San Lucas 19
19
Zaqueo ütü'kü
1Jesú-mä̧ Jericó ütawiyänä̧ do'ächi'ä̧ji̧'ka̧, kkä'konä̧ 'kuäopomȩnä̧. 2Ya̧tȩ ru̧wa̧, Roma-ra̧'a̧ weäwä pärätä ka̧ka̧tä̧'i̧jä̧tü̧ ttu̧ru̧wa̧ Zaqueo pä'ü mi̧kua̧ juȩnȩ kki̧nü̧. 3Jua̧u̧mä̧ Jesú-ru toa pä'anä̧, a̧'u̧kua̧ ja̧'a̧, ttü̧ja̧ rü̧ȩnä̧ ttirekua'a tto̧ttȩpä̧rä̧ku̧ toü juiyünä̧ ji̧nä̧ku̧. 4Ja̧'wa̧nü̧ jä̧ku̧, ä'kanä̧ jopächü, sicómoro daunä̧ 'cha'achächinü̧; Jesú-mä̧ juȩnȩnä̧ 'kuäopäkua'a ja̧'a̧. 5Ja̧'wa̧nü̧ ja̧'a̧ Jesú-mä̧ juȩnȩnä̧ 'kuäopü ju'tojuku to'omȩnä̧, u̧wi̧yä̧ku̧ päinä̧ku̧:
Zaqueo, mȩyȩwä̧chi̧, jitä mo̧ro̧mä̧ kuojusodenä̧, chä'a pä'ü rekuä rü̧ja̧'a̧. 6Päku mȩyȩwä̧chä̧ji̧'ka̧, Jesú-rumä̧ eseunu̧ do'ädinü̧ ojusodenä̧. 7Ja̧'wa̧nü̧ jȩa̧'a̧ topü, ttü̧ja̧mä̧ o'katoi'ünä̧ ukuokuinätü̧: Toku pä'ü Jesú-mä̧, suronä̧ jȩä̧kuä̧wä̧ i̧sa̧ ojusodenä̧ do'ächa'attü̧ pä'ü. 8Ja̧'wa̧nü̧ ja̧'a̧, Zaqueo-mä̧ ä̧rä̧mi̧'ü̧ kkä̧mä̧dü̧ u̧ru̧wa̧ Jesú-ru pä'inü̧:
—Topi, chu̧ru̧wa̧ chu̧ju̧nä̧rü̧ pärätä ju'to o'kajuiyünä̧, usurä isotürü iyüsä; ja̧'wa̧nü̧ ja̧'a̧nä̧ ya̧tȩrü̧ kkorojuei chü̧nä̧u̧kuä̧'i̧jü̧ttü̧mä̧, jua̧u̧ttü̧'i̧nä̧ yabokumä̧ pa̧ja̧kuä̧nü̧ jo̧mȩnä̧ ppa̧dä̧dä̧kua̧ jua̧u̧mä̧. 9Jesú-mä̧ päinä̧ku̧:
—Jitä mo̧ro̧, podenä̧ ra̧wä̧pi̧jü̧ttü̧ kki̧'i̧kuä̧ wȩnȩ rȩbȩä̧kuä̧wa̧'a̧. Isopäi'ünä̧ pide'i̧nä̧ Abraha̧ isotü i̧sa̧ ja̧'a̧ttü̧. 10Isopäi'ünä̧ ttü ubo I̧tti̧mä̧, to'e'ächinä̧tü̧rü̧ ȩmü̧ ichü kkä̧nü̧, ra̧wä̧pi̧jü̧ttü̧'i̧nä̧ rä'epü iku ichinü̧sä̧.
