1 Пачаби 23
23
Давудица Кеила шагьар хвасар гьаби
1«Кеила абураб шагьаралде тӀаде кӀанцӀун руго пилистимал ва гьезул гьоцӀиб бугебщинаб хӀалухъенги хъамал гьабулеб буго», – ян хабар бачӀана Давудихъе. 2«Дун пилистимазда тӀаде кӀанцӀизе ун лъикӀ гурищ, дир БЕТӀЕРГЬАН?» – инги абун, БЕТӀЕРГЬАНАСУЛ амру цӀехон дугӀа гьабуна цинги гьес.
БетӀергьанас Давудие жаваб гьабуна: «Вахъа, пилистимазда тӀадеги кӀанцӀун, Кеила шагьар хвасар гьабе», – ян.
3Амма Давудил чагӀаз абуна: «Гьаниб Ягьудиялдацин хӀинкъи бугеб нилъее, Кеилаялде пилистимазул аскаразда данде рахъани щибдай ккела?» – ян.
4Давудица БЕТӀЕРГЬАНАСДА нахъеги цӀехана щибдай гьабун лъикӀ букӀинаян ва БЕТӀЕРГЬАНАС гьесие жаваб кьуна: «Кеилаялде а, щайгурелъул Дица духъе кверде кьолел ругелъул пилистимал», – ин.
5Гьебмехалъ Давудги гьесул рагъухъабиги Кеилаялде ана ва пилистимазда данде рагъана. Гьенир гьез пилистимал гъурун рана, гьезул гӀи-боцӀиги хъамал гьабуна, Кеилаялъул жамагӀатги хвасар гьабуна. 6Давудихъе лъутарав Ахимелехил вас Авиатарица эфодги цадахъ босун букӀана Кеилаялде.
Шаул Давудида хадув лъугьин
7Давуд Кеилаялда вугилан Шаулида бициндал, гьес абуна: «Гьанже Аллагьас дихъе кверде кьун ватула гьев. Сверун къараб, кавуги тӀаде рахалеб шагьаралдеги лъугьун, гьес жинцаго живго жанив тӀамун вуго», – ян.
8Шаулица рагъде рахъине рагъухъаби данде ахӀана ва Кеилаялда вугев Давудги гьесул чагӀиги сверун кквезе хӀадурлъана.
9Жинда данде Шаулица квешлъи ургъулеб букӀин лъайдал, Давудица Авиатарида абуна: «Эфод босе гьанибе», – ян.
10Давудица дугӀа гьабуна цинги:
«Вай дир БЕТӀЕРГЬАН! ГӀизраилалъул Аллагь! Дида, дур лагъасда, рагӀана дун сабаблъун Кеила шагьар щущахъ биххизабизе Шаул вачӀинехъин вугилан. 11Кеилаялъул жамагӀаталъ кверде кьеладай дун? Дида, дур лагъасда, рагӀараб харбида рекъон, унго-унголъунги вачӀинадай гьаниве Шаул? Вай дир БЕТӀЕРГЬАН! ГӀизраилалъул Аллагь! Гьарула Дуда, Дур лагъасе гьеб загьир гьабеян!»
БЕТӀЕРГЬАНАС Давудие жаваб кьуна: «Дов вачӀине вуго», – ян.
12«Дунги дир чагӀиги гьесухъе кверде кьеладай Кеилаялъул жамагӀаталъ?» – ин цӀехана Давудица нахъеги.
БЕТӀЕРГЬАНАС жаваб кьуна: «Кверде кьезе руго», – ян.
13Гьебмехалъ, цадахъ жиндирго анлънусгогӀанасев рагъухъангун, Давудица Кеила тана; цинги цо чӀараб бакӀ кквечӀо гьез. Давуд Кеилаялдаса нахъе ун вугилан рагӀидал, Шаулги чабхъад вахъинчӀо.
14ГӀалах-авлахъазда, гӀадан тӀаде щоларел хъитӀазда чӀун, мугӀрузда, Зифалъул бакъвараб гӀалахалда чӀун вукӀунаан Давуд. Щибаб къоялъ валагьулаан Шаулица гьев, амма Аллагьас гьесул кверде ккезе толароан.
