मरकुसो 10
10
तलाको बारे यीशु शिक्षा
(मत्ती 19:1-12)
1दंङ यीशु कफरनहूम नगरंङ केहट्रा यहुदा देशो शुहचे यरदन बेंड़ीऊ नुरेच़ि अति। भीड़ यहचा दोऊ कछंङ ठ्रोहका शुहचे इलि, दंङ दुह एनोह रीति रंङ साते यहचा दोतिंङ उपदेश रंड्री लेहती। 2दंङ फरीसी ज़ि दोऊ छ़ोत लेहपच़ी मी थल्जी दोबि रुहक्ती, “छि दि मुसाऊ कानूनो हिसाबे दी ठीक शुह कि ग गंङमी एनोह मेच़ा केचे केओतो?” 3यीशुज़ि दोतिंङ जवाब रें, “मूसा भविष्यवक्ताज़ि तलाको पाहठी छि आज्ञा रांहषी तोह?” 4दोच़ी कुतोह, “मूसा ज़ि तलाकनामा रें केचे केट्रिमी आज्ञा रांहषी तो।”
5यीशुज़ि दोतंङ साते कुतोह, “मूसाज़ि दि हुकुम दुह, ध्याड़ो मीहतिंङ दिऊ थल्जी रांहषी तोहई छना कुचे मीहरे परमेश्वरा बि मनेकच़िमी रंङ साते इन्कार लहज़ातेर। 6पर पवित्र शास्त्रा रिंङ दिह च़ेहसी तोह कि, परमेश्वरे संसारो तुईमुखारिंङ दोतिंङ मेच़िमी ए गंङमी लेह बणाकते। 7दिऊ थल्जी पता लेहपा कि मीह एनोह याह बाह केहट्रा एनोह मेच़ा रंङ साते बंङज़ोतो। 8दंङ दुरेह इच्च़ा जहानो शुहरे, झांह लेह दुहरे झुह्ट मशत पर इच्च़ा शुहरे। 9दंङ अंऊ परमेश्वरो जोडेकश्री तो दोबि मीह शता थालांई।” 10दंङ अपेहल यीशु एनोह चेला तंङ साते चुंङ इच्चे तोहई दंङ चेलाज़ि दिऊ पाहठी यह्च़ा यीशु हखा रुहक्च़ी लेहतिर। 11यीशुज़ि जुबाब रें, “अंऊ ला एनोह मेच़ा केचे ऊई तंङ साते ब्याह लोहतो तो दुह तुइकी दोरंङ साते मांजी कम लहज़ा; 12दंङ अगर मेच़ा एनोह गगसा केचे ऊई तङ साते ब्याह लोहतो ता दुह मांजी कम लहज़ा।”
कटुतिंङ अर्शिबाद
(मत्ती 19:13-15; लूको 18:15-17)
13मीहच़ी कटुतिंङ यीशु कछंङ हपि लेहतिर ताकि यीशुज़ि दोतिंङ पहछ रें दोतिंङ आशीष रमतो। दंङ यीशु चेलाज़ि मीहतिंङ रैहच़ी च़रतिर। 14यीशुज़ि दी खांई रोषेक्सा दोतंङ साते कुतोह, “कटु बि गिऊ कछंङ अपि रंऊँ दोतिंङ मना थालोहू, छना कुचे ता परमेश्वरो राज्य दी कटुतु ठ्रोह भरोसेमंद मीहतु शुह। 15गेह करंङ साते हेले-हेले कुट्रातग कि अगर अच़िला परमेश्वरो राज्य बि कटुतु ठ्रोह स्वीकार माह लोहतो, दुह अपेहल ला दोहर इबी मरपोतो।” 16झांह कुट्रिमी रंङ साते यीशुज़ि दुह कटुतिंङ एनोह टुणीङ लहरी, दंङ दोतु टोईच़ी गुहट केहच़ी दोतिंङ आशीष रें।
साहुकार मीह ए अनंत जीवन
(मत्ती 19:16-30; लूको 18:18-30)
17अपेहल यीशु एनोह चेला तंङ साते अमरिंङज़ि य्वाते, दंङ इच्च़ा मीह ज़रका रें दोऊ कछंङ अति, दंङ पुष्टू भारे बंङज़ा दोबि रुहक्ती, “हे मोह्ड़े गुरु परमेश्वरारंङ साते अनंत जीवन खोकसिमी थल्जी गेह छि कम लोहग?” 18यीशुज़ि दोबि जवाब रें, छि बजह तोह कि केई गिह्बी मोह्ड़े कुट्रातन भत्ते बे मोह्ड़े इच्च़ा तोह अंऊ सच्चा परमेश्वर शुह। 19केई परमेश्वरो हुकुम ता ञेंच़ातन, हत्या थलाहू, मांजी कम थलाहू, चोरी थलाहू, हप्सी थाकुड़ु, ठ्रोहकटू था, एनोह याह बाहों आदर लोहु। 20दोई दोहरंङ साते कुतोह, “हे गुरु, दी भत्ते हुकुम गेह बाड़ेकतर बेच़े मनेक्च़ा तोग।” 21दंङ यीशुज़ि दुह मीह ऊ हखा महस दाह रंङ साते खांई दंङ दोऊ हखा कुहतो, “कनु थल्जी इच्च़ा कम तोह अंऊ कनिंङ लहच़िमी तोह छि केई तातन दोबि लंङहे च़रतु दंङ अंऊ टंगा-ढबाह तातन दुह गरीबातिंङ रें च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”
22दी गप्पो थल दोऊ मोहदी परेशानी अति, दंङ दुह दुख लहज़ा अच़ा इलि, छना कुंई साते ता दुह महस धनी तोहई।
23यीशुज़ि पिलाहासी खांई एनोह चेला तङ साते कुतोह, “साहुकारो परमेश्वरो राज्य रिंङ प्रवेश लहज़ी महसे खरे तो।” 24चेलारे दोऊ गप्पा रेड्रा हेरान शुहचे इलिर। दिऊ टोईच़ी यीशु ज़ि यहचा दोतंङ साते कुतोह, “हे गिऊ न्वारे, अंऊ ला टंगो टोईच़ी विशवास लोहतो दोतु थल्जी परमेश्वरो राज्य रिंङ प्रवेश लहज़ी महसे खरे तोह। 25छना ऊंठो चेबतु मिक्सो बिचंङज़ि हुंज़ी खरे तोह ध्वांए ए दुह वे ला खरे तोह साहुकारो परमेश्वरो राज्यरिंङ इबी।”
26दोरे महस हेरान शुहचे एनातु विचंङ कुट्री लेहतिरे, “दंङ छना अतुआ थल्जी दिह शुबि तरपोतो कि, दुह परमेश्वरो राज्यो थल्जी बचेकपोतो?” 27यीशुज़ि दोतु हखा खांई कुतोह, “मीहू दोरच़ी ता दी माह शोतो, पर परमेश्वरो दोरच़ी शोतो; छना कुचे परमेश्वरो दोरच़ी भत्ते धिर शुबी तरपोतो।” 28पतरस दोबि कुट्री लेहती, “खंणु, ञेंहतु छि शोतो? ञेंहरेह ता भत्ते धिर केट्रा कनु थले शुहचे इलजी तोतोंई।”
29-30यीशुज़ि चेला तंङ साते कुहतो, “गेह केतंङ हेले कुट्रातग, अच़िला गिऊ चेला बणेक्पिमी थल्जी दंङ गिऊ रूठे खबर सुनाएच़िमी थल्जी एनोह चुंङ, एनोह न्वा, रिंङ याह-बाह तिंङ, कटुरे, या रिह केहच़ी केतोह, दोई पक्का ए दि जुगारिंङ सतावरिंङ साते दिह भत्ते चीज़र राह गुना खोकपोतो दंङ थलका अपिमी ध्याड़ारिंङ अनंत जीवन खोकपोतो। 31पर अच़िला एनाबि मोह्ड़े चेहच़ातोर दोरे कवचि शोर दंङ अरी कवचि तोतोर दोरे मोह्ड़े शोओर।”
एनोह सिमी बारे यीशु यह्च़ा भविष्यबाणी
(मत्ती 20:17-19; लूको 18:31-34)
32दोऊ थल दोरे यरूशलेम शहरो अमरिंङज़ि इबि लेहकी तोईरे। दंङ यीशु दोतु तुईज़ी जोज़ी लेहकी तोहई, चेलार हेरान तोईरे कि यीशु दोर्तिंङ य्वात अंऊर महस मीहच़ी दोऊ विरोध लहज़ातेर दंङ ऊई मीहरे अंऊ दोहरंङ साते तोईरे दोरे दिह गप्पा रंङ साते बेवातेर कि यरूशलेम शहरंङ दोतु छि शोतो। दंङ यीशुज़ि सनी चेला तिंङ ऐखा लेह च़रति दंङ दोऊ पाहठी कंड्री लेहती अंऊ दोहरंङ साते शुहबिमी तोहई। 33यीशुज़ि कुहतो, “रेड्रुंई ञेंरे यरूशलेमो हखा य्वातोनि। गेह मीहू योह बि यहुदी मोह्ड़े पुरोहित ए यहुदी शास्त्री तु गुहड़िंङ च़ुमने च़रपोर। दंङ दोच़ी गिह्बी सिमी सज़ा रें ऊई जातितु गुहड़िंङ रें च़रपोर। 34दोच़ी गिऊ मज़ाक लोहर, मीहतिंङ गिह्बी थू लोहर, कोड़ा रंङ साते गिह्बी घाह केओर, दोच़ी गेह सच़ी च़रपोर। दंङ गेह षुमु ध्याड़ो थल यह्च़ा षिङे योग।”
याकूब ए युह्न्नो बिनती
35अपेहल अमरिंङ ज़ोजा-ज़ोजा जब्दीऊ झुह्ट योह याकूब ए यूहन्ना यीशु कछंङ अतिरे। दोच़ी यीशु हखा कुट्री लेहतिर, “गुरु ज़ि, ञेंहच़ी जुन्ज़ातंई कि छि ञेंहच़ी पेट्रोंई दुह केई पुरा लोह।” 36दोई दोतंङ साते कुतोह, “केहच़ी छी पेट्रातंई कि गेह केहतु थल्जी लोहु?” 37दोच़ी कुहतोर, “अपेहल रज्ज़ा बणेकपोन दंङ ञेंहच़ी ला करंङ साते राज लेह तातंई। ञेंहतु बिचंङ इच्च़ा बि केनोह सुचंङ हासी दंङ ऊईदि बि फुचंङ हासी बेठाके च़रतु।”
38पर यीशुज़ि कुहतो, “केहच़ी मा ञेंहनी कि केहच़ी छि पेट्रातोनि। अंऊ दुख गिह्बी खोकसिमी तोह छि केहच़ी दुह दुख उठाएपोनि आ? छना कि दिऊ थल गेह सच़ी च़रपोग छि केरे ध्वांए सिए योंई आ?” 39याकूब ए यूहन्ना कुट्री लेहतिर, “वेई ञेंहच़ी लेह तरपोंई।” यीशुज़ि कुहतो, “छना गेह दुख सेहन लोहग ध्वांए केहच़ी ला बर्दो ज़खफी लोहनि दंङ छना गेह सचे च़रपोग ध्वांए केरे ला सच़ी सपोओर। 40दंङ गिऊ सुचंङ ए फुचंङ हासी बंङज़िमी दोरे परमेश्वरे ए अंङषी। दी गिऊ कम माह शुह।”
41अपेहल दुह साह चेला तिंङ दी गप्पा पता लेहती दंङ दोरे याकूब ए यूहन्नो थल्जी महस रोहषेक्सि लेहतिर। 42दंङ यीशुज़ि दोरे कछंङ बुलाके दोतंङ साते कुतोह, “केहच़ी ञेंच़ातंई कि अंऊ ऊई जातितु अधिकारी तोतोर दोरे दोतु टोईच़ी जोररंङ साते राज लहज़ातोर, दोच़ी मीहतु टोईच़ी अधिकार लहज़ातोर, दंङ अंऊ दोरे मोढ़े अधिकारी तोतोर, दोतु टोईच़ी एनोह अधिकार कंड्रातोर। 43दंङ केहतु बिचंङ झांह शुहबी मेस। केहतु बिचंङ अंऊ मोह्ड़े बणेक्पी ततो दुह भत्तेतु सेवा लहज़ा बणेकतु। 44दंङ अंऊ ला केहतु दोरच़ी प्रधान शुहबी जूंस, दुह भत्ते तु सेवक बणेक्पी जूंस। 45छना कुचे गेह मीहू योह शुगाह, ऊईतु दोरच़ी घेंङौ सेवा लहज़ी अंज़े माह शुगाह, दंङ ऊईतु सेवा लहज़ी अंज़े शुगाह। देर तचेक कि गिह्बी सच़ी च़रपोर। गिऊ सिमी रंङ साते महसे मीहरे एनोह पापो दोरच़ी छुटकारा खोकसा योतो।”
काणे बर्तिमाई बि टीरा रंड्री
(मत्ती 20:29-34; लूको 18:35-43)
