लूको 5
5
मुंडो चेला तिंङ बुलाच़ी
1इच्च़ा ध्याड़ा यीशु गलील झीलो मुखारिंङ खड़े तोहई। दोर तिंङ परमेश्वरो बचन रेड्रीमी थल्जी धोंण भीड़ ठ्रोहका शुहचे इलि कि यीशु टोईच़ी दह्पी लेहतिर, दोहपल झांह शुई कि, 2यीशुज़ि झीलो मुखारिंङ झुह्ट किशती रे खंणी, दंङ महछ् च़ुमज़ार किशती ज़ि तकशे महछ् ओ जाल शुहल्ज़ी लेहकी तोईरे। 3यीशु मसीह दोतु बिचंङज़ि इच्च़ा किशती रिंङ बंङज़ा इलि, अंऊ शमौनो तोहई। दोई शमौनो हखा किशतीबि मुखंङच़ि फोअरे ऊई तार झीलंङ शिल्ज़िमी थल्जी कुहतो दंङ दुह किशती रिंङ बंङज़ा मीहतिंङ शिक्षा रंड्री लेहती।
4अपेहल यीशु मीहतिंङ शिक्षा रंड्री योच़हते दंङ दोई शमौनो हखा कुतोह, “डुगेरिंङ रेंज़ा शिला, दंङ थोड़े अरे मह्छ़ च़ुमज़िमी थल्जी कनु जाल केऊ।” 5शमौने दोबि जुबाब रेंई, “हे मालिका, ञेंहच़ी पुरे रात मेहनत लहसी शुह दंङ छलेह मा च़ुमरी; छना कुचे केई झांह कुट्रातन दिऊ थल्जी गेह जाल केहोग।” 6अपेहल शमौन ए दोऊ साथीज़ि जाल केहरिर, ता जालो अंद्रेग धोंण महस मह्छ़ रे पिंङे इलिर कि जालरे ब्रक्शिमी तोहई। 7दिऊ थल्जी दोच़ी एनोह साथी तिंङ अंऊ अईसंङ किशती रिंङ तोहई, इशारा लहरी कि अंज़े ञेंहतु मदत लांही, दंङ दोच़ी अंज़े झुल्ला किशती रें धोंण तचेक पिंङषा इलि कि किशती रे डुमज़ी लेहतिर।
8दीह खांई शमौन अतु मिन पतरस ला तोहई यीशु कोन्ज़ो टोईच़ी दह्चे इलि दंङ कुतोह, “हे प्रभु, गिऊ कछंङ ज़ि अच़ा इला, छना कुचे गेह पापी मीह शुगाह।” 9छना कुचे धोंण मह्छ़ च़ुमज़िमीरंङ साते दुह ए दोऊ साथीरे महस हेरान तोईरे। 10दंङ ध्यांए दोऊ साथीरे याकूब ए यूहन्ना अरी जब्दीऊ योह तोईरे, दोरे ला हेरान शुहचे इलिर। यीशुज़ि शमौनो हखा कुतोह, “थाह बेऊ; छना कुचे हेंतेग बे केई गिऊ चेलार बणेक्पिमी थल्जी मीहतिंङ गिऊ कछंङ हपोंन।” 11दंङ दोरे किशतीरि मुखारिंङ हति, दंङ एनोह कम ब्याड़ा लहज़ा दोऊ चेला बणेक्पिमी थल्जी दोऊ थले जोज़ि लेहतिरे।
कोढ़ो टेहची रे ठीक लहज़ी
(मत्ती 8:1-4; मरकु 1:40-45)
12अपेहल यीशु ऊई नगरंङ तोहई, दोहर इच्च़ा मीह अति, अतु भत्ते फुकारिंङ कोढ़ो बीमारी फेलेके तोहई, यीशुबि खांई दोई षोड़िंङ दच्छे बिनती लहज़ी लेहती, “हे प्रभु! कांह हिटी तोह ता केई गिह्बी ठीक लेह तरपोन दंङ गेह धर्मिक रिवाज़ो हिसाबे शुद्ध शुहचे योग।” 13यीशुज़ि दाह लहजे एनोह गुहड़ तुंखा लहतो, दंङ दोबि थोके कुतोह, “गेह जुन्ज़ातग कांह ठीक शुहचे इला।” दंङ दोऊ कोढ़ दोहथरे ठीक शुहचे इलि।
