ wo̧jui̧'o̧ko̧tü̧ pinä̧tü̧, jua̧u̧ jueimä̧ ttieru jäwä ja̧'a̧.
Jesú-mä̧ ä̧to̧ka̧rü̧ aditü ikuinü̧
(Mt 20.29-34; Mc 10.46-52)
35Jesú-mä̧ Jericó ütawiyänä̧ ütü'küwächi'omȩnä̧, ya̧tȩ ä̧to̧ka̧, mä̧nä̧ jäyä pi̧nü̧, pärätä ttiyarü pä'ü jä̧'ȩpä̧rü̧. 36Ja̧'wa̧nü̧ ü̧'a̧'a̧, ttü̧ja̧ tti̧wȩnȩ rü̧ȩnä̧ ukuokuiyäku, jä'epü ä̧ju̧kui̧nü̧: ¿Däjé päia'akuä?, jü̧nä̧. 37Pä̧u̧ jittäwinä̧ku̧: Jesú nazare i̧sa̧ 'kuäopü, jü̧nä̧. 38Pätta'a ä̧ju̧kuo̧po̧'ü̧ wopinü̧:
—¡Jesú, Dawi i̧tti̧, ttürü rȩrü̧jü̧ topittü!, jü̧nä̧. 39Woiyä̧u̧, 'koruchi'i pätta'anä̧; jua'a yabonü̧tä̧, wopinü̧:
—¡Dawi i̧tti̧, rȩrü̧jü̧ topittü!, jü̧nä̧. 40Woiyäku, kkä̧mä̧dü̧ topü, tti'kächiparü pä'ü weinä̧u̧. Ja̧'wa̧nü̧ tti'kächipäkuru, ja'epü ä̧ju̧kui̧nü̧: 41¿Däjé jȩcha̧ku̧ päkua'ajä̧ttü̧?
—Päomȩnä̧ ädätinü̧:
—Chu̧ru̧wa̧, pä'äji ji̧nü̧ta'anü̧ tocha pä'üsä. 42Jesú-mä̧ päinä̧ku̧:
—¡Jua̧u̧nu̧mä̧ pä'äji ji̧nü̧ta'anü̧ topi!, jua'amä̧ kua̧'kua̧ ku̧wȩnä̧ro̧mȩttü̧ pi̧'i̧pü̧jä̧. 43Päüta'anü̧, yotäku ü'äremä̧ ye'ädü topü, Dio-rü rü̧ȩnä̧ eseunu̧, Jesú o'ka'anä̧ 'chi̧nü̧. Ja̧'wa̧nü̧ ja̧'a̧ topü ttü̧ja̧mä̧, Dio-rü rü̧ȩnä̧ eseäkuäwinä̧tü̧.
Currently Selected:
San Lucas 18: PNT13
Highlight
Share
Copy
Want to have your highlights saved across all your devices? Sign up or sign in
© Sociedades Biblicas Unidas en Venezuela
San Lucas 18
18
Rekuaku, Juez pättäkuku wȩnȩtü̧ ji'äwinü̧