Pärätänä̧ wȩnȩtü̧ ji'äwinü̧ wȩnȩ
11Jesú pi̧yȩ jiäwa'a ttä̧ju̧kuä̧ri̧yä̧ku̧, wȩnȩtü̧ jiäwinä̧u̧, täkü Jerusarȩ́ ütawiyättümä̧ ttütü'künä̧nü̧ ja̧'a̧, jua'a'i̧nä̧ Ru̧wa̧ Dio weümä̧ jitätä päi'äkua'akü̧ pä'ü tta̧mü̧kuädiyäku. 12Pi̧yȩ päinä̧u̧: ya̧tȩ ruwotü i̧sa̧, kko̧ro̧jä̧ra̧'a̧ otó 'chi̧nü̧ uruwo ȩmü̧, jua̧u̧nü̧ o'ka'a ppa̧wä̧chi̧'a̧ pä'ü. 13Ja̧'wa̧nü̧ 'chä̧nü̧ kkä̧nü̧ u̧mü̧wä̧yotürü wopo'ü, pärätämä̧ to̧mü̧rȩ jäwä jo̧mȩnä̧ iyü päinä̧u̧: Pi̧yȩ pärätämä̧ rü̧ä̧chü̧nä̧ aditätukui, ppa̧dä̧chomȩbü päi'ünä̧. 14Ja̧'wa̧nü̧ ja̧'a̧nä̧ i̧rȩjä̧ ttü̧ja̧mä̧ kkü'kü jui'ü, o'ka'anä̧ wettiniyä̧ku̧ jittäwiyarü pä'ü: Jua̧u̧ru̧mä̧ tu̧ru̧wa̧ rey jü̧nä̧ ü̧ja̧mä̧ pä'okotüjä̧ pä'ü. 15Ja̧'wa̧nü̧ ja̧'a̧nä̧, ru̧wa̧ rey päi'ünä̧ ttu̧ju̧ni̧nä̧ku̧; ttu̧ju̧nä̧jä̧ku̧ o̧'ka̧ pä'äjita'anü̧ i̧rȩjä̧ra̧'a̧ku̧ ppa̧'ä̧chi̧nü̧. Ja̧'wa̧nü̧ ichi'äji o̧'ka̧mä̧ u̧mü̧wä̧yotürü ottäjiyarü pä'ü we'inü̧, pärätä tta̧'a̧nü̧ rü̧ȩnä̧ jo̧mȩnä̧ aditü ttȩmi̧na̧já̧ pä'ü. 16Ja̧'wa̧nü̧ ja̧'a̧, ä̧kuo̧mȩnä̧ iyinä̧ku̧mä̧ ichi'ü pä'inü̧: Chu̧ru̧wa̧ kuiäremä̧, kuiyino̧mȩttü̧ jua'a yabonü̧, to̧mü̧rȩ jäwä jo̧mȩnä̧ iyina̧'a̧. 17Päiyäku, päinä̧ku̧: Ye adiwa'a, adiunä̧ adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, ütawiyämä̧ to̧mü̧rȩ jäwä jo̧mȩnä̧ ru̧wa̧ gobernador päi'ünä̧ chu̧ju̧nä̧ku̧jä̧. 18Ja̧'wa̧nü̧ ja̧'a̧ kka̧ra̧ ichi'ü pä'inü̧: Chu̧ru̧wa̧ kuiäremä̧, kuiyino̧mȩttü̧ jua'a yabonü̧, ji̧mü̧tȩ jäwä jo̧mȩnä̧ iyina̧'a̧. 19Ja̧u̧ru̧'i̧nä̧ pä'inü̧: Uku'i̧nä̧ ütawiyä ji̧mü̧tȩ jäwänä̧, ru̧wa̧ gobernador jü̧nä̧ wȩkuä̧kua̧jä̧. 20Ja̧'wa̧nü̧ ja̧'a̧nä̧ kka̧ra̧'i̧nä̧ ichi'ü pä'inü̧: Chu̧ru̧wa̧, kuiäre pärätä ji̧nü̧mä̧, ja̧já̧ pi̧yȩsä̧. Pä̧yu̧wä̧rȩta̧nä̧ täropü wa'adü chu̧ju̧ni̧na̧'a̧. 21Jua'amä̧, ukuru ye'eku jȩchi̧na̧'a̧, ukurumä̧ rü̧ȩnä̧ jä'epü pä'ü, u̧ju̧no̧kü̧'i̧nä̧ ȩmü̧ ja̧'a̧, ja̧'wa̧ta̧nü̧ kku̧nu̧ usurä ȩmä̧wo̧kü̧'i̧nä̧ u̧wä̧ju̧ ka̧ka̧tä̧rü̧ pä'ü chu̧wo̧jua̧'a̧ttü̧. 