Wenía 19
19
Sodomanĩ Gomorra keyóti ivo yoã
1Yãta vakíchivakĩmaĩnõ, yonótaya yové ravévakĩ, Abraão pokéshoyavorasĩ, Sodomanamã nokóvaĩvo. Aská oĩinã Abraãone epashko, Ló, ano ikoti veyó tsaósho ato meravaí, weniinávaí, atomẽ mekíkaĩi, kochikaĩi, maĩ vetsek ipásho 2atomẽ eséyakĩ vana ainakĩ. “Ẽ shovõ voãna. Anosho tatxó ivaí tenei yamévãvaí, shavá nakoirívi votãnoshõ”, ato ãwẽ akátõsho, “roase, neno ikotĩ wenẽneshõse nõ yamévãkatsa”, akávo.
3Askáki Lópa akirishõka ato ewevaĩkatsiki oĩinã ãwẽ vana anõ avainii ãwẽ shovonamã voávo. Aská akĩ ato kawivaĩsho Lópa ato pitĩ yonoki. Aská avaikĩ pão fermento yama ivo “naí akí”, avaikĩ ato pimaki, aa pokeyavorasĩ.
4Askái ano atõ oshavaĩkatsímaĩnõ, aaivo cidade shokoyavõ, venerasĩ, veronevorasĩ, sheniwetsarasĩ, aká ashkãsho shovo teavaĩvo. 5Askáki Ló kenasho nĩkãvo, “ato voraía, yãtã venerasĩ neno mĩ shovonamã weiyavonã? Neno ikotĩ noke ato ewevarãsho! Ato nõ ichná anõ”, akávo.
6Atõ askái vanamaĩnõ Ló ikotĩ kayakaĩsho kepovaĩvaí, 7vanainái. “Evé shaváyaivorasĩní, chinã askátõ itsomároa. 8Nĩkãna, ea vake aĩvake ravévakĩ venẽ merama ivo aya. Atovo mato yonoshonõ, mã chinãtõrvi atonĩ inosho. Askámaĩnõ naa venerasĩro meskotsomároa, ea atõ pokéshoi vemaĩnõ, ato ẽ vesorívi”, ato akĩ.
9Atõ ãwẽ aská akatõsho, “miaro sherékawãta”, iinã oi shokonívo. “Naa yorã, nokepa yoramamẽkĩ, neno oshõ noke yonokatsiki. Ramaro mĩ shovõ oshaya yorarasĩ akátõchta noke mia akátĩpa, miaro ichná tavákepatõ mia nõ akatsai”, akávo. Askáki kepoti txevévaĩkatsiinã Ló shotõkévo. 10Atõ aská amaĩnõse ano pokéi veayavorasĩni, Ló atxisho erékomavaikĩse shovo kepovo. 11Anosho ikotĩ shokoya veronevorasĩ, sheniwetsarasĩ aká ato keyoki vesho apáki. Atõ aská akatõsho, kepoti itimamavãvo.
12Askái anosho aa poketaiyavorasĩni Ló nĩkãvo. “Miapa yora wetsanã yamará nenonã? Mĩ vakerasĩ, mĩ vake rakãyavo venerasĩ, mĩ wetsamavorasĩ wetsa aká ato kawivaĩta. 13Naaivo shavá nõ keyokatsiki. Yavepa atõ ichnávaĩa kaká nĩkãsho, ‘oĩvaíki ato keyotana’, noke amaĩnõ ato nõ chinãvarãvai”, akávo.
14Aská nĩkãinã Ló ãwẽ vake rakãyavo venerasĩ ato tanamai kakĩ. “Shairó, rayávaĩtana, Yavepa naaivo cidade keyokatsiki”, ato ãwẽ akátõsho wesi ise ikiravã akávo.
15Askái shavá naóvakĩmaĩnõ, yonótaya yovevõ Ló akirishõka, “shairó, mĩ aĩ, mĩ aĩvake ravévakĩ akáse ato ewevaĩta shairó, naaivo shavapashõ mato keyómísi”, akávo.
16Anosho ãwẽ inomaĩnõ, Ló, ãwẽ aĩ, ãwẽ vakerasĩ aatiinĩ ashõ, mepákevai voshõ cidade orakamasho ato enevo, Yavepa Ló onísíse oĩinã. 17Anosho, yonótaya yové wetsã Ló tanamakĩ. “Ramaro kayata. Mia yamamísi, txipokiri oĩroa, naaivo mató sapakatõ niakeroa, matopa katãtso. Mĩ askámaro mia vopikatsa”, akĩ.
