लूको 8
8
यीशु मेच़मीचेला रे
1दिऊ थल यीशु इलाका-इलाका ए नगर-नगरंङ प्रचार लेह दंङ परमेश्वरो राज्यो रूठे खबर सुनाएची लेहती देखा नोखा इबी लेहकी तोहई दंङ दोरे सनी चेलारे दोरंङ साते तोईरे, 2दंङ थोड़े अरे मेच़मीरे अंऊ मांजी आत्मा ए बीमारीऊ दोरच़ी ठीक लहसी तहरेर, दुह दिहरे शुहरे; मरियम अरी मगदल नगरो तोहई, अतु अंद्रेग च़ि यीशुज़ि निज़िह मांजी आत्मारे हुंच़ाते 3दंङ रज्ज़ा हेरोदेसो भंडारीऊ मेच़ा योअन्ना ए सुस्न्ना, दंङ ऊई ला मेच़मी। दिहरे एनोह टंगा-ढबाहो दोरच़ी द्वारा यीशु ए दोऊ चेला तु सेवा लह्ज़तेर।
बेजा एचाड़ो कथा
4अपेहल मोह्ड़े भीड़ ठ्रोहका शुहचे इलि दंङ महसे इलाकंङज़ि मीहरे यीशु कछंङ अपि लेहकी तोईरे दंङ दोई कथारिंङ दोतंङ साते कुतोह, 5“इच्च़ा ज़िमदार बेईज़ा एच़ी हुंच़िरी। एच़ी मुका फोहा अमरिंङ दहचे इलि दुह सर्गो प्याज़ि पेशी शिलिरी। 6रेंहई रह्घचटे ठाहरीरिंङ दहचे इलि दंङ दोबि महस श्रोह माह खोकसिरी, महस श्रोह माह खोकसीरंङ साते दुह युरनाह पैहचा शिलिर, दंङ अंऊ मुका एके हुंच़िरी ता रोषा इलि, दंङ जड़ माह चुम्ज़ी रंङ साते कर्चे इलि। 7रेह बेईज़ा छ्वाक्तु विचंङ दचीरी, दंङ महस छ़वाक शुहबी रंङ साते दुह तेप्चे इलि।” 8“दंङ रेह रुठे धरती रिंङ दह्चे इलि, दंङ पोशिरी ए फलवन्त शुहचे राह गुणा फल हति।” दी कुचे दोई जोरे साते कुतोह दंङ दोई कुतोह, “छि; गेह कुट्रातग दुह ध्यानारंङ साते रेड्रुंई।”
दृष्टान्तो मकसद
9यीशु चेलाज़ि दुह रुहक्ती कि दी “कथाओ छी मतलब शुह?” 10दोई कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, दंङ ऊईतिंङ कथारिंङ ए कुट्रिमी तो दिऊ थल्जी कि: दोच़ी-दोच़ी खांई ते ला माहखांइरे, दंङ दोतिंङ शुङसी मादी रेड्रा ला रेहड्रोंई ता ला माह समझेक्ती।”
बेजा एचा दृष्टान्तो मतलब
11कथाओ मतलब दी शुह; बेजो मतलब परमेश्वरो वचन शुह। 12अमो मुखारिंङ दोरे शुहरे कि रेह मीहच़ी परमेश्वरो बचन ता रेड्री, पर एनोह सेमारिङ माह तहच़ि। दोहर अपेहल ला फलेक्पि माह। छना प्याज़ि बैएजा पेहषे चरच़ि दंङ ध्वांए शेताने दोहपले अंज़े दोतु अंद्रेगज़ि बचन लेन्ज़ा शिल्ज़ी। कि झांह शुबी मेस, दोरे प्रभु टोहकठे बिशवास लेह उद्धार खोक्पोर। 