Улон-вылон 48
48
48-тӥ ЛЮКЕТ
1Та бере Иосифлы шуизы: «Тани, тынад атаед висе». Соку со аслэсьтыз кык пиоссэ, Манассияез но Ефремез, сьӧраз басьтӥз, [Иаков доры мынӥз]. 2Иаковлы ивор вуттыса шуизы: «Тани, Иосиф пиед тон доры лыктэ». Израиль, вань кужымзэ люкаса, валес вылаз пуксиз. 3Иаков Иосифлы шуиз: «Ваньмызлэсь Кужмо Инмар Ханаан музъемын Луз карысен мыным возьматскиз но, монэ бакель карыса, 4мыным шуиз: ”Тани, Мон тонэ йылӥсь, трос лыдо выжы каро, тон бордысь трос калыкъёсты потто, тон бӧрсьы кылем тынад выжыедлэн киулаз та музъемез пумтэм вапумъёс ӵожелы сёто”. 5Таре тынад Египет музъемын мынам татчы вуэмелэсь азьвыл вордскем кык пиосыд мынам луозы; Ефрем но Манассия, Рувимен Симеон кадь ик, мынам луозы; 6нош таос бере вордскем пиосыд тынад луозы; соослэн басьтоно люкетсы Ефремен Манассия агайёссылэн люкет музъемазы луоз. 7Месопотамияысь лыктыкум, Ханаан музъемысен, Ефрафае вуытэк, сюрес вылысен кулӥз мынам Рахиле [тынад анаед]; Ефрафае мынӥсь сюрес дуре мон сое ватӥ, со инты (Ефрафа) али Вифлеем шуыса нимаське». 8Израиль Иосифлэсь пиоссэ адӟыса шуиз: «Кин та?» 9Иосиф атаезлы шуиз: «Та мынам пиосы, татысен ини Инмар мыным соосты сётӥз». [Иаков] шуиз: «Соосты мон доры вай, мон соосты бакель каро». 10Пересьмыса Израильлэн синъёсыз ляб адӟо ини, чылк-чылк адӟыны ӧз быгаты ини. Иосиф пиоссэ матаз ик вайиз но, Израиль соосты чупаз, ӟыгыртӥз. 11Израиль Иосифлы шуиз: «Тынэсьтыд тусбуйдэ адӟо на шуыса уг ни малпаськы вал, но тани, Инмар возьматӥз, нылпиостэ но». 12Иосиф пиоссэ атаезлэн пыд выжыысьтыз палэнэ нуиз но со азе пыдесъяськыса йыбырттӥз. 13Иосиф кыксэ ик [пиоссэ] кутӥз: Ефремез бур кияз кутӥз, Израильлэн паллян палаз султытӥз, нош Манассияез паллян кияз кутӥз, Израильлэн бурпалаз султытӥз, атаезлэн матаз вайиз. 14Нош Израиль бур кизэ ӝутӥз но Ефремлэн йыр вылаз понӥз, таиз пи покчиез ке но вал, нош паллян кизэ Манассиялэн йыр вылаз понӥз. Тодыса вылысь со тазьы киоссэ тыриз, Манассия нырысь вордскем пи ке но вал. 15Иосифез бакель карыса шуиз: «Инмар, Кин азьтӥ Авраамен Исаак атайёсы ветлӥзы, вордскем дырысеным туннэ нуналозь монэ возьмась Инмар, 16вань уродлэсь монэ мозмытӥсь Кылчин, та пинал пиосты бакель мед кароз; соос бордын мынам нимы мед возиськоз, атайёсылэн – Авраамлэн но Исааклэн – нимъёссы мед возиськозы, музъем вылын туж трос мед луозы». 17Иосиф адӟиз атаезлэсь бур кизэ Ефремлэн йыр вылаз понэмзэ – ӝож вал та понна солы. Соку со атаезлэсь кизэ кутӥз но Ефремлэн йыр вылысьтыз Манассиялэн йыр вылаз поныны малпаз, 18соку Иосиф атаезлы шуиз: «Атай, тон шонер уд лэсьтӥськы, таиз нырысь вордскем пи, солэн йыр вылаз бур кидэ пон». 19Нош атаез соглаш ӧз луы, со шуиз: «Тодӥсько, пие, тодӥсько; со бордысь но калык потоз, со быдӟым калык луоз; нош покчиез выныз солэсь вылӥгес луоз, солэн кидыс бордысьтыз трос лыдо калык потоз». 20Со нуналэ соосты, тазьы шуыса, бакель кариз: «Тон пыр Израиль тазьы шуыса бакель кароз: ”Ефремен Манассиялы кадь Инмар тыныд мед лэсьтоз”». Ефремез Манассиялэсь вылӥ кариз. 21Израиль Иосифлы шуиз: «Тани, мон кулӥсько ини, Инмар тӥледыз уз кушты, атайёстылэн музъемазы берыктоз; 22агай-вынъёсыд азьын тонэ вылӥ карыса, мон тыныд эшшо ватсаса музъем люкет сётӥсько, сое мон меченым, пукыӵеным аморрейёс киысь басьтӥ».