1Jesú-mä̧ 'kuättächi'oka'a 'kuäopünä̧tä̧ Dio-rü ttukuokua pä'ümä̧ ji̧yȩtȩnä̧ wȩnȩtü̧ jiäwinä̧u̧. 2Pa̧'a̧nü̧ päinä̧u̧: yo̧mȩtȩ ütawiyänä̧, ya̧tȩ juez pättäku kki̧nü̧, Dio-rü'i̧nä̧ ye'ekuokü ja̧'wa̧ta̧nü̧ ttü̧ja̧rü̧'i̧nä̧ ukuotokü. 3Ja̧'wa̧ta̧nü̧ juȩnȩ ütawiyänä̧mä̧, yajute rekua kki̧nä̧ju̧, Jua̧u̧ juez-rü pä'ä'chäju: Cha̧bo̧i̧ya̧rü̧ ppä'ädittü, jü̧nä̧. 4Rekuo jä̧'ȩpä̧rü̧ kuejächa'anä̧, juez-mä̧ ppäda päokokua pinä̧ju̧. Ja̧'wa̧nü̧ jȩpü̧mä̧ amükuädi'inü̧: Dio-rü'i̧nä̧ ye'ekuokü cha'anä̧, ttü̧ja̧rü̧'i̧nä̧ ukuotokü cha'anä̧, 5pajumä̧, yabonü̧ ttürü mȩjo̧pä̧rü̧ juiyäkua'anü̧, ppadädajujä̧, ppädädü juiyüttümä̧ 'kuäopünä̧tä̧ kkicha'a cha̧mi̧surächi'ättü 'kua̧ra̧'a̧, 6ja̧'wa̧ta̧nü̧ Jesú-mä̧ päinä̧u̧: Adiu ä̧ju̧kuä̧tu̧kui̧, su̧ro̧pa̧ juez pättäku päinü̧mä̧. 7Ja̧'wa̧nü̧ wokü'i̧nä̧ jȩi̧na̧'a̧mä̧, ¿Dio ȩmi̧nä̧u̧ru̧mä̧, mo̧ro̧'i̧nä̧, yodo'i̧nä̧ jä̧'ȩpä̧tü̧rü̧mä̧ ppä'ädokü jä̧kua̧? ¿rekuo tta̧ttä̧rü̧nä̧ jȩä̧kua̧'a̧ ja̧'a̧? 8Jua̧u̧mä̧ yotäku ppä̧dä̧kuä̧u̧. Ja̧'wa̧nü̧ ja̧'a̧nä̧, ubo I̧tti̧ ichomȩnä̧mä̧ ¿tta̧'kua̧ wȩnä̧rä̧tü̧rü̧ ü̧'o̧kui̧'ä̧kua̧?
Fariseo wa̧ku̧, pärätä ka̧ka̧kuä̧ i̧sa̧ku̧ wȩnȩtü̧ ji'äwinü̧
9Jesú-mä̧ tta̧mü̧nä̧ pa̧ja̧tü̧, adiwä isotü 'kua̧rü̧nä̧ topäkuäu, kkorotürü kkü'kokotürümä̧ pi̧yȩnä̧ wȩnȩtü̧ ji'äwinü̧: 10U̧mä̧tü̧ ta̧ju̧ Dio-rü ukuokuäkuäwodera̧'a̧, Dio-rü ukuoku 'chi̧nä̧tü̧: ya̧tȩmä̧ fariseo wotü i̧sa̧ ji̧na̧'a̧, kka̧ra̧tä̧ Roma-ra̧'a̧ weäwä pärätä ka̧ka̧kuä̧ i̧sa̧ ji̧na̧'a̧. 