मरकुसो 11
11
यरूशलेमङ विजय प्रवेश
(मत्ती 21:1-11; लूको 19:28-44; यहून्न 12:12-19)
1अपेहल यीशु ए दोऊ चेलारे यरूशलेम शहरो कछंङ पिचातोर, दंङ दोरे जैतून मिंदंङ गोह मुखारिंङ बेतफगे ए बैतनिय्याह नगरो कछंङ अच़ा अतिरे। दंङ यीशुज़ि एनोह चेला तु बिचंङ झुह्ट चेलारे दि कुह्चे च़रति कि, 2“तुईज़ी नगरंङ ईलांई, दंङ दोहर पिचे ए केतिंङ इच्च़ा करेटी कटु, अतु टोईच़ी अपेहल ला अरीला माह बंङज़ी शुह, छुह्सी खोकसोतो। दोबि युप्शी हताईं। 3अगर अच़िया कनिङ रुहक्ती साते ता, दी छि लहज़ातंई? केहच़ी कुइनी; प्रभु यीशुबी दिऊ ज़रूरत तो, दंङ दुह युरनाह दी देखा चरच़ि च़रपोतो।”
4दोच़ी इलजे दुह करेटु धह्कते पेतंङु कछंङ छ़ुह्च़ी तंङरी, दंङ दुह युप्ची लेहतिरे। 5दोतु बिचंङज़ि अंऊ दोहर खड़े तोईरे, रेहइही कुट्री लेहकी तोहई, “दी छी लहज़ातंई, करेटी कटु बि छिलेह युहप्चातंई?” 6छना यीशुज़ि एनोह चेला तिंङ कुतोह, ध्वांए दोच़ी मीहतिंङ कुचे च़रति; दंङ मीहज़ी दोतिंङ इबी रेंहई। 7दोच़ी करेटु बि यीशु कछंङ हन्जे दंङ दोऊ टोईच़ी एनोह खमज़े केरिरे दंङ यीशु दोऊ टोईच़ी बंङज़ा यरूशलेम शहरंङ अच़ा इलि। 8इलदा-इलदा महस मीहच़ी एनोह-एनोह शाल चादर अमरिंङ थिङी च़रति, रेह मीहच़ी बुटो ब्रन्ज़ेर ट्रिकी हतिर दंङ यीशु स्वागतो थल्जी अमरिंङ थिङी च़रतिर। 9अंऊ दोऊ तुईज़ी-तुईज़ी युवाते दंङ थले-थले अपि लेहकी तोईरे, हाऊष रनड्रा दी कुट्री लेखी तोईरे, “होशना#11:9 दोऊ बड़ई शुहबी जूंस; दिह 10 आयतंङ ला तोह। धन्य शुह दुरेह अंऊ प्रभुऊ अधिकारंङ अपा! 10ञेंहतु पूर्वज रज्ज़ा दाऊदो ठ्रोह इच्च़ा रज्ज़ा, परमेश्वरो मोह्ड़े दाह रंङ साते राज लेह अपि लेहकी तोह दुह धन्य शुह; परमेश्वर अंऊर स्वर्गंङ बंङज़ा तोह दोऊ होशना शुहबी जूंस।”
11दंङ यीशु यरूशलेम शहरंङ मंदिरो ल्वाड़ी इलि दंङ पिला हासी खंड्री लेहती, दंङ एनोह चेला तंङ साते शहरो धह्कते बैतनिय्याह नगरंङ अति, छना कुचे दुह टेमारिंङ योंकल शुहबी लेहकी तोहई।
फल मेह अंजीरो बुट
12ऊई ध्याड़ारिंङ यीशु एनोह चेला तंङ साते बैतनिय्याह नगरंङ ज़ि हुंच़िरी दंङ यरूशलेम शहरो हखा इलि, इलज़ा दोहपल यीशु बि योंहष लेहती। 13दोई ऊईतारे ज़ि ए इच्च़ा अंजीरो हरे बुट खंणी कि छी ञेंहनी कि दोऊ अंद्रेग छा शोतो यीशु बुटो कछंङ अति पर लप्तु सिवाए दोऊ अंद्रेग छ्लेह मा तोहई; छना कुंई साते ता दुह फलो मुका मा तोहई। 14दिऊ टोईच़ी यीशुज़ि बुटो हखा कुहतो, “तोग बेहच़ी कनु फल अरीला मा जोतो।” दोऊ चेला दी रेड्री लेखी तोईरे।
