Wenía 27
27
Isaquẽ Jacó vana roapa ivo netãti ivo yoã
1Askávai txipo Isaque sheniwetsa mashtésho veshoi. Askáki shavá wetsã ãwẽ vake vevoké ivo Esaú kenasho aská akĩ. “Yomé”, ãwẽ imaĩnõ, “awerá papá? Neno ẽ niá”, akĩ.
2Ã aská akatõsho, “ea ma iki sheniwetsa mashtéai, ea mĩ oĩaitĩ, ẽ vopikatsa shavá ea tanama. 3Mĩ tawa vivainii kashõ ichnáchta ea merashotã. 4Aská akĩ yoini meravaíki piti ichnáma, ẽ rayá akáka ivo naí avaikĩ ea vishõvarãtso ẽ pinõ. Pivaikĩ ẽ vana roapa ivo netãsho mia enenõ, ẽ vopiti vevo”, akĩ.
5Aská nĩkãinã Rebecã Esaú ãwẽ nii kamaĩnõ, 6Jacó yoãshokĩ. “Mĩ papa Esaúnĩ askái vanavo ẽ nĩkãai. 7‘Yoini meravaíki naí avaikĩ vivarãtso, ẽ pinõ. Pivaikĩ vana roapa ivo netãsho mia enenõ, ẽ vopiti vevo Yavepa oĩni’, iki. 8Ramaro neská atãtso, nĩkãwẽ. 9Cabra shokoanamã kashõ ãwẽ vake roaka ivo ravévakĩ ea vishõta, piti ichnáma, mĩ papã rayá akáka ivo ẽ naí ashõnõ. 10Miã vishõvaĩtátso, mĩ papã pivaikĩ, vana roapa ivo mia ave netãnõ, ãwẽ vopiti vevo”, akĩ.
11Ãwẽ aská akatõsho, “ẽ take Esaúro raniyãwakarvi, earo ranimarvi, 12askásho ẽ papã ramãpakevãvãki ea onãmísi, ẽ parãa tanavaíki ãwẽ vana roapa ea netãimamísi, enõ veí vana ã netãrívi”, akĩ.
13Askái ãwẽ vanamaĩnõ ãwẽ ewã “ease ave anõ, veí netãkiro. Miãro mia ẽ yonoa ivo vitã”, akĩ.
14Ãwẽ ewã aská akĩ yonoatõsho vishõtakĩ. Aská akĩ ãwẽ vishõtamaĩnõ piti ichnáma, ãwẽ papã rayá akáka ivo naí ashõki. 15Piti aská akĩ naí ashõvaíki, ãwẽ vake vevoketõ õpo, shovõ nanéa ivo vivaikĩ ãwẽ vake txipoke sawemakĩ. 16Aská avaikĩ cabra vake, ãwẽ shakapa Jacó ãwẽ mevinamã rakoketaní, ãwẽ teshonamã terák akí, akĩ. 17Aská akĩ piti ichnámakĩ, ãwẽ naí aká ivo, pão tashnasho Jacó inãki.
18Aská akĩ ãwẽ ewã inãmaĩnõ Jacopa vivainii kashõ, ãwẽ papa kenaki. “Papá”, iinã ãwẽ vakẽ kenatõsho, “awerá yomé, mia tsoará?” 19ãwẽ imaĩnõ, “ea Esaú mĩ vake vevoké ivo, ea mĩ yonoa ivo mia ẽ ashõai. Yoini ẽ meratana pirí, pivaikĩ mĩ vana roapa ivo ea netãnoshõ”, akĩ Jacopa.
20Ãwẽ vakẽ aská akatõsho, “ii awesá yoini mia inó atãmakarkĩ?” akĩ.
“Aavirá, Yavé mĩ ravia ivo Yovepa, ea yomẽ ashõatõsho ẽ aká”, akĩ.
21Jacó askái vanamaĩnõ, “askáro mia meenõrí Esaúseraki”, akĩ ãwẽ papã.
22Jacó ã papã aská akatõsho, aa kesó nii kaí. Aa kesó ãwẽ nii kamaĩnõ, ramãpakevãvai vanai. “Ãwẽ metáshero Esaúsemẽkĩ ãwẽ oiro Jacó nĩkã askĩ”, akĩ. 23Askái ãwẽ metáshe raniyãwasho onãma ãwẽ take keskáse meeinã. Askáinã ãwẽ vana roapa ivo netãkatsiinã 24nĩkãki. “Mianã ẽ vake Esaú ivoserá?” ãwẽ imaĩnõ, “ẽe, ea aasekatá”, akĩ.
25Ãwẽ aská akatõsho, vanai. “Yoini mĩ meratanaa ivo neno vivarãa ẽ pinõ, pivaikĩ vana roapa ivo mia netãnõ”, akĩ. Aská akĩ Jacopa ãwẽ papa pimaivaíki vinhone matĩmakĩ. 26Ãwẽ aská akatõsho, “ea mekí amarí”, ãwẽ imaĩnõ 27ã vakẽ mekí amaki. Askái õpo itsa sheteinã Isaquẽ ãwẽ vana roapa netãi vanai. “Ase, ẽ vakẽ itsaro, Yavepa vana roapa netã ivo waĩ itsa keská. 28Yové Koĩni naĩsho niví para akĩ, mai matsi akĩ, trigonĩ vinho mia ashõtikĩra. 29Yora shoko wetsarasĩ minõ eséyai maĩ vetsek ipái shokonõvo. Mĩ takevo mĩ ato yonoa shokosho mia veyó vetsek ipaónõvo. Yora mia veí vana netãya ivoro aaivo vanasevi netãnaókatsa. Askámaĩnõ, yora vana roapa mia netãya ivoro, aaivo vanasevi netãnaókatsa”, akĩ.
30Anosho ãwẽ vana roapa ivõ Jacó netãa, kayakaĩmaĩnõse, ãwẽ take Esaú nitãi tachikarãi. 31Askátani oshõ arí piti roaka naí aovaíki, ãwẽ papa vishõvaíki aská akĩ. “Papá tsaóiná. Yoini mia ẽ ashõtana pinosho. Pivaikĩ vana roapa ea netãnoshõ”, akĩ.
32Ã aská akatõsho, “mia tsoará?” iinã ãwẽ nĩkãatõsho, “eatsikĩ, Esaú, mĩ vake vevoke ivonã”, akĩ.
33Ãwẽ aská nĩkãinã Isaque tari ikí, naíi vanai. “Tsoará yoini atãi oshõ ea vishõvarãyanã? Mĩ nokókatsa vevo ma ẽ pia, aa vana roapa ma ẽ netãi, aarvi ikatsai ichnámai niaya”, akĩ.
34Ãwẽ papa aská nĩkãinã, Esaú naíi, txakar iki ranóma. “Mĩ vana roapa ea netãó papá”, 35ãwẽ imaĩnõ, “mĩ takẽ ea parãtõsho mia ẽ netãkatsiki ivo, ãatõ ma via”, akĩ.
36Ã aská akatõsho, “parãki ea ma ravévakĩ aka. Vevo ea askásevi aochná. Txipokemẽkĩ vevoke keskái niakeshõ ea ivokãkechná. Askávaíki rama mĩ vana roapa ivo ea viãkãóai. Askáinãvísi Jacó#27.36 Hebraicõ vana “Jacó” ikíro “parã” keská ‘paranka’, nõ akárvi. Askánã, wetsa ea mia mekeshoamará”, akĩ nĩkãki, ãwẽ papa.
37“Jacó ma ẽ eneshoa. Ãatõ mia, mĩ wetsamavorasĩnĩ ashõ mato yonokatsa. ‘Trigonĩ vinho mia mãamasevi ikatsai’, ma ẽ tanamai. Miaro ẽ awesarokataikĩ, yomé”, akĩ.
38Ã aská akámẽkĩ Esaú aví ikíma, “yama yamakará papá? Mĩ vana roapa ea netãó”, iinã, isĩinasho wai ikí.
39Ãwẽ askámaĩnõ ãwẽ papã aská akĩ, “mai matsi enekésho niví naĩsho para ikí yamanamã ora mĩ nikatsai. 40Toĩtiyai mĩ nimaĩnõ, mĩ takẽ mia yonokatsa. Askámẽkĩ askáse mĩ nasanímaĩnõ ãatõ mia yonoóma ikatsai”, akĩ.
41Askáinã Esaú, ãwẽ takeki ichnákéi isĩpatõ ikí, vana roapa ivomẽsho. Askái arí vanai. “Ẽ papamẽsho ronakatsa omakaĩai, askámaĩnõrívi ẽ take yamamanõ”, ikí.
42Askái, ãwẽ vana Rebeca atõ yoãshoatõsho, Jacó kenavaíki tanamakĩ, “mĩ takẽ mia kopiki mia yamamakatsikí. 43Ramaro neská akĩ mia ẽ yoãshokatsiki, nĩkãtso. Rayákaĩta Harãnamã, ẽ take Labão niánamãnã. 44Ano avé nishõ oĩta, mĩ take ãwẽ chinã ichnátõ ikípari ave taváke inõ, 45minõpari ave rawe inõ. Aská tavákemaĩnõrívi yora mia ẽ yonoshonõ mia ave ewenõ. Shavá wetsãse ẽ vake ravése atõ keyóa ea oĩkatsikíma”, akĩ. 46Askávai txipo Rebeca Isaquenĩ vanai. “Naaivo Hetẽ shavorasĩmẽ ea ma ãtsãai. Jacopa atopa shavo ãwẽ ninivarãa ivoro, ea tsaótĩpá”, ikí vanai.
Currently Selected:
Wenía 27: YKV
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved
Wenía 27
27
Isaquẽ Jacó vana roapa ivo netãti ivo yoã
1Askávai txipo Isaque sheniwetsa mashtésho veshoi. Askáki shavá wetsã ãwẽ vake vevoké ivo Esaú kenasho aská akĩ. “Yomé”, ãwẽ imaĩnõ, “awerá papá? Neno ẽ niá”, akĩ.
2Ã aská akatõsho, “ea ma iki sheniwetsa mashtéai, ea mĩ oĩaitĩ, ẽ vopikatsa shavá ea tanama. 3Mĩ tawa vivainii kashõ ichnáchta ea merashotã. 4Aská akĩ yoini meravaíki piti ichnáma, ẽ rayá akáka ivo naí avaikĩ ea vishõvarãtso ẽ pinõ. Pivaikĩ ẽ vana roapa ivo netãsho mia enenõ, ẽ vopiti vevo”, akĩ.
5Aská nĩkãinã Rebecã Esaú ãwẽ nii kamaĩnõ, 6Jacó yoãshokĩ. “Mĩ papa Esaúnĩ askái vanavo ẽ nĩkãai. 7‘Yoini meravaíki naí avaikĩ vivarãtso, ẽ pinõ. Pivaikĩ vana roapa ivo netãsho mia enenõ, ẽ vopiti vevo Yavepa oĩni’, iki. 8Ramaro neská atãtso, nĩkãwẽ. 9Cabra shokoanamã kashõ ãwẽ vake roaka ivo ravévakĩ ea vishõta, piti ichnáma, mĩ papã rayá akáka ivo ẽ naí ashõnõ. 10Miã vishõvaĩtátso, mĩ papã pivaikĩ, vana roapa ivo mia ave netãnõ, ãwẽ vopiti vevo”, akĩ.
11Ãwẽ aská akatõsho, “ẽ take Esaúro raniyãwakarvi, earo ranimarvi, 12askásho ẽ papã ramãpakevãvãki ea onãmísi, ẽ parãa tanavaíki ãwẽ vana roapa ea netãimamísi, enõ veí vana ã netãrívi”, akĩ.
13Askái ãwẽ vanamaĩnõ ãwẽ ewã “ease ave anõ, veí netãkiro. Miãro mia ẽ yonoa ivo vitã”, akĩ.
14Ãwẽ ewã aská akĩ yonoatõsho vishõtakĩ. Aská akĩ ãwẽ vishõtamaĩnõ piti ichnáma, ãwẽ papã rayá akáka ivo naí ashõki. 15Piti aská akĩ naí ashõvaíki, ãwẽ vake vevoketõ õpo, shovõ nanéa ivo vivaikĩ ãwẽ vake txipoke sawemakĩ. 16Aská avaikĩ cabra vake, ãwẽ shakapa Jacó ãwẽ mevinamã rakoketaní, ãwẽ teshonamã terák akí, akĩ. 17Aská akĩ piti ichnámakĩ, ãwẽ naí aká ivo, pão tashnasho Jacó inãki.
18Aská akĩ ãwẽ ewã inãmaĩnõ Jacopa vivainii kashõ, ãwẽ papa kenaki. “Papá”, iinã ãwẽ vakẽ kenatõsho, “awerá yomé, mia tsoará?” 19ãwẽ imaĩnõ, “ea Esaú mĩ vake vevoké ivo, ea mĩ yonoa ivo mia ẽ ashõai. Yoini ẽ meratana pirí, pivaikĩ mĩ vana roapa ivo ea netãnoshõ”, akĩ Jacopa.
20Ãwẽ vakẽ aská akatõsho, “ii awesá yoini mia inó atãmakarkĩ?” akĩ.
“Aavirá, Yavé mĩ ravia ivo Yovepa, ea yomẽ ashõatõsho ẽ aká”, akĩ.
21Jacó askái vanamaĩnõ, “askáro mia meenõrí Esaúseraki”, akĩ ãwẽ papã.
22Jacó ã papã aská akatõsho, aa kesó nii kaí. Aa kesó ãwẽ nii kamaĩnõ, ramãpakevãvai vanai. “Ãwẽ metáshero Esaúsemẽkĩ ãwẽ oiro Jacó nĩkã askĩ”, akĩ. 23Askái ãwẽ metáshe raniyãwasho onãma ãwẽ take keskáse meeinã. Askáinã ãwẽ vana roapa ivo netãkatsiinã 24nĩkãki. “Mianã ẽ vake Esaú ivoserá?” ãwẽ imaĩnõ, “ẽe, ea aasekatá”, akĩ.
25Ãwẽ aská akatõsho, vanai. “Yoini mĩ meratanaa ivo neno vivarãa ẽ pinõ, pivaikĩ vana roapa ivo mia netãnõ”, akĩ. Aská akĩ Jacopa ãwẽ papa pimaivaíki vinhone matĩmakĩ. 26Ãwẽ aská akatõsho, “ea mekí amarí”, ãwẽ imaĩnõ 27ã vakẽ mekí amaki. Askái õpo itsa sheteinã Isaquẽ ãwẽ vana roapa netãi vanai. “Ase, ẽ vakẽ itsaro, Yavepa vana roapa netã ivo waĩ itsa keská. 28Yové Koĩni naĩsho niví para akĩ, mai matsi akĩ, trigonĩ vinho mia ashõtikĩra. 29Yora shoko wetsarasĩ minõ eséyai maĩ vetsek ipái shokonõvo. Mĩ takevo mĩ ato yonoa shokosho mia veyó vetsek ipaónõvo. Yora mia veí vana netãya ivoro aaivo vanasevi netãnaókatsa. Askámaĩnõ, yora vana roapa mia netãya ivoro, aaivo vanasevi netãnaókatsa”, akĩ.
