मरकुसो 12
12
माजी किसानो कथा
(मत्ती 21:33-46; लूको 20:9-19)
1दंङ यीशु यहुदी शास्त्री, यहुदी मोह्ड़े पुरोहित ए यहुदी सेंहणा तु हखा कुट्री लेहती, “दि कथा रेड्रुंई। इच्च़ा मीह दाखो बगीचा लगाएती, दुह बाहगो पीला हासी बाड़ लगाके च़रति दंङ दुह बगीचंङ दाखो रस हुपिमी थल्जी इच्च़ा ठहरि बणाएक्ती दंङ इच्च़ा छन ला बणाएक्ती दोहर ज़िमदारातिंङ घाह्ड़ी रें परदेश अच़ा इलि। 2अपेहल दाखो बगीचारिंङ फसल ट्रिकट्रिमी ध्याड़ा पिचे दंङ दुह मालिके एनोह इच्च़ा दासबि कुहतो कि, दुह दाखो बगीचंङ योतो दंङ ज़िमदारातु दोरच़ी फसलो हिस्सा रेंज़ा हपतो। 3दंङ अपेहल दुह दास ज़िमदारातु कछंङ इलि, दंङ दुह ज़िमदाराज़ि दुह च़ुमने दंङ तेंङे च़रति, दंङ दोबि एनोह मालिको हखा वापिस स्ल्ज़े घुह्ड़ रंङ यहचे च़रति। 4दंङ दुह मालिक ए यहचा अईसंङ दास बि दोतु कछंङ च़रति, दंङ दोच़ी दोऊ अपमान लहरी दंङ दोऊ पुंज़ा घाह केरिरे। 5दंङ दुह मालिक ए यहचा अई इच्च़ा दास च़रति, पर ज़िमदाराज़ि दुह सच़ी केहरिर। दंङ दोई ऊई ला महस दोतिंङ च़रति; दोतु बिचंङज़ि दोच़ी थोड़े अरे बि तेंङरिर, दंङ थोड़े अरे दोतिंङ सच़ी ए च़रतिर।
6दंङ दुह मालिको कछंङ इच्च़ा ए मीह केह्षा इलि, अंऊ दोऊ प्यारे योह तोहई। दोई दोबि दी सोचेके च़रति कि दुरेह गिऊ योहू आदर लोहतो। 7दंङ अपेहल दुह ज़िमदाराज़ि दुह योह तंङरीर दंङ एनातु बिचंङ कुतोह कि, ‘दिए ता दिह ज़मीनो वारिस शुह। अतंई, हेंज़ी दी ला स्चे चरपोई, दंङ दी भत्ते ज़मीन हेंदु शुहचे योतो।’ 8दंङ दोच़ी दुह चुम्ज़े सच़ी केहरिर, दंङ दाखो बगीचारिंङ धह्कते छंङी च़रति।”
9दंङ यीशुज़ि दोतु हखा रुहक्ती, “दंङ मालिके छि लोहतो? दंङ दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्ड़ीरिंङ रें च़रपोतो। 10छि केहच़ी पवित्रशास्त्रंङ दी बचन पढ़ेकी माह शुहआ कि, अंऊ रघ ‘राजमिस्त्रीज़ि कम मेह चेकातेर, दुह ए कुंणीऊ रघ शुहचे इलि। 11दी कम प्रभु परमेश्वरो दोरच़ी शुहचे शुह, दंङ हेंदु नज़रंङ अनोखे तो।’ ” 12दंङ यहुदी नेताज़ि दुह चुम्ज़ी लहज़ी तरेहर; छना कुंई साते दोरे सम्जेक्सा इलजी तोईरे कि, “यीशु हेंदु खिलाप दीह कथा कुट्रा।” पर दोरे मीहरंङ साते बेवा इलिर, दंङ यीशुबि केट्रा अच़ा इलिरे।
कैसरा बि कर रंड्री
13दंङ यहुदी नेताज़ि दोबि गप्पा रिंङ फसाच़िमी थल्जी रेह फरीसी दल ए हेरोदेस दल ओ मीहतिंङ यीशु कछंङ च़रति। 14दोच़ी दोऊ कछंङ अंज़े दोहरंङ साते कुतोह, “हे गुरु, ञेंहच़ी ञेंच़ातंई, कि केई सच्चे शुनाह, दंङ अतु ला केई परवाह माह लोहतन कि मीहच़ी का थल्जी छि कुट्रातोर। छना कुंई साते ता केई मीहतु मोह्द खांई गप्पा माह लहज़ातन, दंङ केई परमेश्वरो अमो पाहठी रुठे उपदेश रंड्रातन। छी ञेंतिंङ रोम देश ओ महाराजा बि कर रंड्री हेंदु कानूनो हिसाबे रुठे शुहतर आ मश्त? 15ञेंहच़ी रमोंई आ मा रमोंई?” पर यीशुज़ि दोतु कपट खांई दोतंङ साते कुतोह, “गिह्बी छिले परखेकच़ातंई? इच्च़ा मुलतु टंगा गिऊ कछंङ हतांई, कि गेह दोबि खमोग।”
16दोच़ी हतिरेह, यीशुज़ि दोतंङ साते रुहक्ती, “दी छाप ए मिन अतु शुह?” दोच़ी जुबाब रेंहई, “महाराजा ओ।” 17यीशु ज़ि दोतंङ साते कुतोह, “अंऊ महाराजा शुह दुह महाराजा बि, दंङ अंऊ परमेश्वरो शुह दुह परमेश्वरा बि रौं।” दंङ यीशु ऊ दि गप्पा रेड्रा दुरेह महस हेरान शुहचे इलि। छना कुचे दोच़ी यीशु बि फसाके मरति।
यह्च़ा श्रींङी ए ब्याह
(मत्ती 22:23-33; लूको 20:27-40)
18दंङ सदूकी दलो मीहरे यीशु कछंङ अतिर, दोच़ी विशवास माह लहज़ातेर कि मीहरे सिमी थल श्रींङी योर। घ्यां लेह दोच़ी यीशुबि रुहक्ती, 19“हे गुरु, मूसा भविष्यवक्ताए हेंदु थल्जी च़ेहसी तोह कि अगर अतुआ न्वा, कटु मेह सीए इलिता दंङ दोऊ मेच़ा केह्षा इलिता, दोऊ न्वा दोऊ मेच़ा रंङ ब्याह लोहतो दंङ एनोह न्वाओ थल्जी वंश पैदा लोहतो। 20दिऊ पाहठी इच्च़ा कथा रेड्रुंई। इच्च़ा परिवाररिंङ निहज़ी न्वा तोईरे भत्ते बे मोह्ड़े न्वाज़ि ब्याह लहज़ी पर दुह कटु मेह सीए इलि। 21दंङ अई न्वाए दोई दुह मेच़मी रंङ साते ब्याह लहरी पर दुह ला कटु मेह सीए इलि। ध्वांए अई ऊई (तिसरे) न्वाए ला लेही दंङ दुह ला सी इलि। 22दंङ निंज़ो न्वाएज़ि दुह मेच़मी रंङ साते ब्याह लहरी दंङ दोरे भत्ते कटु मेह सी इलिर। दंङ भत्ते मुखंङ दुह थल दुह मेच़मी ला सीए इलि। 23दंङ हेंतेग केई कंड्रु अगर सिमी थल श्रींङी जीवन तोह ता, दुह मेच़मी दुह निज़ा न्वातु बिचंङ अतु मेच़ा शोतो? छना कुंई साते ता दुह भत्ते तु मेच़ा तोहई।”
24यीशुज़ि दोतंङ साते कुतोह, “केरे गलत शुनाह कि केहच़ी पवित्रशास्त्र समझेकतच़तोई मा, दंङ माह ए केतिंङ परमेश्वरो सामर्थो पाहठी पता तोह। 25छना कुंई साते ता अपेहल मीहरे सीमी दोरच़ी श्रींङी योहर, दंङ दोरे ब्याह माह लोहर, छना कुचे दोरे स्वर्गदूतातू ठ्रोह शोहर अच़ि ब्या माह लेह। 26सिऐ दोतु खड़े अच़िमी पाहठी केहच़ी मूसाऊ कताबंङ, मेह लेहकी छ्वाक्तु कथारिंङ पढ़ेकी शुह आ कि परमेश्वरे दोहरंङ साते कुतोह, गेह सेंहणा अब्राहमो परमेश्वर, इसहाको परमेश्वर, याकूबो परमेश्वर शुगाह? 27दुह मुका दोरे षुम ला सिए इलजी तोईरे। पर परमेश्वरो तुईज़ी दोरे अईता ला श्रींङी तोईरे। दोऊ थल्जी दोई झांह कुहतो, परमेश्वर सिऐ दोतु माह शुह पर श्रीङीतु परमेश्वर शुह; केहतु सोचक्सी महसे खराब तोह।”
भत्ते बे मोह्ड़े आज्ञा
(मत्ती 22:34-40)
28दंङ यहुदी शास्त्रीतु विचंङज़ि इच्चे दोतिंङ चर्चा लहजे रेड्रीर। दंङ दी ञेंए कि यीशुज़ि दोतिंङ छना रुठे हासी जुबाब रन्दो, यीशुरंङ साते रुहक्ती, “परमेश्वरो आज्ञातु बिचंङज़ि भत्ते बे मुख्य आज्ञा छी शुह?” 29यीशुज़ि दोबि जुबाब रेंहई, “भत्ते आज्ञाओ बिचंङ दी मुख्य शुह: ‘हे इस्राएलो मीहरे! रेड्रुंई। प्रभु हेंदु परमेश्वर इच्च़ा प्रभु शुह,’ 30दंङ केई केनोह परमेश्वरारंङ साते भत्ते सेहम रंङ, दंङ केनोह प्राणो दोरच़ी, दंङ केनोह भत्ते बुद्धिरंङ, दंङ केनोह भत्ते शक्ति रंङ साते दाह लोहू। 31दंङ ऊई ज़रूरी हुकुम दी शुह: केनोह पड़ोसी रंङ साते केनोह बराबर दाह लोहू। दिबे ला मोह्ड़े हुकुम ऊई मा तो।”
32यहुदी शास्त्री यीशुरंङ साते कुतोह, “हे गुरु, महसे रुठे। केई हेले कुट्रातन कि दुह इच्च़ा ए परमेश्वर शुह, दंङ दोबि केचे ऊई अरीला प्रभु माह। 33दंङ दोबि भत्ते सेहम रंङ, केनोह भत्ते बुद्धिरंङ, दंङ केनोह भत्ते शक्ति रंङ साते दाह लोहू दंङ केनोह पड़ोसी रंङ साते केनोह बराबर दाह लोहू। झांह लेह तग चढ़ाएसी ए बलि चड़ाएसिबे ए मोह्ड़े तोह।” 34अपेहल यीशुज़ि खंणी कि दोई समझदार रंङ साते जुबाब रेंहई, दंङ यीशुज़ि दोहरंङ साते कुतोह, “कि केई परमेश्वरो राज्यों कछंङ तोतोन।” दंङ अतिंङ ला यहचा दुह रुहक्च़िमी हिम्मत मा शुई।
मसीह अतु कटु शुह?
35दंङ यीशुज़ि यहुदी मंदिरंङ उपदेश लहज़ा दी कुतोह, “यहुदी शास्त्रीज़ि छिले क्वातेर कि मसीह सिर्फ रज्ज़ा दाऊदो खानदानो शुह? 36दाऊद रज्ज़ा ए पवित्र आत्मा रंङ साते कुतोह कि, परमेश्वरे गिऊ प्रभु रंङ साते कुतोह, गिऊ सुचंङ हासी बंङज़ोंई, अपेहल तचेक गेह कनु बैरी तिंङ केनोह कोंज़ो पोयंङ माह लोहग। 37दाऊद रज्ज़ा ए मसीह बि, गिऊ प्रभु शुह। झांह कुट्रा, दंङ दुह छना दोऊ खानदानो शुई?” दंङ भीड़ो मीहरे यीशु ऊ शिक्षा खुशी रंङ साते रेड्रातेर।
शास्त्री रंङ साते खबरदार
(मत्ती 23:1-12; लूको 20:45-47)
38यीशुज़ि एनोह शिक्षारंङ दोतंङ साते कुतोह, “यहुदी शास्त्रीतु विचार ए दोतु शिक्षारंङ साते खबरदार बंङज़ोंई। अंऊ लमेह-लमेह खमज़ेर लेच़ा जोज़ि रुठे चेहच़ातोर दंङ दोच़ी जूंस कि मीहच़ी बज़ारंङ दोतु इज्ज़त लोहर। 39दंङ यहुदी सभा घरबारंङ मोह्ड़े-मोह्ड़े ठहरि रिंङ दंङ धामंङ मोह्ड़े-मोह्ड़े रुठे ठाहरीरिंङ पेट्रातोर। 40दंङ दिहरे यहुदी शास्त्री मीहरे गरीब रंणीतु भत्ते टंगा-ढबाह, घरबार ज़े चरच़ातोर। दंङ मीहच़ी कंड्रिमी थल्जी महस टेम तचेक प्रार्थना लहज़ातोर। झांह ठ्रोह मीहतिंङ परमेश्वरे महस मोह्ड़े सज़ा रमतो।”