14दंङ यीशुज़ि दोबि खबरदार लहरी, “दि गप्पा अतंङ साते ला थाकुड़ु, कि गेह कनिंङ ठीक लेह चरच़ातग, पर इलजे दीह गप्पा केनोह यहुदी पुरोहिता बि कंड्रु, कि कांह ठीक शुहचे इलजी तोतोन। दंङ परमेश्वरो थल्जी दुह भेंट चढ़ाएतु कि अतु पाहठी मूसाज़ि तुईबे च़ेहसी तोहई, कि कनिंङ रिवाज़ो हिसाबे शुद्ध घोषित लोहर। दंङ भत्ते मीहतिंङ पता लेहके योतो कि काह शुद्ध शुहचे इलोन।” 15पर यीशु पाहठी खबर महस फेलेके इलि, दंङ मोह्ड़े भीड़ दोबि रेड्रीमी थल्जी ए एनातु बीमारीज़ि ठीक शुहबिमी थल्जी ठ्रोहका शुबी लेहतिर। 16पर यीशु सुनसान ठाहरीरिंङ शत्ह इल्जी प्रार्थना लोहवा लाहते।
नम्क्योंन ओ टेहची मीहबी ठीक लहज़ी
(मत्ती 9:2-8; मरकु 2:1-12)
17दंङ इच्च़ा ध्याड़ा झांह शुई कि अपेहल यीशु शिक्षा रंड्री लेहकी तोहई, फरीसी मीहरे ए कानून ञेंहच़ार दोर तिंङ बंङज़ा तोईरे, अंऊ गलील नगर ए यहुदिया इलाको भत्ते नगरंङ ज़ि ए यरूशलेम शहरंङज़ि अन्जी तोईरे; नत्पातिंङ ठीक लहज़िमी थल्जी परमेश्वरो सामर्थ यीशुरंङ साते तोहई। 18दुह मुका थोड़े अरे मीहज़ी इच्च़ा नम्क्योंन टेची नतपाबि पिमी मीहच़ी दुह चटाई यो दोहरची कुरच़े दोहर हतिरे। दंङ दोरे नतपाबि तोंङ यीशु तुईज़ी हपिमी थल्जी बिचार लहज़ी लेहतिर। 19महस मीहरे शुहबीरंङ साते दोरे यीशुज़ि कछंङ पीपि मरतिरेह, दंङ दोरे लंगदिंङ हुंच़ा इलिरे ए अंऊ ठाहरीरिंङ यीशु तोहई दंङ दुह ठाहरीऊ कि लंङदी फ्रक्शे अम बड़ाके च़रति, दंङ अंऊ मंजीऊ टोईच़ी दुह नतपा तोहई, दुह मंजी रंङ साते दोरच़ी ए षोड़िंङ यीशु कछंङ तकशे च़रतिरे।
20यीशुज़ि दोतु विशवास खांई दुह नम्किउओन टेहची मीह रंङ साते कुतोह, “हे मित्रा कांह पाप माफ शुई।” 21दंङ यहुदी शास्त्री ए फरीसी मीहरे बिवाद लहज़ी लेहतिर, “दीह मीह अरी शुह! दी ता परमेश्वरो बुराई लहज़ा! परमेश्वरो अलावा ऊई अच़िला पाप माफ लेह मरच़ि!” 22यीशुज़ि दोतु सेहमो गप्पा ञेंए कुहतो, “केहच़ी केन्दु सेमरिङ दीह विचार छिले हप्तांई? 23योह्च़े छी शुह? छि दी कुट्री कि, ‘कनु पाप माफ शुहचे इलि,’ या दी कुट्री; अहच़ु ए जो? 24पर दिऊ थल्जी कि केहच़ी ञेंहु कि मीहू योह बि धरतीऊ टोईच़ी पाप माफ लहज़िमी ला अधिकार तोह।” दोई दुह नम्क्योंन टेची मीहबी कुतोह, “गेह करंङ साते कुट्रातग, अहच़ु दंङ कनु मंजी उठाके कनु चुंखा अच़ा इला।” 25दुह दोहथल ए दोतु तुईज़ी खड़े शुहचे इलि, दंङ अतु टोईच़ी दुह तोहई, दुह उठाके परमेश्वरो महिमा लहज़ा एनोह चुंखा अच्च़ा इलि। 26दंङ भत्ते हेरान शुई दंङ परमेश्वरो महिमा लहज़ी लेहकी, दंङ महस ज़ि वेवा कुट्री लेहती, “तोग ञेंहच़ी अनोखे गप्पा तंङरिर।”