11Fariseo wotü i̧sa̧mä̧ ä̧rä̧mi̧'ä̧ji̧'ka̧ kkä̧nü̧ pa̧'a̧nü̧ Dio-rü ukuokuinü̧: Chü̧ä̧nä̧wa̧ Dio, ukuru eseusä, kkorotü jü̧'a̧nü̧, nä̧u̧kuä̧rü̧'i̧nä̧, suronä̧ jȩpä̧'chü̧'i̧nä̧, ttirekua pokojuru kkä̧'chü̧'i̧nä̧ ja̧'wa̧ta̧nü̧ pide Roma-ra̧'a̧ weäwä pärätä ka̧ka̧kuä̧ i̧sa̧ jü̧'a̧nü̧'i̧nä̧ jȩpo̧kü̧ cha'attü, 12ttümä̧ ji̧yȩtȩ semana-nä̧mä̧, todärenä̧ chu̧kuȩ a̧do̧chü̧ Dio-rü ukuokuä'ijüsä ja̧'wa̧ta̧nü̧ chaditäwä mikuä chȩmü̧ o'kajuiyüttümä̧, diezmo-mä̧ iyüsä. 13Ja̧'wa̧nü̧ ja̧'a̧nä̧, Roma-ra̧'a̧ weäwä pärätä ka̧ka̧kuä̧ i̧sa̧mä̧, otonä̧tä̧ kkä̧nü̧, u'i̧nä̧ kä'epü mo̧ro̧jä̧ra̧'a̧ku̧mä̧ toa päoka'atä, a̧mü̧kanä̧ 'ta'tapäkuäu pä'inü̧: Chü̧ä̧nä̧wa̧ Dio, rȩrü̧jü̧ topittü, ttümä̧ surojütä jȩä̧kuä̧wä̧ i̧sa̧sä̧. 14Isopäi'ünä̧ pädäu̧jä̧: Pide Roma-ra̧'a̧ weäwä pärätä ka̧ka̧kuä̧ i̧sa̧ päjimä̧, surojü jui̧'a̧ jü̧nä̧, Dio jȩpü̧ ikuäjäkutä i̧wi̧nü̧ ojusodera̧'a̧ku̧mä̧; isopäi'ünä̧, ya̧tȩ a̧mü̧nä̧ pa̧ja̧tü̧ ukuo te'äkuäu ä̧rä̧mü̧rü̧mä̧, ukuo ȩmü̧ i̧kuä̧wä̧kua̧. Ja̧'wa̧ta̧nü̧ a̧mü̧nä̧ pa̧ja̧tü̧ ukuo teäkuäwoka'a, rekuä rü̧jä̧ku̧ jü̧nä̧ amükuädäkuäurumä̧, ukuo iyü äräbe'ä̧kuä̧wä̧kua̧.
Jesú-mä̧ ppo̧'ä̧tü̧rü̧ mȩ'ü̧ ukuokuinü̧
(Mt 19.13-15; Mc 10.13-16)
15Jesú ü̧jo̧mȩku̧ ppo̧'ä̧tü̧rü̧ i'kächinä̧tü̧ mȩi̧ya̧tü̧ pä'ü; ja̧'wa̧nü̧ jȩtta̧'a̧ topü, u̧wo̧juȩtä̧u̧mä̧, tti'kächü juiyünä̧ yattokuinä̧u̧. 16Ja̧'wa̧nü̧ ja̧'a̧ topü, Jesú-mä̧ wopo'ü päinä̧u̧:
—Tto̧kuȩpä̧rä̧tu̧kuä̧, ppo̧'ä̧tü̧rü̧ ja̧'a̧tä̧ topätukui ttüku tticha'anä̧, isopäi'ünä̧ Ru̧wa̧ Dio weümä̧ juätü jü̧'a̧nü̧ wotürü pätetü jü̧ ja̧'a̧. 17Isopäi'ünä̧ ukuturu pä'üsä, Ru̧wa̧ Dio weü, ya̧tȩ ji̧'ki̧cha̧wa̧ jü̧'a̧nü̧ ȩmo̧kü̧mä̧, jua̧u̧nä̧mä̧ do'ächokü jä̧kua̧.
