लूका 23
23
पिलातस और राजा हेरोदके अग्गु येशू
(मत्ती. 27:11-26; मर्क. 15:1-15; यूह. 18:28-40; 19:1-16)
1तओ पिच्छु यहूदी सभाघरके सब सदस्य येशूके बडो हाकिम पिलातसके ठिन लैगए। 2और बे जा कहिके बाके उपर दोष लगान लग्गए, “हमर आदमीनके रोमी सरकारके बिरोध करनके ताहीं भणकात हम जा आदमीके पाए। और रोमको महाराजाके कर तिरनसे हमके रोकत हए, और जा अपनएके ‘मए ख्रीष्ट, एक राजा हओं’ कहिके कहात हम सुने।”
3पिलातस बासे पुछीं, “का तए यहूदीनको राजा हए?” येशू बाके जबाफ दइके कही, “तुमही अइसे कहीरहे हओ।”
4तओ पिलातस, मुखिया यहूदी पुजारी और भिडके आदमीनसे कही, “मए जा आदमीमे कुछु दोष नाएपाओ।”
5तओ बे औ बडो जोड दइके कहीं, “बा यहूदिया परदेशके सबए आदमीनके बीच अपनी शिक्षाके द्वारा भणकात हए। जा गालील परदेशमे सुरु करी और अब हियाँ आइगओ हए।” 6जा सुनके पिलातस पुँछी, “का जा गालील परदेशमे रहान बारो आदमी हए?” 7और जा जानके, कि येशू राजा हेरोद द्वारा शासन करन बारो परदेशसे आओ हए, तओ पिलातास बाके राजा हेरोदके ठिन पठाए दइ, काहेकी बो समयमे राजा हेरोद अपनौफिर यरूशलेम सहरमे रहए।
येशूके राजा हेरोदके ठिन पठाइं
8राजा हेरोद येशूके देखके बेढम खुसी भओ, काहेकी बो बहुत दिनसे येशूके देखन चाँहत रहए: जहेमारे, कि येशूको बारेमे सुनि रहए, और राजा हेरोद येशूको कुछ शक्तिशाली चमत्कारको काम करो देखनके आसरा करत रहए। 9राजा हेरोद येशूसे बेढम बात पुँछत रहो, पर येशू बाके कुछु जबाफ नाए दइ। 10और मुखिया यहूदी पुजारी और मोशाको नियम कानुन सिखान बारे ठाणके जबरजत्ती येशूके उपर दोष लगातए रहे। 11तओ राजा हेरोद अपन सिपाहीनसे मिलके बाको अपमान करी, और बे बाके खिसबाइं। जाके पिच्छु बो बाके राजाके लगान बारो लत्ता पैँधाएके पिलातसके ठिन घुमाएदइं। 12जा दिनसे पहिले, राजा हेरोद और पिलातस एक-दुस्रेके दुस्मन रहएं, पर बहे दिनसे बे दुनौ सँगी बनिगए।
पिलातस येशूके मृत्युदण्ड दइ
(मत्ती. 27:15-26; मर्क. 15:6-15; यूह. 18:39-19:16)
13तओ पिलातस, मुखिया यहूदी पुजारीनके, सासकनके, और जनतनके बुलाएके उनसे कही, 14“तुम जा आदमीके मेरे ठिन लाए, और कहे कि जा आदमी, दंगा करनके ताहीं आदमीनके भणकात रहए। और देखओ, मए तुमर अग्गु बाको जाँच करो, पर जौन बातमे तुम बाके उपर दोष लगात हओ, बे बातके बारेमे मए बामे कुछ फिर दोष नाएपाओ। 15राजा हेरोद फिर बामे दोष नाएपाइ, काहेकी राजा हेरोद जाके हमरी ठिन लौटाए दइ: और देखओ, जा आदमी मृत्युदण्ड पानको लायक कुछु गलत काम नाए करीहए। 16जहेमारे मए बाके पैनासे मरबाएके छोड देहओं।”
17अब पिलातस यहूदीनको निस्तार तेवहारमे, यहूदीनको चलन अनुसार एक कैदीके छोडदेन पणत रहए। 18बे सब एकए सँग अइसे कहिके चिल्लान लागे, “जाके मृत्युदण्ड देओ, और हमर ताहीं बारब्बाके छोडदेबओ।” 19बारब्बा सहरमे भओ कोइ बिद्रोह और हत्याको आरोपमे जेलमे थुनो रहए।
20येशूके छोडनके इच्छा करके, पिलातस फिर बिनके सम्झाइ। 21पर बे अइसे कहात चिल्लातए रहे, “क्रूसमे टाँगओ, बाके क्रूसमे टाँगओ।”
22तओ बो तेस्रो चोटी बिनसे कही, “काहे? जा आदमी का खराबी करीहए? मए त जाके मृत्युदण्ड देनो कोइ फिर कारण नाएपाओ, जहेमारे मए जाके सजाय दइके छोड देहओं।”
23तओ बे औ जोड-जोडसे चिल्लातए बाके क्रूसमे टाँगनके पणैगो कहिके माँग करनके लागे। अन्तमे बिनको बोलो भओ बोली सफल भओ। 24तओ पिलातस बिनको माँग पुरा करदेनके ताहीं फैसला सुनाइ। 25पिलातास बारब्बाके छोड दइ, जो बिद्रोही और हत्याके दोषमे जेलमे पणो रहए। बारब्बाके छोड देओ कहिके बे माँग करी रहएं। पर येशूके बो सौनिकनके इच्छामे सौँपदइ।
येशू क्रूसमे टाँगीं
(मत्ती. 27:32-44; मर्क. 15:21-32; यूह. 19:17-27)
26बे येशूके हुवाँसे लैजात पेती, गाउँ मैसे आनडटो सिमोन नाँउको कुरेनी सहरमे रहान बारोके पकणीं, और क्रूस बुक्बाएके येशूके पिच्छुपिच्छु जानके लगाइं। 27आदमीको बहुत बणी भिड येशूके पिच्छु लागी। बोमे बैयर फिर रहएं, जो बिलकत रहएं और रोत रहएं। 28येशू बिनके घेन घुमके कही, “हे यरूशलेम सहरके लौणियओ, मिर ताहीं मतरोबओ, पर तुम अपने ताहीं और अपने लौंणा-लौंणीयनके ताहीं रोबओ। 29काहेकी बे कष्टके दिन आए रहे हएं, जब आदमी कहामंगे, ‘धन्य हएं बे बैयर जौनके कभी बच्चा नाए रहएं, जौन कभी बच्चनके जनम नाए दइं, जौन कभी बच्चनके दुध नाए पिइबाइं।’
30तओ बो समय, आदमी पहाडसे कहामंगे, कि ‘हमरे उपर गिर’
और डँगासे कहामंगे, ‘हमके तोप दे।’
31अगर अइसे एक जनै निर्दोष आदमी दण्ड पातहए, तओ सोँचओ कि दोषी आदमी कित्नो डर लागन बारो दण्ड पाबैगो!”
32बे दुई आदमी जो अपराधी रहएं बिनके फिर येशूके सँग मारन लैजात रहएं। 33जब बे खप्परे कहान बारो ठिहामे आए, तओ हुवाँ बे बाके क्रूसमे टाँगीं, और बे अपराधी मैसे एक आदमीके दहिना घेन और दुस्रेके दिबरा घेन क्रूसमे टाँगीं। 34तओ येशू कही, “हे दौवा, यिनके क्षमा करीयओ, काहेकी जे का करत हएं सो नाए जानत हएं।” तओ बे बाको कुर्ताके बाँट लगाएके चिट्टा डारीं।
35आदमी ठाणके देखत रहएं, और सासक बासे ठट्ठा करत कही, “जा औरनके बचाइ, जा परमेश्वरको ख्रीष्ट और बाको चुनो भओ जन हए कहेसे जा अपनएके बचाबए।”
36सिपाही फिरसे आएके बाके सिर्का देत अइसे कहिके बाके खिसबाइं, 37“अगर तए यहूदीको राजा हए कहेसे अपनएके बचा।” 38“जा यहूदीनको राजा हए” कहिके लिखो भओ एक दोष-पत्र फिर बाके उपर टँगो रहए।
क्रूसमे पक्षेताप करन बारो अपराधी
39जो अपराधी येशूके सँग क्रूसमे टँगाएगए रहएं, बिन मैसे एक अपराधी येशूके बेजत करत कही, “का तए ख्रीष्ट नाए हए? उइसो हए तओ अपनएके बचा और हमके फिर बचा!” 40पर औरो अपराधी बोके डाँटके कही, “तोके परमेश्वरसे डर नाए लागत हए? तए फिर त येशू कता दण्ड पाए रहोहए। 41और हम त न्याय अनुसार दण्ड पाए रहे हएं, जा हम अपन कामको ठिक फल पाए रहे हएं, पर जा आदमी त कोइ गलत काम नाए करीहए।” 42तओ बो दुस्रो बारो अपराधी कही, “हे येशू, जब तुम अपन राज्यमे एक राजा हुइके आबैगे तओ मोके फिर समझीयओ।”
43येशू बोसे कही, “नेहात्तओ मए तोसे कहात हओं, कि आजए तए मिर सँग स्वर्गमे होबैगो।”
येशूको मृत्यु
(मत्ती. 27:45-56; मर्क. 15:33-41; यूह. 19:28-30)
44लगभग: दुपहारको बाह्र बजो रहए, और तीन बजेतक सारा देशमे अन्धकार छैगओ। 45सूर्यको तेज कम हुइगओ, और यरूशलेमको मन्दिरको पर्दा बीचसे फटके दुई खण्डा हुइगओ। 46बडो उँचो सोरसे चिल्लाएके येशू कही, “हे दौवा, मए मिर आत्मा तुमर हातमे सौँपत हओं।” इतकए कहिके बा अपनो प्राण त्याग दइ।
47जा सब घटना देखके कप्तान अइसे कहात परमेश्वरको महिमा करी, “नेहात्तओ जा धर्मी आदमी रहए।” 48जा दृश्य देखन ताहीं जमा भए सब आदमी जा घटनाके देखके बे अपन छाती पिटपिटके अपन घरमे घुमिगए, जा दिखानके ताहीं, कि बे बहुत दुखी रहएं। 49पर येशूके सब सँगी और गालील परदेशसे आइभइं बैयर, दुरए ठाणके जा घटनाके देखत रहएं।
येशूको दफन
(मत्ती. 27:57-61; मर्क. 15:42-47; यूह. 19:38-42)
50योसेफ नाउँ भओ एक जनै अच्छो और धर्मी आदमी रहए। बो यहूदी सभाघरको सदस्य फिर रहए। 51बो बिनको सल्लाहामे और काममे सहमती नाए दइ रहए। बो यहूदीनको अरिमाथिया सहरको आदमी रहए। बो परमेश्वरको राज्यको डगर देखत रहए। 52बो पिलातसके ठिन जाएके येशूको लहास मागी, 53बाको लहास तरे उतारके मलमलको कपडामे लपेटी, और चट्टानमे खोपके बनाइ भइ एक चिहानमे धरी, जहाँ कभु कोइके नाए धरोगओ रहए। 54बो तयारीको दिन रहए, और पबित्र दिन सुरु होन लागो रहए।
55गालील परदेशसे बाके सँगमे आन बारी बैयर पिच्छुपिच्छु गइं, और बो चिहान देखीं, और बाको लहास कैसे धरीहएं सो देखीं। 56और अपन घरमे लौटके सुगन्धित द्रव्य और जटामसीको तेल येशूके लहासमे लगानके ताहीं तयार करीं; और पबित्र दिनमे बे मोशाको नियम कानुनके अनुसार बिश्राम करीं।
Currently Selected:
लूका 23: THRNT
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.