मंदिरंङ ज़ि व्यापारी रे हुंपी
15दंङ यीशु ए दोऊ चेलारे यरूशलेम शहरंङ अतिर दंङ दोरे दोर्तिंङ परमेश्वरो मंदिरंङ इलिरे दोर्तिंङ ल्वाड़ी मीहरे समान च़ुमज़ि ए लङज़ि लेहकी तोईरे। यीशु दोतिंङ धह्कते हखा हुंपी लेहती, दंङ कबूतर लंङज़ा दोतु ए ढबाहो अदला बदली लहचाढातु रेहड़ि फुचंङ लेह च़रति। 16यीशुज़ि अतिंङ ला मंदिरंङ लंङज़िमी समान हपिमी माह रंड्री। 17दंङ यीशुज़ि शिक्षा रंड्री लेहती कि, “पवित्र शास्त्रा रिंङ दि च़ेहसी तोह, गिऊ घरबार भत्ते जातिऊ थल्जी प्रार्थनाओ घरबार शोतो। दंङ केहच़ी दिह्बी लुटेरातु अड्डा बणाके चरच़ातन।”
18दी रेड्रा यहुदी मोह्ड़े पुरोहितरे ए यहुदी शास्त्री तु मीहच़ी यीशुबि सच़िमी पाहठी सोचेक्सी लेहतिर। दोरे यीशुबि खंड्रा बेवा य्वातेर छना कुचे भत्ते मीहरे यीशु शिक्षा रेड्रा हेरान शुहचे य्वातेर। 19ञोंकोल शुहतर यीशु ए दोऊ चेलारे यरूशलेम शहर केट्रा वापिस बैतनिय्याह नगरो हखा बंङज़ी अच़ा इलिर।
करची अंजीरो बुट ज़ि शिक्षा
20ऊईरग मुंजे यीशु ए दोऊ चेलारे यरूशलेम शहरो हखा इबि लेहकी तोईरे। 21पतरस बि दुह गप्पा हिद अति, दंङ दोई दोहरंङ साते कुतोह, “हे गुरु, खंणु। दी अंजीरो बुट अतिंङ केई श्राप रान्देंन, जड़ो दोहरची करची इलजी तोह।”
22यीशुज़ि जवाब रें, “विशवास लोह अंऊ केई पेट्रातोन दुह परमेश्वरे पूरा लोहतो। 23गेह केतंङ साते हेले-हेले कुट्रातग कि अरीला दीह गोह रंङ साते कोतो, ‘का बोनज़ी इला, दंङ समुन्द्रङ अच़ा इला,’ दंङ एनोह सेहमा रिंङ छिल्ला शक माहलोहतो, दंङ विशवास लोहु कि छि दोई कुट्रा दुह शुहचे योतो दंङ दोऊ थल्जी दुए शोतो। 24झांह लेह गेह केतंङ साते कुट्रातग कि छिल्ला केई प्रार्थना लेह पेट्रातंई, ता विशवास लोहु कि केतिंङ दुह खोकसी, दंङ दुह केहतु थल्जी शुहचे योतो। 25दंङ अपेहल ला केहच़ी खड़े शुहचे प्रार्थना लहज़ातंई ता केहतु सेमङ अतुआ थल्जी विरोध तोद साते ता दोबि माफ लोहू; झांह लेह केहतु स्वर्गीय पिता परमेश्वर ला केहतु गुनाह माफ लोहतो। 26अगर केहच़ी ऊईतिंङ माफ माह लोहनि ता झांह लेह हेंदु बाह अरी सर्गंङ तोह दोई केहतु ला पाप माफ माह लोहतो।”
यीशु अधिकारो टोईच़ी सवाल