Pärätä ru̧wa̧ Jesú-ru jä'epü ä̧ju̧kui̧nü̧:
(Mt 19.16-30; Mc 10.17-31)
18—Wo̧juȩkuä̧ i̧sa̧, adiwä i̧sa̧jä̧, ¿Däjetä jȩcha̧'a̧jä̧ttü̧, kkä̧kuä̧wä̧ i'ko chu̧ju̧nä̧ra̧ pä'ümä̧? 19Jesú-mä̧ ädätinä̧ku̧: —¿Tta̧'a̧nü̧ pä'ü adiwä i̧sa̧ päkuäkusättü̧? Adiwä i̧sa̧mä̧ ya̧tȩtä̧ ja̧'a̧ Dio-tä. 20Weäwä wȩnȩmä̧ wo̧jua̧jä̧: Kkorotü tti̧rȩkua̧mü̧rü̧ jȩ'kuä̧'chä̧, kuä'ü kuikuä, ku̧nä̧u̧kuä̧, yapareu jikuäwä'chä, kuä'orü'i̧nä̧, kua̧ju̧ru̧'i̧nä̧ ukuoti pä'ijomȩmä̧. 21Päku ädätinü̧:
—Jua̧u̧mä̧ o'kajuiyünä̧ mü̧ä̧ya̧ttu̧tä̧ päi'ünä̧ jȩpü̧ chü̧ji̧nü̧. 22Ja̧'wa̧nü̧ pä'a ä̧ju̧ku̧, Jesú-mä̧ päinä̧ku̧:
—Ji̧nä̧ ji̧yȩtȩ jui̧'a̧jä̧: ku̧ju̧nä̧rü̧mä̧ o'kajuiyünä̧ mikuänä̧ iyä'chü ikuäji ja̧'wa̧nü̧ jȩpi̧'ü̧'ka̧ usurä isotürü ppäkuäda ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧tä̧ kku̧ju̧nä̧rä̧kua̧jä̧ kuiäre pärätämä̧; ja̧'wa̧nü̧ jȩpü̧ ttüku ichi. 23Ja̧'wa̧nü̧ ja̧'a̧nä̧, pi̧yȩ ä̧ju̧ku̧mä̧, rü̧ȩnä̧ a̧'kua̧ tta̧'ȩkui̧pinü̧, rü̧ȩnä̧ ru̧wa̧ ja̧'a̧. 24Ja̧'wa̧nü̧ päia'a topü Jesú-mä̧ pä'inü̧:
—¡Isoo, rü̧ȩnä̧ 'kiya'a abotä jä̧kua̧'a̧, pärätä ruwotü, Ru̧wa̧ Dio weünä̧ dodetta pä'ümä̧! 25Camellu-mä̧, pä̧ra̧ta̧ri̧ isäjunä̧ 'kuäünä̧ 'kuäo'a'anä̧, pärätä ru̧wa̧rü̧mä̧, yoriso 'kiya'a Ru̧wa̧ Dio weomȩ doächa pä'ümä̧. 26Ja̧'wa̧nü̧ pä'a ä̧ju̧ku̧, jä'epü ttä̧ju̧kui̧nä̧ku̧:
—Jua̧u̧nu̧mä̧ ¿Dítä jä̧kua̧'a̧jä̧ttü̧, ra̧wä̧pi̧jü̧ttü̧ ü̧ji̧pä̧kua̧mä̧? 27Pättiyäku Jesú-mä̧ ädätinä̧u̧:
—Pi̧jä̧ ttü̧ja̧sa̧, jȩü̧ juiyünä̧ iweyekumä̧, Dio-mä̧ jȩü̧tä̧ ja̧'a̧. 28Päiyäku, Peduru-mä̧ pä'inü̧:
—Chu̧ru̧wa̧ ujutumä̧ tiäre o'kajuiyünä̧ kku̧ni̧pü̧, kuo'ka'anä̧ ichinä̧tü̧jä̧. 29Jesú-mä̧ ädätinä̧ku̧:
—Isopäi'ünä̧ ya̧tȩ'i̧nä̧ toa'a, ojusode jäwä'i̧nä̧, jä̧'o̧tü̧rü̧'i̧nä̧, ü̧jä̧wa̧tü̧rü̧'i̧nä̧, üjäwaju̧tu̧rü̧'i̧nä̧, i̧tti̧mü̧rü̧'i̧nä̧, kä'ädi'inü̧mä̧ Ru̧wa̧ Dio weü jäwänä̧. 30Ja̧'wa̧nü̧ ja̧'a̧nä̧, pi̧jä̧ttü̧mä̧ u̧ju̧ni̧'i̧nü̧ttü̧'i̧nä̧ abonä̧nü̧ ȩmä̧kua̧ ja̧'wa̧ta̧nü̧ yodoji'i̧nä̧ kkä̧kuä̧wä̧ i'ko ȩmä̧kua̧.