15Цо нухалъ Зифалъул ракьалда бугеб Хорешалда вукӀаго, Давудида бихьана Шаулица жив валагьулев вукӀин. 16Шаулил вас Ионатан вачӀана Хорешалде Давудихъе ва Аллагьасде мугъчӀвай гьабун вукӀаян ракӀбатизабуна гьесул.
17«ХӀинкъуге, дир эмен Шаулихъе мун кодове щвезе гьечӀо. ГӀизраилалда тӀад пачалъун вахъина мун ва дудаса хадув кӀудиявлъун дунги вукӀина. Гьедин букӀунеблъи дир эмен Шаулидаги лъала», – ян абуна Ионатаница.
18Цинги БЕТӀЕРГЬАНАСДА цебе кӀиязго жидерго къотӀи такрар гьабуна. Ионатан рокъове тӀадвуссана, ва Давуд Хорешалда чӀана.
19Зифиял рачӀана Гивеаялде Шаулихъе ва гьез абуна:
«Нижер гьанив Хорешалъул кӀкӀал-хъитӀазда вахчун гуревищ Давуд вугев – Ешимоналъул бакъбаккул рахъалда бугеб Хахилаялъул гохӀда? 20Пача, мун дуего бокьараб мехалъ вачӀа. Гьев духъе кверде кьеялъул иш нижеца нижедаго тӀаде босула», – ян.
21Шаулица жаваб гьабуна:
«БЕТӀЕРГЬАНАС баракат лъеги нужеда дие гьабураб лъикӀлъиялъухъ. 22Цоги нухалъ инеги ун хал-шал гьабе Давуд вукӀуневщинаб бакӀалъул ва лъида гьев гьенив вихьанищали ракӀчӀун лъазабе, щайгурелъул дов кутакалда сихӀирав чи вугилан рагӀун буго дида. 23Дов вахчулебщинаб нохъо-къед цӀехон, кьучӀаб хабарги босун, дихъе тӀадрусса. Цинги дунги вилълъина нужгун цадахъ. Дов гьаб ракьалдаса гӀебеде ватани, тӀолабго Ягьудия хъирщун валагьизе кканиги, дица валагьичӀого толаро дов».
24Гьел нухде рахъана ва Шаулидаса цере Зифалде рачӀана. Давуд, жиндирго чагӀигун цадахъ, Иорданалъул расалъиялда бугеб Маон авлахъалда вукӀана. Гьеб кколаан Ешимоналъул къилбаялъул рахъ. 25Шаулги жиндирго чагӀигун цадахъ Давуд валагьизе лъугьана. Гьеб хабар лъайдал, Маон авлахъалда бугеб кьурулъ вахчана Давуд. Шаулида гьеб лъана, ва гьев Давудида хадув Маон авлахъалде гӀедегӀана.
26Шаул жиндирго рагъухъабигун мегӀералъул цояб рахъалда ва Давуд жиндирго къокъагун цогидаб рахъалда рукӀана. Давуд жиндиралгун цадахъ Шаулихъе кверде щолареб бакӀалде ворчӀизе къеркьолев вукӀана. Шаулги гьесул рагъухъабиги, мегӀер сверун рахъ-рахъалдасан ун, гьел сверун кквезе ва кверде росизе къасдалда тӀаде къалел рукӀана. 27Гьебмехалъ цо чапар вачӀана Шаулихъе хабарги босун:
«Хехлъи гьабун тӀадрусса! Пилистимал тӀаде кӀанцӀун руго нилъер ракьалде!» – ян.
28Цинги, вугелъув Давудги тун, пилистимазда данде вагъизе тӀадвуссине гӀедегӀана Шаул. Гьединлъидал, гьеб бакӀалда цӀарги Села Гьамахлекот#23:28 Села Гьамахлекот – РатӀа гьариялъул Кьуру абураб магӀна ккола гьелъул. абун лъураб.
