लूका 4:9-12

फिर शैतान वेतैं यरूशलेम नगर मा लि गै, अर मन्दिर की सबसे ऊँची जगा पर खड़ु कैरी। अर वेन यीशु कू बोलि, “अगर तू परमेस्वर को पुत्र छैई, त इख बटि मूड़ी फाल मारी दे। किलैकि पवित्रशास्‍त्र मा लिख्यूं च कि, ‘तेरी हिफाजत करणु खुणि उ अपणा स्वर्गदूतों तैं आज्ञा द्‍यालु। अर वु त्वेतै तुरन्त अपणा हाथों मा उठे द्‍याला, ताकि कखि इन नि हो कि तेरा खुटों मा ढुंगे की चोट लगि जौ।’” तब यीशु न वेकी बात तैं नकारी के जबाब देई, “पवित्रशास्‍त्र मा इन भि लिख्यूं च कि, ‘तू अपणा प्रभु परमेस्वर तैं नि भकलौ।’”