कंगाल रंणीऊ दान
(लूको 21:1-4)
41यीशुज़ि मंदिरो दानपात्रो कछंङ बंङज़ा खंड्री लेहकी तोहई, कि मीहरे दानपात्रंङ छना ठ्रोह दान केट्रातेर। दंङ महस साहुकाराज़ि दानपात्रो अंद्रेग महस दान केहच़ी च़रति। 42दिऊ थल इच्च़ा कंगाल गरीब रंणी मेच़िमी अति दंङ दोई दानपात्रो अंद्रेग त्रामो झुह्ट टंगा केहच़ी केहरी। (अतु किमत थोड़े तोहई) 43दंङ यीशुज़ि एनोह चेला तिंङ कछंङ बुलाके दोतंङ साते कुंई, “गेह केतंङ साते हेले कुट्रातग कि दि रंणी मेच़िमी दि भत्त्ते बे बढ़कर दान चड़ाएकतो। 44भत्ते ज़ि एनोह महसे दोहरची थोड़े रंदोर दंङ दि गरीब रंणी मेच़िमी एनोह भत्ते कमाई परमेश्वरो थल्जी रें चरच़तो। दोई एनोह थल्जी छल्ले बचाएकतो माह।”
Currently Selected:
मरकुसो 12: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
मरकुसो 12
12
माजी किसानो कथा
(मत्ती 21:33-46; लूको 20:9-19)
1दंङ यीशु यहुदी शास्त्री, यहुदी मोह्ड़े पुरोहित ए यहुदी सेंहणा तु हखा कुट्री लेहती, “दि कथा रेड्रुंई। इच्च़ा मीह दाखो बगीचा लगाएती, दुह बाहगो पीला हासी बाड़ लगाके च़रति दंङ दुह बगीचंङ दाखो रस हुपिमी थल्जी इच्च़ा ठहरि बणाएक्ती दंङ इच्च़ा छन ला बणाएक्ती दोहर ज़िमदारातिंङ घाह्ड़ी रें परदेश अच़ा इलि। 2अपेहल दाखो बगीचारिंङ फसल ट्रिकट्रिमी ध्याड़ा पिचे दंङ दुह मालिके एनोह इच्च़ा दासबि कुहतो कि, दुह दाखो बगीचंङ योतो दंङ ज़िमदारातु दोरच़ी फसलो हिस्सा रेंज़ा हपतो। 3दंङ अपेहल दुह दास ज़िमदारातु कछंङ इलि, दंङ दुह ज़िमदाराज़ि दुह च़ुमने दंङ तेंङे च़रति, दंङ दोबि एनोह मालिको हखा वापिस स्ल्ज़े घुह्ड़ रंङ यहचे च़रति। 4दंङ दुह मालिक ए यहचा अईसंङ दास बि दोतु कछंङ च़रति, दंङ दोच़ी दोऊ अपमान लहरी दंङ दोऊ पुंज़ा घाह केरिरे। 5दंङ दुह मालिक ए यहचा अई इच्च़ा दास च़रति, पर ज़िमदाराज़ि दुह सच़ी केहरिर। दंङ दोई ऊई ला महस दोतिंङ च़रति; दोतु बिचंङज़ि दोच़ी थोड़े अरे बि तेंङरिर, दंङ थोड़े अरे दोतिंङ सच़ी ए च़रतिर।
6दंङ दुह मालिको कछंङ इच्च़ा ए मीह केह्षा इलि, अंऊ दोऊ प्यारे योह तोहई। दोई दोबि दी सोचेके च़रति कि दुरेह गिऊ योहू आदर लोहतो। 7दंङ अपेहल दुह ज़िमदाराज़ि दुह योह तंङरीर दंङ एनातु बिचंङ कुतोह कि, ‘दिए ता दिह ज़मीनो वारिस शुह। अतंई, हेंज़ी दी ला स्चे चरपोई, दंङ दी भत्ते ज़मीन हेंदु शुहचे योतो।’ 8दंङ दोच़ी दुह चुम्ज़े सच़ी केहरिर, दंङ दाखो बगीचारिंङ धह्कते छंङी च़रति।”
9दंङ यीशुज़ि दोतु हखा रुहक्ती, “दंङ मालिके छि लोहतो? दंङ दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्ड़ीरिंङ रें च़रपोतो। 10छि केहच़ी पवित्रशास्त्रंङ दी बचन पढ़ेकी माह शुहआ कि, अंऊ रघ ‘राजमिस्त्रीज़ि कम मेह चेकातेर, दुह ए कुंणीऊ रघ शुहचे इलि। 11दी कम प्रभु परमेश्वरो दोरच़ी शुहचे शुह, दंङ हेंदु नज़रंङ अनोखे तो।’ ” 12दंङ यहुदी नेताज़ि दुह चुम्ज़ी लहज़ी तरेहर; छना कुंई साते दोरे सम्जेक्सा इलजी तोईरे कि, “यीशु हेंदु खिलाप दीह कथा कुट्रा।” पर दोरे मीहरंङ साते बेवा इलिर, दंङ यीशुबि केट्रा अच़ा इलिरे।
कैसरा बि कर रंड्री
13दंङ यहुदी नेताज़ि दोबि गप्पा रिंङ फसाच़िमी थल्जी रेह फरीसी दल ए हेरोदेस दल ओ मीहतिंङ यीशु कछंङ च़रति। 14दोच़ी दोऊ कछंङ अंज़े दोहरंङ साते कुतोह, “हे गुरु, ञेंहच़ी ञेंच़ातंई, कि केई सच्चे शुनाह, दंङ अतु ला केई परवाह माह लोहतन कि मीहच़ी का थल्जी छि कुट्रातोर। छना कुंई साते ता केई मीहतु मोह्द खांई गप्पा माह लहज़ातन, दंङ केई परमेश्वरो अमो पाहठी रुठे उपदेश रंड्रातन। छी ञेंतिंङ रोम देश ओ महाराजा बि कर रंड्री हेंदु कानूनो हिसाबे रुठे शुहतर आ मश्त? 15ञेंहच़ी रमोंई आ मा रमोंई?” पर यीशुज़ि दोतु कपट खांई दोतंङ साते कुतोह, “गिह्बी छिले परखेकच़ातंई? इच्च़ा मुलतु टंगा गिऊ कछंङ हतांई, कि गेह दोबि खमोग।”
16दोच़ी हतिरेह, यीशुज़ि दोतंङ साते रुहक्ती, “दी छाप ए मिन अतु शुह?” दोच़ी जुबाब रेंहई, “महाराजा ओ।” 17यीशु ज़ि दोतंङ साते कुतोह, “अंऊ महाराजा शुह दुह महाराजा बि, दंङ अंऊ परमेश्वरो शुह दुह परमेश्वरा बि रौं।” दंङ यीशु ऊ दि गप्पा रेड्रा दुरेह महस हेरान शुहचे इलि। छना कुचे दोच़ी यीशु बि फसाके मरति।
यह्च़ा श्रींङी ए ब्याह
(मत्ती 22:23-33; लूको 20:27-40)
18दंङ सदूकी दलो मीहरे यीशु कछंङ अतिर, दोच़ी विशवास माह लहज़ातेर कि मीहरे सिमी थल श्रींङी योर। घ्यां लेह दोच़ी यीशुबि रुहक्ती, 19“हे गुरु, मूसा भविष्यवक्ताए हेंदु थल्जी च़ेहसी तोह कि अगर अतुआ न्वा, कटु मेह सीए इलिता दंङ दोऊ मेच़ा केह्षा इलिता, दोऊ न्वा दोऊ मेच़ा रंङ ब्याह लोहतो दंङ एनोह न्वाओ थल्जी वंश पैदा लोहतो। 20दिऊ पाहठी इच्च़ा कथा रेड्रुंई। इच्च़ा परिवाररिंङ निहज़ी न्वा तोईरे भत्ते बे मोह्ड़े न्वाज़ि ब्याह लहज़ी पर दुह कटु मेह सीए इलि। 21दंङ अई न्वाए दोई दुह मेच़मी रंङ साते ब्याह लहरी पर दुह ला कटु मेह सीए इलि। ध्वांए अई ऊई (तिसरे) न्वाए ला लेही दंङ दुह ला सी इलि। 22दंङ निंज़ो न्वाएज़ि दुह मेच़मी रंङ साते ब्याह लहरी दंङ दोरे भत्ते कटु मेह सी इलिर। दंङ भत्ते मुखंङ दुह थल दुह मेच़मी ला सीए इलि। 23दंङ हेंतेग केई कंड्रु अगर सिमी थल श्रींङी जीवन तोह ता, दुह मेच़मी दुह निज़ा न्वातु बिचंङ अतु मेच़ा शोतो? छना कुंई साते ता दुह भत्ते तु मेच़ा तोहई।”
24यीशुज़ि दोतंङ साते कुतोह, “केरे गलत शुनाह कि केहच़ी पवित्रशास्त्र समझेकतच़तोई मा, दंङ माह ए केतिंङ परमेश्वरो सामर्थो पाहठी पता तोह। 25छना कुंई साते ता अपेहल मीहरे सीमी दोरच़ी श्रींङी योहर, दंङ दोरे ब्याह माह लोहर, छना कुचे दोरे स्वर्गदूतातू ठ्रोह शोहर अच़ि ब्या माह लेह। 26सिऐ दोतु खड़े अच़िमी पाहठी केहच़ी मूसाऊ कताबंङ, मेह लेहकी छ्वाक्तु कथारिंङ पढ़ेकी शुह आ कि परमेश्वरे दोहरंङ साते कुतोह, गेह सेंहणा अब्राहमो परमेश्वर, इसहाको परमेश्वर, याकूबो परमेश्वर शुगाह? 27दुह मुका दोरे षुम ला सिए इलजी तोईरे। पर परमेश्वरो तुईज़ी दोरे अईता ला श्रींङी तोईरे। दोऊ थल्जी दोई झांह कुहतो, परमेश्वर सिऐ दोतु माह शुह पर श्रीङीतु परमेश्वर शुह; केहतु सोचक्सी महसे खराब तोह।”
भत्ते बे मोह्ड़े आज्ञा
(मत्ती 22:34-40)
28दंङ यहुदी शास्त्रीतु विचंङज़ि इच्चे दोतिंङ चर्चा लहजे रेड्रीर। दंङ दी ञेंए कि यीशुज़ि दोतिंङ छना रुठे हासी जुबाब रन्दो, यीशुरंङ साते रुहक्ती, “परमेश्वरो आज्ञातु बिचंङज़ि भत्ते बे मुख्य आज्ञा छी शुह?” 29यीशुज़ि दोबि जुबाब रेंहई, “भत्ते आज्ञाओ बिचंङ दी मुख्य शुह: ‘हे इस्राएलो मीहरे! रेड्रुंई। प्रभु हेंदु परमेश्वर इच्च़ा प्रभु शुह,’ 30दंङ केई केनोह परमेश्वरारंङ साते भत्ते सेहम रंङ, दंङ केनोह प्राणो दोरच़ी, दंङ केनोह भत्ते बुद्धिरंङ, दंङ केनोह भत्ते शक्ति रंङ साते दाह लोहू। 31दंङ ऊई ज़रूरी हुकुम दी शुह: केनोह पड़ोसी रंङ साते केनोह बराबर दाह लोहू। दिबे ला मोह्ड़े हुकुम ऊई मा तो।”
32यहुदी शास्त्री यीशुरंङ साते कुतोह, “हे गुरु, महसे रुठे। केई हेले कुट्रातन कि दुह इच्च़ा ए परमेश्वर शुह, दंङ दोबि केचे ऊई अरीला प्रभु माह। 33दंङ दोबि भत्ते सेहम रंङ, केनोह भत्ते बुद्धिरंङ, दंङ केनोह भत्ते शक्ति रंङ साते दाह लोहू दंङ केनोह पड़ोसी रंङ साते केनोह बराबर दाह लोहू। झांह लेह तग चढ़ाएसी ए बलि चड़ाएसिबे ए मोह्ड़े तोह।” 34अपेहल यीशुज़ि खंणी कि दोई समझदार रंङ साते जुबाब रेंहई, दंङ यीशुज़ि दोहरंङ साते कुतोह, “कि केई परमेश्वरो राज्यों कछंङ तोतोन।” दंङ अतिंङ ला यहचा दुह रुहक्च़िमी हिम्मत मा शुई।
मसीह अतु कटु शुह?