लेवी बि अता कुट्री
27दिऊ थल दुह धह्कते इलि दंङ लेवी मिन्दु इच्च़ा मीह अंऊ एनोह चुंगी लेहप्च़िमी अड्डारिंङ बंङज़ा तोहई। दंङ यीशुज़ि दोहरंङ साते कुतोह, “गिऊ थले अता दंङ गिऊ चेला बणेंक इल।” दंङ दुह खड़े अच़ा एनोह कम ब्याड़ा लहजे, “यीशु थले शुहचे इलि।” 28दंङ दुह भत्ते धिर छोड़के खड़े शुई, दंङ दोऊ थले शुहचे इलि।
29दंङ लेवी ज़ि दोऊ थल्जी एनोह चुंङ इच्च़ा मोह्ड़े भोज लहरी, दंङ चुंगी लेहपच़ा दोतु दंङ ऊई मीहतु अंऊ दोहरंङ साते बगत ज़ेई तोहई, इच्च़ा मोह्ड़े भीड़ तोहई। 30दिऊ टोईच़ी फरीसी मीहरे ए यहुदी शास्त्रीरे दोऊ चेला तिंङ दीह कुट्री लेहतिर, “केहच़ी चुंगी लेपचाढ दोतंङ साते छिला बगत ज़े लेहकी तोतन?” 31यीशु ज़ि दोतिंङ जुबाब रेंई, “ठीक मीह बि लर्जे ओ ज़रूरत मशुहबी, टेची मीहबी शुहबी। 32गेह दुह मीहतिंङ बुलाच़ि अंज़े माहशुहगा अच़ि एनाबि धर्मी चेहच़ातोर, दंङ दोतिंङ बुलाच़ी अंज़े शुगाह अच़ि एनाबि पापी चेहच़ातोर।”
उपबासो बारे सवाल
(मत्ती 9:14-17; मरकु 2:18-22)
33फरीसी ए यहुदी शास्त्रीज़ि यीशुरंङ साते कुतोह, “यूहन्नो चेलार ता घड़ी-घड़ी ब्रत ए प्रार्थना लहज़ाते दंङ ध्वांए ए फरीसी तु चेलारे, पर कनु चेलारे ता ज़ोवातोर ए तुंङमातोर।” 34यीशुज़ि दोतिंङ कुहतो, “अपेहल तचेक गेह घेंङौ चेला तु साते तोतोग, दोच़ी ब्रत माह लेह। छना कुचे इच्च़ा ब्याऊ साथीरे अपेहल तचेक ब्याऊ दोतु साते तोह दंङ दोच़ी खुशी मनेक्च़ी। पर दुह ध्याड़ा अपतो अपेहल ब्याहू दोतु विचङ ज़ि शता लोहुर; दुह मुका दोच़ी छले ज़े तुंङमी मेह ब्रत लोहर। 35पर दुह ध्याड़ा अपतो अपेहल ब्याहू दोतु विचङ ज़ि शता लोहुर; दुह मुका दोच़ी छले ज़े तुंङमी मेह ब्रत लोहर।”
36यीशुज़ि ऊई ला कथा दोतंङ साते कुंई; “अरीला मीहच़ी खरकोई खम्ज़ेऊ खन्नी युई खमज़ेतिंङ मा केट्री। मा ता चक्च़िमी मुक्का दुह खरकोई खमज़ेऊ खन्नी दुह युई खमज़े बि खिंजेके ऊई ला ट्राव्लज़े च़रपोतो। 37अरीला मीहे दाखो सरा बणाएच़िमी थल्जी खरकोई दाखो सरा यूँई बरच़ारिंङ माह केट्री। माह ता दुह सरा क्योपी रंङ साते दुह बरच़ु थक्शे केट्री, दंङ सरा ए बरच़ु झुल्ला ए नाश शुहचे इबि, दिरंङ दाखो सरा ए दुह बरच़ु झुल्ला ए बर्बाद शुहचे इबि। 38दिऊ थल्जी मीहच़ी खरकोई सरा खरकोई बरच़ु अंद्रेग पिंङषी। 39अच़िला मीहज़ी युई दाखो रस तुंङे थल खरकोई माह पेट्री छना कुचे दोई कुट्री युई ए रुठे तोह।”
Currently Selected:
लूको 5: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
