लूको 7
7
इच्च़ा सुबेदारो विशवास
(मत्ती 8:5-13)
1अपेहल यीशुज़ि मीहतिंङ भत्ते गप्पा कुचे च़रति, दंङ दुह कफरनहूम नगरंङ अति। 2दोर तिंङ रोमी सेनिकातु सुबेदारो इच्च़ा परगर अंऊ दोऊ प्यारे तोहई, दुह धोंण टेहची तोहई कि सी मी तोहई। 3अपेहल सुबेदारे यीशु पाहठी थक्शतो दोपहल दोई यहुदी सेंहणातिंङ दी बिनती लहज़िमी थल्जी यीशु कछंङ च़रति कि अंज़े गिऊ परगराबि अईन लोहू। 4दोरे यहुदी सेंहणार यीशु कछंङ अतिरे दंङ दोरंङ साते महस बिनती लहज़ी कुट्री लेहतिर, “दुह दीह जोगे शुह कि केई दोऊ टोईच़ी दया लोहू। 5छना कुचे दुह ञेंहतु जातिऊ मीहतंङ साते दाह लहज़ा, दंङ दोई ए ञेंहतु थल्जी यहुदी सभा घरबार बणाएष्री शुह।” 6दंङ यीशु दोतंङ साते सुबेदारो चुंखा बोन्जे इलि, अपेहल यीशु दोऊ चुंङो कछंङ तोहई, ता सुबेदारे एनोह थोड़े अरे साथीरे यीशु कछंङ दिह कुट्रिमी थल्जी च़रतिर कि, “हे प्रभु, देहर अपिमी थल्जी तकलीफ थालोहू छना कुचे गेह दिह जोगे माह तोहग कि कांह गिऊ चुंङ अपोन।” 7“दिऊ थल्जी गेह घेंङाबि दिऊ जोगे माह चेहच़ातग कि गेह कांह कछंङ अपोग, पर दोरच़ी ए बचन कुचे च़रतु ता गिऊ परगर ठीक शुहचे योतो। 8छना कुचे गेह ला अधिकारीऊ अधीन तोतग, दंङ अपेहल गेह इदि बि कुट्रातग कि इला ता दुह अच़ा य्वा; दंङ अईदीबी कुट्रातग अता ता दुह अच़ा अपा, दंङ अपेहल घेंङौ परगराबि कोहग कि झांह लोहू, ता दोई दुह लेहई।”
9दिह रेड्रीरंङ यीशु ठट् केह्षा इलि, दंङ दोई थलका किरज़े दुह मीहतु हखा अंऊ दोऊ थ्लेसी अपि लेहकी तोईरे, कुतोह, “गेह केतंङ साते कुट्रातग कि, गेह इस्राएल देशो मीहतु बिचंङ झांह ठ्रोह बिशवास माह तंङरीग।” 10दंङ दोरे साथीरे अतिंङ सुबेदारे यीशु कछंङ चरच़ते वापिस चुंखा इलिर दंङ दोच़ी दुह बीमार परगर ठीक शुहचे खंणी।
रंणी मेच़मीऊ कटु बि जीवन दान
11थोड़े ध्याड़ो थल यीशु एनोह चेला तंङ साते नाईन मिन्दु इच्च़ा नगरंङ इलि। दंङ दोऊ चेलारे ए महस मोह्ड़े भीड़ दोहरंङ साते इबि लेहकी तोहई। 12अपेहल दुह नगरो फटाको कछंङ पीडी सा ता, खंणी, मीहरेर इच्च़ा मुर्दा बि धह्तेका लेन्ज़ा य्वातेर; अंऊ एनोह याहो इच्च़ा योह तोहई, दंङ दुह रंणी तोहई: दंङ नगरो महस मीहरे दोरंङ साते तोईरे। 13दोबि खांई प्रभुबि दया अति, दंङ यीशुज़ि कुहतो, “था क्रपतु।” 14दंङ दोई कछंङ अंज़े दुह मुर्दा बि पछ रेंई; दंङ कुरच़ा दोरे रुमज़ा इलिर। दंङ यीशुज़ि कुतोह, “हे जवान गेह करंङ साते कुट्रातग, खड़े शुह।” 15दंङ दुह मुर्दा खड़े अच़ा इलि, दंङ गप्पा लहज़ी लेहती; दंङ यीशुज़ि दोबि दोऊ याहु हखा रें च़रति। 16दिरंङ भत्ते मीहरेर बेई लेहतिरे, दंङ दोरे परमेश्वरो महिमा लहजे कुट्री लेहतिर, “ञेंहतु बिचंङ इच्च़ा मोह्ड़े भविष्यवक्ता अंज़े तोह, दंङ परमेश्वरे एनोह मीहतु मदत लहज़िमी थल्जी अंज़े तोह।” 17दंङ दोऊ पाहठी दी गप्पा यहुदिया प्रदेश ए देच़ि न्वेच़ि भत्ते इलाकंङ फेलेके इलि।
यूहन्ना बपतिस्मा रंड्राढो सवाल
(मत्ती 11:1-19)
18दंङ यूहन्ना बि दोऊ चेलाज़ि दीह भत्ते गप्पो खबर रेंई। 19दंङ यूहन्ना ज़ि एनोह चेला तु बिचंङज़ि झुह्ट बि प्रभुऊ कछंङ दीह रुहक्च़ी मी थल्जी च़रति, “छि कांह ए दुह मसीह शुनाह, कि अच़ि च़रच़िमी वाईदा परमेश्वरे लहसी तोहई कि ञेंहच़ी ऊईदिऊ इंतज़ार लोहई?” 20दोच़ी यीशु कछंङ अंज़े कुंई, “यूहन्ना बपतिस्मा रंड्रा दोई ञेंतिंङ कनु कछंङ दीह रुहक्च़ी मी थल्जी च़रसी शुह कि, छि कांह ए दुह मसीह शुनाह, कि अच़ि च़रच़िमी वाईदा परमेश्वरे लहसी तोहई कि ञेंहच़ी ऊईदिऊ इंतज़ार लोहई?”
21दुह ए मुका यीशुज़ि महस मीहतिंङ बीमारीरंङ ए तकलीफो दोरच़ी दंङ मांजी आत्मो दोरच़ी छुटकारा रेंई, दंङ महस काणे दोतिंङ टीरा रेंई। 22दंङ यीशुज़ि यूहन्नाओ चेला तु हखा कुहतो, “छिला ला केहच़ी खंयातन ए रेड्रातन, इलजे यूहन्ना रंङ साते कुंई कि काणे दोरे खंड्री लेहकी तोतोर, लट्टे ज़ोवातोर, कोढ़ी रे शुद्ध शुहबी लेहकी तोतोर, टंऊंणे दोरे रेड्री लेहकी तोतोर, सीए दोरे श्रींङी लेहकी तोतोर, दंङ गरीबातिंङ रूठे खबर सुनाएची लेहकी तोह। 23धन्य शुहरे दोरे अच़ि गिऊ टोहकठे विशवास लहज़ातोर।”
24अपेहल यूहन्नाओ चेलारे दोरच़ी इपि लेहकी तोईरे, दंङ यीशु यूहन्नाओ पाहठी मीहतिंङ कुट्री लेहती, “केरे सुनसान ठाहरीरिंङ छि खंड्री इलदेंई? छि लंहन ज़ि तुहरच़ा ब्रन्ज़ेर? 25दंङ केरे छि खंड्री इलदेंई? छि मंङे खमज़े लह्ची मीहबी? खंणुई, झांह ठ्रोह मंङे खमज़ेर लेह्चा मीहरे ठाट-बाठङ राजभवनंङ बंङज़ी। 26दंङ छी खंड्री इलजी तोतोंई? छि अरीआ भविष्यवक्ताबि खंड्रीआ? वेई! गेह केतिंङ कुट्रातग कि, दुह भविष्यवक्ताबे लाह मोह्ड़े तोह। 27दिह दुह ए शुह अतु पाहठी पवित्रशास्त्रारिंङ च़ेहसी तोह; ‘रेड्रु! गेह कांह तुईज़ी घेंङौ इच्च़ा दूता बि च़रपोग, अंऊ कांह थल्जी अम त्यार लोहतो।’ 28गेह केतंङ हेले कुट्रातग अंयों मीहरे दिह धरतीरिंङ तोतोर, दोतु बिचंङ यूहन्ना बपतिस्मा रंड्राबे मोह्ड़े अरीला माह; पर अरी स्वर्गो राजंङ भत्तेबे कवचि तोह दुह दुबे ला मोह्ड़े तोद।”
29अपेहल भत्ते मीहज़ी देर तचेक कि चुंगी लेहपच़ा दोच़ी ला अच्च़ा यूहन्नाओ बपतिस्मा लेहप्तिर, यीशु गप्पारे रेड्रा दिह घोषणा लहरिर कि परमेश्वर धर्मी तोह। 30पर फरीसी मीहज़ी ए कानून ञेंहच़ा ज़ि परमेश्वर ओ गप्पा माह मनेक्तिर छना कुचे दोच़ी यूहन्नाओ दोरच़ी बपतिस्मा लेहप्च़िमीरंङ साते इन्कार लेह च़रतिर। 31“दंङ गेह दिह पीढ़ीऊ मीहतु बराबरी अतंङ साते लोहग, कि दोरे अतु ठ्रोह तोतोर? 32दोरे दुह कटुतु ठ्रोह तोतोर अरी बज़ारंङ बंङज़ा एनातु बिचंङ शिकायत लहज़ातोर। ञेंहच़ी केहतु थल्जी बेंज़ कुहलज़ातेंई, पर केरे माह गरछातेंई; ञेंहच़ी दुख लाहतंई पर केहरे क्रपतेनिए माह। 33छना कुचे यूहन्ना बपतिस्मा रंड्रा घड़ी-घड़ी ब्रत लोहतो दंङ सरा माह तुंङज़ते। दंङ मीहज़ी कुट्रातेर दोऊ अंद्रेग मांजी आत्मा तोह। 34अपेहल गेह मीहू योह ज़ेहे तुंङमातोग दोहपल केहच़ी कुट्रातंई कि गेह महस ज़ज़ा ए सरा तुंङज़ा, दंङ चुंगी लेहप्च़ातु ए पापीतु साथी शुगाह, 35पर अच़ि परमेश्वरो शिक्षा मनेके जोज़ा दोऊ ज़िंदगीरिंङ परमेश्वरो ज्ञान हेले साबित शोतो।”
फरिसीतु चुंङ पापिनी मेच़मी बि माफ
36दंङ अरीआ फरीसी ज़ि दोरंङ साते बिनती लहरी कि दुह दोरंङ साते बगत जोऊ, दंङ दुह फरिसीऊ चुंङ बगत ज़ेइमी थल्जी इलि। 37दुह नगरंङ इच्च़ा पापी मेच़िमी दीह रेड्रा कि यीशु फरीसी ऊ चुंङ बगत ज़ेइमी अंज़े तोह, इच्च़ा संगमरमरो कवचि बोतलो अंद्रेग रुठे बासंङ मंङे इत्र यीशु कछंङ हति, 38दंङ दोऊ कोंज़ो कछंङ, थ्ल्का खड़े शुहचे, क्रप्चाते दोऊ कोन्ज़ा तिंङ मिक्ति साते अल्ले लहज़ा एनोह पुंज़ो क्रा रंङ साते साफ लहज़ी लेहती दंङ यीशु कोन्ज़ंङ उकू रें रुठे बासंङ इत्र च्वाचि लेहती।
39दीह खांई, दुह फरीसी अच़ि यीशुबि बुलासी तते, एनोह सेहमरिंङ सोचेके लेहती, “अगर दी भविष्यवक्ता शुई ता ञेंहच़ी चरच़ि तोहई कि अंऊ दोबि थोह्की लेहकी तोह दुह अरी शुह? छना कुचे दोबि पता शुबी जूंस कि दिह पापी मेच़मी शुह।” 40यीशुज़ि, दोऊ बिचार ञेंहच़ा दोबि जुबाब रें, “हे शमौन गिह्बी केतंङ साते छा छी कुट्रिमी तोह।” दोई कुतोह, “हे गुरु, कुह।”
41“दंङ यीशुज़ि दिह कथा सुनाएक्तो, अरीया साहुकारो झुह्ट कर्ज़दार तोईरे, इच्च़ा ङा राह, दंङ अई निंजो सा मुलतु टंगा#7:41 इच्च़ा दीनार, दिऊ मतलब शुह इच्च़ा ध्याड़ाओ ध्याड़ी ओ कर्ज़दार तोहई। 42अपेहल दोतु कछंङ वापिस लहज़िमी थल्जी छिला मा तोहई दंङ दुह साहुकारे दोतु कर्ज़ा माफ लेह च़रति। दिरंङ दुह झुल्ला मीहतु बिचंङज़ि अरी दुह साहुकारंङ साते महस दाह लोहतो?” 43शमौने जुबाब रेंई, “गिऊ हिसाबे दुह अतु दोई महस कर्ज़ा माफ लेह च़रति।” यीशु ज़ि शमौनो हखा कुहतो “कांह जुबाब ठीक शुह।”
44दंङ दुह मेच़मीऊ हखा किरज़े यीशुज़ि शमौनो रंङ साते कुतोह, “छि केई तङातेन आ कि दिह मेच़िमी छि लहतो? गेह कांह चुंङ अतिगा पर ञेंहतु रिवाज़ो हिसाबे केई गिऊ कोन्ज़ा शुलज़िमी थल्जी ती ला मा रेंई, पर दीह मेच़मी गिऊ कोन्ज़ा मिक्ति रंङ अलेग लहरी दंङ क्राए रंङ साते दुह साफ लहरी।” 45केई गिह्बी उकू लेह गिऊ स्वागत ला माह लहरिन, पर अपेहल बे गेह अन्जी तोतोग दोहपल बे दीह गिऊ कोन्ज़ा रिंङ उकू रंड्री बंद माह लहरी। 46केई गिऊ पुंज़ंङ इत्र मा केहरी, पर दी गिऊ कोंज़ो टोईच़ी रुठे बासंङ मंङे तेल चह्री। 47दिऊ थल्जी गेह केतंङ साते कुट्रातग महसे पाप अंऊ दिह लहसी तरेह माफ शुहचे इलि, “छना कुचे दी महस दाह लहरी; पर अतु थोड़े पाप माफ शुई दोई थोड़े दाह लाह।”
48दंङ दोई दुह मेच़िमी रंङ साते कुतोह, “कनु पाप माफ शुहचे इलि।”
49दोहपल दोरे मीहरे अंऊ दोरंङ साते बगत ज़ेह लेहकी तोईरे दोरे एनातु सेहमरिंङ सोचेके लेहती, “दी अरी शुह अंऊ पाप ला माफ लाह छना कुचे पाप ता सिर्फ परमेश्वरे माफ लेह तरच़ी।”
50पर यीशुज़ि दुह मेच़मी रंङ साते कुतोह, “परमेश्वरे कनिंङ बचाके केहतो छना कुचे केई गिऊ टोहकठे बिशवास लहतन, शांति रंङ साते इला।”
Currently Selected:
लूको 7: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
लूको 7
7
इच्च़ा सुबेदारो विशवास
(मत्ती 8:5-13)
1अपेहल यीशुज़ि मीहतिंङ भत्ते गप्पा कुचे च़रति, दंङ दुह कफरनहूम नगरंङ अति। 2दोर तिंङ रोमी सेनिकातु सुबेदारो इच्च़ा परगर अंऊ दोऊ प्यारे तोहई, दुह धोंण टेहची तोहई कि सी मी तोहई। 3अपेहल सुबेदारे यीशु पाहठी थक्शतो दोपहल दोई यहुदी सेंहणातिंङ दी बिनती लहज़िमी थल्जी यीशु कछंङ च़रति कि अंज़े गिऊ परगराबि अईन लोहू। 4दोरे यहुदी सेंहणार यीशु कछंङ अतिरे दंङ दोरंङ साते महस बिनती लहज़ी कुट्री लेहतिर, “दुह दीह जोगे शुह कि केई दोऊ टोईच़ी दया लोहू। 5छना कुचे दुह ञेंहतु जातिऊ मीहतंङ साते दाह लहज़ा, दंङ दोई ए ञेंहतु थल्जी यहुदी सभा घरबार बणाएष्री शुह।” 6दंङ यीशु दोतंङ साते सुबेदारो चुंखा बोन्जे इलि, अपेहल यीशु दोऊ चुंङो कछंङ तोहई, ता सुबेदारे एनोह थोड़े अरे साथीरे यीशु कछंङ दिह कुट्रिमी थल्जी च़रतिर कि, “हे प्रभु, देहर अपिमी थल्जी तकलीफ थालोहू छना कुचे गेह दिह जोगे माह तोहग कि कांह गिऊ चुंङ अपोन।” 7“दिऊ थल्जी गेह घेंङाबि दिऊ जोगे माह चेहच़ातग कि गेह कांह कछंङ अपोग, पर दोरच़ी ए बचन कुचे च़रतु ता गिऊ परगर ठीक शुहचे योतो। 8छना कुचे गेह ला अधिकारीऊ अधीन तोतग, दंङ अपेहल गेह इदि बि कुट्रातग कि इला ता दुह अच़ा य्वा; दंङ अईदीबी कुट्रातग अता ता दुह अच़ा अपा, दंङ अपेहल घेंङौ परगराबि कोहग कि झांह लोहू, ता दोई दुह लेहई।”
9दिह रेड्रीरंङ यीशु ठट् केह्षा इलि, दंङ दोई थलका किरज़े दुह मीहतु हखा अंऊ दोऊ थ्लेसी अपि लेहकी तोईरे, कुतोह, “गेह केतंङ साते कुट्रातग कि, गेह इस्राएल देशो मीहतु बिचंङ झांह ठ्रोह बिशवास माह तंङरीग।” 10दंङ दोरे साथीरे अतिंङ सुबेदारे यीशु कछंङ चरच़ते वापिस चुंखा इलिर दंङ दोच़ी दुह बीमार परगर ठीक शुहचे खंणी।
रंणी मेच़मीऊ कटु बि जीवन दान
11थोड़े ध्याड़ो थल यीशु एनोह चेला तंङ साते नाईन मिन्दु इच्च़ा नगरंङ इलि। दंङ दोऊ चेलारे ए महस मोह्ड़े भीड़ दोहरंङ साते इबि लेहकी तोहई। 12अपेहल दुह नगरो फटाको कछंङ पीडी सा ता, खंणी, मीहरेर इच्च़ा मुर्दा बि धह्तेका लेन्ज़ा य्वातेर; अंऊ एनोह याहो इच्च़ा योह तोहई, दंङ दुह रंणी तोहई: दंङ नगरो महस मीहरे दोरंङ साते तोईरे। 