27दंङ यीशु ए दोऊ चेलारे यरूशलेम शहरंङ अंज़े मंदिरो ल्वाड़िंङ जोज़ि लेहकी तोहई। दोर्तिंङ यहुदी शास्त्री, यहुदी मोह्ड़े पुरोहित, यहुदी सेंहणा मीहरे दोऊ कछंङ अच़ा अतिरे। 28दोच़ी यीशु हखा सवाल रुहक्च़ी लेहतिर, “छि केई एरेग देरह लहज़ातेन दुह छि अधिकार लहज़ातेन? झांह लहज़िमी अधिकार कनिंङ अचि रांहषी शुह?” 29यीशु ज़ि दोतंङ साते कुंई, गेह ला केहतु दोरच़ी इच्च़ा सवाल रुहक्पोग; “गिह्बी जबाब रानी ता गेह केतिंङ कम्बतो कि गेह दी कम अतु अधिकारे लहज़ातग। 30केहच़ी गिह्बी जवाब रांई यूहन्ना बपतिस्मा रंड्रा अतु कुट्रिमी रंङ साते बपतिस्मा रंड्राते? परमेश्वरो कुट्रिमीरंङ साते अंऊ सर्गंङ तोह या मीहतु कुट्री रंङ साते? 31दंङ दोरे एनातु विचंङ विबाद लेह कुट्री लेहतिरे अगर ञेंहच़ी कुंई कि परमेश्वरो कुट्रिमीरंङ साते अंऊ सर्गंङ तोह ‘ता दोई कोतो,’ कि केहच़ी दोऊ टोईच़ी छिल्ले विशवास माह लहरीन? 32दंङ अगर ञेंहच़ी कुंई कि, ‘मीहतु कुट्रिमीरंङ साते,’ दंङ मीह तु बेह्द तो, छना कुंई साते ता भत्ते ज़ि मनेक्च़ातेर कि यूहन्ना हेले भविष्यवक्ता तोहई। 33दंङ दोच़ी यीशु बि जुबाब रेंहई, ञेंहच़ी माञेनी अच़ि यूहन्ना बपतिस्मा रंड्राबि मीहतिंङ बपतिस्मा रंड्रीमी थल्जी चरच़ि शुह।” यीशु ज़ि दोतंङ साते कुतोह, “गेह ला केतिंङ मा कमोग कि गेह दी कम अतु अधिकारंङ लहज़ातग।”
Currently Selected:
मरकुसो 11: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
मरकुसो 11
11
यरूशलेमङ विजय प्रवेश
(मत्ती 21:1-11; लूको 19:28-44; यहून्न 12:12-19)
1अपेहल यीशु ए दोऊ चेलारे यरूशलेम शहरो कछंङ पिचातोर, दंङ दोरे जैतून मिंदंङ गोह मुखारिंङ बेतफगे ए बैतनिय्याह नगरो कछंङ अच़ा अतिरे। दंङ यीशुज़ि एनोह चेला तु बिचंङ झुह्ट चेलारे दि कुह्चे च़रति कि, 2“तुईज़ी नगरंङ ईलांई, दंङ दोहर पिचे ए केतिंङ इच्च़ा करेटी कटु, अतु टोईच़ी अपेहल ला अरीला माह बंङज़ी शुह, छुह्सी खोकसोतो। दोबि युप्शी हताईं। 3अगर अच़िया कनिङ रुहक्ती साते ता, दी छि लहज़ातंई? केहच़ी कुइनी; प्रभु यीशुबी दिऊ ज़रूरत तो, दंङ दुह युरनाह दी देखा चरच़ि च़रपोतो।”
4दोच़ी इलजे दुह करेटु धह्कते पेतंङु कछंङ छ़ुह्च़ी तंङरी, दंङ दुह युप्ची लेहतिरे। 5दोतु बिचंङज़ि अंऊ दोहर खड़े तोईरे, रेहइही कुट्री लेहकी तोहई, “दी छी लहज़ातंई, करेटी कटु बि छिलेह युहप्चातंई?” 6छना यीशुज़ि एनोह चेला तिंङ कुतोह, ध्वांए दोच़ी मीहतिंङ कुचे च़रति; दंङ मीहज़ी दोतिंङ इबी रेंहई। 7दोच़ी करेटु बि यीशु कछंङ हन्जे दंङ दोऊ टोईच़ी एनोह खमज़े केरिरे दंङ यीशु दोऊ टोईच़ी बंङज़ा यरूशलेम शहरंङ अच़ा इलि। 8इलदा-इलदा महस मीहच़ी एनोह-एनोह शाल चादर अमरिंङ थिङी च़रति, रेह मीहच़ी बुटो ब्रन्ज़ेर ट्रिकी हतिर दंङ यीशु स्वागतो थल्जी अमरिंङ थिङी च़रतिर। 9अंऊ दोऊ तुईज़ी-तुईज़ी युवाते दंङ थले-थले अपि लेहकी तोईरे, हाऊष रनड्रा दी कुट्री लेखी तोईरे, “होशना#11:9 दोऊ बड़ई शुहबी जूंस; दिह 10 आयतंङ ला तोह। धन्य शुह दुरेह अंऊ प्रभुऊ अधिकारंङ अपा! 10ञेंहतु पूर्वज रज्ज़ा दाऊदो ठ्रोह इच्च़ा रज्ज़ा, परमेश्वरो मोह्ड़े दाह रंङ साते राज लेह अपि लेहकी तोह दुह धन्य शुह; परमेश्वर अंऊर स्वर्गंङ बंङज़ा तोह दोऊ होशना शुहबी जूंस।”
11दंङ यीशु यरूशलेम शहरंङ मंदिरो ल्वाड़ी इलि दंङ पिला हासी खंड्री लेहती, दंङ एनोह चेला तंङ साते शहरो धह्कते बैतनिय्याह नगरंङ अति, छना कुचे दुह टेमारिंङ योंकल शुहबी लेहकी तोहई।
फल मेह अंजीरो बुट
12ऊई ध्याड़ारिंङ यीशु एनोह चेला तंङ साते बैतनिय्याह नगरंङ ज़ि हुंच़िरी दंङ यरूशलेम शहरो हखा इलि, इलज़ा दोहपल यीशु बि योंहष लेहती। 13दोई ऊईतारे ज़ि ए इच्च़ा अंजीरो हरे बुट खंणी कि छी ञेंहनी कि दोऊ अंद्रेग छा शोतो यीशु बुटो कछंङ अति पर लप्तु सिवाए दोऊ अंद्रेग छ्लेह मा तोहई; छना कुंई साते ता दुह फलो मुका मा तोहई। 14दिऊ टोईच़ी यीशुज़ि बुटो हखा कुहतो, “तोग बेहच़ी कनु फल अरीला मा जोतो।” दोऊ चेला दी रेड्री लेखी तोईरे।
मंदिरंङ ज़ि व्यापारी रे हुंपी
15दंङ यीशु ए दोऊ चेलारे यरूशलेम शहरंङ अतिर दंङ दोरे दोर्तिंङ परमेश्वरो मंदिरंङ इलिरे दोर्तिंङ ल्वाड़ी मीहरे समान च़ुमज़ि ए लङज़ि लेहकी तोईरे। यीशु दोतिंङ धह्कते हखा हुंपी लेहती, दंङ कबूतर लंङज़ा दोतु ए ढबाहो अदला बदली लहचाढातु रेहड़ि फुचंङ लेह च़रति। 16यीशुज़ि अतिंङ ला मंदिरंङ लंङज़िमी समान हपिमी माह रंड्री। 17दंङ यीशुज़ि शिक्षा रंड्री लेहती कि, “पवित्र शास्त्रा रिंङ दि च़ेहसी तोह, गिऊ घरबार भत्ते जातिऊ थल्जी प्रार्थनाओ घरबार शोतो। दंङ केहच़ी दिह्बी लुटेरातु अड्डा बणाके चरच़ातन।”
18दी रेड्रा यहुदी मोह्ड़े पुरोहितरे ए यहुदी शास्त्री तु मीहच़ी यीशुबि सच़िमी पाहठी सोचेक्सी लेहतिर। दोरे यीशुबि खंड्रा बेवा य्वातेर छना कुचे भत्ते मीहरे यीशु शिक्षा रेड्रा हेरान शुहचे य्वातेर। 19ञोंकोल शुहतर यीशु ए दोऊ चेलारे यरूशलेम शहर केट्रा वापिस बैतनिय्याह नगरो हखा बंङज़ी अच़ा इलिर।
करची अंजीरो बुट ज़ि शिक्षा
20ऊईरग मुंजे यीशु ए दोऊ चेलारे यरूशलेम शहरो हखा इबि लेहकी तोईरे। 21पतरस बि दुह गप्पा हिद अति, दंङ दोई दोहरंङ साते कुतोह, “हे गुरु, खंणु। दी अंजीरो बुट अतिंङ केई श्राप रान्देंन, जड़ो दोहरची करची इलजी तोह।”
22यीशुज़ि जवाब रें, “विशवास लोह अंऊ केई पेट्रातोन दुह परमेश्वरे पूरा लोहतो। 23गेह केतंङ साते हेले-हेले कुट्रातग कि अरीला दीह गोह रंङ साते कोतो, ‘का बोनज़ी इला, दंङ समुन्द्रङ अच़ा इला,’ दंङ एनोह सेहमा रिंङ छिल्ला शक माहलोहतो, दंङ विशवास लोहु कि छि दोई कुट्रा दुह शुहचे योतो दंङ दोऊ थल्जी दुए शोतो। 24झांह लेह गेह केतंङ साते कुट्रातग कि छिल्ला केई प्रार्थना लेह पेट्रातंई, ता विशवास लोहु कि केतिंङ दुह खोकसी, दंङ दुह केहतु थल्जी शुहचे योतो। 25दंङ अपेहल ला केहच़ी खड़े शुहचे प्रार्थना लहज़ातंई ता केहतु सेमङ अतुआ थल्जी विरोध तोद साते ता दोबि माफ लोहू; झांह लेह केहतु स्वर्गीय पिता परमेश्वर ला केहतु गुनाह माफ लोहतो। 26अगर केहच़ी ऊईतिंङ माफ माह लोहनि ता झांह लेह हेंदु बाह अरी सर्गंङ तोह दोई केहतु ला पाप माफ माह लोहतो।”
यीशु अधिकारो टोईच़ी सवाल
27दंङ यीशु ए दोऊ चेलारे यरूशलेम शहरंङ अंज़े मंदिरो ल्वाड़िंङ जोज़ि लेहकी तोहई। दोर्तिंङ यहुदी शास्त्री, यहुदी मोह्ड़े पुरोहित, यहुदी सेंहणा मीहरे दोऊ कछंङ अच़ा अतिरे। 28दोच़ी यीशु हखा सवाल रुहक्च़ी लेहतिर, “छि केई एरेग देरह लहज़ातेन दुह छि अधिकार लहज़ातेन? झांह लहज़िमी अधिकार कनिंङ अचि रांहषी शुह?” 29यीशु ज़ि दोतंङ साते कुंई, गेह ला केहतु दोरच़ी इच्च़ा सवाल रुहक्पोग; “गिह्बी जबाब रानी ता गेह केतिंङ कम्बतो कि गेह दी कम अतु अधिकारे लहज़ातग। 30केहच़ी गिह्बी जवाब रांई यूहन्ना बपतिस्मा रंड्रा अतु कुट्रिमी रंङ साते बपतिस्मा रंड्राते? परमेश्वरो कुट्रिमीरंङ साते अंऊ सर्गंङ तोह या मीहतु कुट्री रंङ साते? 31दंङ दोरे एनातु विचंङ विबाद लेह कुट्री लेहतिरे अगर ञेंहच़ी कुंई कि परमेश्वरो कुट्रिमीरंङ साते अंऊ सर्गंङ तोह ‘ता दोई कोतो,’ कि केहच़ी दोऊ टोईच़ी छिल्ले विशवास माह लहरीन? 32दंङ अगर ञेंहच़ी कुंई कि, ‘मीहतु कुट्रिमीरंङ साते,’ दंङ मीह तु बेह्द तो, छना कुंई साते ता भत्ते ज़ि मनेक्च़ातेर कि यूहन्ना हेले भविष्यवक्ता तोहई। 33दंङ दोच़ी यीशु बि जुबाब रेंहई, ञेंहच़ी माञेनी अच़ि यूहन्ना बपतिस्मा रंड्राबि मीहतिंङ बपतिस्मा रंड्रीमी थल्जी चरच़ि शुह।” यीशु ज़ि दोतंङ साते कुतोह, “गेह ला केतिंङ मा कमोग कि गेह दी कम अतु अधिकारंङ लहज़ातग।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.