22Ja̧'wa̧nü̧ päiyäku, jua̧u̧ru̧ ru̧wa̧mä̧ pä'inü̧: Chu̧mü̧wä̧ya̧ kua'anä̧ su̧ro̧pa̧jä̧, ukutä kui̧wȩnȩ päkunä̧tä̧ ro̧dȩpä̧ku̧jä̧. Tta̧'a̧nü̧ pä'ü, rü̧ȩnä̧ jädepü'i̧nä̧, chiyokü'i̧nä̧ chü̧ka̧ka̧tä̧ra̧'a̧, chu̧ju̧no̧kü̧'i̧nä̧ u̧wä̧ju̧ chü̧ka̧ka̧tä̧ra̧'a̧ ku̧wo̧jua̧'a̧nä̧; 23¿Tta̧'a̧nü̧ pä'ü chiäre pärätämä̧ Banco-nä̧ kutoka'a ji̧nä̧ttü̧, ppa̧dä̧chi̧'o̧mȩnä̧, yabonä̧nü̧ rü̧ä̧chi̧pa̧'a̧ chȩma̧ pä'ümä̧? 24Ja̧'wa̧nü̧ ja̧'a̧ juȩnȩ kka̧kuä̧tü̧rü̧ pä'inü̧: U̧ju̧nä̧rü̧ pärätämä̧ 'cho'ipü, to̧mü̧rȩ jäwä pärätä kku̧nä̧rü̧rü̧tä̧ iyätukui. 25Ja̧'wa̧nü̧ pä̧i̧yä̧u̧ pättinä̧ku̧: ¡Chu̧ru̧wa̧, jua̧u̧mä̧, täkü to̧mü̧rȩ jäwä jo̧mȩnä̧ kku̧nä̧rü̧! 26Pättiyäku, ädätinä̧u̧: Ja̧'wa̧nü̧ ja̧'a̧ttü̧ pädäu̧jä̧, kku̧nä̧rü̧rü̧mä̧ yabonü̧ iyäwäkua'a; ja̧'wa̧ta̧nü̧ jui̧'a̧rü̧mä̧, suro a̧'u̧ku̧nä̧ u̧ju̧nä̧rü̧'i̧nä̧ 'choikuäkua'a. 27Ja̧'wa̧ta̧nü̧ chaboiyotü, ttürü ru̧wa̧ rey jü̧nä̧ wedatü pä'okotü pinä̧tü̧rü̧mä̧, poku i'kächätukuitü, chä'ka jo̧mȩttü̧ ttupiyä 'kui'opü kuikuätukuatü.
Jesú Jerusarȩ́-nä̧ doächi'inü̧ wȩnȩ
(Mt 21.1-11; Mc 11.1-11; Jn 12.12-19)
28Pi̧yȩ ji'äu kä'ädäji̧'ka̧, Jesú-mä̧ Jerusarȩ́-ra̧'a̧ 'chi̧nü̧. 29I̧'cho̧mȩnä̧, Betfagé ütawiyä'i̧nä̧, Betania ütawiyä'i̧nä̧ tü'kü pä'i'ü, Olivos pä'ü mikuä'ka mü̧ä̧'kanä̧ 'chä̧wi̧'ü̧, Jesú-mä̧ u̧wo̧juȩtä̧u̧ttü̧ ta̧ju̧ru̧ we'ü, 30pä'inü̧: Yȩnȩ uwäu, ppo̧ü̧ ütawiyära̧'a̧ tätukui, jua'a kui̧'chi̧'ä̧tu̧kuo̧mȩnä̧, ku̧'o̧kui̧'ä̧kuo̧tü̧jä̧ Buro mü̧ä̧ya̧rü̧, ya̧tȩ'i̧nä̧ ü̧wä̧mä̧do̧ko̧ku̧ pä'ijürü, ti̧'ä̧dä̧kuä̧wa̧ ü̧ja̧'a̧. Jua̧u̧ru̧ ejädi'ü kui'chächätukuajä̧. 31Ja̧'wa̧nü̧ kuejädätukuomȩnä̧, ya̧tȩ tta̧'a̧nü̧ pä'ü kuejädätukuättü̧ päüttümä̧, Tu̧ru̧wa̧rü̧ rekuä rü̧ji̧yä̧u̧ päkuätukuarüjä̧. 32Ja̧'wa̧nü̧ wȩä̧jä̧u̧mä̧, 'chä̧wi̧'ü̧, Ttu̧ru̧wa̧ pä'äjita'anü̧ po̧kui̧pi̧nä̧tü̧. 33Ja̧'wa̧nü̧ wȩä̧jä̧u̧ ttejäda'a, Buro uruwotümä̧ pättinä̧u̧:
—¿Tta̧'a̧nü̧ pä'ü kuejädätukua'attü̧? 34Pä̧ttä̧u̧, pä'inä̧tü̧:
—Tu̧ru̧wa̧rü̧ rekuä rü̧ji̧yä̧u̧, jü̧nä̧. 35Ja̧'wa̧nü̧ ja̧'a̧, Buro-rümä̧ ttu̧ru̧wa̧ Jesú-ru i'kächipü iyäjä'kotü, i̧sä̧ta̧ wȩnü̧, u̧wä̧mȩ u̧wä̧mä̧dü̧nä̧ jȩpi̧nä̧tü̧. 36Ja̧'wa̧nü̧ ja̧'a̧, Jesú i̧'chü̧'ta̧'a̧nü̧ ttü̧ja̧mä̧ mä̧nä̧nä̧ ttü̧'ka̧tä̧wä̧ti̧yu̧ ppä'ü rütinä̧tü̧. 37Ja̧'wa̧ta̧nü̧ Olivos mü̧ä̧'ka mȩyȩdo̧mȩ ütü'küwächi'omȩnä̧, o'katoi'ünä̧ chutäku 'chä̧tü̧mä̧, Dio-rü eseu wopinä̧tü̧, jȩtto̧kü̧ ja̧jü̧ juei jȩä̧'i̧ji̧yä̧u̧. 38Pä'inä̧tü̧: —¡Dio i̧mi̧nä̧ ichü Tu̧ru̧wa̧rü̧ juiyo adiwa'a! ¡Mo̧ro̧jä̧nä̧ttü̧ wȩnȩ juiyü, eseäkuäwä kka̧'a̧! 39Ttü̧ja̧ ttü̧'kä̧tȩnä̧mä̧ fariseo wotüttü yotüte, kka̧ku̧ Jesú-ru pä'inä̧tü̧:
—Wo̧juȩkuä̧ i̧sa̧, ku̧wo̧juȩtä̧u̧rü ttü'koruchi'a we'i. 40Pättäku Jesú-mä̧ ädätinä̧u̧:
—Isopäi'ünä̧ pädäu̧jä̧, juätü ttü'koruchi'üttümä̧, i̧nä̧wiyätä woi'äkua'a. 41Ja̧'wa̧nü̧ ja̧'a̧, Jerusarȩ́ ütawiyä tü'kü i'chi̧'a̧'a̧ttü̧, jua̧u̧ ütawiyä topü Jesú-mä̧ ajuäwinü̧. 42Pa̧'a̧nü̧ pä'ü: ¡Isoo, ukutu Jerusarȩ́ ttü̧ja̧mä̧, wȩnȩ juiyünä̧ kkä̧kuä̧wä̧ ku̧wo̧jui̧pä̧tu̧ku̧ttü̧mä̧, adiwaja'a! Ja̧'wa̧nü̧ ja̧'a̧nä̧ ku̧wo̧jui̧pä̧tu̧ku̧ juiyünä̧ jȩpü̧ kku̧nä̧wa̧'a̧. 43Isopäi'ünä̧, ukuturu rȩbȩä̧kuä̧wä̧kua̧'a̧ surojü mo̧ro̧, ukuturu 'chuttäda pä'ü, o'kajuiyünä̧ tto'epü ttu̧ju̧nu̧ mo̧ro̧. 44Ja̧'wa̧nü̧ jȩpü̧ ukuturu be'epäjipü iku, ütawiyä o'kajuiyünä̧tä̧ kki̧'i̧pü̧ juiyünä̧ pparächi'äkua'a. Jua'amä̧ Dio do'ächü ichäja'anä̧ ku̧wo̧juä̧tu̧kuo̧ka̧'a̧ ji̧no̧mȩttü̧.
Dio-rü ukuokuäkuäwodenä̧ iyä'chätürü rä'epü ikuinü̧ wȩnȩ
(Mt 21.12-17; Mc 11.15-19; Jn 2.13-22)
45Jua̧u̧nü̧ o'ka'a, Jesú-mä̧ Dio-rü ukuokuäkuäwodenä̧ do'ächi'ü juȩnȩ mikuänä̧ iyä'chü kka̧kuä̧tü̧rü̧ rä'epe'ü iku, 46Pä'inü̧:
—Wȩyu̧kuä̧ wȩnȩmä̧ pä'a: Ttü chojusodemä̧ Dio-rü ukuokuäkuäwode ja̧'a̧. ¡Ja̧'wa̧nü̧ ja̧'a̧nä̧ ukutumä̧ nä̧u̧kuä̧rä̧kuä̧wä̧ isotü ttojusodetä juo'epinä̧tü̧jä̧! 47Jesú-mä̧ mo̧ro̧ji̧nü̧ a̧'u̧kuä̧ Dio-rü ukuokuäkuäwodettü wo̧juȩti̧'ȩnü̧. Ja̧'wa̧nü̧ u̧wo̧juȩta̧'a̧nä̧, sacerdote wotü tturuwotü'i̧nä̧, weäwä wȩnȩ wo̧juȩtä̧tü̧'i̧nä̧, ütawiyättü pärätä ruwotü'i̧nä̧, Jesú-ru toku jȩpü̧tä̧ kuä'ü ttikua'anü̧ ja̧ pä'ü usinä̧tü̧. 48Ja̧'wa̧nü̧ ttusa'anä̧, yoriso ttü̧'o̧kui̧'ü̧ juiyünä̧ ji̧nä̧u̧, jua'amä̧ ttü̧ja̧ o'katoi'ünä̧ Jesú jiäu ttä̧ju̧kua̧ pätta'attü̧.
Currently Selected:
San Lucas 19: PNT13
Highlight
Share
Copy
Want to have your highlights saved across all your devices? Sign up or sign in
© Sociedades Biblicas Unidas en Venezuela
San Lucas 19
19
Zaqueo ütü'kü
1Jesú-mä̧ Jericó ütawiyänä̧ do'ächi'ä̧ji̧'ka̧, kkä'konä̧ 'kuäopomȩnä̧. 2Ya̧tȩ ru̧wa̧, Roma-ra̧'a̧ weäwä pärätä ka̧ka̧tä̧'i̧jä̧tü̧ ttu̧ru̧wa̧ Zaqueo pä'ü mi̧kua̧ juȩnȩ kki̧nü̧. 3Jua̧u̧mä̧ Jesú-ru toa pä'anä̧, a̧'u̧kua̧ ja̧'a̧, ttü̧ja̧ rü̧ȩnä̧ ttirekua'a tto̧ttȩpä̧rä̧ku̧ toü juiyünä̧ ji̧nä̧ku̧. 4Ja̧'wa̧nü̧ jä̧ku̧, ä'kanä̧ jopächü, sicómoro daunä̧ 'cha'achächinü̧; Jesú-mä̧ juȩnȩnä̧ 'kuäopäkua'a ja̧'a̧. 5Ja̧'wa̧nü̧ ja̧'a̧ Jesú-mä̧ juȩnȩnä̧ 'kuäopü ju'tojuku to'omȩnä̧, u̧wi̧yä̧ku̧ päinä̧ku̧:
Zaqueo, mȩyȩwä̧chi̧, jitä mo̧ro̧mä̧ kuojusodenä̧, chä'a pä'ü rekuä rü̧ja̧'a̧. 6Päku mȩyȩwä̧chä̧ji̧'ka̧, Jesú-rumä̧ eseunu̧ do'ädinü̧ ojusodenä̧. 7Ja̧'wa̧nü̧ jȩa̧'a̧ topü, ttü̧ja̧mä̧ o'katoi'ünä̧ ukuokuinätü̧: Toku pä'ü Jesú-mä̧, suronä̧ jȩä̧kuä̧wä̧ i̧sa̧ ojusodenä̧ do'ächa'attü̧ pä'ü. 8Ja̧'wa̧nü̧ ja̧'a̧, Zaqueo-mä̧ ä̧rä̧mi̧'ü̧ kkä̧mä̧dü̧ u̧ru̧wa̧ Jesú-ru pä'inü̧:
—Topi, chu̧ru̧wa̧ chu̧ju̧nä̧rü̧ pärätä ju'to o'kajuiyünä̧, usurä isotürü iyüsä; ja̧'wa̧nü̧ ja̧'a̧nä̧ ya̧tȩrü̧ kkorojuei chü̧nä̧u̧kuä̧'i̧jü̧ttü̧mä̧, jua̧u̧ttü̧'i̧nä̧ yabokumä̧ pa̧ja̧kuä̧nü̧ jo̧mȩnä̧ ppa̧dä̧dä̧kua̧ jua̧u̧mä̧. 9Jesú-mä̧ päinä̧ku̧:
—Jitä mo̧ro̧, podenä̧ ra̧wä̧pi̧jü̧ttü̧ kki̧'i̧kuä̧ wȩnȩ rȩbȩä̧kuä̧wa̧'a̧. Isopäi'ünä̧ pide'i̧nä̧ Abraha̧ isotü i̧sa̧ ja̧'a̧ttü̧. 10Isopäi'ünä̧ ttü ubo I̧tti̧mä̧, to'e'ächinä̧tü̧rü̧ ȩmü̧ ichü kkä̧nü̧, ra̧wä̧pi̧jü̧ttü̧'i̧nä̧ rä'epü iku ichinü̧sä̧.
