Улон-вылон 36
36
36-тӥ ЛЮКЕТ
1Тани Исавлэсь, со ик Едом, выжыоссэ гожъян. 2Исав ханаан нылъёсыз кышно басьтӥз: хеттей пилэсь Елонлэсь Ада нылзэ, Евей пи Цивеонлэн Ана пиезлэсь Оливема нылзэ, 3соос сяна кышно басьтӥз на Наваиофлэсь сузэрзэ, Измаиллэсь Васемафа нылзэ. 4Ада Исавлы Елифаз пи вайиз, Васемафа – Рагуилэз. 5Оливемалэн вордскизы Иеус, Иеглом, Корей пиосыз. Та Исавлэн Ханаан музъемын вордскем пиосыз. 6Кышнооссэ, пиоссэ, нылъёссэ, ас юртысьтыз вань калыкез, [вань] уллёоссэ, вань пудозэ, Ханаан музъемын поттэм вань ваньбурзэ [Исав] кутӥз но Иаков братэзлэн син азьысьтыз мукет музъеме кошкиз; 7соослэн узырлыксы сокем трос вал, соос огазьын улыны ӧз быгатэ, пудооссы укыр трос луэмен, та улыны лыктэм музъемзы соосты тэрытыны ӧз ни быгаты. 8Исав Сеир гурезе улыны интыяськиз; Исав, со ик Едом.
9Тани Сеир гурезьысь идумейёслэн атайзылэсь, Исавлэсь, выжыоссэ гожъян. 10Тани Исавлэн пиосызлэн нимъёссы: Исавлэн Ада кышноезлэн пиез Елифаз, Исавлэн Васемафа кышноезлэн пиез Рагуил. 11Елифазлэн пиосыз вал: Феман, Омар, Цефо, Гафам, Кеназ. 12Исавлэн Елифаз пиезлэн Фамна нимо медо кышноез вал, солэн Елифазлэсь Амалик пиез вордӥськиз. Тани Исавлэн Ада кышноеныз нылпиосыз. 13Тани Рагуиллэн пиосыз: Нахаф, Зерах, Шамма, Миза. Та Исавлэн Васемафа кышноезлэн пиосыз. 14Цивеонлэн Ана пиезлэн нылызлэсь, Исавлэн Оливема кышноезлэсь, Исавлы вордӥськем пиосыз: Иеус, Иеглом, Корей. 15Тани Исавлэн выжыысьтыз потэм тӧроос-азьветлӥсьёс. Исавлэн нырысь вордскем Елифаз пиезлэсь вордскиз Феман тӧро, Омар тӧро, Цефо тӧро, Кеназ тӧро, 16Корей тӧро, Гафам тӧро, Амалик тӧро. Та Едом музъемын улӥсь Елифаз выжылэн тӧроосыз-азьветлӥсьёсыз; та Адалэн пиосыз. 17Таосыз Исавлэн Рагуил пиезлэн пиосыз: Нахаф тӧро, Зерах тӧро, Шамма тӧро, Миза тӧро. Та Едом музъемын улӥсь Рагуил выжылэн тӧроосыз-азьветлӥсьёсыз; та Исавлэн Васемафа кышноезлэн пиосыз. 18Таосыз Исавлэн Оливема кышноеныз пиосыз: Иеус тӧро, Иеглом тӧро, Корей тӧро. Та тӧроос-азьветлӥсьёс вордскемын Исавлэн Оливема кышноезлэсь, Аналэн нылызлэсь. 19Тани Исавлэн пиосыз, тани соослэн тӧрооссы-азьветлӥсьёссы. Со Едом.
20Таосыз со музъемын улӥсь хоррей пилэн Сеирлэн пиосыз: Лотан, Шовал, Цивеон, Ана, 21Дишон, Эцер, Дишан. Та Едом музъемысь Сеир пиослэн, хоррейёслэн, тӧрооссы-азьветлӥсьёссы. 22Лотанлэн пиосыз: Хори но Геман; нош Лотанлэн сузэрез: Фамна. 23Таосыз Шоваллэн пиосыз: Алван, Манахаф, Эвал, Шефо но Онам. 24Таосыз Цивеонлэн пиосыз: Аиа но Ана. Та самой со Ана, кудӥз луоё кыр дуннеысь атаезлэсь, Цивеонлэсь, ишакъёссэ возьмакуз, пӧсь ву поттӥсь ошмесэз шедьтӥз. 25Таосыз Аналэн нылпиосыз: Дишон но Оливема, Аналэн нылыз. 26Таосыз Дишонлэн пиосыз: Хемдан, Эшбан, Ифран, Херан. 27Таосыз Эцерлэн пиосыз: Билган, Зааван, [Укам] но Акан. 28Таосыз Дишанлэн пиосыз: Уц но Аран. 29Таосыз хоррейёслэн тӧрооссы-азьветлӥсьёссы: Лотан тӧро, Шовал тӧро, Цивеон тӧро, Ана тӧро, 30Дишон тӧро, Эцер тӧро, Дишан тӧро. Та хоррейёслэн, Сеир музъемын улӥсь выжыоссылэн, тӧрооссы-азьветлӥсьёссы.
31Израиль калыклэн эксэйёсыз потэмлэсь азьвыл Едом музъемлэн эксэй пуконаз пукизы таӵе эксэйёс: 32Веорлэн Бела пиез Едомын эксэй вал, нош солэн городэзлэн нимыз Дингава. 33Бела кулӥз но, со бӧрсьы Восорысь Зерахлэн пиез Иовав эксэе пуксиз. 34Иовав кулӥз но, со интые эксэе пуксиз Феман пиослэн музъемысьтыз Хушам. 35Хушам кулӥз но, со интые эксэе пуксиз Бедадлэн Гадад пиез, со Моав бусыын мадиан калыкез погыртӥсь; солэн городэзлэн нимыз Авиф. 36Гадад кулӥз но, со интые эксэе пуксиз Масрекаысь Самла. 37Самла кулӥз но, со интые эксэе пуксиз шур дуре интыяськем Реховоф городысь Саул. 38Саул кулӥз но, со интые эксэе пуксиз Ахборлэн Баал-Ханан пиез. 39Ахборлэн Баал-Ханан пиез кулӥз но, со интые эксэе пуксиз Гадар [Варадлэн пиез]; солэн городэзлэн нимыз Пау; кышноезлэн нимыз Мегетавеель, со Мезагавлэн Матреда нылызлэн нылыз.
40Тани Исав выжыысь улы-бечеослэн, [калыкъёссылэн] улон интыысьтызы тӧроосызлэн-азьветлӥсьёсызлэн нимъёссы: Фимна тӧро, Алва тӧро, Иетеф тӧро, 41Оливема тӧро, Эла тӧро, Пинон тӧро, 42Кеназ тӧро, Феман тӧро, Мивцар тӧро, 43Магдиил тӧро, Ирам тӧро. Та идумей калыклэн улоно музъемысьтыз вань гуртъёслэн тӧрооссы-азьветлӥсьёссы. Тани та Исав, идумейёслэн атайзы.
Currently Selected:
Улон-вылон 36: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