लूका 23
23
पिलातस और राजा हेरोदके अग्गु येशू
(मत्ती. 27:11-26; मर्क. 15:1-15; यूह. 18:28-40; 19:1-16)
1तओ पिच्छु यहूदी सभाघरके सब सदस्य येशूके बडो हाकिम पिलातसके ठिन लैगए। 2और बे जा कहिके बाके उपर दोष लगान लग्गए, “हमर आदमीनके रोमी सरकारके बिरोध करनके ताहीं भणकात हम जा आदमीके पाए। और रोमको महाराजाके कर तिरनसे हमके रोकत हए, और जा अपनएके ‘मए ख्रीष्ट, एक राजा हओं’ कहिके कहात हम सुने।”
3पिलातस बासे पुछीं, “का तए यहूदीनको राजा हए?” येशू बाके जबाफ दइके कही, “तुमही अइसे कहीरहे हओ।”
4तओ पिलातस, मुखिया यहूदी पुजारी और भिडके आदमीनसे कही, “मए जा आदमीमे कुछु दोष नाएपाओ।”
5तओ बे औ बडो जोड दइके कहीं, “बा यहूदिया परदेशके सबए आदमीनके बीच अपनी शिक्षाके द्वारा भणकात हए। जा गालील परदेशमे सुरु करी और अब हियाँ आइगओ हए।” 6जा सुनके पिलातस पुँछी, “का जा गालील परदेशमे रहान बारो आदमी हए?” 7और जा जानके, कि येशू राजा हेरोद द्वारा शासन करन बारो परदेशसे आओ हए, तओ पिलातास बाके राजा हेरोदके ठिन पठाए दइ, काहेकी बो समयमे राजा हेरोद अपनौफिर यरूशलेम सहरमे रहए।
येशूके राजा हेरोदके ठिन पठाइं
8राजा हेरोद येशूके देखके बेढम खुसी भओ, काहेकी बो बहुत दिनसे येशूके देखन चाँहत रहए: जहेमारे, कि येशूको बारेमे सुनि रहए, और राजा हेरोद येशूको कुछ शक्तिशाली चमत्कारको काम करो देखनके आसरा करत रहए। 9राजा हेरोद येशूसे बेढम बात पुँछत रहो, पर येशू बाके कुछु जबाफ नाए दइ। 10और मुखिया यहूदी पुजारी और मोशाको नियम कानुन सिखान बारे ठाणके जबरजत्ती येशूके उपर दोष लगातए रहे। 11तओ राजा हेरोद अपन सिपाहीनसे मिलके बाको अपमान करी, और बे बाके खिसबाइं। जाके पिच्छु बो बाके राजाके लगान बारो लत्ता पैँधाएके पिलातसके ठिन घुमाएदइं। 12जा दिनसे पहिले, राजा हेरोद और पिलातस एक-दुस्रेके दुस्मन रहएं, पर बहे दिनसे बे दुनौ सँगी बनिगए।
पिलातस येशूके मृत्युदण्ड दइ
(मत्ती. 27:15-26; मर्क. 15:6-15; यूह. 18:39-19:16)
