लूको 6
6
सब्तो प्रभु
(मत्ती 12:1-8; मरकु 2:23-28)
1दंङ अरामो ध्याड़ारिंङ यीशु ए दोऊ चेलारे रिहू दोरच़ी इबि लेहकी तोईरे, दंङ दोच़ी दुह रिहू दोरच़ी छ्वाऊ सिल थ्वागज़ि ज़े लेहतिर। 2दंङ फरीसीतु बिचंङ रे ज़ि कुतोह, “केहच़ी अरामो ध्याड़ारिंङ कम छिले लहज़ातंई अंऊ मूसाओ कानूनो हिसाबे ठीक मा शुह।” 3यीशु ज़ि दोतिंङ जुबाब रेंई, “केहच़ी माहपढ़ेकातंईया कि दाऊदे, अपेहल दुह ए दोऊ साथीरे योंई तोईरे दुह मुका छी लाहते? 4दुह छना परमेश्वरो घरबारंङ इह्लदे दंङ तग चढ़ाएसी रोटी ज़ेह च़रति, अंऊ यहुदी पुरोहितो आलवा अच़िला ज़ेई मरच़ि, दंङ एनोह साथी तिंङ ला रेंई?” 5दंङ दोई दोतंङ साते कुतोह, “गेह मीहू योह अरामो ध्याड़ो लाह प्रभु शुगाह।”
करची घुड़ो मीहबी ठीक लहज़ी
6झांह शुई कि ऊई अरामो ध्याड़ारिंङ यीशु यहुदी सभा घरबारंङ इलजे उपदेश लहज़ी लेहकी तोहई; दंङ दोहर इच्च़ा मीह तोहई अतु सुचंङ गुहड़ बीमारीरंङ कारची तोहई। 7यहुदी शास्त्री ए फरीसी मीहरे दोऊ टोईच़ी दोष लगाएच़िमी थल्जी मोका पेट्री लेहकी तोईरे कि खमोंई कि दुह अरामो ध्याड़ारिंङ कि खमोंई अरामो ध्याड़ारिंङ दोबि अईन लोहतो आ मा लोहतो। 8पर यीशु दोतु बिचार ञेंहच़ाते; दोई करची गुहड़ो मीहरंङ साते कुहतो, “तुईज़ी अंज़े खड़े शुह। दुह खड़े अच़ा इलि।” 9यीशुज़ि दोतंङ साते कुतोह, “गेह केतंङ साते दी रुहक्च़ा शुगाह कि अरामो ध्याड़ारिंङ रुठे लहज़ी ठीक शुह या मांजी लहज़ी; प्राण बचाची ठीक शुह आ सच़ी ठीक शुह?” 10दंङ दोई पिला हासी दोतिंङ खांई दंङ दुह टेहची मीहतु हखा कुहतो, “केनोह गुहड़ तुंखा लोह।” दंङ दोई गुहड़ तुंखा लहरी, दंङ दोऊ गुहड़ ठीक शुहचे इलि। 11पर दोरे महसे रोषेके इलि दंङ एनातु बिचंङ दीह कुट्री लेहतिर कि ञेंहच़ी यीशुरंङ साते छी लोहनी?
सनी प्रेरिता तु नियुक्ति
(मरकु 3:13-19)
12दंङ दुह ध्याड़ा रिंङ यीशु प्रार्थना लहज़िमी थल्जी गोह टोहकठे इलि, दंङ रात पुरे परमेश्वरारंङ साते प्रार्थना लहरी। 13मुंजे सरके दोई एनोह चेलारे बुलाएती दंङ दोतु बिचंङज़ि सनी रे अंङे केह्ई, दंङ दोतिंङ प्रेरित कुतोह; 14दिह दोरे सनी चेलारे शुहरे अंऊ यीशुज़ि खास कहमो थल्जी अंङषी शुहरे, दी शुह: शमौन अतु मिन यीशुज़ि पतरस केहरिर, दंङ जब्दीऊ योह याकूब ए यूहन्ना, अतु दोतु थल्जी यीशुज़ि दिह कुहतो कि दिहरे झांह ठ्रोह तोहर छना सरगंङ गढ़गढ़ शवा, दंङ अन्द्रियास, फिलिप्पुस, बरतुल्मे, 15मत्ती, थोमा, हलफई ऊ योह याकूब, तधे, दंङ अई दुह शमौन अंऊ यहुदी देशभक्त तोहई, 16यीशुज़ि करियोत नगरो यहूदा ला अंङे च़रति, अच़ि थले यीशुबि विरोधीतु घुडिङ च़ुमज़ि लाहते।
शिक्षा रंड्री ए ठीक लहज़ी
17दंङ यीशु एनोह अंङषी चेलार साते तकसा पथरे ठाहरीरिंङ खड़े शुहचे इलि, दोर तिंङ दोऊ ऊई ला महसे चेलार तोईरे दंङ इच्च़ा मोह्ड़े भीड़ ला तोहई। दोरे मीहरे भत्ते यहुदिया प्रदेश, यरूशलेम शहरंङज़ि, ए सोर ए सीदोन शहरंङज़ि अंज़े तोईरे, 18अरी दोऊ रेड्रीमी ए एनोह बीमारीऊ दोरच़ी ठीक शुहबिमी थल्जी दोऊ कछंङ अंज़े तोईरे, दंङ यीशुज़ि दोरे ला ठीक लहरिर अतु अंद्रेग मांजी आत्मा तोईरे। 19दंङ भत्ते मीहरेर दोबि थोक्च़ी जुन्ज़ातेर, छना कुचे दोऊ अंद्रेगज़ि सामर्थ हुंच़ा दोरे ठीक शुहबी लेहकी तोहई।
आशीष इ शोको वचन
20दंङ यीशुज़ि एनोह चेला तु हखा खांई कुंई, “धन्य शुहरे दोरे, अरी परमेश्वरो थल्जी एनोह ज़रुरतो एहसास लहज़ातोर, छना कुचे स्वर्गो राज दोतु शुह।” 21“धन्य शुहरे केरे अरी दी मुका योंई तोतोंई, छना कुचे केहरे तृप्त शोनी। धन्य शुह केह्रे अरी दी मुका क्रपि लेहकी तोतोंई, छना कुचे वफोई।” 22“धन्य शुंई केरे अपेहल गेह मीहू योहू बजह सी मीहरे केतंङ साते बैर लेपोर दंङ केतिंङ हुन्ज़े च़रपोर, दंङ केहतु बुराई लोहतो, दंङ केहतु मिन मदम चेहके ट्रिके च़रपोर।”
23दुह ध्याड़ारिंङ खुश शोनी, छना कुचे स्वर्गंङ केहतु थल्जी मोह्ड़े ईनाम तोह; दोतु बाह मेमे भविष्यवक्ता रंङ साते ध्वांए ए लह्ज़ते। 24यीशुज़ि यह्च़ा कुहतो, धिक्कार केहतु टोईच़ी अंऊ केहरे साहुकार तोतोंई, केहतु थल्जी दुखो ध्याड़ा अपतो छना कुचे केतिंङ तुहई ए भत्ते सुख खोकसा इलज़ा। 25धिक्कार केहतु टोईच़ी अरी महसे ज़ोवातोर, छना कुचे केहतु योंई बंङज़ी पक्का ए तोह। धिक्कार केहतु टोईच़ी अरी दी मुका वफातोर, छना कुचे केहरे क्रपोंई ए शोक लोहनी। 26धिक्कार केहतु टोईच़ी अपेहल भत्ते मीहरेर केहतु तारीफ लोहर, छना कुचे केहतु बाह-मेमे ला हप्सी भविष्यवक्तातु साते ध्यांए लहज़ातेर।
बैरी तंङ साते दाह
(मत्ती 5:43-48)