18Ãwẽ askámaĩnõ anõ eséyakĩ vana ainakĩ. “Ea aská akatĩpa. 19Roakakĩ ea mĩ ashõai. Enõ noípakĩ vesoki ea mĩ shavá amai. Askámẽkĩ matopa ea kaatĩpá. Oĩvaĩi kaí, ichnák pakéi ea yamarívi. 20Waaka cidade ichtóchta rakánã mĩ oĩai? Aa orakama. Ari ẽ katãnõ. Mĩ oĩai, aatióchta ivonã? Anoro ea vopima ikatsaivere”, akĩ.
21Aská nĩkãinã yonótaya yové vanai. “Roase mia anõ anõ askáro. Aaivo cidade ea keyoma ikatsai. 22Ramaro rayákaĩta, ano mĩ nokóatishõki shavá wetsarasĩ ea keyotĩpá”, akĩ. (Anosho Lópa yoã ivo cidade ichtóchta oĩinã “Zoar”, akĩ anevo.)#19.22 Hebraicõ vana “Zoar” ikíro “ichtóchta” keskápáchta
23Askái Ló, shavá maiki pakémaĩnõ, Zoarnamã nokókaĩi. 24Anoshose Yavepa akĩvisi rateki naí shavapashõ txii shasho, “enxófre” aká para akĩ Sodomanĩ Gomorranamã.#19.24 Enxofrero shasho misko pisika, ratãch nevãka ivo 25Anõsho ato keyoti, cidade ravévakĩ, mató sapakanamã shaváyaivorasĩ, niirasĩ aatíi. 26Askái kakĩ Lópa aĩni txipokiri patákesho ãwẽ oĩáse katxi vorókéi.
27Anosho aaivo shavapásevi, Abraão weníinavaí Yavénĩ ãwẽ vanavainamã chinãvaĩi kaí. 28Anosho Sodomanĩ Gomorra rakákiri mató sapaka keyoki oĩketakĩ ãwẽ oĩa, maitioi koĩ tachiináa, txii ee ikí pichtama oĩki.
29Askáti, aaivo cidaderasĩ Yové Koĩni ato keyosho, Abraãomẽsho, ãwẽ epashko ivoro ewesho pashamati.
Lópa aĩvakevõ atõ papa vake meramati ivo yoã
30Askásho txipo Ló, Zoar shavá rakéshoinã mató chinãvaĩi kaí, ãwẽ aĩvakevonĩ shasho pepi teró shokokei voávo. 31Askáki shavá wetsã ãwẽ vake aĩvake vevoketõ, txipoke ivo aská akĩ vana akĩ, “nokẽ papa ma sheni wetsai, neno nokẽ shavapa vene wetsa yama, yora wetsa ikítõ noke ikítĩpá. 32Rama nõ neská anõ. Vinho amaki nõ vetsamatimarã. Aská ashõ avé mĩtxiki vake nõ meramanõ”, akĩ.
33Atõ askái vana ivo yãtapakémaĩnõ atõ papa vinho amavaíki, ãwẽ meráshavo vevoke ivo avé oshai. Askámẽkĩ ã papa vetsai kavimasho tanama. 34Askávai shaváma vesokaĩki ãwẽ vevoke ivõ txipoke ivo yoãshokĩ. “Ea shaváma yamé papanĩ ẽ oshavai. Rama yamé vetsamaoskámarakĩ, mia avé oshaonoshõnã, ravé akĩ noke ãwẽ vake merashoatõsho ave revovaĩnõvo”, akĩ. 35Askáki yãta wetsã, atõ papa vinho amaovaíki, ãwẽ meráshavo txipoke ivo avé oshaói. Askámẽkĩ vetsai kavimasho tanaómasevi.
36Aská anosho ãwẽ aĩvake ravése toonívo, atõ papãse ato toomaa. 37Askásho vevoke ivonapari pakémaĩnõ, “Moabe”, akĩ aneki. Naaro Moabe yorarasĩ meraya rama. 38Txipokena ivo pakéomaĩnõ, “Ben-Ami”, akĩ aneki, amonita yorarasĩ meraya rama.
Currently Selected:
Wenía 19: YKV
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved
