1 Пачаби 22
22
Давудица жиндиего рагъухъабазул къокъа гӀуцӀи
1Гаталдаса нахъеги вилълъун Давуд Адулламалъул нохъода вахчана. Гьесул вацазда ва тӀолабго инсул гӀагарлъиялда гьеб рагӀидал, гьел гьесухъе рачӀана. 2Киналниги балагьалъукье ккарал, налъулал, пашманлъи-къварилъиялда ругелщинал гӀадамал ракӀарана гьесухъе ва гьезул цевехъанлъун вахъана Давуд. Кинавниги ункънусго чи вукӀана гьесда цадахъ.
3Гьениса МогӀавалъул Мицпаялде вилълъана Давуд ва МогӀавалъул пачаясда кӀалъана:
«Бегьулеблъун батани, БетӀергьанасул хӀукму лъазегӀан дир эбел-инсуе нужер гьанир чӀезе изну кье», – ян.
4Гьеб бакӀалда вахчун вугебгӀан заманалда МогӀавалъул пачаясда аскӀор тана Давудица гьел. 5Амма цо нухалъ Гад авараг вачӀана Давудихъе ва гьес абуна:
«Мун тӀокӀалъ гьанив чӀоге. Ягьудал ракьалде а», – ян.
Давуд гьениса нахъе ун Хереталъул рохьазда вахчана.
Шаулица Новалда рукӀарал кашишзаби чӀвай
6Давуд ва гьесул чагӀи рихьанилан хабар бачӀана Шаулихъе. Кодоб ккун хечгун, Гивеаялда цо гохӀда, тамарискалъул гъотӀода гъоркь гӀодов чӀун вукӀана гьев. Гьесул цересел чагӀиги рукӀана гьесда сверухъ эхетун.
7Шаулица жиндаго сверун чӀарал чукъбузда абуна:
«Буняминиял, нуж гӀенекке дихъ! Йишайил васасищ нужее киназего цӀолбол ахалги хурзалги кьезе ругел? Гьесищ нуж азарилбутӀруллъун ва нусилбутӀруллъун тезе ругел? 8Гьединищха нуж киналго дида данде рахъарал ва Йишайил васгун дир вас гьудуллъиялда вукӀинги дидаса бахчараб? Лъицаниги бицинчӀо дида дирго васас, дидаго данде вахъун, дир лагъ макраби ургъизе тӀамулев вукӀин. Жакъа къоялде щвезегӀанги гьел макраби ургъулел ругеб мехалъ лъилниги ракӀ бухӀичӀо дида!»
9Гьебмехалда Шаулил чукъбигун цадахъ гьенив вукӀарав эдомияв Доэкица абуна:
«Дида вихьана Йишайил вас Новалда АхӀитувил вас Ахимелехихъе вачӀун. 10Ахимелехица БЕТӀЕРГЬАНАСУЛ амру цӀехон дугӀа гьабуна гьесул цӀаралдасан. Гьес Давудие квен-тӀехги кьуна, Голиафил хвалченги кьуна», – ян.
11Цинги Шаул пачаяс кашиш Ахимелехги Новалда кашишзабилъун ругел гьесул инсул гӀагарлъиялъул тӀолалго бихьиналги ахӀизе чагӀи ритӀана, ва гьел киналго рачӀун пачаясда цере эхетана. 12Шаулица абуна: «ГӀенеккея дихъ, АхӀитувил вас».
«ГӀенеккун вуго, бетӀерчӀахъад», – ин жаваб кьуна гьес.
13Шаулица абуна: «Щай мунги Йишайил васги дида данде рахъине ургъарал?! Дида дандеги вахъун жакъа къоялъ дие гьаб гъоркьчӀел дос гьабизе букӀинелъун, дуца досие квенги хвалченги кьун ва БетӀергьанасда цеве вахъун досие гӀоло дугӀаги гьабун рагӀулагури!» – ян.
14Ахимелехица жаваб кьуна:
«Давуд гӀадав ритӀухъав цоги лагъ щив вугев дур? Гьев дур дурцлъунги вуго, дур рорчӀухъабазул бетӀерги ва кинацаго къадру-къимат гьабулев чиги ккола гьев. 15ТӀоцебесеб нухалдайищ дица Давудил рахъалъ БетӀергьанасул амру цӀехон дугӀа гьабураб? Гьайгьай гуро! Я дида, я дир инсул агьлуялъул цонигиясда гӀайиб чӀваге абе пачаяс. Дида, дур лагъасда, лъалеб жо щибниги гьечӀо дуца бицунеб жоялъул», – ин.
16Амма пачаяс абуна: «Гьайгьай, Ахимелех, мунги дур инсул агьлуги цо течӀого чӀвазе ккола», – ян.
17Шаулица жиндаго аскӀор рахъун чӀарал рорчӀухъабазе буюрухъ кьуна: «Давудил рахъ ккуралъухъ БЕТӀЕРГЬАНАСУЛ кашишзаби чӀвай! Гьезда лъалеб букӀана Давуд лъутаравлъи, амма дида щибго бицинчӀо», – ян.
Амма Шаулил чагӀазе бокьичӀо БЕТӀЕРГЬАНАСУЛ кашишзабазде квер борхизе ва гьел чӀвазе. 18Гьебмехалъ Доэкие буюрухъ кьуна пачаяс: «Вилълъа, дуца чӀвай кашишзаби», – ян.
Вахъун эдомияв Доэкица чӀвана гьел. Ункъоялда щуго эфод босулев кашиш чӀвана гьес гьеб къоялъ. 19Цинги гьез кашишзабазул шагьар Новги щущахъ биххизабуна. Шагьаралда букӀарабщинабги – бихьиналгун руччаби, гӀисинал-чӀахӀиял киналго лъимал, гӀи-боцӀигун хӀамул – киналго хвалчаца чӀвана гьес.
20Амма АхӀитувил вас Ахимелехил Авиатарин цӀар бугев цо вас хвасарлъана ва гьев Давудихъе лъутана. 21Гьес Давудида бицана Шаулица БЕТӀЕРГЬАНАСУЛ кашишзаби чӀванилан. 22Цинги Давудица Авиатарида абуна:
«Дида доб къоялъго, дова эдомияв Доэк вукӀин бихьидал, лъалеб букӀана дос ракӀчӀун Шаулида бицунеблъи. Дур инсул агьлуялда цеве, гьезул щибаб рухӀалда цеве дун вуго гӀайибияв. 23Дида цадахъ вукӀа ва сункьаго хӀинкъуге мун. Дуда хадув чӀарав дида хадув чӀаравлъун вукӀина. Дида цадахъ вугони, мун цӀунаравлъунги вукӀина».
Currently Selected:
1 Пачаби 22: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
1 Пачаби 22
22
Давудица жиндиего рагъухъабазул къокъа гӀуцӀи
1Гаталдаса нахъеги вилълъун Давуд Адулламалъул нохъода вахчана. Гьесул вацазда ва тӀолабго инсул гӀагарлъиялда гьеб рагӀидал, гьел гьесухъе рачӀана. 2Киналниги балагьалъукье ккарал, налъулал, пашманлъи-къварилъиялда ругелщинал гӀадамал ракӀарана гьесухъе ва гьезул цевехъанлъун вахъана Давуд. Кинавниги ункънусго чи вукӀана гьесда цадахъ.
3Гьениса МогӀавалъул Мицпаялде вилълъана Давуд ва МогӀавалъул пачаясда кӀалъана:
«Бегьулеблъун батани, БетӀергьанасул хӀукму лъазегӀан дир эбел-инсуе нужер гьанир чӀезе изну кье», – ян.
4Гьеб бакӀалда вахчун вугебгӀан заманалда МогӀавалъул пачаясда аскӀор тана Давудица гьел. 5Амма цо нухалъ Гад авараг вачӀана Давудихъе ва гьес абуна:
«Мун тӀокӀалъ гьанив чӀоге. Ягьудал ракьалде а», – ян.
Давуд гьениса нахъе ун Хереталъул рохьазда вахчана.
Шаулица Новалда рукӀарал кашишзаби чӀвай
6Давуд ва гьесул чагӀи рихьанилан хабар бачӀана Шаулихъе. Кодоб ккун хечгун, Гивеаялда цо гохӀда, тамарискалъул гъотӀода гъоркь гӀодов чӀун вукӀана гьев. Гьесул цересел чагӀиги рукӀана гьесда сверухъ эхетун.
7Шаулица жиндаго сверун чӀарал чукъбузда абуна:
«Буняминиял, нуж гӀенекке дихъ! Йишайил васасищ нужее киназего цӀолбол ахалги хурзалги кьезе ругел? Гьесищ нуж азарилбутӀруллъун ва нусилбутӀруллъун тезе ругел? 8Гьединищха нуж киналго дида данде рахъарал ва Йишайил васгун дир вас гьудуллъиялда вукӀинги дидаса бахчараб? Лъицаниги бицинчӀо дида дирго васас, дидаго данде вахъун, дир лагъ макраби ургъизе тӀамулев вукӀин. Жакъа къоялде щвезегӀанги гьел макраби ургъулел ругеб мехалъ лъилниги ракӀ бухӀичӀо дида!»