लूको 5
5
मुंडो चेला तिंङ बुलाच़ी
1इच्च़ा ध्याड़ा यीशु गलील झीलो मुखारिंङ खड़े तोहई। दोर तिंङ परमेश्वरो बचन रेड्रीमी थल्जी धोंण भीड़ ठ्रोहका शुहचे इलि कि यीशु टोईच़ी दह्पी लेहतिर, दोहपल झांह शुई कि, 2यीशुज़ि झीलो मुखारिंङ झुह्ट किशती रे खंणी, दंङ महछ् च़ुमज़ार किशती ज़ि तकशे महछ् ओ जाल शुहल्ज़ी लेहकी तोईरे। 3यीशु मसीह दोतु बिचंङज़ि इच्च़ा किशती रिंङ बंङज़ा इलि, अंऊ शमौनो तोहई। दोई शमौनो हखा किशतीबि मुखंङच़ि फोअरे ऊई तार झीलंङ शिल्ज़िमी थल्जी कुहतो दंङ दुह किशती रिंङ बंङज़ा मीहतिंङ शिक्षा रंड्री लेहती।
4अपेहल यीशु मीहतिंङ शिक्षा रंड्री योच़हते दंङ दोई शमौनो हखा कुतोह, “डुगेरिंङ रेंज़ा शिला, दंङ थोड़े अरे मह्छ़ च़ुमज़िमी थल्जी कनु जाल केऊ।” 5शमौने दोबि जुबाब रेंई, “हे मालिका, ञेंहच़ी पुरे रात मेहनत लहसी शुह दंङ छलेह मा च़ुमरी; छना कुचे केई झांह कुट्रातन दिऊ थल्जी गेह जाल केहोग।” 6अपेहल शमौन ए दोऊ साथीज़ि जाल केहरिर, ता जालो अंद्रेग धोंण महस मह्छ़ रे पिंङे इलिर कि जालरे ब्रक्शिमी तोहई। 7दिऊ थल्जी दोच़ी एनोह साथी तिंङ अंऊ अईसंङ किशती रिंङ तोहई, इशारा लहरी कि अंज़े ञेंहतु मदत लांही, दंङ दोच़ी अंज़े झुल्ला किशती रें धोंण तचेक पिंङषा इलि कि किशती रे डुमज़ी लेहतिर।
8दीह खांई शमौन अतु मिन पतरस ला तोहई यीशु कोन्ज़ो टोईच़ी दह्चे इलि दंङ कुतोह, “हे प्रभु, गिऊ कछंङ ज़ि अच़ा इला, छना कुचे गेह पापी मीह शुगाह।” 9छना कुचे धोंण मह्छ़ च़ुमज़िमीरंङ साते दुह ए दोऊ साथीरे महस हेरान तोईरे। 10दंङ ध्यांए दोऊ साथीरे याकूब ए यूहन्ना अरी जब्दीऊ योह तोईरे, दोरे ला हेरान शुहचे इलिर। यीशुज़ि शमौनो हखा कुतोह, “थाह बेऊ; छना कुचे हेंतेग बे केई गिऊ चेलार बणेक्पिमी थल्जी मीहतिंङ गिऊ कछंङ हपोंन।” 11दंङ दोरे किशतीरि मुखारिंङ हति, दंङ एनोह कम ब्याड़ा लहज़ा दोऊ चेला बणेक्पिमी थल्जी दोऊ थले जोज़ि लेहतिरे।
कोढ़ो टेहची रे ठीक लहज़ी
(मत्ती 8:1-4; मरकु 1:40-45)
12अपेहल यीशु ऊई नगरंङ तोहई, दोहर इच्च़ा मीह अति, अतु भत्ते फुकारिंङ कोढ़ो बीमारी फेलेके तोहई, यीशुबि खांई दोई षोड़िंङ दच्छे बिनती लहज़ी लेहती, “हे प्रभु! कांह हिटी तोह ता केई गिह्बी ठीक लेह तरपोन दंङ गेह धर्मिक रिवाज़ो हिसाबे शुद्ध शुहचे योग।” 13यीशुज़ि दाह लहजे एनोह गुहड़ तुंखा लहतो, दंङ दोबि थोके कुतोह, “गेह जुन्ज़ातग कांह ठीक शुहचे इला।” दंङ दोऊ कोढ़ दोहथरे ठीक शुहचे इलि।