13दोबि खांई प्रभुबि दया अति, दंङ यीशुज़ि कुहतो, “था क्रपतु।” 14दंङ दोई कछंङ अंज़े दुह मुर्दा बि पछ रेंई; दंङ कुरच़ा दोरे रुमज़ा इलिर। दंङ यीशुज़ि कुतोह, “हे जवान गेह करंङ साते कुट्रातग, खड़े शुह।” 15दंङ दुह मुर्दा खड़े अच़ा इलि, दंङ गप्पा लहज़ी लेहती; दंङ यीशुज़ि दोबि दोऊ याहु हखा रें च़रति। 16दिरंङ भत्ते मीहरेर बेई लेहतिरे, दंङ दोरे परमेश्वरो महिमा लहजे कुट्री लेहतिर, “ञेंहतु बिचंङ इच्च़ा मोह्ड़े भविष्यवक्ता अंज़े तोह, दंङ परमेश्वरे एनोह मीहतु मदत लहज़िमी थल्जी अंज़े तोह।” 17दंङ दोऊ पाहठी दी गप्पा यहुदिया प्रदेश ए देच़ि न्वेच़ि भत्ते इलाकंङ फेलेके इलि।
यूहन्ना बपतिस्मा रंड्राढो सवाल
(मत्ती 11:1-19)
18दंङ यूहन्ना बि दोऊ चेलाज़ि दीह भत्ते गप्पो खबर रेंई। 19दंङ यूहन्ना ज़ि एनोह चेला तु बिचंङज़ि झुह्ट बि प्रभुऊ कछंङ दीह रुहक्च़ी मी थल्जी च़रति, “छि कांह ए दुह मसीह शुनाह, कि अच़ि च़रच़िमी वाईदा परमेश्वरे लहसी तोहई कि ञेंहच़ी ऊईदिऊ इंतज़ार लोहई?” 20दोच़ी यीशु कछंङ अंज़े कुंई, “यूहन्ना बपतिस्मा रंड्रा दोई ञेंतिंङ कनु कछंङ दीह रुहक्च़ी मी थल्जी च़रसी शुह कि, छि कांह ए दुह मसीह शुनाह, कि अच़ि च़रच़िमी वाईदा परमेश्वरे लहसी तोहई कि ञेंहच़ी ऊईदिऊ इंतज़ार लोहई?”
21दुह ए मुका यीशुज़ि महस मीहतिंङ बीमारीरंङ ए तकलीफो दोरच़ी दंङ मांजी आत्मो दोरच़ी छुटकारा रेंई, दंङ महस काणे दोतिंङ टीरा रेंई। 22दंङ यीशुज़ि यूहन्नाओ चेला तु हखा कुहतो, “छिला ला केहच़ी खंयातन ए रेड्रातन, इलजे यूहन्ना रंङ साते कुंई कि काणे दोरे खंड्री लेहकी तोतोर, लट्टे ज़ोवातोर, कोढ़ी रे शुद्ध शुहबी लेहकी तोतोर, टंऊंणे दोरे रेड्री लेहकी तोतोर, सीए दोरे श्रींङी लेहकी तोतोर, दंङ गरीबातिंङ रूठे खबर सुनाएची लेहकी तोह। 23धन्य शुहरे दोरे अच़ि गिऊ टोहकठे विशवास लहज़ातोर।”
24अपेहल यूहन्नाओ चेलारे दोरच़ी इपि लेहकी तोईरे, दंङ यीशु यूहन्नाओ पाहठी मीहतिंङ कुट्री लेहती, “केरे सुनसान ठाहरीरिंङ छि खंड्री इलदेंई? छि लंहन ज़ि तुहरच़ा ब्रन्ज़ेर? 25दंङ केरे छि खंड्री इलदेंई? छि मंङे खमज़े लह्ची मीहबी? खंणुई, झांह ठ्रोह मंङे खमज़ेर लेह्चा मीहरे ठाट-बाठङ राजभवनंङ बंङज़ी। 