46दंङ दोहथल यीशु एनोह चेला तंङ साते यरीहो शहरंङ अति। अपेहल यीशु दोरच़ी य्वाते दंङ दोहरंङ साते मोडे भीड़ तोहई। इच्च़ा काणे मीह भीख पेट्री लेहकी तोहई दोऊ मिन बरतिमाई तोहई दुह तिमाई मिंदंङ मीह ऊ योह तोहई। 47अपेहल दोई मीहतु दोरच़ी थाहशतो कि नासरत नगरो यीशु दि अमो दोरच़ी इबि लेहकी तोह, दंङ दोई हाऊष रें कुहतो, “हे यीशु, रज्ज़ा दाऊद ओ खानदानो योह, गिऊ टोहकठे दया लोह।” 48महस ज़ि दुह रैहति कि चुपे बंङज़ु, दंङ दुह ऊईला महस जोरे हाऊष रेह कुट्री लेहती, “हे यीशु, रज्ज़ा दाऊदो खानदानो योह, गिऊ टोहकठे दया लोहु।” 49दंङ यीशु ज़ि नहचे कुतोह, “दुह काणे दोबि देर हतांई।” दंङ मीहज़ी दुह काणे दोबि बुलाके दोहरंङ साते कुतोह, “हिम्मत लोहु। अहच़ु। यीशुज़ि कनिङ अता कुट्री लेहकी तोह।” 50दुह कांणे दोई एनोह लेहसी चादर छ़ंङज़ा दोपहल ए खड़े शुहचे यीशु ऊ कछंङ अति। 51दिऊ टोईच़ी यीशुज़ि दोबि कुतोह, “केई छी पेट्रातंई कि गेह कनु थल्जी लोहु?” काणे दोई दोबि कुतोह, “हे गुरु, दी के गेह खंड्री जूंङगा।” 52यीशुज़ि दोबि कुतोह, “गेह कनिंङ अईन लहज़ातग छना कुचे केई गिऊ टोहकठे विशवास लहज़ातन।” दुह दोहथल ए खंड्री लेहती, दंङ अम रिंङ दोऊ थालेची शुहचे इलि।
Currently Selected:
मरकुसो 10: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
मरकुसो 10
10
तलाको बारे यीशु शिक्षा
(मत्ती 19:1-12)
1दंङ यीशु कफरनहूम नगरंङ केहट्रा यहुदा देशो शुहचे यरदन बेंड़ीऊ नुरेच़ि अति। भीड़ यहचा दोऊ कछंङ ठ्रोहका शुहचे इलि, दंङ दुह एनोह रीति रंङ साते यहचा दोतिंङ उपदेश रंड्री लेहती। 2दंङ फरीसी ज़ि दोऊ छ़ोत लेहपच़ी मी थल्जी दोबि रुहक्ती, “छि दि मुसाऊ कानूनो हिसाबे दी ठीक शुह कि ग गंङमी एनोह मेच़ा केचे केओतो?” 3यीशुज़ि दोतिंङ जवाब रें, “मूसा भविष्यवक्ताज़ि तलाको पाहठी छि आज्ञा रांहषी तोह?” 4दोच़ी कुतोह, “मूसा ज़ि तलाकनामा रें केचे केट्रिमी आज्ञा रांहषी तो।”
5यीशुज़ि दोतंङ साते कुतोह, “मूसाज़ि दि हुकुम दुह, ध्याड़ो मीहतिंङ दिऊ थल्जी रांहषी तोहई छना कुचे मीहरे परमेश्वरा बि मनेकच़िमी रंङ साते इन्कार लहज़ातेर। 6पर पवित्र शास्त्रा रिंङ दिह च़ेहसी तोह कि, परमेश्वरे संसारो तुईमुखारिंङ दोतिंङ मेच़िमी ए गंङमी लेह बणाकते। 7दिऊ थल्जी पता लेहपा कि मीह एनोह याह बाह केहट्रा एनोह मेच़ा रंङ साते बंङज़ोतो। 8दंङ दुरेह इच्च़ा जहानो शुहरे, झांह लेह दुहरे झुह्ट मशत पर इच्च़ा शुहरे। 9दंङ अंऊ परमेश्वरो जोडेकश्री तो दोबि मीह शता थालांई।” 10दंङ अपेहल यीशु एनोह चेला तंङ साते चुंङ इच्चे तोहई दंङ चेलाज़ि दिऊ पाहठी यह्च़ा यीशु हखा रुहक्च़ी लेहतिर। 11यीशुज़ि जुबाब रें, “अंऊ ला एनोह मेच़ा केचे ऊई तंङ साते ब्याह लोहतो तो दुह तुइकी दोरंङ साते मांजी कम लहज़ा; 12दंङ अगर मेच़ा एनोह गगसा केचे ऊई तङ साते ब्याह लोहतो ता दुह मांजी कम लहज़ा।”