Currently Selected:
1 Пачаби 23: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
1 Пачаби 23
23
Давудица Кеила шагьар хвасар гьаби
1«Кеила абураб шагьаралде тӀаде кӀанцӀун руго пилистимал ва гьезул гьоцӀиб бугебщинаб хӀалухъенги хъамал гьабулеб буго», – ян хабар бачӀана Давудихъе. 2«Дун пилистимазда тӀаде кӀанцӀизе ун лъикӀ гурищ, дир БЕТӀЕРГЬАН?» – инги абун, БЕТӀЕРГЬАНАСУЛ амру цӀехон дугӀа гьабуна цинги гьес.
БетӀергьанас Давудие жаваб гьабуна: «Вахъа, пилистимазда тӀадеги кӀанцӀун, Кеила шагьар хвасар гьабе», – ян.
3Амма Давудил чагӀаз абуна: «Гьаниб Ягьудиялдацин хӀинкъи бугеб нилъее, Кеилаялде пилистимазул аскаразда данде рахъани щибдай ккела?» – ян.
4Давудица БЕТӀЕРГЬАНАСДА нахъеги цӀехана щибдай гьабун лъикӀ букӀинаян ва БЕТӀЕРГЬАНАС гьесие жаваб кьуна: «Кеилаялде а, щайгурелъул Дица духъе кверде кьолел ругелъул пилистимал», – ин.
5Гьебмехалъ Давудги гьесул рагъухъабиги Кеилаялде ана ва пилистимазда данде рагъана. Гьенир гьез пилистимал гъурун рана, гьезул гӀи-боцӀиги хъамал гьабуна, Кеилаялъул жамагӀатги хвасар гьабуна. 6Давудихъе лъутарав Ахимелехил вас Авиатарица эфодги цадахъ босун букӀана Кеилаялде.
Шаул Давудида хадув лъугьин
7Давуд Кеилаялда вугилан Шаулида бициндал, гьес абуна: «Гьанже Аллагьас дихъе кверде кьун ватула гьев. Сверун къараб, кавуги тӀаде рахалеб шагьаралдеги лъугьун, гьес жинцаго живго жанив тӀамун вуго», – ян.
8Шаулица рагъде рахъине рагъухъаби данде ахӀана ва Кеилаялда вугев Давудги гьесул чагӀиги сверун кквезе хӀадурлъана.
9Жинда данде Шаулица квешлъи ургъулеб букӀин лъайдал, Давудица Авиатарида абуна: «Эфод босе гьанибе», – ян.
10Давудица дугӀа гьабуна цинги:
«Вай дир БЕТӀЕРГЬАН! ГӀизраилалъул Аллагь! Дида, дур лагъасда, рагӀана дун сабаблъун Кеила шагьар щущахъ биххизабизе Шаул вачӀинехъин вугилан. 11Кеилаялъул жамагӀаталъ кверде кьеладай дун? Дида, дур лагъасда, рагӀараб харбида рекъон, унго-унголъунги вачӀинадай гьаниве Шаул? Вай дир БЕТӀЕРГЬАН! ГӀизраилалъул Аллагь! Гьарула Дуда, Дур лагъасе гьеб загьир гьабеян!»
БЕТӀЕРГЬАНАС Давудие жаваб кьуна: «Дов вачӀине вуго», – ян.
12«Дунги дир чагӀиги гьесухъе кверде кьеладай Кеилаялъул жамагӀаталъ?» – ин цӀехана Давудица нахъеги.
БЕТӀЕРГЬАНАС жаваб кьуна: «Кверде кьезе руго», – ян.
13Гьебмехалъ, цадахъ жиндирго анлънусгогӀанасев рагъухъангун, Давудица Кеила тана; цинги цо чӀараб бакӀ кквечӀо гьез. Давуд Кеилаялдаса нахъе ун вугилан рагӀидал, Шаулги чабхъад вахъинчӀо.
14ГӀалах-авлахъазда, гӀадан тӀаде щоларел хъитӀазда чӀун, мугӀрузда, Зифалъул бакъвараб гӀалахалда чӀун вукӀунаан Давуд. Щибаб къоялъ валагьулаан Шаулица гьев, амма Аллагьас гьесул кверде ккезе толароан.