Pärätänä̧ wȩnȩtü̧ ji'äwinü̧ wȩnȩ
11Jesú pi̧yȩ jiäwa'a ttä̧ju̧kuä̧ri̧yä̧ku̧, wȩnȩtü̧ jiäwinä̧u̧, täkü Jerusarȩ́ ütawiyättümä̧ ttütü'künä̧nü̧ ja̧'a̧, jua'a'i̧nä̧ Ru̧wa̧ Dio weümä̧ jitätä päi'äkua'akü̧ pä'ü tta̧mü̧kuädiyäku. 12Pi̧yȩ päinä̧u̧: ya̧tȩ ruwotü i̧sa̧, kko̧ro̧jä̧ra̧'a̧ otó 'chi̧nü̧ uruwo ȩmü̧, jua̧u̧nü̧ o'ka'a ppa̧wä̧chi̧'a̧ pä'ü. 13Ja̧'wa̧nü̧ 'chä̧nü̧ kkä̧nü̧ u̧mü̧wä̧yotürü wopo'ü, pärätämä̧ to̧mü̧rȩ jäwä jo̧mȩnä̧ iyü päinä̧u̧: Pi̧yȩ pärätämä̧ rü̧ä̧chü̧nä̧ aditätukui, ppa̧dä̧chomȩbü päi'ünä̧. 14Ja̧'wa̧nü̧ ja̧'a̧nä̧ i̧rȩjä̧ ttü̧ja̧mä̧ kkü'kü jui'ü, o'ka'anä̧ wettiniyä̧ku̧ jittäwiyarü pä'ü: Jua̧u̧ru̧mä̧ tu̧ru̧wa̧ rey jü̧nä̧ ü̧ja̧mä̧ pä'okotüjä̧ pä'ü. 15Ja̧'wa̧nü̧ ja̧'a̧nä̧, ru̧wa̧ rey päi'ünä̧ ttu̧ju̧ni̧nä̧ku̧; ttu̧ju̧nä̧jä̧ku̧ o̧'ka̧ pä'äjita'anü̧ i̧rȩjä̧ra̧'a̧ku̧ ppa̧'ä̧chi̧nü̧. Ja̧'wa̧nü̧ ichi'äji o̧'ka̧mä̧ u̧mü̧wä̧yotürü ottäjiyarü pä'ü we'inü̧, pärätä tta̧'a̧nü̧ rü̧ȩnä̧ jo̧mȩnä̧ aditü ttȩmi̧na̧já̧ pä'ü. 16Ja̧'wa̧nü̧ ja̧'a̧, ä̧kuo̧mȩnä̧ iyinä̧ku̧mä̧ ichi'ü pä'inü̧: Chu̧ru̧wa̧ kuiäremä̧, kuiyino̧mȩttü̧ jua'a yabonü̧, to̧mü̧rȩ jäwä jo̧mȩnä̧ iyina̧'a̧. 17Päiyäku, päinä̧ku̧: Ye adiwa'a, adiunä̧ adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, ütawiyämä̧ to̧mü̧rȩ jäwä jo̧mȩnä̧ ru̧wa̧ gobernador päi'ünä̧ chu̧ju̧nä̧ku̧jä̧. 18Ja̧'wa̧nü̧ ja̧'a̧ kka̧ra̧ ichi'ü pä'inü̧: Chu̧ru̧wa̧ kuiäremä̧, kuiyino̧mȩttü̧ jua'a yabonü̧, ji̧mü̧tȩ jäwä jo̧mȩnä̧ iyina̧'a̧. 19Ja̧u̧ru̧'i̧nä̧ pä'inü̧: Uku'i̧nä̧ ütawiyä ji̧mü̧tȩ jäwänä̧, ru̧wa̧ gobernador jü̧nä̧ wȩkuä̧kua̧jä̧. 20Ja̧'wa̧nü̧ ja̧'a̧nä̧ kka̧ra̧'i̧nä̧ ichi'ü pä'inü̧: Chu̧ru̧wa̧, kuiäre pärätä ji̧nü̧mä̧, ja̧já̧ pi̧yȩsä̧. Pä̧yu̧wä̧rȩta̧nä̧ täropü wa'adü chu̧ju̧ni̧na̧'a̧. 21Jua'amä̧, ukuru ye'eku jȩchi̧na̧'a̧, ukurumä̧ rü̧ȩnä̧ jä'epü pä'ü, u̧ju̧no̧kü̧'i̧nä̧ ȩmü̧ ja̧'a̧, ja̧'wa̧ta̧nü̧ kku̧nu̧ usurä ȩmä̧wo̧kü̧'i̧nä̧ u̧wä̧ju̧ ka̧ka̧tä̧rü̧ pä'ü chu̧wo̧jua̧'a̧ttü̧. 