26दंङ छी खंड्री इलजी तोतोंई? छि अरीआ भविष्यवक्ताबि खंड्रीआ? वेई! गेह केतिंङ कुट्रातग कि, दुह भविष्यवक्ताबे लाह मोह्ड़े तोह। 27दिह दुह ए शुह अतु पाहठी पवित्रशास्त्रारिंङ च़ेहसी तोह; ‘रेड्रु! गेह कांह तुईज़ी घेंङौ इच्च़ा दूता बि च़रपोग, अंऊ कांह थल्जी अम त्यार लोहतो।’ 28गेह केतंङ हेले कुट्रातग अंयों मीहरे दिह धरतीरिंङ तोतोर, दोतु बिचंङ यूहन्ना बपतिस्मा रंड्राबे मोह्ड़े अरीला माह; पर अरी स्वर्गो राजंङ भत्तेबे कवचि तोह दुह दुबे ला मोह्ड़े तोद।”
29अपेहल भत्ते मीहज़ी देर तचेक कि चुंगी लेहपच़ा दोच़ी ला अच्च़ा यूहन्नाओ बपतिस्मा लेहप्तिर, यीशु गप्पारे रेड्रा दिह घोषणा लहरिर कि परमेश्वर धर्मी तोह। 30पर फरीसी मीहज़ी ए कानून ञेंहच़ा ज़ि परमेश्वर ओ गप्पा माह मनेक्तिर छना कुचे दोच़ी यूहन्नाओ दोरच़ी बपतिस्मा लेहप्च़िमीरंङ साते इन्कार लेह च़रतिर। 31“दंङ गेह दिह पीढ़ीऊ मीहतु बराबरी अतंङ साते लोहग, कि दोरे अतु ठ्रोह तोतोर? 32दोरे दुह कटुतु ठ्रोह तोतोर अरी बज़ारंङ बंङज़ा एनातु बिचंङ शिकायत लहज़ातोर। ञेंहच़ी केहतु थल्जी बेंज़ कुहलज़ातेंई, पर केरे माह गरछातेंई; ञेंहच़ी दुख लाहतंई पर केहरे क्रपतेनिए माह। 33छना कुचे यूहन्ना बपतिस्मा रंड्रा घड़ी-घड़ी ब्रत लोहतो दंङ सरा माह तुंङज़ते। दंङ मीहज़ी कुट्रातेर दोऊ अंद्रेग मांजी आत्मा तोह। 34अपेहल गेह मीहू योह ज़ेहे तुंङमातोग दोहपल केहच़ी कुट्रातंई कि गेह महस ज़ज़ा ए सरा तुंङज़ा, दंङ चुंगी लेहप्च़ातु ए पापीतु साथी शुगाह, 35पर अच़ि परमेश्वरो शिक्षा मनेके जोज़ा दोऊ ज़िंदगीरिंङ परमेश्वरो ज्ञान हेले साबित शोतो।”
फरिसीतु चुंङ पापिनी मेच़मी बि माफ
36दंङ अरीआ फरीसी ज़ि दोरंङ साते बिनती लहरी कि दुह दोरंङ साते बगत जोऊ, दंङ दुह फरिसीऊ चुंङ बगत ज़ेइमी थल्जी इलि। 37दुह नगरंङ इच्च़ा पापी मेच़िमी दीह रेड्रा कि यीशु फरीसी ऊ चुंङ बगत ज़ेइमी अंज़े तोह, इच्च़ा संगमरमरो कवचि बोतलो अंद्रेग रुठे बासंङ मंङे इत्र यीशु कछंङ हति, 38दंङ दोऊ कोंज़ो कछंङ, थ्ल्का खड़े शुहचे, क्रप्चाते दोऊ कोन्ज़ा तिंङ मिक्ति साते अल्ले लहज़ा एनोह पुंज़ो क्रा रंङ साते साफ लहज़ी लेहती दंङ यीशु कोन्ज़ंङ उकू रें रुठे बासंङ इत्र च्वाचि लेहती।