13ध्वांए अंऊ बैएजा रघ्चटे ठाहरीरिंङ दह्च़ी तोहई, दोऊ मतलब झांह ठ्रोह तोह कि रेह मीहच़ी परमेश्वरो बचन रेड्री दंङ खुशी रंङ साते मनेक्चि ला। छना कुंई ता दोच़ी परमेश्वरो बचन एनोह सेहमो अंद्रेग महसे टेम तचेक बसाके माह तहच़ि। दंङ दुख या सताव अति ता दुहरे दुए मुका विशवासो दोरच़ी थलका यह्च़ा य्वातोर। 14अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी। 15अंऊ बैएजा रुठे ज़मीनारिंङ दचाते, दुह महसे फलेक्ति। दिऊ मतलब दिह शुह कि रेह मीहच़ी परमेश्वरो बचन रुठे रंङ साते रेड्रा दोऊ टोहकठे जोज़ी दंङ विशवासारिंङ बड़ेक्पातोर।
सजवो कथा
16“अच़िला लम्पा बि जलाके नंनदे पोयंङ माह केहट्री, ठेपू टोईच़ी केहट्री, दंङ दोऊ दोरच़ी घरबारो भत्ते मीहतंङ छंङी शुहबी। 17गिऊ कुट्रिमी मतलब दिह तोह कि परमेश्वर दुह भत्ते गप्पातिंङ प्रगट लोहतो। अंऊ हेंतेग तचेक ब्याके तोहई। दंङ अंऊ ला गुप्त तोह दुह ला प्रगट शोतो। 18दिऊ थल्जी खबरदार बंङज़ुंई कि केहच़ी छना रेड्रातंई? छना कुचे अतु कछंङ समझ तोह, दोबि ऊई ला महस खोकसोतो, दंङ अतु दोहर छले माह, दोऊ दुह थोड़े समझ ला योह्सा योतो, अंऊ दोऊ कछंङ तोहई, अतिंङ दुह एनोह ञेंहच़ा।”
यीशु याह ए न्वा
(मत्ती 12:46-50; मरकु 3:31-35)
19दंङ यीशु ऊ याह ए कवचि न्वा दोऊ कछंङ अतिर, पर महसे मीहरे शुबीरंङ साते दोरंङ साते दोए मरतिर। 20दंङ मीहज़ी यीशुरंङ साते कुतोह, “कांह याह ए कांह कवचि न्वा धह्कते खड़े तोतोर, दंङ करंङ साते दोई ततोर।” 21दोई दिऊ जुबाब दोतंङ साते कुंई, “गिऊ याह ए गिऊ न्वा दिहरे शुहरे, अरी परमेश्वरो बचन रेड्रा ए मनेक्च़ा।”
आंधी शांत लहज़ी
22दंङ इच्च़ा ध्याड़ा यीशु ए दोऊ चेलारे किशतीऊ टोहकठे बंङज़िरी, दंङ यीशुज़ि दोतंङ साते कुंई, “अतंई ञेंहरे गलील झीलो नुरेच़ि योंई।” दंङ दोच़ी किशती युह्प्चिरी। 23अपेहल किशती जोई लेहकी तोहई ता यीशु इमरिंङ अच़ा इलि दंङ झीलंङ तूफान अति दंङ किशती ती रंङ साते पिंङे इलि दंङ दोरे मुशकिला तोईरे। 24दंङ चेलाज़ि कछंङ इलजे दुह चेह्फी लहरीर, दंङ कुतोह, “हे गुरु। हेनर सीमी तोतोन।” दंङ दोहपल ए यीशु खड़े शुहचे भमबुट ए छ्वालि बि हुकुम रेह दंङ भत्ते चहसा ए शांत शुहचे इलि। 25दंङ यीशुज़ि दोतंङ साते कुतोह, “केहतु विशवास अंऊर तोहई?” पर दोरे बेवा इलिर दंङ हेरान शुहचे एनातु बिचंङ कुट्री लेहतिर, “दी अरी शुह अच़ि भमबुट ए छ्वली बि ला हुकुम रंड्रा, दंङ दोरे दोऊ मनेक्च़ातोर?”
माजी आत्मा ग्रस्त मीहबी ठीक लहज़ी
(मत्ती 8:28-34; मरकु 5:6-20)
26दंङ यीशु ए दोऊ चेलारे गलील झीलो नुरेच़ि गिरासेनियो मीहतु इलाकारिंङ पिचातेर। 27अपेहल दुह झीलो मुखारिंङ तकसिरी दोबि दुह नगरो इच्च़ा मीह दोहरी अतु अंद्रेग मांजी आत्मा तोहई दुह महस ध्याड़ा बे माह खमज़े लहज़ाते माह चुंङ बंङज़ते पर कब्ररंङ बंङज़ाते अंऊर मुर्दा मीहरे पथेक्च़ी। 28दुह यीशु बि खांई हाऊष रेंई, दंङ दोऊ कछंङ दच्छे मोह्ड़े सग रंङ साते कुतोह, “हे महान परमेश्वर ओ योह यीशु! केई गेरंङ साते छि जुन्ज़ातन? गेह करंङ साते बिनती लहज़ातग कि केई गिह्बी दुख थारोंह।” 29छना कुचे दुह मांजी आत्माबि हुपिमी थल्जी आज्ञा रंड्री लेहकी तोहई, दिऊ थल्जी कि दुह घड़ी-घड़ी दोऊ टोईच़ी अपि लेहकी तोहई, मीहरेर दोबि रशी ए शंङड़ी रंङ साते छुचातेर पर दोई भत्ते धिर थक्शे चरच़ाते दंङ मांजी आत्मा दोबि सुनसान ठाहरीरिंङ शिलज़ते।
30यीशु ज़ि दुह मांजी आत्मा रंङ साते रुहक्ती, “कांह मिन छी शुह?” दोई कुतोह, “सेना,” छना कुचे महस मांजी आत्मारे दोऊ अंद्रेग तोईरे। 31दोच़ी बिनती लहरीर कि, “ञेंतिंङ नरकंङ थाह चर्तु।” 32दोहर गोह रिंङ सुअरों इच्च़ा झुण्ड रवाक्सी लेहकी तोहई। दुह मांजी आत्मा ए यीशु रंङ साते बिनती लेह कुंई, “हेन्दिंङ दुह सुअरों बिचंङ चरच़ि चर्तु कि ञेंहच़ी दोतु अंद्रेग अच़ा योंई।” दंङ दोई दोतिंङ इबि रेंहई। 33दंङ भत्ते मांजी आत्मा दुह मीहू दोरच़ी हुंज़ी दुह सुअरों झुंडो अंद्रेग अच़ा इलि। दंङ झुंड गोहू ठेपुरिंङ ज़ि ज़रका रें झीलंङ दह्चे सिए इलि।
34दोरे सुअरतु पोहालाज़ि ज़रका रेह नगरंङ ए इलाका रिंङ इलजे दी खबर सुनाति। 35मीहरे अंऊ दी शुहचे तोहई दोबि खंड्रीमी थल्जी हुंच़िर दंङ यीशु कछंङ अंज़े अतु अंद्रेगज़ि मांजी आत्मारे हुची तोहई यीशु कोंज़ो कछंङ खमज़े लहज़ा दंङ ठीक ठाक खांई थल बेवा इलि; 36दंङ खंड्रा दोच़ी मीहरे दोतिंङ कुतोह कि मांजी आत्माओ ग्रस्त मीह छना अईन शुहचे इलि। 37दंङ गिरासेनियो इलाकाओ देसी-न्वेच़ि भत्ते मीहज़ी यीशु रंङ साते बिनती लहरीर कि ञेंहतु दोरच़ी अच़ा इला; छना कुचे दोरे बेवा इलजी तोईरे, दंङ यीशु किशतीऊ टोईच़ी बंङज़ा अच़ा इलि। 38दंङ दुह मीह अतु अंद्रेग मांजी आत्मा तोहई, दोहरंङ साते बिनती लहज़ी लेहती, गिह्बी लाह केनारंङ साते अपि राऊँ, पर यीशु ज़ि दोबि चरच़ाते कुतोह। 39“कांह चुंखा अच़ा इला दंङ मीहतिंङ कंड्रु कि परमेश्वरे कांह थल्जी छना मोह्ड़े-मोह्ड़े कम लहरी।” दंङ दुह इलजे भत्ते नगरंङ प्रचार लहच़ी लेहती कि, यीशुज़ि गिऊ थल्जी अंयों मोह्ड़े कम लहरी।
याईरो सी मेच़मी कटु ए इच्च़ा टेची मेच़मी
40अपेहल यीशु वापिस अति सा ता मीहरेर दोरंङ साते खुशी रंङ साते दोहरिरे, छना कुचे दोरे दोऊ इंतज़ार लहज़ी लेहकी तोईरे। 41दंङ ध्वांए याईर मिन्दु इच्च़ा मीह अति अंऊ यहुदी सभा घरबारो सरदार तोहई, अति दंङ यीशु कोन्ज़ंङ दह्चे दोरंङ साते बिनती लहज़ी लेहती कि “गिऊ चुंखा जो।” 42छना कुचे दोऊ सनी सालो मियो धोंण बीमार तोहई कि सीमी तोहई। अपेहल यीशु दोहरंङ साते इलि; दंङ महस मोह्ड़े भीड़ दोऊ थले शुहचे इलि, धोंण तचेक कि भीड़ दोऊ टोईच़ी दह्पी लेहकी तोहई।
43दुह भीड़ो बिचंङ इच्च़ा झांह ठ्रोह मेच़मी तोहई, अतिंङ सनी साल बेहच़ी शुहई बहेक्फिमी बीमारी तोहई। दोई बेदातु दोरच़ी इलाज लेहमी थल्जी एनोह भत्ते टंगा ढबाह खर्च ले च़रति पर दोबि छले फायदा माह शुई, बल्कि दोऊ बीमारी ऊई ला महसे बेहसा इलि। 44झांह लेह दुह भीड़ो बिचंङज़ि दोऊ थलेसी अति दंङ दोऊ खमज़े थोह्की च़रति दंङ ध्वांए दोऊ शुहई बहाएक्सी बंद शुहचे इलि। 45दिरंङ यीशुज़ि कुतोह, “अच़ि गिह्बी पछ रेंई?” अपेहल भत्ते इंकार लहच़ी लेहतिर, दंङ पतरस ए दोऊ साथीज़ि दोबि कुंई, “हे गुरु, कनिङ ता भीड़ तेप्ची लेहकी तोह, दंङ कनु टोईच़ी दच्छे य्वाह।” 46पर यीशुज़ि कुतोह, “अच़िया गिह्बी पछ रेंई, छना कुचे कि गिऊ अंद्रेगज़ि ठीक शुहबिमी सामर्थ हुंच़ा इलि।” 47अपेहल मेच़मी खंणी कि दुह प्याके मरपतो, दंङ बेवाते ए डगेकी अति दंङ दोऊ कोन्ज़ंङ दच्छे भत्ते मीहतु तुईज़ी कुचे च़रति कि छी बजेह दोई दोबि पछ रेंई, दंङ छना ठीक शुहचे इलि। 48यीशुज़ि दोहरंङ साते कुतोह, “मियो, केई गिऊ टोहकठे विशवास लहज़ातन दिऊ थल्जी कांह अईन शुहचे इलोन। शांतिरंङ साते इला।”
49अपेहल यीशु दी कुट्री लेहकी तोहई दंङ दुह ए मुका दुह प्रधान याईरो चूंङज़ि मीहच़ी अंज़े कुट्री लेहती, “गुरुबि दुख थाह रोंहू छना कुचे का मिओ सिए इलज़ा।” 50यीशु ज़ि दी रेड्रा दोबि जुबाब रेंई, “थाबेऊ; दंङ सिर्फ गिऊ टोहकठे विशवास लोहु! कि दुह अईन शुहचे योतो।” 51चुंङ इलजे दोई पतरस, याकूब ए यूहन्नाबि दंङ मेच़िमी कटुऊ याह ए बाह केट्रा ऊई अतिंङ ला ऐनारंङ साते माह शिली। 52दोर तिंङ भत्ते मीहरे दुह मियो थल्जी क्रपि लेहकी तोईरे, पर दोई कुतोह, “केहरे क्रपतांई थाह छना कुचे दिह मेच़िमी कटु सिए माह पर इमरिंङ तोह।”