Wäbodäkuä päi'ünä̧, Jesú-mä̧ toe'ä̧kuȩ ji'äwinü̧
(Mt 20.17-19; Mc 10.32-34)
31Jesú-mä̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü i̧mi̧ku̧nä̧ wopo'ü pä'inü̧:
—Jitämä̧ Jerusarȩ́-ra̧'a̧ku̧ 'cha'achätüjä̧, jua'attü ubo I̧tti̧ ütü'kümä̧, profeta winä̧tü̧ ttukuokuinü̧ o'kajuiyünä̧tä̧ 'kuäopäkua'a. 32Ttürümä̧ judío pokotü ttu̧mü̧nä̧ iyü tti̧kuä̧kua̧sä̧, ya̧ttä̧wȩ'ä̧kua̧sä̧, rü̧ȩnä̧ ttü̧ra̧wä̧rä̧kua̧sä̧ ja̧'wa̧ta̧nü̧ surepü'i̧nä̧, surettä̧kua̧sä̧. 33Ja̧'wa̧nü̧ jȩpü̧ kuäkuäpi'ü'kotü, kuä'ü ttiku o'ka'a, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.
34Pä'anä̧, Jesú jiäumä̧ wo̧jui̧'o̧ko̧tü̧ pinä̧tü̧, jua̧u̧ jueimä̧ ttieru jäwä ja̧'a̧.
Jesú-mä̧ ä̧to̧ka̧rü̧ aditü ikuinü̧
(Mt 20.29-34; Mc 10.46-52)
35Jesú-mä̧ Jericó ütawiyänä̧ ütü'küwächi'omȩnä̧, ya̧tȩ ä̧to̧ka̧, mä̧nä̧ jäyä pi̧nü̧, pärätä ttiyarü pä'ü jä̧'ȩpä̧rü̧. 36Ja̧'wa̧nü̧ ü̧'a̧'a̧, ttü̧ja̧ tti̧wȩnȩ rü̧ȩnä̧ ukuokuiyäku, jä'epü ä̧ju̧kui̧nü̧: ¿Däjé päia'akuä?, jü̧nä̧. 37Pä̧u̧ jittäwinä̧ku̧: Jesú nazare i̧sa̧ 'kuäopü, jü̧nä̧. 38Pätta'a ä̧ju̧kuo̧po̧'ü̧ wopinü̧:
—¡Jesú, Dawi i̧tti̧, ttürü rȩrü̧jü̧ topittü!, jü̧nä̧. 39Woiyä̧u̧, 'koruchi'i pätta'anä̧; jua'a yabonü̧tä̧, wopinü̧:
—¡Dawi i̧tti̧, rȩrü̧jü̧ topittü!, jü̧nä̧. 40Woiyäku, kkä̧mä̧dü̧ topü, tti'kächiparü pä'ü weinä̧u̧. Ja̧'wa̧nü̧ tti'kächipäkuru, ja'epü ä̧ju̧kui̧nü̧: 41¿Däjé jȩcha̧ku̧ päkua'ajä̧ttü̧?
—Päomȩnä̧ ädätinü̧:
—Chu̧ru̧wa̧, pä'äji ji̧nü̧ta'anü̧ tocha pä'üsä. 42Jesú-mä̧ päinä̧ku̧:
—¡Jua̧u̧nu̧mä̧ pä'äji ji̧nü̧ta'anü̧ topi!, jua'amä̧ kua̧'kua̧ ku̧wȩnä̧ro̧mȩttü̧ pi̧'i̧pü̧jä̧. 43Päüta'anü̧, yotäku ü'äremä̧ ye'ädü topü, Dio-rü rü̧ȩnä̧ eseunu̧, Jesú o'ka'anä̧ 'chi̧nü̧. Ja̧'wa̧nü̧ ja̧'a̧ topü ttü̧ja̧mä̧, Dio-rü rü̧ȩnä̧ eseäkuäwinä̧tü̧.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedades Biblicas Unidas en Venezuela