कटुतिंङ अर्शिबाद
(मत्ती 19:13-15; लूको 18:15-17)
13मीहच़ी कटुतिंङ यीशु कछंङ हपि लेहतिर ताकि यीशुज़ि दोतिंङ पहछ रें दोतिंङ आशीष रमतो। दंङ यीशु चेलाज़ि मीहतिंङ रैहच़ी च़रतिर। 14यीशुज़ि दी खांई रोषेक्सा दोतंङ साते कुतोह, “कटु बि गिऊ कछंङ अपि रंऊँ दोतिंङ मना थालोहू, छना कुचे ता परमेश्वरो राज्य दी कटुतु ठ्रोह भरोसेमंद मीहतु शुह। 15गेह करंङ साते हेले-हेले कुट्रातग कि अगर अच़िला परमेश्वरो राज्य बि कटुतु ठ्रोह स्वीकार माह लोहतो, दुह अपेहल ला दोहर इबी मरपोतो।” 16झांह कुट्रिमी रंङ साते यीशुज़ि दुह कटुतिंङ एनोह टुणीङ लहरी, दंङ दोतु टोईच़ी गुहट केहच़ी दोतिंङ आशीष रें।
साहुकार मीह ए अनंत जीवन
(मत्ती 19:16-30; लूको 18:18-30)
17अपेहल यीशु एनोह चेला तंङ साते अमरिंङज़ि य्वाते, दंङ इच्च़ा मीह ज़रका रें दोऊ कछंङ अति, दंङ पुष्टू भारे बंङज़ा दोबि रुहक्ती, “हे मोह्ड़े गुरु परमेश्वरारंङ साते अनंत जीवन खोकसिमी थल्जी गेह छि कम लोहग?” 18यीशुज़ि दोबि जवाब रें, छि बजह तोह कि केई गिह्बी मोह्ड़े कुट्रातन भत्ते बे मोह्ड़े इच्च़ा तोह अंऊ सच्चा परमेश्वर शुह। 19केई परमेश्वरो हुकुम ता ञेंच़ातन, हत्या थलाहू, मांजी कम थलाहू, चोरी थलाहू, हप्सी थाकुड़ु, ठ्रोहकटू था, एनोह याह बाहों आदर लोहु। 20दोई दोहरंङ साते कुतोह, “हे गुरु, दी भत्ते हुकुम गेह बाड़ेकतर बेच़े मनेक्च़ा तोग।” 21दंङ यीशुज़ि दुह मीह ऊ हखा महस दाह रंङ साते खांई दंङ दोऊ हखा कुहतो, “कनु थल्जी इच्च़ा कम तोह अंऊ कनिंङ लहच़िमी तोह छि केई तातन दोबि लंङहे च़रतु दंङ अंऊ टंगा-ढबाह तातन दुह गरीबातिंङ रें च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।”
22दी गप्पो थल दोऊ मोहदी परेशानी अति, दंङ दुह दुख लहज़ा अच़ा इलि, छना कुंई साते ता दुह महस धनी तोहई।
23यीशुज़ि पिलाहासी खांई एनोह चेला तङ साते कुतोह, “साहुकारो परमेश्वरो राज्य रिंङ प्रवेश लहज़ी महसे खरे तो।” 24चेलारे दोऊ गप्पा रेड्रा हेरान शुहचे इलिर। दिऊ टोईच़ी यीशु ज़ि यहचा दोतंङ साते कुतोह, “हे गिऊ न्वारे, अंऊ ला टंगो टोईच़ी विशवास लोहतो दोतु थल्जी परमेश्वरो राज्य रिंङ प्रवेश लहज़ी महसे खरे तोह। 25छना ऊंठो चेबतु मिक्सो बिचंङज़ि हुंज़ी खरे तोह ध्वांए ए दुह वे ला खरे तोह साहुकारो परमेश्वरो राज्यरिंङ इबी।”