13तओ पिलातस, मुखिया यहूदी पुजारीनके, सासकनके, और जनतनके बुलाएके उनसे कही, 14“तुम जा आदमीके मेरे ठिन लाए, और कहे कि जा आदमी, दंगा करनके ताहीं आदमीनके भणकात रहए। और देखओ, मए तुमर अग्गु बाको जाँच करो, पर जौन बातमे तुम बाके उपर दोष लगात हओ, बे बातके बारेमे मए बामे कुछ फिर दोष नाएपाओ। 15राजा हेरोद फिर बामे दोष नाएपाइ, काहेकी राजा हेरोद जाके हमरी ठिन लौटाए दइ: और देखओ, जा आदमी मृत्युदण्ड पानको लायक कुछु गलत काम नाए करीहए। 16जहेमारे मए बाके पैनासे मरबाएके छोड देहओं।”
17अब पिलातस यहूदीनको निस्तार तेवहारमे, यहूदीनको चलन अनुसार एक कैदीके छोडदेन पणत रहए। 18बे सब एकए सँग अइसे कहिके चिल्लान लागे, “जाके मृत्युदण्ड देओ, और हमर ताहीं बारब्बाके छोडदेबओ।” 19बारब्बा सहरमे भओ कोइ बिद्रोह और हत्याको आरोपमे जेलमे थुनो रहए।
20येशूके छोडनके इच्छा करके, पिलातस फिर बिनके सम्झाइ। 21पर बे अइसे कहात चिल्लातए रहे, “क्रूसमे टाँगओ, बाके क्रूसमे टाँगओ।”
22तओ बो तेस्रो चोटी बिनसे कही, “काहे? जा आदमी का खराबी करीहए? मए त जाके मृत्युदण्ड देनो कोइ फिर कारण नाएपाओ, जहेमारे मए जाके सजाय दइके छोड देहओं।”
23तओ बे औ जोड-जोडसे चिल्लातए बाके क्रूसमे टाँगनके पणैगो कहिके माँग करनके लागे। अन्तमे बिनको बोलो भओ बोली सफल भओ। 24तओ पिलातस बिनको माँग पुरा करदेनके ताहीं फैसला सुनाइ। 25पिलातास बारब्बाके छोड दइ, जो बिद्रोही और हत्याके दोषमे जेलमे पणो रहए। बारब्बाके छोड देओ कहिके बे माँग करी रहएं। पर येशूके बो सौनिकनके इच्छामे सौँपदइ।
येशू क्रूसमे टाँगीं
(मत्ती. 27:32-44; मर्क. 15:21-32; यूह. 19:17-27)
26बे येशूके हुवाँसे लैजात पेती, गाउँ मैसे आनडटो सिमोन नाँउको कुरेनी सहरमे रहान बारोके पकणीं, और क्रूस बुक्बाएके येशूके पिच्छुपिच्छु जानके लगाइं। 27आदमीको बहुत बणी भिड येशूके पिच्छु लागी। बोमे बैयर फिर रहएं, जो बिलकत रहएं और रोत रहएं। 28येशू बिनके घेन घुमके कही, “हे यरूशलेम सहरके लौणियओ, मिर ताहीं मतरोबओ, पर तुम अपने ताहीं और अपने लौंणा-लौंणीयनके ताहीं रोबओ। 29काहेकी बे कष्टके दिन आए रहे हएं, जब आदमी कहामंगे, ‘धन्य हएं बे बैयर जौनके कभी बच्चा नाए रहएं, जौन कभी बच्चनके जनम नाए दइं, जौन कभी बच्चनके दुध नाए पिइबाइं।’
30तओ बो समय, आदमी पहाडसे कहामंगे, कि ‘हमरे उपर गिर’
और डँगासे कहामंगे, ‘हमके तोप दे।’
31अगर अइसे एक जनै निर्दोष आदमी दण्ड पातहए, तओ सोँचओ कि दोषी आदमी कित्नो डर लागन बारो दण्ड पाबैगो!”
