Ап. керӧммез 1
1
Вежа Лов йылісь
1-2Дона Феофил, одзза небӧгас#1:1-2 небӧг ─ книга ме тэныт гижи, мый Исусыс керис да мыйӧ велӧтіс пондӧтчӧмсянь енӧжӧ кайӧмӧдз. Исусыс лэбтісьӧм одзас Аслас бӧрйӧм апостоллэзлӧ#1:1-2 апостол ─ Сідз шуисӧ Исуслісь велӧтчиссесӧ. Сія кылыс лоӧ «ыстӧм морт». Вежа Лов пыр сетіс тшӧктӧммез#1:1-2 тшӧктӧм ─ заповедь, повеление. 3Кулӧм бӧрас Исусыс Аслас велӧтчиссезлӧ унаись мыччасьӧмнас сетіс тӧдны: Сія былись ловзис. Нёльдас лун сьӧрна мыччасьӧммес коста Исусыс висьтасис нылӧ Енлӧн Юралӧм йылісь.
4Апостоллэскӧт ӧтлаын сёйӧм коста Исусыс висьталіс: «Ерусалимсис эд мунӧ. Сэтӧн видзчисьӧ Айӧлісь кӧсйӧмсӧ, кӧда йылісь тійӧ кыліт Месянь. 5Иоаныс тіянӧс пыртіс ваӧн. Лун-мӧд бӧрті тійӧ пыртчатӧ Вежа Лолӧн».
6Сэк ӧксьӧм апостоллэс юалісӧ Исусыслісь: «Дӧсвидзись, он я вились сувтӧт Израильыслӧ аслас ӧксулісь юралӧмсӧ эта кадӧ?» 7Исусыс сэтчӧ висьталіс: «Айӧ Ачыс сувтӧтӧ колан кадсӧ. Тіянлӧ нійӧ каддэсӧ оз ков тӧдны. 8Но тіян вылӧ лэдзчисяс Вежа Лов. Сысянь тійӧ вынсялат. Сэксянь Ерусалимын, Иудеяын, Самарияын да быдсӧн муыс пасьта пондат висьтасьны Ме йылісь».
Исуслӧн енӧжӧ лэбтісьӧм
9Сідз висьталӧм бӧрын Исусыс ны син одзын лэбтісис енӧжӧ. Кымӧрыс сайӧвтіс Сійӧ, и Сія эз понды тыдавны. 10Исуслісь енӧжӧ лэбтісьӧмсӧ видзӧттӧн ны одзӧ видзчисьтӧг сувтісӧ чочком паськӧма кык морт. 11Нія висьталісӧ: «Галилеяись отир! Мый сулалат да видзӧтат енӧжас? Тійӧ асьныт адззыліт Исусыслісь енӧжӧ лэбтісьӧмсӧ. Сія бӧр локтас сідз жӧ».
Апостоллэзлӧн ӧтлаын видзсьӧм
12Виягӧд#1:12 Виягӧд ─ (Оливка) эта кылыс грек кыв вылын «Елеон» керӧс вывсянь апостоллэз бертісӧ Ерусалим карӧ. Керӧс дынсянь карӧдззас вӧлі ӧтік верста гӧгӧр. 13Локтӧм бӧрас нія ӧтлаын пырисӧ керкуӧ вылісь жырӧ да сэтчӧ кольччисӧ. Сэтӧн вӧлісӧ Петра да Яков, Иоан да Ӧндрей, Филип да Фома, Варфоломей да Матвей, Алфейлӧн Яков да Зилот#1:13 Зилот ─ «дорйись», морт, кӧда ёна мӧдӧ дорйыны ассис отирсӧ Симон, да Яковлӧн Иуда воныс. 14Апостоллэс Исуслӧн воннэзкӧт, Сылӧн Мария мамкӧт да мӧдік инькаэзкӧт пыр ӧксьывлісӧ кеймыны.
Даскыкӧт апостолӧс бӧрйӧм
15-16Ӧтік лунӧ ӧтлаӧ ӧксисӧ сё кыкдас#1:15-16 сё кыкдас ─ 120 гӧгӧр Исуслӧн велӧтчись. Сэк Петраыс сувтіс ны коласӧ да горӧтчис: «Воннэзӧ! Вежа Лов вынӧн Давидыс одзлань висьтавлӧм Иудаыс йылісь. Эта йылісь лыддьӧтам Вежа Гижӧтсис. Кыдз кӧркӧ висьталӧм Давидыс, ӧні сідз и лоис. Исуссӧ кутіссезлӧ туйсӧ мыччаліс Иудаыс. 17Сія вӧлі миян коласісь, миян моз нуӧтіс сетӧм уджсӧ. 18Сія аслас лёк керӧм понда босьтӧм сьӧм#1:18 сьӧм ─ деньги вылӧ небӧм му. Но сія онняюрӧн усьӧм, сылӧн кынӧмыс потӧм да гыркыс быдсӧн лэдзчисьӧм. 19Ерусалимын быд олісь пондіс тӧдны лоӧмыс йылісь. Сы понда сійӧ мусӧ пондісӧ шуны "Акелдама", миян моз кӧ шуны, "вира му".
20Псалтырын гижӧм:
Сылӧн оланіныс ась кушамӧ#1:20 кушамны ─ опустеть,
ась оз ло сэтӧн олісьыс.
Гижӧм и сідз:
Сылісь уджсӧ ась босьтӧ мӧдік.
21-22Сідзкӧ, ӧні миянлӧ колӧ бӧрйыны ӧтікӧс сія отир коласісь, кӧдна быд кадӧ вӧлісӧ ӧтлаын миянкӧт да Дӧсвидзись Исусыскӧт Иоаныс пыртӧмсянь Исуслӧн лэбтісян лунӧдз. Сія мортыс сэсся миянкӧт ӧтлаын пондас висьтасьны отирыслӧ Исуслӧн ловзьӧм йылісь».
23Сувтӧтісӧ кыкӧс: Матфийӧс да Варсаваӧс, кӧдалӧн мӧд нимыс вӧлі Ӧсип, сійӧ шуисӧ эшӧ Иустӧн. 24Кеймиканыс висьталісӧ: «Дӧсвидзись, Тэ тӧдан быд сьӧлӧм. Кыкыс коласісь мыччав бӧрйӧмтӧ. 25Ачыт сувтӧт апостолсӧ, медбы сія нуӧтіс сетӧм уджтӧ. Сэтісь эд Иудаыс ылаліс да муніс сэтчӧ, кытӧн сылӧ и колӧ лоны». 26Нійӧ бӧрйисӧ кыскӧм сьӧрті. Шедіс Матфийлӧ, кӧда и лоис даскыкӧт апостолӧн.
Вежа Лолӧн тырӧм
Currently Selected:
Ап. керӧммез 1: БЮ19
Highlight
Share
Copy
Want to have your highlights saved across all your devices? Sign up or sign in