35दंङ यीशुज़ि यहुदी मंदिरंङ उपदेश लहज़ा दी कुतोह, “यहुदी शास्त्रीज़ि छिले क्वातेर कि मसीह सिर्फ रज्ज़ा दाऊदो खानदानो शुह? 36दाऊद रज्ज़ा ए पवित्र आत्मा रंङ साते कुतोह कि, परमेश्वरे गिऊ प्रभु रंङ साते कुतोह, गिऊ सुचंङ हासी बंङज़ोंई, अपेहल तचेक गेह कनु बैरी तिंङ केनोह कोंज़ो पोयंङ माह लोहग। 37दाऊद रज्ज़ा ए मसीह बि, गिऊ प्रभु शुह। झांह कुट्रा, दंङ दुह छना दोऊ खानदानो शुई?” दंङ भीड़ो मीहरे यीशु ऊ शिक्षा खुशी रंङ साते रेड्रातेर।
शास्त्री रंङ साते खबरदार
(मत्ती 23:1-12; लूको 20:45-47)
38यीशुज़ि एनोह शिक्षारंङ दोतंङ साते कुतोह, “यहुदी शास्त्रीतु विचार ए दोतु शिक्षारंङ साते खबरदार बंङज़ोंई। अंऊ लमेह-लमेह खमज़ेर लेच़ा जोज़ि रुठे चेहच़ातोर दंङ दोच़ी जूंस कि मीहच़ी बज़ारंङ दोतु इज्ज़त लोहर। 39दंङ यहुदी सभा घरबारंङ मोह्ड़े-मोह्ड़े ठहरि रिंङ दंङ धामंङ मोह्ड़े-मोह्ड़े रुठे ठाहरीरिंङ पेट्रातोर। 40दंङ दिहरे यहुदी शास्त्री मीहरे गरीब रंणीतु भत्ते टंगा-ढबाह, घरबार ज़े चरच़ातोर। दंङ मीहच़ी कंड्रिमी थल्जी महस टेम तचेक प्रार्थना लहज़ातोर। झांह ठ्रोह मीहतिंङ परमेश्वरे महस मोह्ड़े सज़ा रमतो।”
कंगाल रंणीऊ दान
(लूको 21:1-4)
41यीशुज़ि मंदिरो दानपात्रो कछंङ बंङज़ा खंड्री लेहकी तोहई, कि मीहरे दानपात्रंङ छना ठ्रोह दान केट्रातेर। दंङ महस साहुकाराज़ि दानपात्रो अंद्रेग महस दान केहच़ी च़रति। 42दिऊ थल इच्च़ा कंगाल गरीब रंणी मेच़िमी अति दंङ दोई दानपात्रो अंद्रेग त्रामो झुह्ट टंगा केहच़ी केहरी। (अतु किमत थोड़े तोहई) 43दंङ यीशुज़ि एनोह चेला तिंङ कछंङ बुलाके दोतंङ साते कुंई, “गेह केतंङ साते हेले कुट्रातग कि दि रंणी मेच़िमी दि भत्त्ते बे बढ़कर दान चड़ाएकतो। 44भत्ते ज़ि एनोह महसे दोहरची थोड़े रंदोर दंङ दि गरीब रंणी मेच़िमी एनोह भत्ते कमाई परमेश्वरो थल्जी रें चरच़तो। दोई एनोह थल्जी छल्ले बचाएकतो माह।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.