14दंङ यीशुज़ि दोबि खबरदार लहरी, “दि गप्पा अतंङ साते ला थाकुड़ु, कि गेह कनिंङ ठीक लेह चरच़ातग, पर इलजे दीह गप्पा केनोह यहुदी पुरोहिता बि कंड्रु, कि कांह ठीक शुहचे इलजी तोतोन। दंङ परमेश्वरो थल्जी दुह भेंट चढ़ाएतु कि अतु पाहठी मूसाज़ि तुईबे च़ेहसी तोहई, कि कनिंङ रिवाज़ो हिसाबे शुद्ध घोषित लोहर। दंङ भत्ते मीहतिंङ पता लेहके योतो कि काह शुद्ध शुहचे इलोन।” 15पर यीशु पाहठी खबर महस फेलेके इलि, दंङ मोह्ड़े भीड़ दोबि रेड्रीमी थल्जी ए एनातु बीमारीज़ि ठीक शुहबिमी थल्जी ठ्रोहका शुबी लेहतिर। 16पर यीशु सुनसान ठाहरीरिंङ शत्ह इल्जी प्रार्थना लोहवा लाहते।
नम्क्योंन ओ टेहची मीहबी ठीक लहज़ी
(मत्ती 9:2-8; मरकु 2:1-12)
17दंङ इच्च़ा ध्याड़ा झांह शुई कि अपेहल यीशु शिक्षा रंड्री लेहकी तोहई, फरीसी मीहरे ए कानून ञेंहच़ार दोर तिंङ बंङज़ा तोईरे, अंऊ गलील नगर ए यहुदिया इलाको भत्ते नगरंङ ज़ि ए यरूशलेम शहरंङज़ि अन्जी तोईरे; नत्पातिंङ ठीक लहज़िमी थल्जी परमेश्वरो सामर्थ यीशुरंङ साते तोहई। 18दुह मुका थोड़े अरे मीहज़ी इच्च़ा नम्क्योंन टेची नतपाबि पिमी मीहच़ी दुह चटाई यो दोहरची कुरच़े दोहर हतिरे। दंङ दोरे नतपाबि तोंङ यीशु तुईज़ी हपिमी थल्जी बिचार लहज़ी लेहतिर। 19महस मीहरे शुहबीरंङ साते दोरे यीशुज़ि कछंङ पीपि मरतिरेह, दंङ दोरे लंगदिंङ हुंच़ा इलिरे ए अंऊ ठाहरीरिंङ यीशु तोहई दंङ दुह ठाहरीऊ कि लंङदी फ्रक्शे अम बड़ाके च़रति, दंङ अंऊ मंजीऊ टोईच़ी दुह नतपा तोहई, दुह मंजी रंङ साते दोरच़ी ए षोड़िंङ यीशु कछंङ तकशे च़रतिरे।
20यीशुज़ि दोतु विशवास खांई दुह नम्किउओन टेहची मीह रंङ साते कुतोह, “हे मित्रा कांह पाप माफ शुई।” 21दंङ यहुदी शास्त्री ए फरीसी मीहरे बिवाद लहज़ी लेहतिर, “दीह मीह अरी शुह! दी ता परमेश्वरो बुराई लहज़ा! परमेश्वरो अलावा ऊई अच़िला पाप माफ लेह मरच़ि!” 22यीशुज़ि दोतु सेहमो गप्पा ञेंए कुहतो, “केहच़ी केन्दु सेमरिङ दीह विचार छिले हप्तांई? 23योह्च़े छी शुह? छि दी कुट्री कि, ‘कनु पाप माफ शुहचे इलि,’ या दी कुट्री; अहच़ु ए जो? 24पर दिऊ थल्जी कि केहच़ी ञेंहु कि मीहू योह बि धरतीऊ टोईच़ी पाप माफ लहज़िमी ला अधिकार तोह।” दोई दुह नम्क्योंन टेची मीहबी कुतोह, “गेह करंङ साते कुट्रातग, अहच़ु दंङ कनु मंजी उठाके कनु चुंखा अच़ा इला।” 25दुह दोहथल ए दोतु तुईज़ी खड़े शुहचे इलि, दंङ अतु टोईच़ी दुह तोहई, दुह उठाके परमेश्वरो महिमा लहज़ा एनोह चुंखा अच्च़ा इलि। 26दंङ भत्ते हेरान शुई दंङ परमेश्वरो महिमा लहज़ी लेहकी, दंङ महस ज़ि वेवा कुट्री लेहती, “तोग ञेंहच़ी अनोखे गप्पा तंङरिर।”