9Гьебмехалда Шаулил чукъбигун цадахъ гьенив вукӀарав эдомияв Доэкица абуна:
«Дида вихьана Йишайил вас Новалда АхӀитувил вас Ахимелехихъе вачӀун. 10Ахимелехица БЕТӀЕРГЬАНАСУЛ амру цӀехон дугӀа гьабуна гьесул цӀаралдасан. Гьес Давудие квен-тӀехги кьуна, Голиафил хвалченги кьуна», – ян.
11Цинги Шаул пачаяс кашиш Ахимелехги Новалда кашишзабилъун ругел гьесул инсул гӀагарлъиялъул тӀолалго бихьиналги ахӀизе чагӀи ритӀана, ва гьел киналго рачӀун пачаясда цере эхетана. 12Шаулица абуна: «ГӀенеккея дихъ, АхӀитувил вас».
«ГӀенеккун вуго, бетӀерчӀахъад», – ин жаваб кьуна гьес.
13Шаулица абуна: «Щай мунги Йишайил васги дида данде рахъине ургъарал?! Дида дандеги вахъун жакъа къоялъ дие гьаб гъоркьчӀел дос гьабизе букӀинелъун, дуца досие квенги хвалченги кьун ва БетӀергьанасда цеве вахъун досие гӀоло дугӀаги гьабун рагӀулагури!» – ян.
14Ахимелехица жаваб кьуна:
«Давуд гӀадав ритӀухъав цоги лагъ щив вугев дур? Гьев дур дурцлъунги вуго, дур рорчӀухъабазул бетӀерги ва кинацаго къадру-къимат гьабулев чиги ккола гьев. 15ТӀоцебесеб нухалдайищ дица Давудил рахъалъ БетӀергьанасул амру цӀехон дугӀа гьабураб? Гьайгьай гуро! Я дида, я дир инсул агьлуялъул цонигиясда гӀайиб чӀваге абе пачаяс. Дида, дур лагъасда, лъалеб жо щибниги гьечӀо дуца бицунеб жоялъул», – ин.
16Амма пачаяс абуна: «Гьайгьай, Ахимелех, мунги дур инсул агьлуги цо течӀого чӀвазе ккола», – ян.
17Шаулица жиндаго аскӀор рахъун чӀарал рорчӀухъабазе буюрухъ кьуна: «Давудил рахъ ккуралъухъ БЕТӀЕРГЬАНАСУЛ кашишзаби чӀвай! Гьезда лъалеб букӀана Давуд лъутаравлъи, амма дида щибго бицинчӀо», – ян.
Амма Шаулил чагӀазе бокьичӀо БЕТӀЕРГЬАНАСУЛ кашишзабазде квер борхизе ва гьел чӀвазе. 18Гьебмехалъ Доэкие буюрухъ кьуна пачаяс: «Вилълъа, дуца чӀвай кашишзаби», – ян.
Вахъун эдомияв Доэкица чӀвана гьел. Ункъоялда щуго эфод босулев кашиш чӀвана гьес гьеб къоялъ. 19Цинги гьез кашишзабазул шагьар Новги щущахъ биххизабуна. Шагьаралда букӀарабщинабги – бихьиналгун руччаби, гӀисинал-чӀахӀиял киналго лъимал, гӀи-боцӀигун хӀамул – киналго хвалчаца чӀвана гьес.
20Амма АхӀитувил вас Ахимелехил Авиатарин цӀар бугев цо вас хвасарлъана ва гьев Давудихъе лъутана. 21Гьес Давудида бицана Шаулица БЕТӀЕРГЬАНАСУЛ кашишзаби чӀванилан. 22Цинги Давудица Авиатарида абуна:
«Дида доб къоялъго, дова эдомияв Доэк вукӀин бихьидал, лъалеб букӀана дос ракӀчӀун Шаулида бицунеблъи. Дур инсул агьлуялда цеве, гьезул щибаб рухӀалда цеве дун вуго гӀайибияв. 23Дида цадахъ вукӀа ва сункьаго хӀинкъуге мун. Дуда хадув чӀарав дида хадув чӀаравлъун вукӀина. Дида цадахъ вугони, мун цӀунаравлъунги вукӀина».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023