Ап. керӧммез 4
4
1Петра Иоаныскӧт баитісӧ отирыслӧ. Сы коста ны дынӧ сибӧтчисӧ вежауджаліссез#4:1 вежауджалісь ─ священник, Вежа Керкуас воиннэзлӧн веськӧтлісь да садукейез. 2Апостоллэс велӧтӧмсянь нія лӧгасисӧ. Нылӧн эд велӧтӧмныс вӧлі сэтшӧм: Исусыс ловзис, сідзкӧ и кулӧммес ловзясӧ. 3Нія апостоллэсӧ кутісӧ. Ны сьӧрын асылӧдз видзӧтны сувтӧтісӧ воиннэзӧс, сэк вӧлі рыт ни да. 4Апостоллэсӧ кывзіссез коласісь унаӧн пондісӧ веритны. Сэтшӧммес вӧлісӧ вит сюрс морт гӧгӧр.
5Мӧд лунас Ерусалимас ӧксисӧ иудейезлӧн веськӧтліссез, бӧрйӧм пӧриссез#4:5 бӧрйӧм пӧриссез ─ старейшина иудеев да Туйдӧтӧ велӧтіссез. 6Сэтӧн вӧлісӧ Аннас аркирей#4:6 аркирей ─ первосвященник, Каиаф, Иоан, Александр да аркирей увтырись мӧдіккез. 7Нія апостоллэсӧ сувтӧтісӧ шӧрас да юасисӧ: «Кытшӧм вынӧн, кытшӧм нимӧн тійӧ веськӧтіт мортсӧ?»
Петралӧн Исус йылісь юӧртӧм
8Сэк Петра, кӧда вӧлі тырӧм Вежа Лолӧн, висьталіс нылӧ: «Израиль отирлӧн веськӧтліссез да пӧриссез! 9Талун миянӧс тшӧктӧны висьтавны шогалісь мортлӧ бурсӧ керӧм йылісь, мыйсянь сія веськаліс. 10Быдыс тіян коласісь да Израильын быд морт ась пондӧ тӧдны лоӧмыс йылісь. Назаретісь Кристос Исуссӧ тійӧ дорит пу бердӧ, но Еныс сійӧ ловзьӧтіс. Тіян одзӧ эта мортыс сувтіс веськалӧм Исусыс нимӧн. 11Исусыс ─ из, кӧдӧ тійӧ, керку лэбтіссес, абутӧм туйӧ пуктіт. Сія лоис пельӧс изӧн#4:11 пельӧс из ─ краеугольный камень. Мӧдік пыр оз позь мезмыны. 12Енӧж увтас отирыслӧ абу сетӧм мӧдік ним, кӧда пыр миянлӧ позьӧ мезмыны».
Апостоллэзӧс лэдзӧм
13Бӧрйӧм пӧриссес да веськӧтліссес кылӧмась апостоллэзлісь повтӧг баитӧмнысӧ. Нія казялісӧ: баитіссес абу велӧтчӧм отир коласісь. Нійӧ сысянь диво кутіс. Нія апостоллэсӧ тӧдісӧ, адззывлісӧ Исускӧт ветлӧтӧмныс коста да. 14Ӧтлаын ныкӧт сулаліс шогӧтісь веськӧтӧм мортыс. Сійӧн нія нем эзӧ вермӧ висьтавны паныт. 15Апостоллэсӧ судитанінсис тшӧктісӧ петны. Асьныс пондісӧ баитчыны. 16Нія шуисӧ: «Мый пондам ныкӧт керны? Ерусалимын оліссес тӧдӧны нылісь адззывлытӧм керӧмнысӧ. И мийӧ огӧ вермӧ висьтавны, эта пӧ эз вӧв. 17Отирыс коласын лоӧмыс йылісь юӧрыс медбы эз паськав, чорыта ӧлам нійӧ. Сэсся ась некинлӧ озӧ ни висьтасьӧ Исусыс йылісь».
18Нія корисӧ апостоллэсӧ. Чорыта висьталӧмӧн ӧлісӧ нійӧ. Ӧнісянь эзӧ лэдзӧ баитны да велӧтны Исус ним йылісь. 19Петра Иоанкӧт нылӧ висьталісӧ: «Видзӧтӧ асьныт: бур я сія Ен одзын, пондам кӧ тіянӧс кывзыны Енӧсся буржыка? 20Адззылӧмным да кылӧмным йылісь мийӧ огӧ вермӧ чӧвны». 21Юраліссес повзьӧтлӧмӧн нійӧ лэдзисӧ. Ныкӧт мыйкӧ керны полісӧ отирись. Быдӧнныс эд ошкисӧ Енсӧ лоӧмыс понда. 22Адззывлытӧма веськалӧм мортлӧ вӧлӧм нёльдас во#4:22 нёльдас во ─ 40 лет саяс.
Веритіссезлӧн кеймӧм
23Ны дынісь мезмӧм бӧрын апостоллэс локтісӧ мӧд веритіссез дынӧ да висьтасисӧ аркирейезлісь да пӧриссезлісь баитӧмнысӧ. 24Нійӧ кывзӧм бӧрын быдӧнныс ӧтлаын горӧн пондісӧ кеймыны Енлӧ. Нія баитісӧ: «Быдӧнныс вылын Юралісь Ен, Тэ аркмӧтін#4:24 аркмӧтны ─ сотворить енӧжсӧ, мусӧ, саридзсӧ#4:24 саридз ─ море да быдӧс ны пытшкисьсӧ. 25Тэ баитін миян Давид ай пыр. Аслат Давид раб пыр Вежа Лов вынӧн висьталін:
─ Мыйлӧ лӧгувьяныс лэбтісьӧны ентӧдтӧммес?
Мыйлӧ отирыс ковтӧмсӧ лӧсьӧтчӧны керны?
26Лэбтісьӧны му вылісь ӧксуэз.
Юраліссез ӧксьӧны ӧтлаӧ.
Дӧсвидзись вылӧ да Сылӧн Кристос-Мездӧтісь вылӧ
нія лэбтісьӧны.
27Быль эд, эта карын ӧксьӧммес лэбтісисӧ Тэнат Вежа Исус Зон вылӧ ─ Тэнат Мавтӧм#4:27 Мавтӧм ─ Помазанник вылӧ. Ирод да Понтий Пилат ӧтлаасисӧ Израиль йӧзкӧт да мӧдік кыввез вылын баитісь отиркӧт. 28Нія керисӧ Тэнат одзлань висьтавлӧм сьӧрті, Тэнат вынӧн лӧсьӧтӧм сьӧрті. 29Дӧсвидзисьным, ӧні видзӧт, кыдз нія миянӧс повзьӧтлӧны. А раббетлӧ отсав повтӧг висьтасьны Тэнчит Кывтӧ. 30Нюжӧт Ассит китӧ, Вежа Исус Зоныт нимӧн веськӧт отирсӧ, кер пассэсӧ да адззывлытӧммесӧ».
31Ӧксьӧммеслӧн кеймӧм бӧрсянь ӧксяніныс зэгаліс. Быдӧнныс тырисӧ Вежа Лолӧн да повтӧг висьтасисӧ Енлісь Кывсӧ.
Быдӧс ӧтласа
32Веритіссеслӧн быдӧнныслӧн сьӧлӧммезныс да ловвезныс вӧлісӧ ӧтлаасьӧмӧсь. Ассиныс пажытьсӧ нія эзӧ шуӧ асланысӧн, быдӧс вӧлі ӧтласа. 33Апостоллэс повтӧг висьтасисӧ Дӧсвидзись Кристос Исуслӧн ловзьӧм йылісь. Быдӧнныс вылын вӧлі Енсянь вына бурсетӧмыс#4:33 бурсетӧм ─ благодать. 34Ны коласын эз вӧв ӧтік умӧля олісь. Уналӧн вӧлісӧ муэз да керкуэз. Нійӧ вузалӧм бӧрсянь сьӧмсӧ вайлывлісӧ ӧтлаӧ. 35Вайӧмсӧ пуктывлісӧ апостоллэз одзӧ. Сэтісь сетавлісӧ быдӧнныслӧ, кинлӧ мымда коліс. 36Сідз керис и Иосия левит#4:36 левит ─ Левий увтырись Вежа Керкуын уджалісь морт. Чужан гортнас сія вӧлӧм Кипрись. Апостоллэс сылӧ сетісӧ Варнава ним, мый лоӧ «бурӧтчись#4:36 бурӧтчись ─ утешитель». 37Сылӧн вӧлӧм му. Сійӧ вузалӧм бӧрын босьтӧм сьӧмсӧ Иосияыс вайис да пуктіс апостоллэз одзӧ.
Ананий да Сапфира
Currently Selected:
Ап. керӧммез 4: БЮ19
Highlight
Share
Copy
Want to have your highlights saved across all your devices? Sign up or sign in