27पर गेह रेड्रा दोतंङ साते कुट्रातग कि केन्दु बेरीतंङ साते ला दाह लंहि; अंऊ केतंङ साते बैर लह्ज़ते दोतु रुठे लोहू। 28अंऊ केतिंङ शाप रमतो दोतिंङ आशीष रांऊँ; अरी केहतु अपमान लोहतो, दोतु थल्जी प्रार्थना लोहू। 29अच़ि कांह इच्च़ा चरनी रिंङ चट्टेक रमतो दोऊ हखा अईसंङ ला किरज़े चर्तु; दंङ अच़िया कांह चोगा लेन्ज़ा शोतो दोबि कुरता ला रे च़रतु। 30अच़िआ कांह दोरच़ी पेड़ीता, दोबि रंऊ, दंङ अच़िया कनु चीज़ खोलड्रा लेन्ज़ा योतो, दोऊ दोरच़ी था पेट्रोंई। 31छना केहच़ी पेट्राई कि मीहरे केतंङ साते लोहर, केहच़ी ला दोतंङ साते ध्वांए लंहि। 32अगर केहच़ी केतिंङ दाह लहज़ा दोतंङ साते दाह लहज़ातंई सा ता, केहतु छी तारीफ शोतो? छना कुचे पापी ला एनोह दाह लहज़ा दोतंङ साते ध्यांए दाह लहज़ा। 33अगर केहच़ी केहतु भलाई लहज़ा दोतंङ साते ला भलाई लहज़ातंई सा ता, दंङ अच़िया केहतु तारीफ छिला लोहर? छना कुचे पापी ला एनोह दाह लहज़ा दोतंङ साते ध्यांए दाह लहज़ा। 34अगर केहच़ी दोबि उद्धार रंड्राई ता अतु दोरच़ी यह्च़ा वापिस लेहप्च़िमी उम्मीद लोहनी ता अच़िया केहतु तारीफ छिला लोहर? छना कुचे पापी ज़ि ला पापी तिंङ उद्धार रंड्रातोर कि धोंण ए यह्च़ा लेह्प्तो। 35पर केनातु बैरीरंङ साते दाह लांही ए भलाई लांही, दंङ यह्च़ा वापिस खोकसिमी उम्मीदा उद्धार थारांई; दंङ केहतु थल्जी मोह्ड़े फल शोतो, दंङ केहरे परमप्रधान परमेश्वरो कटुरे शोनी, छना कुचे दोई मांजी दोतु टोईच़ी ला कृपा लाह। 36छना केहतु स्वर्गो बाह दयावान तोह ध्यांए केहरे ला दयावान शुई।
दोष था लगाएतुंई
(मत्ती 7:1-6)
37“दोष था लगाएतुंई; दंङ परमेश्वरे ला केहतु टोईच़ी दोष माह लगाएकपोतो। दोषी थाशुंई, ता परमेश्वरे ला केहतु फेंसला लोहतो। माफ लांही ता परमेश्वर ला केतिंङ माफ लोहतो। 38रमा लहरी सा ता परमेश्वरे ला केतिंङ रमतो। मीहज़ी पूरा नाप तेप्चे-तेप्चे ए ट्रूलजे दंङ पिंङे केहतु टुड़िङ रमोर, छना कुचे अंऊ नापे केहच़ी परमेश्वर ला केतंङ साते ध्वांए व्यावहार लोहतो छना केहच़ी ऊईतिंङ साते लोहन।” 39दंङ यीशुज़ि इच्च़ा कथा कुंई; “छि काणे मीहे अई काणे दोबि अम कंड्री तरपोतो आ? छि झुल्ला दोंङ रिंङ माह दापोर? 40चेला एनोह गुरु बे मोह्ड़े माह शुहबी, पर अंऊ ला सिद्ध शोतो दुह एनोह गुरु बराबर शोतो। 41केई छिले केनोह पड़ोसीतु कवचि-कवचि गलती खंड्रातन, दंङ केनोह मोह्ड़े-मोह्ड़े गलती माह खंड्रातन? 42अगर कांह केनोहे अंद्रेग महस मोह्ड़े पाप तोह ता कनिंङ केनाह बे कवचि पापी मीहू मदत लहज़िमी कोशिश लेह माह जूंस? हे मांजी सेहमो मीह हेगा केनोह मोह्ड़े पापारे सुधारेतुंई दोऊ थल ए केई केनोह पड़ोसीऊ कवचि पापारे सुधारेक्च़िमी थल्जी मदत लेह तरपोन।”
छना बुट ध्वांए ए फल
(मत्ती 7:15-20)
43“छना कुचे अंऊ ला रुठे बुट झांह ठ्रोह माह अतु दोरच़ी मदम फल हपतो, दंङ अरीया मदम बुट झांह ठ्रोह माह अतु दोरच़ी रुठे फल हपतो। 44हर इच्च़ा बुट एनोह फल रंङ साते सेह्सी। छना कुचे मीहज़ी छ्वाक्तु बिचंङ ज़ि अंजीर माह थक्ची दंङ माह छ्वाक्तु बिचंङज़ि अच़िया अंगूर थक्ची। 45छना कुचे छि सेहमरिंङ पिंङषी तोह, दुहए आहरिंङ अपि। रूठे मीहतु सेहमो अंद्रेगज़ि रूठे गप्पा हुंज़ी, दंङ मांजी मीहतु मांजी आहच़ि मांजी गप्पा हुंज़ी।”
चुंङ बणाएठ्रा झुह्ट मीहरे
(मत्ती 7:21-29)
46“अपेहल केहच़ी गिऊ गप्पा मा मनेक्च़ातंई ता छिलेह गिह्बी हे प्रभु हे प्रभु; कुट्रातंई? 47अंऊ ला गिऊ कछंङ अपा दंङ गिऊ गप्पा रेड्राते मनेक्च़ा, गेह केतिंङ कमोग कि दुह अतु ठ्रोह शुह; 48दुह, दुह मीहू ठ्रोह अच़ि एनोह चुंङ बणाएच़िमी मुका धरती डुह्गे ख्रलज़े पक्का ठाहरीरिंङ मुयांद केहरी, दंङ अपेहल बाड़ अति दंङ घरबारंङ साते छले माह शुई, छना कुचे दुह पक्का तोहई। 49पर अच़ि रेड्रीला माह मनेक्च़ी, दुह, दुह मीहू ठ्रोह शुह, अच़ि षोड़िंङ श्रोह टोईच़ी मुयांद मेह चुंङ बणाएक्ती, अपेहल दोऊ टोईच़ी बाड़ अति दुह ध्वांए ए ठ्रोहलशा इलि दंङ सत्यानाश शुहचे इलि।”
Currently Selected:
लूको 6: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
लूको 6
6
सब्तो प्रभु
(मत्ती 12:1-8; मरकु 2:23-28)
1दंङ अरामो ध्याड़ारिंङ यीशु ए दोऊ चेलारे रिहू दोरच़ी इबि लेहकी तोईरे, दंङ दोच़ी दुह रिहू दोरच़ी छ्वाऊ सिल थ्वागज़ि ज़े लेहतिर। 2दंङ फरीसीतु बिचंङ रे ज़ि कुतोह, “केहच़ी अरामो ध्याड़ारिंङ कम छिले लहज़ातंई अंऊ मूसाओ कानूनो हिसाबे ठीक मा शुह।” 3यीशु ज़ि दोतिंङ जुबाब रेंई, “केहच़ी माहपढ़ेकातंईया कि दाऊदे, अपेहल दुह ए दोऊ साथीरे योंई तोईरे दुह मुका छी लाहते? 4दुह छना परमेश्वरो घरबारंङ इह्लदे दंङ तग चढ़ाएसी रोटी ज़ेह च़रति, अंऊ यहुदी पुरोहितो आलवा अच़िला ज़ेई मरच़ि, दंङ एनोह साथी तिंङ ला रेंई?” 5दंङ दोई दोतंङ साते कुतोह, “गेह मीहू योह अरामो ध्याड़ो लाह प्रभु शुगाह।”
करची घुड़ो मीहबी ठीक लहज़ी
6झांह शुई कि ऊई अरामो ध्याड़ारिंङ यीशु यहुदी सभा घरबारंङ इलजे उपदेश लहज़ी लेहकी तोहई; दंङ दोहर इच्च़ा मीह तोहई अतु सुचंङ गुहड़ बीमारीरंङ कारची तोहई। 7यहुदी शास्त्री ए फरीसी मीहरे दोऊ टोईच़ी दोष लगाएच़िमी थल्जी मोका पेट्री लेहकी तोईरे कि खमोंई कि दुह अरामो ध्याड़ारिंङ कि खमोंई अरामो ध्याड़ारिंङ दोबि अईन लोहतो आ मा लोहतो। 8पर यीशु दोतु बिचार ञेंहच़ाते; दोई करची गुहड़ो मीहरंङ साते कुहतो, “तुईज़ी अंज़े खड़े शुह। दुह खड़े अच़ा इलि।” 9यीशुज़ि दोतंङ साते कुतोह, “गेह केतंङ साते दी रुहक्च़ा शुगाह कि अरामो ध्याड़ारिंङ रुठे लहज़ी ठीक शुह या मांजी लहज़ी; प्राण बचाची ठीक शुह आ सच़ी ठीक शुह?” 10दंङ दोई पिला हासी दोतिंङ खांई दंङ दुह टेहची मीहतु हखा कुहतो, “केनोह गुहड़ तुंखा लोह।” दंङ दोई गुहड़ तुंखा लहरी, दंङ दोऊ गुहड़ ठीक शुहचे इलि। 11पर दोरे महसे रोषेके इलि दंङ एनातु बिचंङ दीह कुट्री लेहतिर कि ञेंहच़ी यीशुरंङ साते छी लोहनी?
सनी प्रेरिता तु नियुक्ति
(मरकु 3:13-19)
12दंङ दुह ध्याड़ा रिंङ यीशु प्रार्थना लहज़िमी थल्जी गोह टोहकठे इलि, दंङ रात पुरे परमेश्वरारंङ साते प्रार्थना लहरी। 13मुंजे सरके दोई एनोह चेलारे बुलाएती दंङ दोतु बिचंङज़ि सनी रे अंङे केह्ई, दंङ दोतिंङ प्रेरित कुतोह; 14दिह दोरे सनी चेलारे शुहरे अंऊ यीशुज़ि खास कहमो थल्जी अंङषी शुहरे, दी शुह: शमौन अतु मिन यीशुज़ि पतरस केहरिर, दंङ जब्दीऊ योह याकूब ए यूहन्ना, अतु दोतु थल्जी यीशुज़ि दिह कुहतो कि दिहरे झांह ठ्रोह तोहर छना सरगंङ गढ़गढ़ शवा, दंङ अन्द्रियास, फिलिप्पुस, बरतुल्मे, 15मत्ती, थोमा, हलफई ऊ योह याकूब, तधे, दंङ अई दुह शमौन अंऊ यहुदी देशभक्त तोहई, 16यीशुज़ि करियोत नगरो यहूदा ला अंङे च़रति, अच़ि थले यीशुबि विरोधीतु घुडिङ च़ुमज़ि लाहते।
शिक्षा रंड्री ए ठीक लहज़ी
17दंङ यीशु एनोह अंङषी चेलार साते तकसा पथरे ठाहरीरिंङ खड़े शुहचे इलि, दोर तिंङ दोऊ ऊई ला महसे चेलार तोईरे दंङ इच्च़ा मोह्ड़े भीड़ ला तोहई। दोरे मीहरे भत्ते यहुदिया प्रदेश, यरूशलेम शहरंङज़ि, ए सोर ए सीदोन शहरंङज़ि अंज़े तोईरे, 18अरी दोऊ रेड्रीमी ए एनोह बीमारीऊ दोरच़ी ठीक शुहबिमी थल्जी दोऊ कछंङ अंज़े तोईरे, दंङ यीशुज़ि दोरे ला ठीक लहरिर अतु अंद्रेग मांजी आत्मा तोईरे। 19दंङ भत्ते मीहरेर दोबि थोक्च़ी जुन्ज़ातेर, छना कुचे दोऊ अंद्रेगज़ि सामर्थ हुंच़ा दोरे ठीक शुहबी लेहकी तोहई।
आशीष इ शोको वचन
20दंङ यीशुज़ि एनोह चेला तु हखा खांई कुंई, “धन्य शुहरे दोरे, अरी परमेश्वरो थल्जी एनोह ज़रुरतो एहसास लहज़ातोर, छना कुचे स्वर्गो राज दोतु शुह।” 21“धन्य शुहरे केरे अरी दी मुका योंई तोतोंई, छना कुचे केहरे तृप्त शोनी। धन्य शुह केह्रे अरी दी मुका क्रपि लेहकी तोतोंई, छना कुचे वफोई।” 22“धन्य शुंई केरे अपेहल गेह मीहू योहू बजह सी मीहरे केतंङ साते बैर लेपोर दंङ केतिंङ हुन्ज़े च़रपोर, दंङ केहतु बुराई लोहतो, दंङ केहतु मिन मदम चेहके ट्रिके च़रपोर।”
23दुह ध्याड़ारिंङ खुश शोनी, छना कुचे स्वर्गंङ केहतु थल्जी मोह्ड़े ईनाम तोह; दोतु बाह मेमे भविष्यवक्ता रंङ साते ध्वांए ए लह्ज़ते। 24यीशुज़ि यह्च़ा कुहतो, धिक्कार केहतु टोईच़ी अंऊ केहरे साहुकार तोतोंई, केहतु थल्जी दुखो ध्याड़ा अपतो छना कुचे केतिंङ तुहई ए भत्ते सुख खोकसा इलज़ा। 25धिक्कार केहतु टोईच़ी अरी महसे ज़ोवातोर, छना कुचे केहतु योंई बंङज़ी पक्का ए तोह। धिक्कार केहतु टोईच़ी अरी दी मुका वफातोर, छना कुचे केहरे क्रपोंई ए शोक लोहनी। 26धिक्कार केहतु टोईच़ी अपेहल भत्ते मीहरेर केहतु तारीफ लोहर, छना कुचे केहतु बाह-मेमे ला हप्सी भविष्यवक्तातु साते ध्यांए लहज़ातेर।
बैरी तंङ साते दाह
(मत्ती 5:43-48)
27पर गेह रेड्रा दोतंङ साते कुट्रातग कि केन्दु बेरीतंङ साते ला दाह लंहि; अंऊ केतंङ साते बैर लह्ज़ते दोतु रुठे लोहू। 28अंऊ केतिंङ शाप रमतो दोतिंङ आशीष रांऊँ; अरी केहतु अपमान लोहतो, दोतु थल्जी प्रार्थना लोहू। 29अच़ि कांह इच्च़ा चरनी रिंङ चट्टेक रमतो दोऊ हखा अईसंङ ला किरज़े चर्तु; दंङ अच़िया कांह चोगा लेन्ज़ा शोतो दोबि कुरता ला रे च़रतु। 30अच़िआ कांह दोरच़ी पेड़ीता, दोबि रंऊ, दंङ अच़िया कनु चीज़ खोलड्रा लेन्ज़ा योतो, दोऊ दोरच़ी था पेट्रोंई। 31छना केहच़ी पेट्राई कि मीहरे केतंङ साते लोहर, केहच़ी ला दोतंङ साते ध्वांए लंहि। 32अगर केहच़ी केतिंङ दाह लहज़ा दोतंङ साते दाह लहज़ातंई सा ता, केहतु छी तारीफ शोतो? छना कुचे पापी ला एनोह दाह लहज़ा दोतंङ साते ध्यांए दाह लहज़ा। 33अगर केहच़ी केहतु भलाई लहज़ा दोतंङ साते ला भलाई लहज़ातंई सा ता, दंङ अच़िया केहतु तारीफ छिला लोहर? छना कुचे पापी ला एनोह दाह लहज़ा दोतंङ साते ध्यांए दाह लहज़ा। 34अगर केहच़ी दोबि उद्धार रंड्राई ता अतु दोरच़ी यह्च़ा वापिस लेहप्च़िमी उम्मीद लोहनी ता अच़िया केहतु तारीफ छिला लोहर? छना कुचे पापी ज़ि ला पापी तिंङ उद्धार रंड्रातोर कि धोंण ए यह्च़ा लेह्प्तो। 35पर केनातु बैरीरंङ साते दाह लांही ए भलाई लांही, दंङ यह्च़ा वापिस खोकसिमी उम्मीदा उद्धार थारांई; दंङ केहतु थल्जी मोह्ड़े फल शोतो, दंङ केहरे परमप्रधान परमेश्वरो कटुरे शोनी, छना कुचे दोई मांजी दोतु टोईच़ी ला कृपा लाह। 36छना केहतु स्वर्गो बाह दयावान तोह ध्यांए केहरे ला दयावान शुई।
दोष था लगाएतुंई
(मत्ती 7:1-6)