15Цо нухалъ Зифалъул ракьалда бугеб Хорешалда вукӀаго, Давудида бихьана Шаулица жив валагьулев вукӀин. 16Шаулил вас Ионатан вачӀана Хорешалде Давудихъе ва Аллагьасде мугъчӀвай гьабун вукӀаян ракӀбатизабуна гьесул.
17«ХӀинкъуге, дир эмен Шаулихъе мун кодове щвезе гьечӀо. ГӀизраилалда тӀад пачалъун вахъина мун ва дудаса хадув кӀудиявлъун дунги вукӀина. Гьедин букӀунеблъи дир эмен Шаулидаги лъала», – ян абуна Ионатаница.
18Цинги БЕТӀЕРГЬАНАСДА цебе кӀиязго жидерго къотӀи такрар гьабуна. Ионатан рокъове тӀадвуссана, ва Давуд Хорешалда чӀана.
19Зифиял рачӀана Гивеаялде Шаулихъе ва гьез абуна:
«Нижер гьанив Хорешалъул кӀкӀал-хъитӀазда вахчун гуревищ Давуд вугев – Ешимоналъул бакъбаккул рахъалда бугеб Хахилаялъул гохӀда? 20Пача, мун дуего бокьараб мехалъ вачӀа. Гьев духъе кверде кьеялъул иш нижеца нижедаго тӀаде босула», – ян.
21Шаулица жаваб гьабуна:
«БЕТӀЕРГЬАНАС баракат лъеги нужеда дие гьабураб лъикӀлъиялъухъ. 22Цоги нухалъ инеги ун хал-шал гьабе Давуд вукӀуневщинаб бакӀалъул ва лъида гьев гьенив вихьанищали ракӀчӀун лъазабе, щайгурелъул дов кутакалда сихӀирав чи вугилан рагӀун буго дида. 23Дов вахчулебщинаб нохъо-къед цӀехон, кьучӀаб хабарги босун, дихъе тӀадрусса. Цинги дунги вилълъина нужгун цадахъ. Дов гьаб ракьалдаса гӀебеде ватани, тӀолабго Ягьудия хъирщун валагьизе кканиги, дица валагьичӀого толаро дов».
24Гьел нухде рахъана ва Шаулидаса цере Зифалде рачӀана. Давуд, жиндирго чагӀигун цадахъ, Иорданалъул расалъиялда бугеб Маон авлахъалда вукӀана. Гьеб кколаан Ешимоналъул къилбаялъул рахъ. 25Шаулги жиндирго чагӀигун цадахъ Давуд валагьизе лъугьана. Гьеб хабар лъайдал, Маон авлахъалда бугеб кьурулъ вахчана Давуд. Шаулида гьеб лъана, ва гьев Давудида хадув Маон авлахъалде гӀедегӀана.
26Шаул жиндирго рагъухъабигун мегӀералъул цояб рахъалда ва Давуд жиндирго къокъагун цогидаб рахъалда рукӀана. Давуд жиндиралгун цадахъ Шаулихъе кверде щолареб бакӀалде ворчӀизе къеркьолев вукӀана. Шаулги гьесул рагъухъабиги, мегӀер сверун рахъ-рахъалдасан ун, гьел сверун кквезе ва кверде росизе къасдалда тӀаде къалел рукӀана. 27Гьебмехалъ цо чапар вачӀана Шаулихъе хабарги босун:
«Хехлъи гьабун тӀадрусса! Пилистимал тӀаде кӀанцӀун руго нилъер ракьалде!» – ян.
28Цинги, вугелъув Давудги тун, пилистимазда данде вагъизе тӀадвуссине гӀедегӀана Шаул. Гьединлъидал, гьеб бакӀалда цӀарги Села Гьамахлекот#23:28 Села Гьамахлекот – РатӀа гьариялъул Кьуру абураб магӀна ккола гьелъул. абун лъураб.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023