लेवी बि अता कुट्री
27दिऊ थल दुह धह्कते इलि दंङ लेवी मिन्दु इच्च़ा मीह अंऊ एनोह चुंगी लेहप्च़िमी अड्डारिंङ बंङज़ा तोहई। दंङ यीशुज़ि दोहरंङ साते कुतोह, “गिऊ थले अता दंङ गिऊ चेला बणेंक इल।” दंङ दुह खड़े अच़ा एनोह कम ब्याड़ा लहजे, “यीशु थले शुहचे इलि।” 28दंङ दुह भत्ते धिर छोड़के खड़े शुई, दंङ दोऊ थले शुहचे इलि।
29दंङ लेवी ज़ि दोऊ थल्जी एनोह चुंङ इच्च़ा मोह्ड़े भोज लहरी, दंङ चुंगी लेहपच़ा दोतु दंङ ऊई मीहतु अंऊ दोहरंङ साते बगत ज़ेई तोहई, इच्च़ा मोह्ड़े भीड़ तोहई। 30दिऊ टोईच़ी फरीसी मीहरे ए यहुदी शास्त्रीरे दोऊ चेला तिंङ दीह कुट्री लेहतिर, “केहच़ी चुंगी लेपचाढ दोतंङ साते छिला बगत ज़े लेहकी तोतन?” 31यीशु ज़ि दोतिंङ जुबाब रेंई, “ठीक मीह बि लर्जे ओ ज़रूरत मशुहबी, टेची मीहबी शुहबी। 32गेह दुह मीहतिंङ बुलाच़ि अंज़े माहशुहगा अच़ि एनाबि धर्मी चेहच़ातोर, दंङ दोतिंङ बुलाच़ी अंज़े शुगाह अच़ि एनाबि पापी चेहच़ातोर।”
उपबासो बारे सवाल
(मत्ती 9:14-17; मरकु 2:18-22)
33फरीसी ए यहुदी शास्त्रीज़ि यीशुरंङ साते कुतोह, “यूहन्नो चेलार ता घड़ी-घड़ी ब्रत ए प्रार्थना लहज़ाते दंङ ध्वांए ए फरीसी तु चेलारे, पर कनु चेलारे ता ज़ोवातोर ए तुंङमातोर।” 34यीशुज़ि दोतिंङ कुहतो, “अपेहल तचेक गेह घेंङौ चेला तु साते तोतोग, दोच़ी ब्रत माह लेह। छना कुचे इच्च़ा ब्याऊ साथीरे अपेहल तचेक ब्याऊ दोतु साते तोह दंङ दोच़ी खुशी मनेक्च़ी। पर दुह ध्याड़ा अपतो अपेहल ब्याहू दोतु विचङ ज़ि शता लोहुर; दुह मुका दोच़ी छले ज़े तुंङमी मेह ब्रत लोहर। 35पर दुह ध्याड़ा अपतो अपेहल ब्याहू दोतु विचङ ज़ि शता लोहुर; दुह मुका दोच़ी छले ज़े तुंङमी मेह ब्रत लोहर।”
36यीशुज़ि ऊई ला कथा दोतंङ साते कुंई; “अरीला मीहच़ी खरकोई खम्ज़ेऊ खन्नी युई खमज़ेतिंङ मा केट्री। मा ता चक्च़िमी मुक्का दुह खरकोई खमज़ेऊ खन्नी दुह युई खमज़े बि खिंजेके ऊई ला ट्राव्लज़े च़रपोतो। 37अरीला मीहे दाखो सरा बणाएच़िमी थल्जी खरकोई दाखो सरा यूँई बरच़ारिंङ माह केट्री। माह ता दुह सरा क्योपी रंङ साते दुह बरच़ु थक्शे केट्री, दंङ सरा ए बरच़ु झुल्ला ए नाश शुहचे इबि, दिरंङ दाखो सरा ए दुह बरच़ु झुल्ला ए बर्बाद शुहचे इबि। 38दिऊ थल्जी मीहच़ी खरकोई सरा खरकोई बरच़ु अंद्रेग पिंङषी। 39अच़िला मीहज़ी युई दाखो रस तुंङे थल खरकोई माह पेट्री छना कुचे दोई कुट्री युई ए रुठे तोह।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.