प्रेरित 26
26
1तओ राजा अग्रिपास पावलसे कही, “तोके अपन पक्षमे मस्कन अनुमति हए।” तओ पावल अपन बचाओके ताहीं मसकन लागो: 2“हे राजा अग्रिपास, जित्नो बातनमे यहूदी अगुवा मोके दोष लगात हएं, आज तुमर अग्गु मए अपनो बचाओके ताहीं बोलन पाएके मए अपनएके धन्य सम्झत हओं। 3काहेकी तुम यहूदीनके सब चलन और बाद-बिबादको बात जानत हओं। जहेमारे मिर बयान धिरजसे सुनदेहओ करके मए बिन्ती करत हओं।
4मए आदमीनके बीचमे और यरूशलेम सहरमे छोटेसे लैके जवानीतकको जीबन शैली यहूदीनके पता हए। 5लम्बो समयसे उनके पता भइ बात हए, कि हमर धर्मको सबनसे कट्टर दल अन्तर्गत मए एक फरिसी हुइके छोटुवएसे जीबन बिताओ हओं। बे चाहंगे कहेसे जा बातको गवाही दए सकत हएं। 6आज मए परमेश्वरद्वारा हमरे पुर्खनके दओगओ प्रतिज्ञाको आसराको कारण हियाँ दोषीके रुपमे खडा हओं। 7हमरे बाह्र कुल जा आसरा प्राप्त करनके दिनरात एकए मनसे परमेश्वरके आराधना करत हएं। हे राजा अग्रिपास, जहे आसराके ताहीं यहूदी मोके दोष लगात हएं। 8परमेश्वर मरे भए आदमीनके जिन्दा बनात हए कहिके तुम बिश्वास करत हओ, तहुँफिर तुम काहे कोइ फिर परमेश्वर, येशूके मरे मैसे जिन्दा करी हए कहिके बिश्वास नाए करत हओ?
9होन ता, मए फिर नासरतको येशूके बिरोध करन पणत हए कहिके सम्झे रहओं। 10और मए यरूशलेम सहरमे अइसियए बिरोध करो। मए मुखिया यहूदी पुजारीसे हुकुम पाएके प्रभु येशूमे बिश्वास करन बारे बहुतए पबित्र जनके जेलमे थुनबाओ। और उनके मारनको काममे फिर मदत करो। 11और बहुत चोटी यहूदी सभाघरमे, बिनके सजाए देन लग्बात रहओं और बिनके ख्रीष्टको बदनाम करन बारे, बनानके कोसिस करत रहओं। मए बिनसे इत्नो गुस्सानो रहओं, कि मए और दुस्रे देशके सहरमे जाएके फिर बिनके सतान लग्गओ रहओं।”
अपनो परिबर्तनके बारेमे पावलको बयान
12“अइसियए एक दिन मुखिया यहूदी पुजारीनसे अधिकार और आज्ञा पाएके मए दमस्कस सहर घेन जात रहओं, 13तओ हे राजा, दुपहारके समयमे मए स्वर्ग मैसे सुर्यसे फिर बहुत उजियारो ज्योति देखो, जौन मिर और मेरे सँग यात्रा करन बारेनके चारौ घेन चमकत रहए। 14जब हम सब धर्तीमे गिरे रहएं, तओ हिब्रू भाषामे मए अइसो कहात सुनो, ‘शाऊल, ए शाऊल, तए मोके कहे सतात हए? अगर तए मिर बिरुद्धमे लडैगो तओ तए अपनए बहुत दु:ख भोगैगो।’
15मए कहो, ‘हे प्रभु, तुम कौन हओ?’ प्रभु कही, ‘मए येशू हओं जौनके तए सतात हए। 16अब उठ, मए तोके मिर सेवक और मिर गवाही देन बारो आदमी बनान चाँहत हओं। जहेमारे मए तेरे ठिन देखा पणो हओं। तए मेरे बारेमे देखो भओ बात और मए तोके पच्छु दिखान बारे बात समेत दुस्रे आदमीनके सुनान पणैगो। 17मए तोके तिरे अपने आदमीनसे और गैर-यहूदीनसे छुटकारा देमंगो। मए तोके बिनके ठिन पठामंगो। 18ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’
19जहेमारे, हे राजा अग्रिपास, स्वर्गसे आओ भओ जा दर्शन प्रति मए आज्ञाकारी भओ। 20पर पहिले दमस्कस सहरमे, यरूशलेम सहरमे और सबए यहूदिया परदेशमे और अन्यजातिनके फिर, पाप करन छोडके परमेश्वर घेन घुमओ और दण्डसे बचनके ताहीं अइसे काम करओ। और तुम नेहात्तओ अपन मन बदलके पाप करन छोड देओ कहिके मए परचार करो। 21जहेमारे यहूदी मोके मन्दिरमे पकणके मारन ढुँणीं।
22पर आजको दिनतक मए परमेश्वरएसे मदत पाएरहो हओं। बहेमारे मए हिना भए छोटे-बणे सबएके गबाही देतए ठाणो हओं। अगमबक्ता और मोशाको कहो बचन नेहात्तओ पुरा होबैगो, करके कहान बारी बात बाहेक मए औ कछु फिर नाए कहो हओं। 23अगमबक्ता कहिडारी रहएं, कि ख्रीष्टके दुख भोगके मरन पणैगो, बा मरे भए मैसे जिन्दा होनमे सबसे पहिलो होबैगो और बा यहूदी और गैर-यहूदीनके परचार करैगो कि बे मुक्ति पाए सकत हएं।”
24पावल अपनो बचाओमे मस्कत पेती जे बात सुनके बडो हाकिम फेस्तस बडो स्वरमे चिल्लाएके कही, “ए पावल, तए पागल हुइगओ, तेरो बहुत ज्ञान तोके पगलबाएदइ हए।” 25पर पावल कही, “आदरणीय फेस्तस, मए पागल नाए हओं, पर सच्चाई और बुद्धिकी बात कहात हओं। 26राजा अग्रिपासके जे बातके बारेमे सब पता हए, बोसे मए जा बात निडर हुइके कहे सकत हओं। और मोके बिश्वास हए, कि जे बात बासे लुकी नैयाँ, काहेकी जे बात गुप्तमे नाए भओ रहए। 27हे राजा अग्रिपास, का तुम अगमबक्तनके उपर बिश्वास करत हओं? मए जानतहओं, तुम बिश्वास करत हओं।”
28उत्कएमे राजा अग्रिपास पावलसे कही, “का इत्का बातसे तए मोके ख्रीष्टियन बनान कोसिस करत हए?”
29पावल जबाफ दइके कही, “चहुँ थोरी समय या बहुत समय, मए परमेश्वरसे प्राथना करत हओं, कि आज मिर बात सुनन बारे तुम सब मेरी कता ख्रीष्टियन हुइजाओ।”
30तओ राजा अग्रिपास, बडो हाकिम फेस्तस, बरनिकी और हुवाँ बैठन बारे जितनो रहएं सबए उठिगए और चलेगए। 31और बाहिर जात पेती बे आपसमे अइसे बात करीं, “जा आदमी कैदमे जान बारो या ज्यान सजाय पान जैसो त कुछु फिर काम नाए करीहए।”
32राजा अग्रिपास बडो हाकिम फेस्तससे कही, “अगर जा आदमी न्याय पानके ताहीं रोमको महाराजा कैसर ठिन बिन्ती नाए करतो तओ छोडदेएसे फिर ठिक रहए।”
Currently Selected:
प्रेरित 26: THRNT
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.
प्रेरित 26
26
1तओ राजा अग्रिपास पावलसे कही, “तोके अपन पक्षमे मस्कन अनुमति हए।” तओ पावल अपन बचाओके ताहीं मसकन लागो: 2“हे राजा अग्रिपास, जित्नो बातनमे यहूदी अगुवा मोके दोष लगात हएं, आज तुमर अग्गु मए अपनो बचाओके ताहीं बोलन पाएके मए अपनएके धन्य सम्झत हओं। 3काहेकी तुम यहूदीनके सब चलन और बाद-बिबादको बात जानत हओं। जहेमारे मिर बयान धिरजसे सुनदेहओ करके मए बिन्ती करत हओं।
4मए आदमीनके बीचमे और यरूशलेम सहरमे छोटेसे लैके जवानीतकको जीबन शैली यहूदीनके पता हए। 5लम्बो समयसे उनके पता भइ बात हए, कि हमर धर्मको सबनसे कट्टर दल अन्तर्गत मए एक फरिसी हुइके छोटुवएसे जीबन बिताओ हओं। बे चाहंगे कहेसे जा बातको गवाही दए सकत हएं। 6आज मए परमेश्वरद्वारा हमरे पुर्खनके दओगओ प्रतिज्ञाको आसराको कारण हियाँ दोषीके रुपमे खडा हओं। 7हमरे बाह्र कुल जा आसरा प्राप्त करनके दिनरात एकए मनसे परमेश्वरके आराधना करत हएं। हे राजा अग्रिपास, जहे आसराके ताहीं यहूदी मोके दोष लगात हएं। 8परमेश्वर मरे भए आदमीनके जिन्दा बनात हए कहिके तुम बिश्वास करत हओ, तहुँफिर तुम काहे कोइ फिर परमेश्वर, येशूके मरे मैसे जिन्दा करी हए कहिके बिश्वास नाए करत हओ?
9होन ता, मए फिर नासरतको येशूके बिरोध करन पणत हए कहिके सम्झे रहओं। 10और मए यरूशलेम सहरमे अइसियए बिरोध करो। मए मुखिया यहूदी पुजारीसे हुकुम पाएके प्रभु येशूमे बिश्वास करन बारे बहुतए पबित्र जनके जेलमे थुनबाओ। और उनके मारनको काममे फिर मदत करो। 11और बहुत चोटी यहूदी सभाघरमे, बिनके सजाए देन लग्बात रहओं और बिनके ख्रीष्टको बदनाम करन बारे, बनानके कोसिस करत रहओं। मए बिनसे इत्नो गुस्सानो रहओं, कि मए और दुस्रे देशके सहरमे जाएके फिर बिनके सतान लग्गओ रहओं।”
अपनो परिबर्तनके बारेमे पावलको बयान
12“अइसियए एक दिन मुखिया यहूदी पुजारीनसे अधिकार और आज्ञा पाएके मए दमस्कस सहर घेन जात रहओं, 13तओ हे राजा, दुपहारके समयमे मए स्वर्ग मैसे सुर्यसे फिर बहुत उजियारो ज्योति देखो, जौन मिर और मेरे सँग यात्रा करन बारेनके चारौ घेन चमकत रहए। 14जब हम सब धर्तीमे गिरे रहएं, तओ हिब्रू भाषामे मए अइसो कहात सुनो, ‘शाऊल, ए शाऊल, तए मोके कहे सतात हए? अगर तए मिर बिरुद्धमे लडैगो तओ तए अपनए बहुत दु:ख भोगैगो।’
15मए कहो, ‘हे प्रभु, तुम कौन हओ?’ प्रभु कही, ‘मए येशू हओं जौनके तए सतात हए। 16अब उठ, मए तोके मिर सेवक और मिर गवाही देन बारो आदमी बनान चाँहत हओं। जहेमारे मए तेरे ठिन देखा पणो हओं। तए मेरे बारेमे देखो भओ बात और मए तोके पच्छु दिखान बारे बात समेत दुस्रे आदमीनके सुनान पणैगो। 17मए तोके तिरे अपने आदमीनसे और गैर-यहूदीनसे छुटकारा देमंगो। मए तोके बिनके ठिन पठामंगो। 18ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’
19जहेमारे, हे राजा अग्रिपास, स्वर्गसे आओ भओ जा दर्शन प्रति मए आज्ञाकारी भओ। 20पर पहिले दमस्कस सहरमे, यरूशलेम सहरमे और सबए यहूदिया परदेशमे और अन्यजातिनके फिर, पाप करन छोडके परमेश्वर घेन घुमओ और दण्डसे बचनके ताहीं अइसे काम करओ। और तुम नेहात्तओ अपन मन बदलके पाप करन छोड देओ कहिके मए परचार करो। 21जहेमारे यहूदी मोके मन्दिरमे पकणके मारन ढुँणीं।
22पर आजको दिनतक मए परमेश्वरएसे मदत पाएरहो हओं। बहेमारे मए हिना भए छोटे-बणे सबएके गबाही देतए ठाणो हओं। अगमबक्ता और मोशाको कहो बचन नेहात्तओ पुरा होबैगो, करके कहान बारी बात बाहेक मए औ कछु फिर नाए कहो हओं। 23अगमबक्ता कहिडारी रहएं, कि ख्रीष्टके दुख भोगके मरन पणैगो, बा मरे भए मैसे जिन्दा होनमे सबसे पहिलो होबैगो और बा यहूदी और गैर-यहूदीनके परचार करैगो कि बे मुक्ति पाए सकत हएं।”
24पावल अपनो बचाओमे मस्कत पेती जे बात सुनके बडो हाकिम फेस्तस बडो स्वरमे चिल्लाएके कही, “ए पावल, तए पागल हुइगओ, तेरो बहुत ज्ञान तोके पगलबाएदइ हए।” 25पर पावल कही, “आदरणीय फेस्तस, मए पागल नाए हओं, पर सच्चाई और बुद्धिकी बात कहात हओं। 26राजा अग्रिपासके जे बातके बारेमे सब पता हए, बोसे मए जा बात निडर हुइके कहे सकत हओं। और मोके बिश्वास हए, कि जे बात बासे लुकी नैयाँ, काहेकी जे बात गुप्तमे नाए भओ रहए। 27हे राजा अग्रिपास, का तुम अगमबक्तनके उपर बिश्वास करत हओं? मए जानतहओं, तुम बिश्वास करत हओं।”
28उत्कएमे राजा अग्रिपास पावलसे कही, “का इत्का बातसे तए मोके ख्रीष्टियन बनान कोसिस करत हए?”
29पावल जबाफ दइके कही, “चहुँ थोरी समय या बहुत समय, मए परमेश्वरसे प्राथना करत हओं, कि आज मिर बात सुनन बारे तुम सब मेरी कता ख्रीष्टियन हुइजाओ।”
30तओ राजा अग्रिपास, बडो हाकिम फेस्तस, बरनिकी और हुवाँ बैठन बारे जितनो रहएं सबए उठिगए और चलेगए। 31और बाहिर जात पेती बे आपसमे अइसे बात करीं, “जा आदमी कैदमे जान बारो या ज्यान सजाय पान जैसो त कुछु फिर काम नाए करीहए।”
32राजा अग्रिपास बडो हाकिम फेस्तससे कही, “अगर जा आदमी न्याय पानके ताहीं रोमको महाराजा कैसर ठिन बिन्ती नाए करतो तओ छोडदेएसे फिर ठिक रहए।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.