22Ja̧'wa̧nü̧ päiyäku, jua̧u̧ru̧ ru̧wa̧mä̧ pä'inü̧: Chu̧mü̧wä̧ya̧ kua'anä̧ su̧ro̧pa̧jä̧, ukutä kui̧wȩnȩ päkunä̧tä̧ ro̧dȩpä̧ku̧jä̧. Tta̧'a̧nü̧ pä'ü, rü̧ȩnä̧ jädepü'i̧nä̧, chiyokü'i̧nä̧ chü̧ka̧ka̧tä̧ra̧'a̧, chu̧ju̧no̧kü̧'i̧nä̧ u̧wä̧ju̧ chü̧ka̧ka̧tä̧ra̧'a̧ ku̧wo̧jua̧'a̧nä̧; 23¿Tta̧'a̧nü̧ pä'ü chiäre pärätämä̧ Banco-nä̧ kutoka'a ji̧nä̧ttü̧, ppa̧dä̧chi̧'o̧mȩnä̧, yabonä̧nü̧ rü̧ä̧chi̧pa̧'a̧ chȩma̧ pä'ümä̧? 24Ja̧'wa̧nü̧ ja̧'a̧ juȩnȩ kka̧kuä̧tü̧rü̧ pä'inü̧: U̧ju̧nä̧rü̧ pärätämä̧ 'cho'ipü, to̧mü̧rȩ jäwä pärätä kku̧nä̧rü̧rü̧tä̧ iyätukui. 25Ja̧'wa̧nü̧ pä̧i̧yä̧u̧ pättinä̧ku̧: ¡Chu̧ru̧wa̧, jua̧u̧mä̧, täkü to̧mü̧rȩ jäwä jo̧mȩnä̧ kku̧nä̧rü̧! 26Pättiyäku, ädätinä̧u̧: Ja̧'wa̧nü̧ ja̧'a̧ttü̧ pädäu̧jä̧, kku̧nä̧rü̧rü̧mä̧ yabonü̧ iyäwäkua'a; ja̧'wa̧ta̧nü̧ jui̧'a̧rü̧mä̧, suro a̧'u̧ku̧nä̧ u̧ju̧nä̧rü̧'i̧nä̧ 'choikuäkua'a. 27Ja̧'wa̧ta̧nü̧ chaboiyotü, ttürü ru̧wa̧ rey jü̧nä̧ wedatü pä'okotü pinä̧tü̧rü̧mä̧, poku i'kächätukuitü, chä'ka jo̧mȩttü̧ ttupiyä 'kui'opü kuikuätukuatü.
Jesú Jerusarȩ́-nä̧ doächi'inü̧ wȩnȩ
(Mt 21.1-11; Mc 11.1-11; Jn 12.12-19)
28Pi̧yȩ ji'äu kä'ädäji̧'ka̧, Jesú-mä̧ Jerusarȩ́-ra̧'a̧ 'chi̧nü̧. 29I̧'cho̧mȩnä̧, Betfagé ütawiyä'i̧nä̧, Betania ütawiyä'i̧nä̧ tü'kü pä'i'ü, Olivos pä'ü mikuä'ka mü̧ä̧'kanä̧ 'chä̧wi̧'ü̧, Jesú-mä̧ u̧wo̧juȩtä̧u̧ttü̧ ta̧ju̧ru̧ we'ü, 30pä'inü̧: Yȩnȩ uwäu, ppo̧ü̧ ütawiyära̧'a̧ tätukui, jua'a kui̧'chi̧'ä̧tu̧kuo̧mȩnä̧, ku̧'o̧kui̧'ä̧kuo̧tü̧jä̧ Buro mü̧ä̧ya̧rü̧, ya̧tȩ'i̧nä̧ ü̧wä̧mä̧do̧ko̧ku̧ pä'ijürü, ti̧'ä̧dä̧kuä̧wa̧ ü̧ja̧'a̧. Jua̧u̧ru̧ ejädi'ü kui'chächätukuajä̧. 31Ja̧'wa̧nü̧ kuejädätukuomȩnä̧, ya̧tȩ tta̧'a̧nü̧ pä'ü kuejädätukuättü̧ päüttümä̧, Tu̧ru̧wa̧rü̧ rekuä rü̧ji̧yä̧u̧ päkuätukuarüjä̧. 32Ja̧'wa̧nü̧ wȩä̧jä̧u̧mä̧, 'chä̧wi̧'ü̧, Ttu̧ru̧wa̧ pä'äjita'anü̧ po̧kui̧pi̧nä̧tü̧. 33Ja̧'wa̧nü̧ wȩä̧jä̧u̧ ttejäda'a, Buro uruwotümä̧ pättinä̧u̧:
—¿Tta̧'a̧nü̧ pä'ü kuejädätukua'attü̧? 34Pä̧ttä̧u̧, pä'inä̧tü̧:
—Tu̧ru̧wa̧rü̧ rekuä rü̧ji̧yä̧u̧, jü̧nä̧. 35Ja̧'wa̧nü̧ ja̧'a̧, Buro-rümä̧ ttu̧ru̧wa̧ Jesú-ru i'kächipü iyäjä'kotü, i̧sä̧ta̧ wȩnü̧, u̧wä̧mȩ u̧wä̧mä̧dü̧nä̧ jȩpi̧nä̧tü̧. 36Ja̧'wa̧nü̧ ja̧'a̧, Jesú i̧'chü̧'ta̧'a̧nü̧ ttü̧ja̧mä̧ mä̧nä̧nä̧ ttü̧'ka̧tä̧wä̧ti̧yu̧ ppä'ü rütinä̧tü̧. 37Ja̧'wa̧ta̧nü̧ Olivos mü̧ä̧'ka mȩyȩdo̧mȩ ütü'küwächi'omȩnä̧, o'katoi'ünä̧ chutäku 'chä̧tü̧mä̧, Dio-rü eseu wopinä̧tü̧, jȩtto̧kü̧ ja̧jü̧ juei jȩä̧'i̧ji̧yä̧u̧. 38Pä'inä̧tü̧: —¡Dio i̧mi̧nä̧ ichü Tu̧ru̧wa̧rü̧ juiyo adiwa'a! ¡Mo̧ro̧jä̧nä̧ttü̧ wȩnȩ juiyü, eseäkuäwä kka̧'a̧! 39Ttü̧ja̧ ttü̧'kä̧tȩnä̧mä̧ fariseo wotüttü yotüte, kka̧ku̧ Jesú-ru pä'inä̧tü̧:
—Wo̧juȩkuä̧ i̧sa̧, ku̧wo̧juȩtä̧u̧rü ttü'koruchi'a we'i. 40Pättäku Jesú-mä̧ ädätinä̧u̧:
—Isopäi'ünä̧ pädäu̧jä̧, juätü ttü'koruchi'üttümä̧, i̧nä̧wiyätä woi'äkua'a. 41Ja̧'wa̧nü̧ ja̧'a̧, Jerusarȩ́ ütawiyä tü'kü i'chi̧'a̧'a̧ttü̧, jua̧u̧ ütawiyä topü Jesú-mä̧ ajuäwinü̧. 42Pa̧'a̧nü̧ pä'ü: ¡Isoo, ukutu Jerusarȩ́ ttü̧ja̧mä̧, wȩnȩ juiyünä̧ kkä̧kuä̧wä̧ ku̧wo̧jui̧pä̧tu̧ku̧ttü̧mä̧, adiwaja'a! Ja̧'wa̧nü̧ ja̧'a̧nä̧ ku̧wo̧jui̧pä̧tu̧ku̧ juiyünä̧ jȩpü̧ kku̧nä̧wa̧'a̧. 43Isopäi'ünä̧, ukuturu rȩbȩä̧kuä̧wä̧kua̧'a̧ surojü mo̧ro̧, ukuturu 'chuttäda pä'ü, o'kajuiyünä̧ tto'epü ttu̧ju̧nu̧ mo̧ro̧. 44Ja̧'wa̧nü̧ jȩpü̧ ukuturu be'epäjipü iku, ütawiyä o'kajuiyünä̧tä̧ kki̧'i̧pü̧ juiyünä̧ pparächi'äkua'a. Jua'amä̧ Dio do'ächü ichäja'anä̧ ku̧wo̧juä̧tu̧kuo̧ka̧'a̧ ji̧no̧mȩttü̧.
Dio-rü ukuokuäkuäwodenä̧ iyä'chätürü rä'epü ikuinü̧ wȩnȩ
(Mt 21.12-17; Mc 11.15-19; Jn 2.13-22)
45Jua̧u̧nü̧ o'ka'a, Jesú-mä̧ Dio-rü ukuokuäkuäwodenä̧ do'ächi'ü juȩnȩ mikuänä̧ iyä'chü kka̧kuä̧tü̧rü̧ rä'epe'ü iku, 46Pä'inü̧:
—Wȩyu̧kuä̧ wȩnȩmä̧ pä'a: Ttü chojusodemä̧ Dio-rü ukuokuäkuäwode ja̧'a̧. ¡Ja̧'wa̧nü̧ ja̧'a̧nä̧ ukutumä̧ nä̧u̧kuä̧rä̧kuä̧wä̧ isotü ttojusodetä juo'epinä̧tü̧jä̧! 47Jesú-mä̧ mo̧ro̧ji̧nü̧ a̧'u̧kuä̧ Dio-rü ukuokuäkuäwodettü wo̧juȩti̧'ȩnü̧. Ja̧'wa̧nü̧ u̧wo̧juȩta̧'a̧nä̧, sacerdote wotü tturuwotü'i̧nä̧, weäwä wȩnȩ wo̧juȩtä̧tü̧'i̧nä̧, ütawiyättü pärätä ruwotü'i̧nä̧, Jesú-ru toku jȩpü̧tä̧ kuä'ü ttikua'anü̧ ja̧ pä'ü usinä̧tü̧. 48Ja̧'wa̧nü̧ ttusa'anä̧, yoriso ttü̧'o̧kui̧'ü̧ juiyünä̧ ji̧nä̧u̧, jua'amä̧ ttü̧ja̧ o'katoi'ünä̧ Jesú jiäu ttä̧ju̧kua̧ pätta'attü̧.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedades Biblicas Unidas en Venezuela