39दीह खांई, दुह फरीसी अच़ि यीशुबि बुलासी तते, एनोह सेहमरिंङ सोचेके लेहती, “अगर दी भविष्यवक्ता शुई ता ञेंहच़ी चरच़ि तोहई कि अंऊ दोबि थोह्की लेहकी तोह दुह अरी शुह? छना कुचे दोबि पता शुबी जूंस कि दिह पापी मेच़मी शुह।” 40यीशुज़ि, दोऊ बिचार ञेंहच़ा दोबि जुबाब रें, “हे शमौन गिह्बी केतंङ साते छा छी कुट्रिमी तोह।” दोई कुतोह, “हे गुरु, कुह।”
41“दंङ यीशुज़ि दिह कथा सुनाएक्तो, अरीया साहुकारो झुह्ट कर्ज़दार तोईरे, इच्च़ा ङा राह, दंङ अई निंजो सा मुलतु टंगा#7:41 इच्च़ा दीनार, दिऊ मतलब शुह इच्च़ा ध्याड़ाओ ध्याड़ी ओ कर्ज़दार तोहई। 42अपेहल दोतु कछंङ वापिस लहज़िमी थल्जी छिला मा तोहई दंङ दुह साहुकारे दोतु कर्ज़ा माफ लेह च़रति। दिरंङ दुह झुल्ला मीहतु बिचंङज़ि अरी दुह साहुकारंङ साते महस दाह लोहतो?” 43शमौने जुबाब रेंई, “गिऊ हिसाबे दुह अतु दोई महस कर्ज़ा माफ लेह च़रति।” यीशु ज़ि शमौनो हखा कुहतो “कांह जुबाब ठीक शुह।”
44दंङ दुह मेच़मीऊ हखा किरज़े यीशुज़ि शमौनो रंङ साते कुतोह, “छि केई तङातेन आ कि दिह मेच़िमी छि लहतो? गेह कांह चुंङ अतिगा पर ञेंहतु रिवाज़ो हिसाबे केई गिऊ कोन्ज़ा शुलज़िमी थल्जी ती ला मा रेंई, पर दीह मेच़मी गिऊ कोन्ज़ा मिक्ति रंङ अलेग लहरी दंङ क्राए रंङ साते दुह साफ लहरी।” 45केई गिह्बी उकू लेह गिऊ स्वागत ला माह लहरिन, पर अपेहल बे गेह अन्जी तोतोग दोहपल बे दीह गिऊ कोन्ज़ा रिंङ उकू रंड्री बंद माह लहरी। 46केई गिऊ पुंज़ंङ इत्र मा केहरी, पर दी गिऊ कोंज़ो टोईच़ी रुठे बासंङ मंङे तेल चह्री। 47दिऊ थल्जी गेह केतंङ साते कुट्रातग महसे पाप अंऊ दिह लहसी तरेह माफ शुहचे इलि, “छना कुचे दी महस दाह लहरी; पर अतु थोड़े पाप माफ शुई दोई थोड़े दाह लाह।”
48दंङ दोई दुह मेच़िमी रंङ साते कुतोह, “कनु पाप माफ शुहचे इलि।”
49दोहपल दोरे मीहरे अंऊ दोरंङ साते बगत ज़ेह लेहकी तोईरे दोरे एनातु सेहमरिंङ सोचेके लेहती, “दी अरी शुह अंऊ पाप ला माफ लाह छना कुचे पाप ता सिर्फ परमेश्वरे माफ लेह तरच़ी।”
50पर यीशुज़ि दुह मेच़मी रंङ साते कुतोह, “परमेश्वरे कनिंङ बचाके केहतो छना कुचे केई गिऊ टोहकठे बिशवास लहतन, शांति रंङ साते इला।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.