30Anosho ãwẽ vana roapa ivõ Jacó netãa, kayakaĩmaĩnõse, ãwẽ take Esaú nitãi tachikarãi. 31Askátani oshõ arí piti roaka naí aovaíki, ãwẽ papa vishõvaíki aská akĩ. “Papá tsaóiná. Yoini mia ẽ ashõtana pinosho. Pivaikĩ vana roapa ea netãnoshõ”, akĩ.
32Ã aská akatõsho, “mia tsoará?” iinã ãwẽ nĩkãatõsho, “eatsikĩ, Esaú, mĩ vake vevoke ivonã”, akĩ.
33Ãwẽ aská nĩkãinã Isaque tari ikí, naíi vanai. “Tsoará yoini atãi oshõ ea vishõvarãyanã? Mĩ nokókatsa vevo ma ẽ pia, aa vana roapa ma ẽ netãi, aarvi ikatsai ichnámai niaya”, akĩ.
34Ãwẽ papa aská nĩkãinã, Esaú naíi, txakar iki ranóma. “Mĩ vana roapa ea netãó papá”, 35ãwẽ imaĩnõ, “mĩ takẽ ea parãtõsho mia ẽ netãkatsiki ivo, ãatõ ma via”, akĩ.
36Ã aská akatõsho, “parãki ea ma ravévakĩ aka. Vevo ea askásevi aochná. Txipokemẽkĩ vevoke keskái niakeshõ ea ivokãkechná. Askávaíki rama mĩ vana roapa ivo ea viãkãóai. Askáinãvísi Jacó#27.36 Hebraicõ vana “Jacó” ikíro “parã” keská ‘paranka’, nõ akárvi. Askánã, wetsa ea mia mekeshoamará”, akĩ nĩkãki, ãwẽ papa.
37“Jacó ma ẽ eneshoa. Ãatõ mia, mĩ wetsamavorasĩnĩ ashõ mato yonokatsa. ‘Trigonĩ vinho mia mãamasevi ikatsai’, ma ẽ tanamai. Miaro ẽ awesarokataikĩ, yomé”, akĩ.
38Ã aská akámẽkĩ Esaú aví ikíma, “yama yamakará papá? Mĩ vana roapa ea netãó”, iinã, isĩinasho wai ikí.
39Ãwẽ askámaĩnõ ãwẽ papã aská akĩ, “mai matsi enekésho niví naĩsho para ikí yamanamã ora mĩ nikatsai. 40Toĩtiyai mĩ nimaĩnõ, mĩ takẽ mia yonokatsa. Askámẽkĩ askáse mĩ nasanímaĩnõ ãatõ mia yonoóma ikatsai”, akĩ.
41Askáinã Esaú, ãwẽ takeki ichnákéi isĩpatõ ikí, vana roapa ivomẽsho. Askái arí vanai. “Ẽ papamẽsho ronakatsa omakaĩai, askámaĩnõrívi ẽ take yamamanõ”, ikí.
42Askái, ãwẽ vana Rebeca atõ yoãshoatõsho, Jacó kenavaíki tanamakĩ, “mĩ takẽ mia kopiki mia yamamakatsikí. 43Ramaro neská akĩ mia ẽ yoãshokatsiki, nĩkãtso. Rayákaĩta Harãnamã, ẽ take Labão niánamãnã. 44Ano avé nishõ oĩta, mĩ take ãwẽ chinã ichnátõ ikípari ave taváke inõ, 45minõpari ave rawe inõ. Aská tavákemaĩnõrívi yora mia ẽ yonoshonõ mia ave ewenõ. Shavá wetsãse ẽ vake ravése atõ keyóa ea oĩkatsikíma”, akĩ. 46Askávai txipo Rebeca Isaquenĩ vanai. “Naaivo Hetẽ shavorasĩmẽ ea ma ãtsãai. Jacopa atopa shavo ãwẽ ninivarãa ivoro, ea tsaótĩpá”, ikí vanai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved