Эхин 36
36
Эсаавай үри һадаһад
1Энэ хадаа Эсаавай, ондоогоор тэрэниие нэрлэбэл, Эдоомой угай бэшэг юм. 2Эсаав Ханаһаан орон нютагһаа һамгадые абаа. Хээт яһатан Элооной Адаае, хиив яһатан Цибэһооной хүбүүн Анаагай басаган Оһолибамаае, 3мүн Ишмаһээлэй басаган Басэмаадые тэрэ һамган болгон абаа юм. Басэмаадай аха Нэбайһоот бэлэй.
4Эсаав Адааһаа Элипааз, Басэмаадһаа Рэүһээл, 5мүн Оһолибамааһаа Еһүүш, Ялаам ба Коорах хүбүүдтэй болобо. Эдэ Эсаавай хүбүүд Ханаһаанда түрэһэн болоно.
6Һамгадаа, хүбүүд басагадаа бултыень, хамаг албата зоноо мүн адуу малаа дууһыень, Ханаһаанда байхадаа олоһон бүхы эд зөөриеэ абаад, Эсаав дүүһээ холодон, ондоо орон дайда нүүжэ ошобо. 7Ушар гэхэдэ, тэдэ хоёр тус бүридөө угаа олон мал адууһатай боложо, зэргэлээд ажамидархадань, бэлшээри, уһан хүртэхөө болиһон юм. 8Эсаав Эдоом ороной Сэһиир гэдэг хада уулата нютаг ерэжэ һуурижаба.
9Эсаавай уг удам «эдоом» гэдэг нэрэтэй үндэһэ яһатан болобо. Тэдэ Сэһиир орон дайдын хадалиг газараар байрладаг болоо һэн. 10Эсаавай хүбүүд: Адааһаа гараһан Элипааз, Басэмаадһаа түрэһэн Рэүһээл. 11Элипаазай хүбүүд: Тэмаан, Омаар, Цэпоо, Гатаам, Кэнааз. 12Элипаазай Тимнаа гэдэг бага эхэнэрһээ хүбүүн түрэжэ, тэрэниие Амалээг гэжэ нэрлэбэ. Эсаав Адаа хоёрой уг удамынь эдэл болоно.
13Эсаав Басэмаат хоёрһоо түрэһэн хүбүүн Рэүһээл. Рэүһээлэй хүбүүд: Наахат, Зээрах, Шаммаа, Миззаа гэгшэд.
14Эсаав Цибэһооной Анаагай басаган Оһолибамааһаа Еһүүш, Ялаам ба Коорах гэдэг гурбан хүбүүдтэй болоо бэлэй.
15-16Эсаав Адаа хоёрһоо түрэһэн ууган хүбүүн Элипаазай хүбүүд Тэмаан, Омаар, Цэпоо, Кэнааз, Коорах, Гатаам, Амалээг өөр өөрын обог аймаг бүрилдүүлжэ, эхи табигшадынь болоо һэн. Тэдэ бултадаа Эдоом орон дайдада ажамидардаг бэлэй.
17Эсаав Басэмаат хоёрһоо түрэһэн хүбүүн Рэүһээлэй хүбүүд Наахат, Зээрах, Шаммаа, Миззаа гэгшэд мүн лэ тус тустаа обог аймаг бүрилдүүлжэ, эхи табигшадынь болоо. Эдэнэрэй обог зониинь мүн лэ Эдоомдо ажаһуудаг һэн.
18Эсаав Цибэһооной Анаагай басаган Оһолибамаа хоёрһоо түрэһэн хүбүүдынь Еһүүш, Ялаам, Коорах гэгшэд мүн лэ гурбан обог аймагай эхи табяа һэн.
19Иигэжэ Эсаавай уг удам обог аймагайнгаа эхи табигшад болоһон байна. Иигэжэ Эдоом улас түрэ бии болоһон түүхэтэй.
20Эсаавай Сэһиир, үгышье һаа, Эдоом орон дайда руу ошохын урда тээ Хории яһатан Сэһиир гэдэг хүнэй үри һадаһад болохо Лотаан, Шобаал, Цибэһоон, Анаа, 21Дишоон, Ээцэр, Дишаан гэгшэд Эдоомой газар нютагта ажаһуудаг, Сэһиирэй уг удам болохо хории обог аймагай эхи табигшад болоһон байгаа.
22Лотаанай хүбүүд: Хории, Һэмаам. Лотаанай эгэшэ Тимнаа бэлэй.
23Сэһиирэй Шобаалай хүбүүд Алваан, Манаахат, Гэбаал, Шэпоо ба Онаам болоно.
24Сэһиирэй Цибэһоон хадаа Айяа ба Анаа гэжэ хоёр хүбүүдтэй, Анааниинь Цибэһоон эсэгынгээ элжэгэнүүдые адуулжа ябахадаа, хээрэ халуун аршаан олоһон түүхэтэй.
25Анаа Дишоон гэжэ хүбүүтэй, Оһолибамаа гэжэ басагатай болоо һэн. Тэрэ басаганиинь Эсаавта хадамда гараһан түүхэтэй. 26Анаагай Дишоон Хэмдаан, Эшбаан, Итраан ба Хэраан гэдэг дүрбэн хүбүүдтэй болоо бэлэй.
27Ээцэрэй хүбүүд Билһаан, Зааваан ба Акаан.
28Дишаанай хүбүүд: Ууц ба Араан. 29Иигэжэ хории яһатан Сэһиирэй уг удам болохо Лотаан, Шобаал, Цибэһоон, Анаа, 30Дишоон, Ээцэр, Дишаан гэгшэд Сэһиир орон дайдын тэрэ олон обог аймагуудай эхи табигшад болоо бэлэй.
31Израильшуудай хаантай болоодүй байха үедэ Эдоом орондо өөһэдын хаашуул байһан юм. 32Бэһоорой хүбүүн Бээла Эдоомой эртэ урдын хаан байгаа, Динһабаа хотодо ажаһуугаа.
33Бээлын наһа бараһан хойно Боцраа хотын Зээрахай Ёваав хаан шэрээдэ һуугаа бэлэй.
34Ёваавай наһа бараһанай һүүлээр Тэмаан ороной Хушаам хаан шэрээ эзэлбэ.
35Хушаамай наһа барахада, Авиит хотын Бэдаадай хүбүүн Һадаад хаан шэрээдэ һууба. Моһааб нютагта дайнай болоходо, мидиан обог аймагые хюдагша тэрэ үнөөхи Һадаад бэлэй.
36Һадаадай наһа барахада, Масрэкаа хотын Самлаа хаан болоо һэн.
37Самлаагай наһа барахада, Евфрат мүрэнэй эрьедэхи Рэхобоот хотын Саул хаан шэрээдэ һууба.
38Саулай наһа бараһанай удаа Ахбоорой хүбүүн Бааһал-Ханаан хаан болобо.
39Ахбоорой хүбүүн Бааһал-Ханаанай наһа барахада, Пааһу хотын Һадаар хаан шэрээдэ һууба. Һадаар Мэһэтэбээл гэдэг басага һамга абаа бэлэй. Тэрэ Матрээдэй басаган һэн. Матрээд Мэзаһаабай хүбүүн бэлэй.
40Эсаавай удамһаа мүн лэ олон угууд бии болоо. Тэдэниие нэрлэбэл, Тимнаа уг, Алваа уг, Етээт уг, 41Оһолибамаа уг, Элаа уг, Пиноон уг, 42Кэнааз уг, Тэмаан уг, Мибцаар уг, 43Магдиһээл уг, Ираам уг. Эдоомой угууд эдэ бэлэй. Тэдэ Эдоомой орон дайдада өөһэдын мэдэлэй газартай боложо, һуурижаһан ушарһаань газар нютагынь тэдэнэй нэрээр нэрлэгдээ бэлэй. Эдоом уласай эдэ бүхы угууд Эсаавһаа үдэн гараһан түүхэтэй.
Currently Selected:
Эхин 36: BurBBL2024
Highlight
Share
Copy
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
