लूका 22
22
येशूके मारन ढुणत रहएं
(मत्ती. 26:1-5; 14-16; मर्क. 14:1-2; 10-11; यूह. 11:45-53)
1अखमिरी रोटीको तेवहार जौनके यहूदीनको निस्तार तेवहार कहात रहएं, बो ढिँगै आइगओ रहए। 2मुखिया यहूदी पुजारी और मोशाको नियम कानुन सिखान बारे, येशूके कैसे मारएं करके मौका ढुणत रहएं, पर आदमीनसे बे डरात रहएं।
यहूदा इस्करियोतको बिश्वासघात
3और बहे बेरा बाह्र चेला मैसे यहूदा इस्करियोत कहान बारोके भितर शैतान घुसिगओ। 4बिनके हातमे येशूके कैसे पकणामओं करके मुखिया यहूदी पुजारी और कप्तानके ठिन जाएके बो सल्लाह करीं, 5बे खुसी भए, और बोके रुपैया देन कबुल करीं। 6बो सहमत हुइगओ, और भिड नाए भओ बेरामे येशूके पकणन मौका ढुँणन लागो।
अन्तिम भोज
(मत्ती. 26:17-30; मर्क. 14:12-26; यूह. 13:21-30)
7अखमिरी रोटीको तेवहारको दिन आओ, जौन दिन यहूदीनको निस्तार तेवहारको भोजमे जानबरको बलिदान मारके चढान पणत रहए। 8येशू पत्रुस और यूहन्नाके अइसो कहिके पठाइ, “जाएके हमर ताहीं यहूदीनको निस्तार तेवहारको भोज तयार करओ।”
9बे येशूसे कहीं, “हम जा भोज कहाँ तयार करएं?”
10येशू उनसे कही, “तुम सहरमे घुसैगे तओ घल्लामे पानी बोकन बारो एक जनै आदमी तुमके मिलैगो। बो जौन घरमे घुसैगो हुवाँतक बोको पिच्छु-पिच्छु जैयओ, 11और तुम बो घरको आदमीसे कहियओ, ‘महान गुरु तुमसे पुँछत हए, कि मए अपन चेला सँग यहूदीनको निस्तार तेवहारको भोज खान बारो पहुना-कोनो कहाँ हए?’ 12बो तुमके पाँण उपर सजो सजाओ भओ बडो कोनो दिखाबैगो, और हुवँए तुम तयार करियओ।” 13चेला गइभए और जैसे येशू कही रहए उइसी हुवाँ पाइं, और बे यहूदीनको निस्तार तेवहारको भोज तयार करीं।
प्रभुको अन्तिम भोज
(मत्ती. 26:16-30; मर्क. 14:22-26; 1 कोर. 11:23-25)
14और जब बेरा भओ, तओ येशू अपने चुनेभए चेलनके सँग खानके बैठो। 15येशू बिनसे कही, “मए दु:ख भोगनसे और मरनसे अग्गु जा यहूदीनको निस्तार तेवहारको भोज तुमर सँग खानके बडो इच्छा करो रहओं, 16काहेकी मए तुमसे कहात हओं, परमेश्वरको राज्यमे जा उदेश्य पुरो नाए होनतक, मए जा भोज दुस्रो चोटी कभु नाए खामंगो।”
17तओ येशू अंगुरको रसा कटोरामे लैके परमेश्वरके धन्यबाद चढाएके कही, “जाके लेओ, और तुम आपसमे बाँट लेओ। 18काहेकी मए तुमसे कहात हओं, परमेश्वरको राज्य नाए आनतक अब मए अंगुरको रसा नाए पिइमंगो।”
19और येशू रोटी लइ और परमेश्वरके धन्यबाद चढाएके रोटीके तोणी और बिनसे अइसे कहात दइ, “तुमर ताहीं दओगओ जा मिर शरीर हए। मिर सम्झनामे जा करीयओ।” 20अइसियए खाएके येशू कटोरा लइ और कही, “जा कटोरा तुमर ताहीं बहाओ गओ मिर बलिदानको खुनमे स्थापित करोभओ नयाँ करार हए। 21पर देखओ, मोके पकणन बारोको हात मेरी सँग टेबुलमे हए। 22काहेकी मए आदमीको लौंणाके ता, पबित्र-बचनमे कहाओगओ अनुसार जानए पणैगो। पर बो आदमीके डर लागन बारो सजाय होबैगो, जौन मोके पकणबाए देहए।” 23तओ बे आपसमे पुँछन लागे, कि हम मैसे अइसो काम करन बारो कौन हुइहए जो अइसो काम करहए।
सबसे बडो कौन मानो जएहए?