Currently Selected:
Улон-вылон 48: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Улон-вылон 48
48
48-тӥ ЛЮКЕТ
1Та бере Иосифлы шуизы: «Тани, тынад атаед висе». Соку со аслэсьтыз кык пиоссэ, Манассияез но Ефремез, сьӧраз басьтӥз, [Иаков доры мынӥз]. 2Иаковлы ивор вуттыса шуизы: «Тани, Иосиф пиед тон доры лыктэ». Израиль, вань кужымзэ люкаса, валес вылаз пуксиз. 3Иаков Иосифлы шуиз: «Ваньмызлэсь Кужмо Инмар Ханаан музъемын Луз карысен мыным возьматскиз но, монэ бакель карыса, 4мыным шуиз: ”Тани, Мон тонэ йылӥсь, трос лыдо выжы каро, тон бордысь трос калыкъёсты потто, тон бӧрсьы кылем тынад выжыедлэн киулаз та музъемез пумтэм вапумъёс ӵожелы сёто”. 5Таре тынад Египет музъемын мынам татчы вуэмелэсь азьвыл вордскем кык пиосыд мынам луозы; Ефрем но Манассия, Рувимен Симеон кадь ик, мынам луозы; 6нош таос бере вордскем пиосыд тынад луозы; соослэн басьтоно люкетсы Ефремен Манассия агайёссылэн люкет музъемазы луоз. 7Месопотамияысь лыктыкум, Ханаан музъемысен, Ефрафае вуытэк, сюрес вылысен кулӥз мынам Рахиле [тынад анаед]; Ефрафае мынӥсь сюрес дуре мон сое ватӥ, со инты (Ефрафа) али Вифлеем шуыса нимаське». 8Израиль Иосифлэсь пиоссэ адӟыса шуиз: «Кин та?» 9Иосиф атаезлы шуиз: «Та мынам пиосы, татысен ини Инмар мыным соосты сётӥз». [Иаков] шуиз: «Соосты мон доры вай, мон соосты бакель каро». 10Пересьмыса Израильлэн синъёсыз ляб адӟо ини, чылк-чылк адӟыны ӧз быгаты ини. Иосиф пиоссэ матаз ик вайиз но, Израиль соосты чупаз, ӟыгыртӥз. 11Израиль Иосифлы шуиз: «Тынэсьтыд тусбуйдэ адӟо на шуыса уг ни малпаськы вал, но тани, Инмар возьматӥз, нылпиостэ но». 12Иосиф пиоссэ атаезлэн пыд выжыысьтыз палэнэ нуиз но со азе пыдесъяськыса йыбырттӥз. 13Иосиф кыксэ ик [пиоссэ] кутӥз: Ефремез бур кияз кутӥз, Израильлэн паллян палаз султытӥз, нош Манассияез паллян кияз кутӥз, Израильлэн бурпалаз султытӥз, атаезлэн матаз вайиз. 14Нош Израиль бур кизэ ӝутӥз но Ефремлэн йыр вылаз понӥз, таиз пи покчиез ке но вал, нош паллян кизэ Манассиялэн йыр вылаз понӥз. Тодыса вылысь со тазьы киоссэ тыриз, Манассия нырысь вордскем пи ке но вал. 15Иосифез бакель карыса шуиз: «Инмар, Кин азьтӥ Авраамен Исаак атайёсы ветлӥзы, вордскем дырысеным туннэ нуналозь монэ возьмась Инмар, 16вань уродлэсь монэ мозмытӥсь Кылчин, та пинал пиосты бакель мед кароз; соос бордын мынам нимы мед возиськоз, атайёсылэн – Авраамлэн но Исааклэн – нимъёссы мед возиськозы, музъем вылын туж трос мед луозы». 17Иосиф адӟиз атаезлэсь бур кизэ Ефремлэн йыр вылаз понэмзэ – ӝож вал та понна солы. Соку со атаезлэсь кизэ кутӥз но Ефремлэн йыр вылысьтыз Манассиялэн йыр вылаз поныны малпаз, 18соку Иосиф атаезлы шуиз: «Атай, тон шонер уд лэсьтӥськы, таиз нырысь вордскем пи, солэн йыр вылаз бур кидэ пон». 19Нош атаез соглаш ӧз луы, со шуиз: «Тодӥсько, пие, тодӥсько; со бордысь но калык потоз, со быдӟым калык луоз; нош покчиез выныз солэсь вылӥгес луоз, солэн кидыс бордысьтыз трос лыдо калык потоз». 20Со нуналэ соосты, тазьы шуыса, бакель кариз: «Тон пыр Израиль тазьы шуыса бакель кароз: ”Ефремен Манассиялы кадь Инмар тыныд мед лэсьтоз”». Ефремез Манассиялэсь вылӥ кариз. 21Израиль Иосифлы шуиз: «Тани, мон кулӥсько ини, Инмар тӥледыз уз кушты, атайёстылэн музъемазы берыктоз; 22агай-вынъёсыд азьын тонэ вылӥ карыса, мон тыныд эшшо ватсаса музъем люкет сётӥсько, сое мон меченым, пукыӵеным аморрейёс киысь басьтӥ».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016