32बे दुई आदमी जो अपराधी रहएं बिनके फिर येशूके सँग मारन लैजात रहएं। 33जब बे खप्परे कहान बारो ठिहामे आए, तओ हुवाँ बे बाके क्रूसमे टाँगीं, और बे अपराधी मैसे एक आदमीके दहिना घेन और दुस्रेके दिबरा घेन क्रूसमे टाँगीं। 34तओ येशू कही, “हे दौवा, यिनके क्षमा करीयओ, काहेकी जे का करत हएं सो नाए जानत हएं।” तओ बे बाको कुर्ताके बाँट लगाएके चिट्टा डारीं।
35आदमी ठाणके देखत रहएं, और सासक बासे ठट्ठा करत कही, “जा औरनके बचाइ, जा परमेश्वरको ख्रीष्ट और बाको चुनो भओ जन हए कहेसे जा अपनएके बचाबए।”
36सिपाही फिरसे आएके बाके सिर्का देत अइसे कहिके बाके खिसबाइं, 37“अगर तए यहूदीको राजा हए कहेसे अपनएके बचा।” 38“जा यहूदीनको राजा हए” कहिके लिखो भओ एक दोष-पत्र फिर बाके उपर टँगो रहए।
क्रूसमे पक्षेताप करन बारो अपराधी
39जो अपराधी येशूके सँग क्रूसमे टँगाएगए रहएं, बिन मैसे एक अपराधी येशूके बेजत करत कही, “का तए ख्रीष्ट नाए हए? उइसो हए तओ अपनएके बचा और हमके फिर बचा!” 40पर औरो अपराधी बोके डाँटके कही, “तोके परमेश्वरसे डर नाए लागत हए? तए फिर त येशू कता दण्ड पाए रहोहए। 41और हम त न्याय अनुसार दण्ड पाए रहे हएं, जा हम अपन कामको ठिक फल पाए रहे हएं, पर जा आदमी त कोइ गलत काम नाए करीहए।” 42तओ बो दुस्रो बारो अपराधी कही, “हे येशू, जब तुम अपन राज्यमे एक राजा हुइके आबैगे तओ मोके फिर समझीयओ।”
43येशू बोसे कही, “नेहात्तओ मए तोसे कहात हओं, कि आजए तए मिर सँग स्वर्गमे होबैगो।”
येशूको मृत्यु
(मत्ती. 27:45-56; मर्क. 15:33-41; यूह. 19:28-30)
44लगभग: दुपहारको बाह्र बजो रहए, और तीन बजेतक सारा देशमे अन्धकार छैगओ। 45सूर्यको तेज कम हुइगओ, और यरूशलेमको मन्दिरको पर्दा बीचसे फटके दुई खण्डा हुइगओ। 46बडो उँचो सोरसे चिल्लाएके येशू कही, “हे दौवा, मए मिर आत्मा तुमर हातमे सौँपत हओं।” इतकए कहिके बा अपनो प्राण त्याग दइ।
47जा सब घटना देखके कप्तान अइसे कहात परमेश्वरको महिमा करी, “नेहात्तओ जा धर्मी आदमी रहए।” 48जा दृश्य देखन ताहीं जमा भए सब आदमी जा घटनाके देखके बे अपन छाती पिटपिटके अपन घरमे घुमिगए, जा दिखानके ताहीं, कि बे बहुत दुखी रहएं। 49पर येशूके सब सँगी और गालील परदेशसे आइभइं बैयर, दुरए ठाणके जा घटनाके देखत रहएं।
येशूको दफन
(मत्ती. 27:57-61; मर्क. 15:42-47; यूह. 19:38-42)
50योसेफ नाउँ भओ एक जनै अच्छो और धर्मी आदमी रहए। बो यहूदी सभाघरको सदस्य फिर रहए। 51बो बिनको सल्लाहामे और काममे सहमती नाए दइ रहए। बो यहूदीनको अरिमाथिया सहरको आदमी रहए। बो परमेश्वरको राज्यको डगर देखत रहए। 52बो पिलातसके ठिन जाएके येशूको लहास मागी, 53बाको लहास तरे उतारके मलमलको कपडामे लपेटी, और चट्टानमे खोपके बनाइ भइ एक चिहानमे धरी, जहाँ कभु कोइके नाए धरोगओ रहए। 54बो तयारीको दिन रहए, और पबित्र दिन सुरु होन लागो रहए।
55गालील परदेशसे बाके सँगमे आन बारी बैयर पिच्छुपिच्छु गइं, और बो चिहान देखीं, और बाको लहास कैसे धरीहएं सो देखीं। 56और अपन घरमे लौटके सुगन्धित द्रव्य और जटामसीको तेल येशूके लहासमे लगानके ताहीं तयार करीं; और पबित्र दिनमे बे मोशाको नियम कानुनके अनुसार बिश्राम करीं।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.