53दिह गप्पा रेड्रा भीड़ो मीहरे यीशु मज़ाक उड़ाठी लेहतिरे। 54यीशुज़ि दुह मेच़मी कटुऊ गुहड़ च़ुमज़िरी दंङ कुतोह, “हे मियो, अहच़ु।” 55दंङ दोऊ प्राण यह्च़ा अति दंङ दुह खड़े अच़ा इलि। दंङ यीशुज़ि हुकुम रेंई कि दोबि ज़ेइमी थल्जी छा रौं। 56दोऊ याह ए बाह हेरान शुहचे इलिर, पर यीशुज़ि दोतिंङ खबरदार लेह कुंई कि देर्तिंङ छिला शुहचा दुह अतंङ ला साते था कोहनी।
Currently Selected:
लूको 8: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
लूको 8
8
यीशु मेच़मीचेला रे
1दिऊ थल यीशु इलाका-इलाका ए नगर-नगरंङ प्रचार लेह दंङ परमेश्वरो राज्यो रूठे खबर सुनाएची लेहती देखा नोखा इबी लेहकी तोहई दंङ दोरे सनी चेलारे दोरंङ साते तोईरे, 2दंङ थोड़े अरे मेच़मीरे अंऊ मांजी आत्मा ए बीमारीऊ दोरच़ी ठीक लहसी तहरेर, दुह दिहरे शुहरे; मरियम अरी मगदल नगरो तोहई, अतु अंद्रेग च़ि यीशुज़ि निज़िह मांजी आत्मारे हुंच़ाते 3दंङ रज्ज़ा हेरोदेसो भंडारीऊ मेच़ा योअन्ना ए सुस्न्ना, दंङ ऊई ला मेच़मी। दिहरे एनोह टंगा-ढबाहो दोरच़ी द्वारा यीशु ए दोऊ चेला तु सेवा लह्ज़तेर।
बेजा एचाड़ो कथा
4अपेहल मोह्ड़े भीड़ ठ्रोहका शुहचे इलि दंङ महसे इलाकंङज़ि मीहरे यीशु कछंङ अपि लेहकी तोईरे दंङ दोई कथारिंङ दोतंङ साते कुतोह, 5“इच्च़ा ज़िमदार बेईज़ा एच़ी हुंच़िरी। एच़ी मुका फोहा अमरिंङ दहचे इलि दुह सर्गो प्याज़ि पेशी शिलिरी। 6रेंहई रह्घचटे ठाहरीरिंङ दहचे इलि दंङ दोबि महस श्रोह माह खोकसिरी, महस श्रोह माह खोकसीरंङ साते दुह युरनाह पैहचा शिलिर, दंङ अंऊ मुका एके हुंच़िरी ता रोषा इलि, दंङ जड़ माह चुम्ज़ी रंङ साते कर्चे इलि। 7रेह बेईज़ा छ्वाक्तु विचंङ दचीरी, दंङ महस छ़वाक शुहबी रंङ साते दुह तेप्चे इलि।” 8“दंङ रेह रुठे धरती रिंङ दह्चे इलि, दंङ पोशिरी ए फलवन्त शुहचे राह गुणा फल हति।” दी कुचे दोई जोरे साते कुतोह दंङ दोई कुतोह, “छि; गेह कुट्रातग दुह ध्यानारंङ साते रेड्रुंई।”
दृष्टान्तो मकसद
9यीशु चेलाज़ि दुह रुहक्ती कि दी “कथाओ छी मतलब शुह?” 10दोई कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, दंङ ऊईतिंङ कथारिंङ ए कुट्रिमी तो दिऊ थल्जी कि: दोच़ी-दोच़ी खांई ते ला माहखांइरे, दंङ दोतिंङ शुङसी मादी रेड्रा ला रेहड्रोंई ता ला माह समझेक्ती।”
बेजा एचा दृष्टान्तो मतलब
11कथाओ मतलब दी शुह; बेजो मतलब परमेश्वरो वचन शुह। 12अमो मुखारिंङ दोरे शुहरे कि रेह मीहच़ी परमेश्वरो बचन ता रेड्री, पर एनोह सेमारिङ माह तहच़ि। दोहर अपेहल ला फलेक्पि माह। छना प्याज़ि बैएजा पेहषे चरच़ि दंङ ध्वांए शेताने दोहपले अंज़े दोतु अंद्रेगज़ि बचन लेन्ज़ा शिल्ज़ी। कि झांह शुबी मेस, दोरे प्रभु टोहकठे बिशवास लेह उद्धार खोक्पोर। 13ध्वांए अंऊ बैएजा रघ्चटे ठाहरीरिंङ दह्च़ी तोहई, दोऊ मतलब झांह ठ्रोह तोह कि रेह मीहच़ी परमेश्वरो बचन रेड्री दंङ खुशी रंङ साते मनेक्चि ला। छना कुंई ता दोच़ी परमेश्वरो बचन एनोह सेहमो अंद्रेग महसे टेम तचेक बसाके माह तहच़ि। दंङ दुख या सताव अति ता दुहरे दुए मुका विशवासो दोरच़ी थलका यह्च़ा य्वातोर। 14अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी। 15अंऊ बैएजा रुठे ज़मीनारिंङ दचाते, दुह महसे फलेक्ति। दिऊ मतलब दिह शुह कि रेह मीहच़ी परमेश्वरो बचन रुठे रंङ साते रेड्रा दोऊ टोहकठे जोज़ी दंङ विशवासारिंङ बड़ेक्पातोर।
सजवो कथा
16“अच़िला लम्पा बि जलाके नंनदे पोयंङ माह केहट्री, ठेपू टोईच़ी केहट्री, दंङ दोऊ दोरच़ी घरबारो भत्ते मीहतंङ छंङी शुहबी। 17गिऊ कुट्रिमी मतलब दिह तोह कि परमेश्वर दुह भत्ते गप्पातिंङ प्रगट लोहतो। अंऊ हेंतेग तचेक ब्याके तोहई। दंङ अंऊ ला गुप्त तोह दुह ला प्रगट शोतो। 18दिऊ थल्जी खबरदार बंङज़ुंई कि केहच़ी छना रेड्रातंई? छना कुचे अतु कछंङ समझ तोह, दोबि ऊई ला महस खोकसोतो, दंङ अतु दोहर छले माह, दोऊ दुह थोड़े समझ ला योह्सा योतो, अंऊ दोऊ कछंङ तोहई, अतिंङ दुह एनोह ञेंहच़ा।”
यीशु याह ए न्वा
(मत्ती 12:46-50; मरकु 3:31-35)
19दंङ यीशु ऊ याह ए कवचि न्वा दोऊ कछंङ अतिर, पर महसे मीहरे शुबीरंङ साते दोरंङ साते दोए मरतिर। 20दंङ मीहज़ी यीशुरंङ साते कुतोह, “कांह याह ए कांह कवचि न्वा धह्कते खड़े तोतोर, दंङ करंङ साते दोई ततोर।” 21दोई दिऊ जुबाब दोतंङ साते कुंई, “गिऊ याह ए गिऊ न्वा दिहरे शुहरे, अरी परमेश्वरो बचन रेड्रा ए मनेक्च़ा।”
आंधी शांत लहज़ी
22दंङ इच्च़ा ध्याड़ा यीशु ए दोऊ चेलारे किशतीऊ टोहकठे बंङज़िरी, दंङ यीशुज़ि दोतंङ साते कुंई, “अतंई ञेंहरे गलील झीलो नुरेच़ि योंई।” दंङ दोच़ी किशती युह्प्चिरी। 23अपेहल किशती जोई लेहकी तोहई ता यीशु इमरिंङ अच़ा इलि दंङ झीलंङ तूफान अति दंङ किशती ती रंङ साते पिंङे इलि दंङ दोरे मुशकिला तोईरे। 24दंङ चेलाज़ि कछंङ इलजे दुह चेह्फी लहरीर, दंङ कुतोह, “हे गुरु। हेनर सीमी तोतोन।” दंङ दोहपल ए यीशु खड़े शुहचे भमबुट ए छ्वालि बि हुकुम रेह दंङ भत्ते चहसा ए शांत शुहचे इलि। 25दंङ यीशुज़ि दोतंङ साते कुतोह, “केहतु विशवास अंऊर तोहई?” पर दोरे बेवा इलिर दंङ हेरान शुहचे एनातु बिचंङ कुट्री लेहतिर, “दी अरी शुह अच़ि भमबुट ए छ्वली बि ला हुकुम रंड्रा, दंङ दोरे दोऊ मनेक्च़ातोर?”
माजी आत्मा ग्रस्त मीहबी ठीक लहज़ी
(मत्ती 8:28-34; मरकु 5:6-20)
26दंङ यीशु ए दोऊ चेलारे गलील झीलो नुरेच़ि गिरासेनियो मीहतु इलाकारिंङ पिचातेर। 27अपेहल दुह झीलो मुखारिंङ तकसिरी दोबि दुह नगरो इच्च़ा मीह दोहरी अतु अंद्रेग मांजी आत्मा तोहई दुह महस ध्याड़ा बे माह खमज़े लहज़ाते माह चुंङ बंङज़ते पर कब्ररंङ बंङज़ाते अंऊर मुर्दा मीहरे पथेक्च़ी। 28दुह यीशु बि खांई हाऊष रेंई, दंङ दोऊ कछंङ दच्छे मोह्ड़े सग रंङ साते कुतोह, “हे महान परमेश्वर ओ योह यीशु! केई गेरंङ साते छि जुन्ज़ातन? गेह करंङ साते बिनती लहज़ातग कि केई गिह्बी दुख थारोंह।” 29छना कुचे दुह मांजी आत्माबि हुपिमी थल्जी आज्ञा रंड्री लेहकी तोहई, दिऊ थल्जी कि दुह घड़ी-घड़ी दोऊ टोईच़ी अपि लेहकी तोहई, मीहरेर दोबि रशी ए शंङड़ी रंङ साते छुचातेर पर दोई भत्ते धिर थक्शे चरच़ाते दंङ मांजी आत्मा दोबि सुनसान ठाहरीरिंङ शिलज़ते।
30यीशु ज़ि दुह मांजी आत्मा रंङ साते रुहक्ती, “कांह मिन छी शुह?” दोई कुतोह, “सेना,” छना कुचे महस मांजी आत्मारे दोऊ अंद्रेग तोईरे। 31दोच़ी बिनती लहरीर कि, “ञेंतिंङ नरकंङ थाह चर्तु।” 32दोहर गोह रिंङ सुअरों इच्च़ा झुण्ड रवाक्सी लेहकी तोहई। दुह मांजी आत्मा ए यीशु रंङ साते बिनती लेह कुंई, “हेन्दिंङ दुह सुअरों बिचंङ चरच़ि चर्तु कि ञेंहच़ी दोतु अंद्रेग अच़ा योंई।” दंङ दोई दोतिंङ इबि रेंहई। 33दंङ भत्ते मांजी आत्मा दुह मीहू दोरच़ी हुंज़ी दुह सुअरों झुंडो अंद्रेग अच़ा इलि। दंङ झुंड गोहू ठेपुरिंङ ज़ि ज़रका रें झीलंङ दह्चे सिए इलि।
34दोरे सुअरतु पोहालाज़ि ज़रका रेह नगरंङ ए इलाका रिंङ इलजे दी खबर सुनाति। 35मीहरे अंऊ दी शुहचे तोहई दोबि खंड्रीमी थल्जी हुंच़िर दंङ यीशु कछंङ अंज़े अतु अंद्रेगज़ि मांजी आत्मारे हुची तोहई यीशु कोंज़ो कछंङ खमज़े लहज़ा दंङ ठीक ठाक खांई थल बेवा इलि; 36दंङ खंड्रा दोच़ी मीहरे दोतिंङ कुतोह कि मांजी आत्माओ ग्रस्त मीह छना अईन शुहचे इलि। 37दंङ गिरासेनियो इलाकाओ देसी-न्वेच़ि भत्ते मीहज़ी यीशु रंङ साते बिनती लहरीर कि ञेंहतु दोरच़ी अच़ा इला; छना कुचे दोरे बेवा इलजी तोईरे, दंङ यीशु किशतीऊ टोईच़ी बंङज़ा अच़ा इलि। 38दंङ दुह मीह अतु अंद्रेग मांजी आत्मा तोहई, दोहरंङ साते बिनती लहज़ी लेहती, गिह्बी लाह केनारंङ साते अपि राऊँ, पर यीशु ज़ि दोबि चरच़ाते कुतोह। 39“कांह चुंखा अच़ा इला दंङ मीहतिंङ कंड्रु कि परमेश्वरे कांह थल्जी छना मोह्ड़े-मोह्ड़े कम लहरी।” दंङ दुह इलजे भत्ते नगरंङ प्रचार लहच़ी लेहती कि, यीशुज़ि गिऊ थल्जी अंयों मोह्ड़े कम लहरी।
याईरो सी मेच़मी कटु ए इच्च़ा टेची मेच़मी
40अपेहल यीशु वापिस अति सा ता मीहरेर दोरंङ साते खुशी रंङ साते दोहरिरे, छना कुचे दोरे दोऊ इंतज़ार लहज़ी लेहकी तोईरे। 41दंङ ध्वांए याईर मिन्दु इच्च़ा मीह अति अंऊ यहुदी सभा घरबारो सरदार तोहई, अति दंङ यीशु कोन्ज़ंङ दह्चे दोरंङ साते बिनती लहज़ी लेहती कि “गिऊ चुंखा जो।” 42छना कुचे दोऊ सनी सालो मियो धोंण बीमार तोहई कि सीमी तोहई। अपेहल यीशु दोहरंङ साते इलि; दंङ महस मोह्ड़े भीड़ दोऊ थले शुहचे इलि, धोंण तचेक कि भीड़ दोऊ टोईच़ी दह्पी लेहकी तोहई।
43दुह भीड़ो बिचंङ इच्च़ा झांह ठ्रोह मेच़मी तोहई, अतिंङ सनी साल बेहच़ी शुहई बहेक्फिमी बीमारी तोहई। दोई बेदातु दोरच़ी इलाज लेहमी थल्जी एनोह भत्ते टंगा ढबाह खर्च ले च़रति पर दोबि छले फायदा माह शुई, बल्कि दोऊ बीमारी ऊई ला महसे बेहसा इलि। 44झांह लेह दुह भीड़ो बिचंङज़ि दोऊ थलेसी अति दंङ दोऊ खमज़े थोह्की च़रति दंङ ध्वांए दोऊ शुहई बहाएक्सी बंद शुहचे इलि। 45दिरंङ यीशुज़ि कुतोह, “अच़ि गिह्बी पछ रेंई?” अपेहल भत्ते इंकार लहच़ी लेहतिर, दंङ पतरस ए दोऊ साथीज़ि दोबि कुंई, “हे गुरु, कनिङ ता भीड़ तेप्ची लेहकी तोह, दंङ कनु टोईच़ी दच्छे य्वाह।” 46पर यीशुज़ि कुतोह, “अच़िया गिह्बी पछ रेंई, छना कुचे कि गिऊ अंद्रेगज़ि ठीक शुहबिमी सामर्थ हुंच़ा इलि।” 47अपेहल मेच़मी खंणी कि दुह प्याके मरपतो, दंङ बेवाते ए डगेकी अति दंङ दोऊ कोन्ज़ंङ दच्छे भत्ते मीहतु तुईज़ी कुचे च़रति कि छी बजेह दोई दोबि पछ रेंई, दंङ छना ठीक शुहचे इलि। 48यीशुज़ि दोहरंङ साते कुतोह, “मियो, केई गिऊ टोहकठे विशवास लहज़ातन दिऊ थल्जी कांह अईन शुहचे इलोन। शांतिरंङ साते इला।”
49अपेहल यीशु दी कुट्री लेहकी तोहई दंङ दुह ए मुका दुह प्रधान याईरो चूंङज़ि मीहच़ी अंज़े कुट्री लेहती, “गुरुबि दुख थाह रोंहू छना कुचे का मिओ सिए इलज़ा।” 50यीशु ज़ि दी रेड्रा दोबि जुबाब रेंई, “थाबेऊ; दंङ सिर्फ गिऊ टोहकठे विशवास लोहु! कि दुह अईन शुहचे योतो।” 51चुंङ इलजे दोई पतरस, याकूब ए यूहन्नाबि दंङ मेच़िमी कटुऊ याह ए बाह केट्रा ऊई अतिंङ ला ऐनारंङ साते माह शिली। 52दोर तिंङ भत्ते मीहरे दुह मियो थल्जी क्रपि लेहकी तोईरे, पर दोई कुतोह, “केहरे क्रपतांई थाह छना कुचे दिह मेच़िमी कटु सिए माह पर इमरिंङ तोह।”
53दिह गप्पा रेड्रा भीड़ो मीहरे यीशु मज़ाक उड़ाठी लेहतिरे। 54यीशुज़ि दुह मेच़मी कटुऊ गुहड़ च़ुमज़िरी दंङ कुतोह, “हे मियो, अहच़ु।” 55दंङ दोऊ प्राण यह्च़ा अति दंङ दुह खड़े अच़ा इलि। दंङ यीशुज़ि हुकुम रेंई कि दोबि ज़ेइमी थल्जी छा रौं। 56दोऊ याह ए बाह हेरान शुहचे इलिर, पर यीशुज़ि दोतिंङ खबरदार लेह कुंई कि देर्तिंङ छिला शुहचा दुह अतंङ ला साते था कोहनी।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.