37“दोष था लगाएतुंई; दंङ परमेश्वरे ला केहतु टोईच़ी दोष माह लगाएकपोतो। दोषी थाशुंई, ता परमेश्वरे ला केहतु फेंसला लोहतो। माफ लांही ता परमेश्वर ला केतिंङ माफ लोहतो। 38रमा लहरी सा ता परमेश्वरे ला केतिंङ रमतो। मीहज़ी पूरा नाप तेप्चे-तेप्चे ए ट्रूलजे दंङ पिंङे केहतु टुड़िङ रमोर, छना कुचे अंऊ नापे केहच़ी परमेश्वर ला केतंङ साते ध्वांए व्यावहार लोहतो छना केहच़ी ऊईतिंङ साते लोहन।” 39दंङ यीशुज़ि इच्च़ा कथा कुंई; “छि काणे मीहे अई काणे दोबि अम कंड्री तरपोतो आ? छि झुल्ला दोंङ रिंङ माह दापोर? 40चेला एनोह गुरु बे मोह्ड़े माह शुहबी, पर अंऊ ला सिद्ध शोतो दुह एनोह गुरु बराबर शोतो। 41केई छिले केनोह पड़ोसीतु कवचि-कवचि गलती खंड्रातन, दंङ केनोह मोह्ड़े-मोह्ड़े गलती माह खंड्रातन? 42अगर कांह केनोहे अंद्रेग महस मोह्ड़े पाप तोह ता कनिंङ केनाह बे कवचि पापी मीहू मदत लहज़िमी कोशिश लेह माह जूंस? हे मांजी सेहमो मीह हेगा केनोह मोह्ड़े पापारे सुधारेतुंई दोऊ थल ए केई केनोह पड़ोसीऊ कवचि पापारे सुधारेक्च़िमी थल्जी मदत लेह तरपोन।”
छना बुट ध्वांए ए फल
(मत्ती 7:15-20)
43“छना कुचे अंऊ ला रुठे बुट झांह ठ्रोह माह अतु दोरच़ी मदम फल हपतो, दंङ अरीया मदम बुट झांह ठ्रोह माह अतु दोरच़ी रुठे फल हपतो। 44हर इच्च़ा बुट एनोह फल रंङ साते सेह्सी। छना कुचे मीहज़ी छ्वाक्तु बिचंङ ज़ि अंजीर माह थक्ची दंङ माह छ्वाक्तु बिचंङज़ि अच़िया अंगूर थक्ची। 45छना कुचे छि सेहमरिंङ पिंङषी तोह, दुहए आहरिंङ अपि। रूठे मीहतु सेहमो अंद्रेगज़ि रूठे गप्पा हुंज़ी, दंङ मांजी मीहतु मांजी आहच़ि मांजी गप्पा हुंज़ी।”
चुंङ बणाएठ्रा झुह्ट मीहरे
(मत्ती 7:21-29)
46“अपेहल केहच़ी गिऊ गप्पा मा मनेक्च़ातंई ता छिलेह गिह्बी हे प्रभु हे प्रभु; कुट्रातंई? 47अंऊ ला गिऊ कछंङ अपा दंङ गिऊ गप्पा रेड्राते मनेक्च़ा, गेह केतिंङ कमोग कि दुह अतु ठ्रोह शुह; 48दुह, दुह मीहू ठ्रोह अच़ि एनोह चुंङ बणाएच़िमी मुका धरती डुह्गे ख्रलज़े पक्का ठाहरीरिंङ मुयांद केहरी, दंङ अपेहल बाड़ अति दंङ घरबारंङ साते छले माह शुई, छना कुचे दुह पक्का तोहई। 49पर अच़ि रेड्रीला माह मनेक्च़ी, दुह, दुह मीहू ठ्रोह शुह, अच़ि षोड़िंङ श्रोह टोईच़ी मुयांद मेह चुंङ बणाएक्ती, अपेहल दोऊ टोईच़ी बाड़ अति दुह ध्वांए ए ठ्रोहलशा इलि दंङ सत्यानाश शुहचे इलि।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.