24तओ उनमे जा बातचित फिरसे होन लागो, कि हम मैसे कौनके बडो मानो जएहए? 25येशू बिनसे कही, “गैर-यहूदीनके राजा बिनके उपर सासन करत हएं, और बिनके उपर अधिकार चलान बारेनसे ‘उपकारी’ कहोजात हए। 26पर तुम अइसो मतहोबओ। तुम मैसे जौन बडो हए, बो छोटो बनए, और अगुवा होन बारो सेवक होबए। 27काहेकी बडो कौन हए? खानु खानके बैठन बारो कि ठाणके सेवा करन बारो? का खानु खानके बैठन बारो बडो नाए हए? पर मए तुमर बीचमे एक सेवा करन बारो कता हओं।
28तुमभर मिर परीक्षामे मोके साथ देन बारे हओ। 29जैसी मिर दौवा मोके एक राज्य दइ हए, मए फिर तुमके देहओं, 30ताकी मिर राज्यमे तुम मिर टेबुलमे खाबैगे और पिबैगे, और इस्राएल देशके बाह्रऔ कुलके न्याय करके सिंहासनमे बैठैगे।”
पत्रुसको इन्कारकी भबिष्यबाणी
(मत्ती. 26:31-35; मर्क. 14:27-31; यूह. 13:36-38)
31येशू कही, “सिमोन, ए सिमोन, देख, जैसे एक किसान गेहुँ मैसे भुसाके अलग करत हए। उइसी परमेश्वरसे, शैतान तुम सबके जाँचनके ताहीं अच्छे आदमीनके खराब आदमीन मैसे अलग करनके ताहीं अनुमति लैलै हए। 32पर मए तिर ताहीं परमेश्वरसे प्राथना करत हओं, कि मोएमे तिर बिश्वास नाए हटए। और जब तए पाप करन छोडके परमेश्वर घेन घुमैगो, तओ अपने बिश्वासी ददाभइयनके मोएमे स्थिर करबा।” 33तओ पत्रुस येशूसे कही, “हे प्रभु, मए तुम सँग जेलमे जान और मरन ताहीं फिर तयार हओं।”
34तओ येशू कही, “पत्रुस, मए तोसे कहात हओं, ‘मए तुमके चिनतए नाए हओं’ काहेकी तीन चोटी तए इन्कार नाएकरनतक मुर्गा नाए बासैगो।”
35येशू बिनसे कही, “जब मए तुमके अच्छो समाचार परचार करन पठाओ रहओं, तओ तुमके रुपैया, झोरी और जुता बिना पठाओ रहओं, तओ का तुमके कोइ चीजको कमी भओ रहए?” बे कहीं, “कोइ चीजको कमी नाए भओ रहए।”
36येशू बिनसे कही, “पर अब आदमी हमर बिरुद्धमे होमंगे, जौनके ठिन रुपैया हए बो रुपैया लैलेबए, और झोरी फिर लैलेबए, और जौनके ठिन तरबार नाए होबए बो अपनो चदरा बेँचके एक तरबार किनके लैलेबए। 37काहेकी मए तुमसे कहात हओं, पबित्र-शास्त्रमे लिखो भओ ‘बाके अपराधीनके सँग गिनोगओ’ बात मोएमे पुरा होन पणैगो। काहेकी मिर बारेमे जो बचन लिखो हए, बो नेहात्तओ पुरा होनडटो हए।”
38तओ चेला कहीं, “हे प्रभु, देखओ, हियाँ दुई तरबार हएं।” येशू कही, “इतका होएसे पुग जाबैगो।”
जैतूनके पहाडमे येशूको प्राथना
(मत्ती. 26:36-46; मर्क. 14:32-42)
39येशू बाहिर निकरके सदामान हानी जैतून डँगामे गओ, और बाके चेला फिर पिच्छुपिच्छु गए। 40बो ठाउँमे पुगके येशू उनसे कही, “तुम सतावटमे नाए पणओ कहिके परमेश्वरसे प्राथना करतए रहाओ।” 41येशू बिनसे लगभग: तीस मिटर दुर जाएके घुँटो टेकके परमेश्वरसे अइसे प्राथना करी, 42“हे दौवा, तुमर इच्छा हए, तओ जा कटोरा मिर ठिनसे हटाए देओ। पर मेरी इच्छा नाए, तुमरी इच्छा पुरी होबए।” 43तओ स्वर्गसे एक स्वर्गदूत येशूके तागत देनके ताहीं बाके ठिन दिखाइ पणो। 44और एकदमए संकटके समयमे बा औ जद्धा प्राथना करन लागो, और बाको पसिना खुनको बडो-बडो बुन्दा हानी जमिनमे गिरत रहएं।
45परमेश्वरसे प्राथना करके, उठके चेला ठिन आओ तओ येशू उनके शोकके मारे उँघानडटे पाइ। 46बा बिनसे कही, “तुम काहे उँघाए रहेहओ? उठओ और सतावटमे नाए पणन ताहीं परमेश्वरसे प्राथना करओ।”
येशूके पकणीं
(मत्ती. 26:47-56; मर्क. 14:43-50; यूह. 18:3-11)
47येशू मसकतए रहए तओ एक भिड हुवाँ आएगै। बाह्र चेला मैसे एक जनै यहूदा इस्करियोत कहान बारो अग्गुअग्गु आओ। येशूके चुम्मन करन ताहीं बो बाके ढिँगै आओ। 48पर येशू बोसे कही, “यहूदा इस्करियोत, का तए आदमीको लौंणाके, चुम्मनसे बिश्वासघात करन चाँहत हए?”
49तओ बाके चेलनके का होबैगो करके देखके बासे कहीं, “प्रभु का हम तरबार चलामएं?” 50बिन मैसे एक आदमी प्रधान यहूदी पुजारीको नोकरके मारीं, और बोको दहिना कान चट्टसे काटदइ।
51पर येशू कही, “हुइगओ, अब अइसो मत् करओ।” तओ बो आदमीको कान छुइके येशू बोके पहिलीयए कता अच्छो करदइ।
52और येशूके बिरुद्धमे आएभए मुखिया यहूदी पुजारी, यरूशलेमको मन्दिरके कप्तान, और यहूदी अगुवनको समुहसे येशू कही, “का तुम डाँकुके बिरुद्धमे आए हानी तरबार और लट्ठी लैके आए हओ? 53मए रोजदिन यरूशलेमको मन्दिरमे तुमर सँग रहओं तुम मिर बिरुद्धमे हात नाए उठाए। पर अब तुमर समय जहेहए, और अन्धकारको शक्ति जहेहए।”
पत्रुस येशूके इन्कार करी
(मत्ती. 26:61-75; मर्क. 14:66-72; यूह. 18:15-18,25-27)
54बे येशूके पकणके लैगए, और बाके प्रधान यहूदी पुजारीके घरमे लैके आए। पर पत्रुस दुरसे बाके पिच्छुपिच्छु लागो। 55हुवाँ आँगनके बीचमे आगी पजारके आदमी जम्मा हुइके बैठे रहएं। पत्रुस फिर बिनके सँग बैठो। 56एक नोकरनी आगीको उजियारोमे बोको ढिँगै आएके ध्यानसे देखी और कही, “जहु आदमी फिर बाके सँग रहए।”
57पर पत्रुस अइसे कहिके इन्कार करी, “ए नारी, मए बाके नाए चिनत हओं।” 58थोरी देर पिच्छु दुस्रो बोके देखके कही, “तए फिर बिन मैसे हए।” तओ पत्रुस फिर जबाफ दइ, “ए आदमी, मए बो नाए हओं।” 59लगभग एक घण्टा पिच्छु एक औ आदमी जोड दइके कहान लागो, “नेहात्तओ जा फिर बहेक सँग रहए, काहेकी बा फिर गालील परदेशको हए।”
