लूका 21

गरीब विधवा को दान

(मर 12:41-44)

1अर जब यीशु मन्दिर मा छौ, त वेन सेठ लोगु तैं दान-पेटि मा अपणी-अपणी तरफा बटि दान डलण देखि। 2अर वेन एक गरीब विधवा तैं भि दान-पेटि मा दुई सिक्‍का डलण देखि, जौं की कीमत भौत कम छै। 3अर यू देखि यीशु न बोलि, “मि तुम बटि सच्‍चि बोन्‍नु छौं, कि सब लोगु मा बटि सबसे जादा डलण वळी या विधवा ही च। 4किलैकि यों सभ्यों न त अपणी भरपूरी मा बटि ही दान डालि, मगर अपणी गरीबी की हालत मा जु कुछ भि ईं मा छौ ईं न वु सब कुछ डालियेली।”

दुख-तकलीफ का बारा मा यीशु की भविष्यबाणी

(मत्ती 24:1,2,3-14; मर 13:1,2,3-13)

5अर उख कुछ लोग मन्दिर का बारा मा बात कना छा, कि उ कन सुन्दर ढुंगोळ अर दान की चीजों से सज्युं च। 6तब यीशु न बोलि, #यिर्म 26:18; मीका 3:12“जौं चीजों तैं तुम आज दिखणा छाँ एक दिन आलु, जब ये मन्दिर को एक ढुंगो भि अपणी जगा पर नि रालु, किलैकि वु सब ढुळै जाला।” 7अर लोगु न वे बटि पूछी, “गुरुजी, यू सब कब होलु? अर जब यू सब होलु, त वे बगत का क्या जि चिन्‍न होला?” 8-9तब यीशु न ऊंकू बोलि, “जब तुम लड़ै अर दंगों का बारा मा सुणिल्या, त घबरै नि जयां, किलैकि यों सब बातों को पैलि होण जरुरी च। पर वे बगत भि अन्त तुरन्त नि आलु, अर भौत सरा लोग मेरा नौ से आला अर बुलला कि, #निर्ग 3:14‘मि उई छौं,’ अर इन भि बुलला कि उ ‘बगत नजदीक ऐ गै।’ पर मि तुमतै बतै देन्दु कि, तुम कै का पिछनै नि जयां, इलै चौकस रा कखि कुई तुमतै भरमै नि द्‍यो।”

10अर वेन ऊंकू इन भि बोलि, #यशा 19:2 “एक देस दुसरा देस पर अर एक राज्य दुसरा राज्य पर हम्‍ला करलु। 11तब बड़ा-बड़ा #यशा 29:6; योए 2:30भ्वींचळा होला, अर जग-जगा बन्‍नि-बन्‍नि किसमे की बिमारि आली अर अकाळ भि पोड़ला। अर इख तक की आसमान मा भि बड़ा-बड़ा अर खतरनाक चिन्‍न दिख्याला। 12अर यू सब होण से पैलि लोग तुमतै सताला अर पकड़वै द्‍याला, अर तुमतै प्रार्थना भवन का लोगु का सुपुर्द कैरी द्‍याला। इख तक की वु तुमतै राजाओं अर सासन करण वळो का समणि लि जाला, अर जेलखाना मा भि डलवै द्‍याला। अर यू सब वु मेरा नौ की वजै से तुमरा दगड़ा मा करला। 13पर मि तुमतै बतै देन्दु कि, यू वु अवसर होलु जब तुम मेरा बारा मा गवै दिल्या। 14इलै अपणा-अपणा मन मा इन ठाणि द्‍या, कि हमुन पैलि बटि कुई चिन्ता नि करण कि क्या जि बोन्‍न, 15किलैकि मि तुमतै इन्दरि अकल अर बुलणु खुणि इन शब्द द्‍यूलु, कि तुमरा सब बैरी तुमरि बातों को मुकाबला नि कैरी सकला, अर ना ही तुमरि बात को विरोध कैरी सकला। 16अर तुमरा ब्वे-बाब अर भै-बन्द, अर तुमरा रिश्तेदार अर दगड़्या ही तुमतै पकड़वाला, इख तक की वु तुम मा बटि कुछ लोगु तैं जान से मरवै द्‍याला। 17अर सब लोग तुम बटि नफरत करला, किलैकि तुम मेरा छाँ। 18पर कुई भि तुमरो कुछ नि बिगाड़ि सकलु। 19अर तुमरो सबर रखण की ताकत ही तुमरा जीवन तैं बचालि।

यरूशलेम नगर खुणि यीशु की भविष्यबाणी

(मत्ती 24:15-21; मर 13:14-19)

20“जब तुम यरूशलेम नगर तैं फौजीयों बटि घेरयुं दिखल्या, त इन समझि जयां कि यरूशलेम नगर को खण्डर होण को बगत ऐ गै। 21तब जु यहूदिया मुलक मा हो वु पाड़ो जनै भागी जौ, अर जु कुई यरूशलेम नगर मा हो, त उ नगर बटि भैर निकळि जौ, अर जु कुई गौं मा हो, त उ नगर मा नि जौ। 22किलैकि #होशे 9:7उ बदला लेण का दिन होला, ताकि जु बात पवित्रशास्‍त्र मा लिखीं छिन वु पूरि ह्‍वे जौ। 23अर ऊं दिनों मा जु गरवति होलि या जु दूद पिलाणि होलि, ऊं जनानियों खुणि बड़ु दुख च, किलैकि देस कि हालत भौत बेकार होलि। अर ऊं दिनों मा परमेस्वर को बड़ु परकोप लोगु पर पोड़लु। 24अर वु लोग तलवार से मरे जाला, अर कैदी बणै के सब देसों मा भेजि जाला। अर जबरि तक ऊंको बगत पूरि नि ह्‍वे जौ जु कि यहूदी जाति का नि छिन, तबरि तक यरूशलेम नगर इन्द्रया लोगु का द्‍वारा बुरी तरौं से सतयै जाला।

यीशु को फिर से औण

(मत्ती 24:29-31; मर 13:24-27)

25“अर तुमतै #यशा 13:10; यहेज 32:7 सूरज, चाँद अर गैंणो मा चिन्‍न दिख्याला, अर धरती पर देस-देस का लोगु पर संकट आलु, इख तक की वु समुन्दर की लैरों की आवाजळ भि घबरै जाला। 26अर आसमान की सब #उत्पति 1:14-16; यशा 34:4शक्‍तियाँ इनै-उनै ह्‍वे जालि, अर लोग डौऽर अर दुनियां मा औण वळा संकट का बानो जैकी कैन भि उम्मीद नि कैरी होलि उ ऐ जालु, तब लोगु का ज्यू मा ज्यू नि रालु। 27तब वु लोग #दानि 7:13; दिब्य दरस 1:7 मनखि का पुत्र तैं बादळु मा अपणी बड़ी ताकत अर बड़ा आदर-सम्मान का साथ मा औन्द दिखला। 28अर जब इन होण लगि जालु, त तुम गर्व से खड़ा ह्‍वे जयां, किलैकि तुमरो छुटकारु को बगत नजदीक ऐ गै।”

यीशु को वचन सदनि खुणि च

(मत्ती 24:32-35,36-44; मर 13:28-31,32-37)

29तब यीशु न ऊं लोगु तैं एक उदारण सुणै, “तिमला का डाळा तैं अर ठिक उन्‍नि दुसरा डाळों तैं भि देखा। 30अर जब ऊं पर कुंगळा पत्ता निकळण शुरु ह्‍वे जनदिन, त तुमतै पता लगि जान्दु कि रुड़्यूं का दिन नजदीक ऐ गैनी। 31अर ठिक इन्‍नि जब तुम यों बातों तैं होन्द दिखल्या त समझि जयां कि परमेस्वर को राज नजदीक ऐ गै। 32अर मि तुम बटि सच्‍च बोन्‍नु छौं कि जब तक यू सब बात पूरि नि ह्‍वे जालि तब तक ईं पीढ़ी को अन्त नि होलु।

33“आसमान अर धरती को नास ह्‍वे जालु, मगर मेरी बुलिं बात कभि नि टळळि। 34इलै चौकस रा, कखि तुम भि दुनियां का भोग-बिलास मा, दरोळया होण मा, अर जीवन की चिन्ता-फिकर कैरिके अपणा मन तैं यों बातों का भार से दबै नि द्‍या। अर वु दिन एक जाल की तरौं तुम पर अचानक से ऐ जालु। 35किलैकि पूरि दुनियां मा रौण वळो पर वु दिन इन्‍नि आलु। 36इलै हर बगत चौकस रा अर प्रार्थना कना रा, ताकि जु बात होण वळी छिन तुम ऊं सब बातों से बचि सैका। अर मनखि का पुत्र का समणि खड़ु होण का लैख बणि सैका।”

37अर यीशु दिन का बगत पर मन्दिर मा उपदेस देन्दु छौ, अर राति का बगत उ नगर का भैर जैतून नौ का पाड़ पर चलि जान्दु छौ। 38अर सुबेर होन्दी सब लोग यीशु का उपदेस तैं सुनणु खुणि मन्दिर मा ऐ जान्दा छा।

Currently Selected:

लूका 21: GBM

Highlight

Copy