60पर पत्रुस कही, “ए आदमी, तुम का कहात हओ, मए नाए जानत हओं।” बो मसकतए मसकत तुरन्त मुर्गा बासदइ। 61और प्रभु घुमके पत्रुसके देखी। “आज मुर्गा बासनसे अग्गु तए मोके तीन चोटी इन्कार करैगो” करके प्रभुको बचन पत्रुसके याद आइगओ। 62और बो बाहिर निकरके धरधरहुँस रोन लागो।
येशूको अपमान
(मत्ती. 26:67-68; मर्क. 14:65)
63तओ येशूके पकणके आदमी बाके गिल्ला करीं, और पिटीं, 64और बाकी आँखी तोपके बासे पुछीं, “तोके मारन बारो कौन हए? ले, अगमबाणी बोल।” 65बे बाके बिरुद्धमे बदनामकी बहुत बात कहीं।
यहूदी सभाघरके अग्गु येशू
(मत्ती. 26:57-68; मर्क. 14:53-65; यूह. 18:19-24)
66उजियारो होतएखिना, इकट्ठा भए जनताके यहूदी अगुवनको समुह, मुखिया यहूदी पुजारी और मोशाको नियम कानुन सिखान बारे येशूके अपन यहूदी सभाघरमे लैगए, 67और कहीं, “तए ख्रीष्ट हए कहेसे हमसे कहो।” बा बिनसे कही, “मए कएहओं तहुँफिर तुम नाए पतियए हओ। 68और अगर मए पुँछंगो तहुँफिर तुम जबाफ नाए देहओ। 69पर अब मए आदमीको लौंणा परमेश्वरको महान शक्तिको दहिना घेन बैठंगो।”
70तओ बे सब कहीं, “उइसो हए कहेसे, का तए परमेश्वरको लौंणा हए?” बा बिनके उत्तर दइ, “तुमहीं कहात हओ, मए बहे हओं।”
71बे कहीं, “हमके अब औ साक्षी नाए चाहैगो, काहेकी बा परमेश्वरको बदनाम करत हम बाको मुँहुँसे सुनडारे हएं।”
Currently Selected:
लूका 22: THRNT
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.
लूका 22
22
येशूके मारन ढुणत रहएं
(मत्ती. 26:1-5; 14-16; मर्क. 14:1-2; 10-11; यूह. 11:45-53)
1अखमिरी रोटीको तेवहार जौनके यहूदीनको निस्तार तेवहार कहात रहएं, बो ढिँगै आइगओ रहए। 2मुखिया यहूदी पुजारी और मोशाको नियम कानुन सिखान बारे, येशूके कैसे मारएं करके मौका ढुणत रहएं, पर आदमीनसे बे डरात रहएं।
यहूदा इस्करियोतको बिश्वासघात
3और बहे बेरा बाह्र चेला मैसे यहूदा इस्करियोत कहान बारोके भितर शैतान घुसिगओ। 4बिनके हातमे येशूके कैसे पकणामओं करके मुखिया यहूदी पुजारी और कप्तानके ठिन जाएके बो सल्लाह करीं, 5बे खुसी भए, और बोके रुपैया देन कबुल करीं। 6बो सहमत हुइगओ, और भिड नाए भओ बेरामे येशूके पकणन मौका ढुँणन लागो।
अन्तिम भोज
(मत्ती. 26:17-30; मर्क. 14:12-26; यूह. 13:21-30)
7अखमिरी रोटीको तेवहारको दिन आओ, जौन दिन यहूदीनको निस्तार तेवहारको भोजमे जानबरको बलिदान मारके चढान पणत रहए। 8येशू पत्रुस और यूहन्नाके अइसो कहिके पठाइ, “जाएके हमर ताहीं यहूदीनको निस्तार तेवहारको भोज तयार करओ।”
9बे येशूसे कहीं, “हम जा भोज कहाँ तयार करएं?”
10येशू उनसे कही, “तुम सहरमे घुसैगे तओ घल्लामे पानी बोकन बारो एक जनै आदमी तुमके मिलैगो। बो जौन घरमे घुसैगो हुवाँतक बोको पिच्छु-पिच्छु जैयओ, 11और तुम बो घरको आदमीसे कहियओ, ‘महान गुरु तुमसे पुँछत हए, कि मए अपन चेला सँग यहूदीनको निस्तार तेवहारको भोज खान बारो पहुना-कोनो कहाँ हए?’ 12बो तुमके पाँण उपर सजो सजाओ भओ बडो कोनो दिखाबैगो, और हुवँए तुम तयार करियओ।” 13चेला गइभए और जैसे येशू कही रहए उइसी हुवाँ पाइं, और बे यहूदीनको निस्तार तेवहारको भोज तयार करीं।
प्रभुको अन्तिम भोज
(मत्ती. 26:16-30; मर्क. 14:22-26; 1 कोर. 11:23-25)
14और जब बेरा भओ, तओ येशू अपने चुनेभए चेलनके सँग खानके बैठो। 15येशू बिनसे कही, “मए दु:ख भोगनसे और मरनसे अग्गु जा यहूदीनको निस्तार तेवहारको भोज तुमर सँग खानके बडो इच्छा करो रहओं, 16काहेकी मए तुमसे कहात हओं, परमेश्वरको राज्यमे जा उदेश्य पुरो नाए होनतक, मए जा भोज दुस्रो चोटी कभु नाए खामंगो।”
17तओ येशू अंगुरको रसा कटोरामे लैके परमेश्वरके धन्यबाद चढाएके कही, “जाके लेओ, और तुम आपसमे बाँट लेओ। 18काहेकी मए तुमसे कहात हओं, परमेश्वरको राज्य नाए आनतक अब मए अंगुरको रसा नाए पिइमंगो।”
19और येशू रोटी लइ और परमेश्वरके धन्यबाद चढाएके रोटीके तोणी और बिनसे अइसे कहात दइ, “तुमर ताहीं दओगओ जा मिर शरीर हए। मिर सम्झनामे जा करीयओ।” 20अइसियए खाएके येशू कटोरा लइ और कही, “जा कटोरा तुमर ताहीं बहाओ गओ मिर बलिदानको खुनमे स्थापित करोभओ नयाँ करार हए। 21पर देखओ, मोके पकणन बारोको हात मेरी सँग टेबुलमे हए। 22काहेकी मए आदमीको लौंणाके ता, पबित्र-बचनमे कहाओगओ अनुसार जानए पणैगो। पर बो आदमीके डर लागन बारो सजाय होबैगो, जौन मोके पकणबाए देहए।” 23तओ बे आपसमे पुँछन लागे, कि हम मैसे अइसो काम करन बारो कौन हुइहए जो अइसो काम करहए।
सबसे बडो कौन मानो जएहए?
24तओ उनमे जा बातचित फिरसे होन लागो, कि हम मैसे कौनके बडो मानो जएहए? 25येशू बिनसे कही, “गैर-यहूदीनके राजा बिनके उपर सासन करत हएं, और बिनके उपर अधिकार चलान बारेनसे ‘उपकारी’ कहोजात हए। 26पर तुम अइसो मतहोबओ। तुम मैसे जौन बडो हए, बो छोटो बनए, और अगुवा होन बारो सेवक होबए। 27काहेकी बडो कौन हए? खानु खानके बैठन बारो कि ठाणके सेवा करन बारो? का खानु खानके बैठन बारो बडो नाए हए? पर मए तुमर बीचमे एक सेवा करन बारो कता हओं।
28तुमभर मिर परीक्षामे मोके साथ देन बारे हओ। 29जैसी मिर दौवा मोके एक राज्य दइ हए, मए फिर तुमके देहओं, 30ताकी मिर राज्यमे तुम मिर टेबुलमे खाबैगे और पिबैगे, और इस्राएल देशके बाह्रऔ कुलके न्याय करके सिंहासनमे बैठैगे।”
पत्रुसको इन्कारकी भबिष्यबाणी
(मत्ती. 26:31-35; मर्क. 14:27-31; यूह. 13:36-38)
31येशू कही, “सिमोन, ए सिमोन, देख, जैसे एक किसान गेहुँ मैसे भुसाके अलग करत हए। उइसी परमेश्वरसे, शैतान तुम सबके जाँचनके ताहीं अच्छे आदमीनके खराब आदमीन मैसे अलग करनके ताहीं अनुमति लैलै हए। 32पर मए तिर ताहीं परमेश्वरसे प्राथना करत हओं, कि मोएमे तिर बिश्वास नाए हटए। और जब तए पाप करन छोडके परमेश्वर घेन घुमैगो, तओ अपने बिश्वासी ददाभइयनके मोएमे स्थिर करबा।” 33तओ पत्रुस येशूसे कही, “हे प्रभु, मए तुम सँग जेलमे जान और मरन ताहीं फिर तयार हओं।”
34तओ येशू कही, “पत्रुस, मए तोसे कहात हओं, ‘मए तुमके चिनतए नाए हओं’ काहेकी तीन चोटी तए इन्कार नाएकरनतक मुर्गा नाए बासैगो।”
35येशू बिनसे कही, “जब मए तुमके अच्छो समाचार परचार करन पठाओ रहओं, तओ तुमके रुपैया, झोरी और जुता बिना पठाओ रहओं, तओ का तुमके कोइ चीजको कमी भओ रहए?” बे कहीं, “कोइ चीजको कमी नाए भओ रहए।”
36येशू बिनसे कही, “पर अब आदमी हमर बिरुद्धमे होमंगे, जौनके ठिन रुपैया हए बो रुपैया लैलेबए, और झोरी फिर लैलेबए, और जौनके ठिन तरबार नाए होबए बो अपनो चदरा बेँचके एक तरबार किनके लैलेबए। 37काहेकी मए तुमसे कहात हओं, पबित्र-शास्त्रमे लिखो भओ ‘बाके अपराधीनके सँग गिनोगओ’ बात मोएमे पुरा होन पणैगो। काहेकी मिर बारेमे जो बचन लिखो हए, बो नेहात्तओ पुरा होनडटो हए।”
38तओ चेला कहीं, “हे प्रभु, देखओ, हियाँ दुई तरबार हएं।” येशू कही, “इतका होएसे पुग जाबैगो।”
जैतूनके पहाडमे येशूको प्राथना
(मत्ती. 26:36-46; मर्क. 14:32-42)
39येशू बाहिर निकरके सदामान हानी जैतून डँगामे गओ, और बाके चेला फिर पिच्छुपिच्छु गए। 40बो ठाउँमे पुगके येशू उनसे कही, “तुम सतावटमे नाए पणओ कहिके परमेश्वरसे प्राथना करतए रहाओ।” 41येशू बिनसे लगभग: तीस मिटर दुर जाएके घुँटो टेकके परमेश्वरसे अइसे प्राथना करी, 42“हे दौवा, तुमर इच्छा हए, तओ जा कटोरा मिर ठिनसे हटाए देओ। पर मेरी इच्छा नाए, तुमरी इच्छा पुरी होबए।” 43तओ स्वर्गसे एक स्वर्गदूत येशूके तागत देनके ताहीं बाके ठिन दिखाइ पणो। 44और एकदमए संकटके समयमे बा औ जद्धा प्राथना करन लागो, और बाको पसिना खुनको बडो-बडो बुन्दा हानी जमिनमे गिरत रहएं।
45परमेश्वरसे प्राथना करके, उठके चेला ठिन आओ तओ येशू उनके शोकके मारे उँघानडटे पाइ। 46बा बिनसे कही, “तुम काहे उँघाए रहेहओ? उठओ और सतावटमे नाए पणन ताहीं परमेश्वरसे प्राथना करओ।”
येशूके पकणीं
(मत्ती. 26:47-56; मर्क. 14:43-50; यूह. 18:3-11)
47येशू मसकतए रहए तओ एक भिड हुवाँ आएगै। बाह्र चेला मैसे एक जनै यहूदा इस्करियोत कहान बारो अग्गुअग्गु आओ। येशूके चुम्मन करन ताहीं बो बाके ढिँगै आओ। 48पर येशू बोसे कही, “यहूदा इस्करियोत, का तए आदमीको लौंणाके, चुम्मनसे बिश्वासघात करन चाँहत हए?”
49तओ बाके चेलनके का होबैगो करके देखके बासे कहीं, “प्रभु का हम तरबार चलामएं?” 50बिन मैसे एक आदमी प्रधान यहूदी पुजारीको नोकरके मारीं, और बोको दहिना कान चट्टसे काटदइ।
51पर येशू कही, “हुइगओ, अब अइसो मत् करओ।” तओ बो आदमीको कान छुइके येशू बोके पहिलीयए कता अच्छो करदइ।
52और येशूके बिरुद्धमे आएभए मुखिया यहूदी पुजारी, यरूशलेमको मन्दिरके कप्तान, और यहूदी अगुवनको समुहसे येशू कही, “का तुम डाँकुके बिरुद्धमे आए हानी तरबार और लट्ठी लैके आए हओ? 53मए रोजदिन यरूशलेमको मन्दिरमे तुमर सँग रहओं तुम मिर बिरुद्धमे हात नाए उठाए। पर अब तुमर समय जहेहए, और अन्धकारको शक्ति जहेहए।”
पत्रुस येशूके इन्कार करी
(मत्ती. 26:61-75; मर्क. 14:66-72; यूह. 18:15-18,25-27)
54बे येशूके पकणके लैगए, और बाके प्रधान यहूदी पुजारीके घरमे लैके आए। पर पत्रुस दुरसे बाके पिच्छुपिच्छु लागो। 55हुवाँ आँगनके बीचमे आगी पजारके आदमी जम्मा हुइके बैठे रहएं। पत्रुस फिर बिनके सँग बैठो। 56एक नोकरनी आगीको उजियारोमे बोको ढिँगै आएके ध्यानसे देखी और कही, “जहु आदमी फिर बाके सँग रहए।”
57पर पत्रुस अइसे कहिके इन्कार करी, “ए नारी, मए बाके नाए चिनत हओं।” 58थोरी देर पिच्छु दुस्रो बोके देखके कही, “तए फिर बिन मैसे हए।” तओ पत्रुस फिर जबाफ दइ, “ए आदमी, मए बो नाए हओं।” 59लगभग एक घण्टा पिच्छु एक औ आदमी जोड दइके कहान लागो, “नेहात्तओ जा फिर बहेक सँग रहए, काहेकी बा फिर गालील परदेशको हए।”
60पर पत्रुस कही, “ए आदमी, तुम का कहात हओ, मए नाए जानत हओं।” बो मसकतए मसकत तुरन्त मुर्गा बासदइ। 61और प्रभु घुमके पत्रुसके देखी। “आज मुर्गा बासनसे अग्गु तए मोके तीन चोटी इन्कार करैगो” करके प्रभुको बचन पत्रुसके याद आइगओ। 62और बो बाहिर निकरके धरधरहुँस रोन लागो।
येशूको अपमान
(मत्ती. 26:67-68; मर्क. 14:65)
63तओ येशूके पकणके आदमी बाके गिल्ला करीं, और पिटीं, 64और बाकी आँखी तोपके बासे पुछीं, “तोके मारन बारो कौन हए? ले, अगमबाणी बोल।” 65बे बाके बिरुद्धमे बदनामकी बहुत बात कहीं।
यहूदी सभाघरके अग्गु येशू
(मत्ती. 26:57-68; मर्क. 14:53-65; यूह. 18:19-24)
66उजियारो होतएखिना, इकट्ठा भए जनताके यहूदी अगुवनको समुह, मुखिया यहूदी पुजारी और मोशाको नियम कानुन सिखान बारे येशूके अपन यहूदी सभाघरमे लैगए, 67और कहीं, “तए ख्रीष्ट हए कहेसे हमसे कहो।” बा बिनसे कही, “मए कएहओं तहुँफिर तुम नाए पतियए हओ। 68और अगर मए पुँछंगो तहुँफिर तुम जबाफ नाए देहओ। 69पर अब मए आदमीको लौंणा परमेश्वरको महान शक्तिको दहिना घेन बैठंगो।”
70तओ बे सब कहीं, “उइसो हए कहेसे, का तए परमेश्वरको लौंणा हए?” बा बिनके उत्तर दइ, “तुमहीं कहात हओ, मए बहे हओं।”
71बे कहीं, “हमके अब औ साक्षी नाए चाहैगो, काहेकी बा परमेश्वरको बदनाम करत हम बाको मुँहुँसे सुनडारे हएं।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.