26दोरे महस हेरान शुहचे एनातु विचंङ कुट्री लेहतिरे, “दंङ छना अतुआ थल्जी दिह शुबि तरपोतो कि, दुह परमेश्वरो राज्यो थल्जी बचेकपोतो?” 27यीशुज़ि दोतु हखा खांई कुतोह, “मीहू दोरच़ी ता दी माह शोतो, पर परमेश्वरो दोरच़ी शोतो; छना कुचे परमेश्वरो दोरच़ी भत्ते धिर शुबी तरपोतो।” 28पतरस दोबि कुट्री लेहती, “खंणु, ञेंहतु छि शोतो? ञेंहरेह ता भत्ते धिर केट्रा कनु थले शुहचे इलजी तोतोंई।”
29-30यीशुज़ि चेला तंङ साते कुहतो, “गेह केतंङ हेले कुट्रातग, अच़िला गिऊ चेला बणेक्पिमी थल्जी दंङ गिऊ रूठे खबर सुनाएच़िमी थल्जी एनोह चुंङ, एनोह न्वा, रिंङ याह-बाह तिंङ, कटुरे, या रिह केहच़ी केतोह, दोई पक्का ए दि जुगारिंङ सतावरिंङ साते दिह भत्ते चीज़र राह गुना खोकपोतो दंङ थलका अपिमी ध्याड़ारिंङ अनंत जीवन खोकपोतो। 31पर अच़िला एनाबि मोह्ड़े चेहच़ातोर दोरे कवचि शोर दंङ अरी कवचि तोतोर दोरे मोह्ड़े शोओर।”
एनोह सिमी बारे यीशु यह्च़ा भविष्यबाणी
(मत्ती 20:17-19; लूको 18:31-34)
32दोऊ थल दोरे यरूशलेम शहरो अमरिंङज़ि इबि लेहकी तोईरे। दंङ यीशु दोतु तुईज़ी जोज़ी लेहकी तोहई, चेलार हेरान तोईरे कि यीशु दोर्तिंङ य्वात अंऊर महस मीहच़ी दोऊ विरोध लहज़ातेर दंङ ऊई मीहरे अंऊ दोहरंङ साते तोईरे दोरे दिह गप्पा रंङ साते बेवातेर कि यरूशलेम शहरंङ दोतु छि शोतो। दंङ यीशुज़ि सनी चेला तिंङ ऐखा लेह च़रति दंङ दोऊ पाहठी कंड्री लेहती अंऊ दोहरंङ साते शुहबिमी तोहई। 33यीशुज़ि कुहतो, “रेड्रुंई ञेंरे यरूशलेमो हखा य्वातोनि। गेह मीहू योह बि यहुदी मोह्ड़े पुरोहित ए यहुदी शास्त्री तु गुहड़िंङ च़ुमने च़रपोर। दंङ दोच़ी गिह्बी सिमी सज़ा रें ऊई जातितु गुहड़िंङ रें च़रपोर। 34दोच़ी गिऊ मज़ाक लोहर, मीहतिंङ गिह्बी थू लोहर, कोड़ा रंङ साते गिह्बी घाह केओर, दोच़ी गेह सच़ी च़रपोर। दंङ गेह षुमु ध्याड़ो थल यह्च़ा षिङे योग।”
याकूब ए युह्न्नो बिनती
35अपेहल अमरिंङ ज़ोजा-ज़ोजा जब्दीऊ झुह्ट योह याकूब ए यूहन्ना यीशु कछंङ अतिरे। दोच़ी यीशु हखा कुट्री लेहतिर, “गुरु ज़ि, ञेंहच़ी जुन्ज़ातंई कि छि ञेंहच़ी पेट्रोंई दुह केई पुरा लोह।” 36दोई दोतंङ साते कुतोह, “केहच़ी छी पेट्रातंई कि गेह केहतु थल्जी लोहु?” 37दोच़ी कुहतोर, “अपेहल रज्ज़ा बणेकपोन दंङ ञेंहच़ी ला करंङ साते राज लेह तातंई। ञेंहतु बिचंङ इच्च़ा बि केनोह सुचंङ हासी दंङ ऊईदि बि फुचंङ हासी बेठाके च़रतु।”
38पर यीशुज़ि कुहतो, “केहच़ी मा ञेंहनी कि केहच़ी छि पेट्रातोनि। अंऊ दुख गिह्बी खोकसिमी तोह छि केहच़ी दुह दुख उठाएपोनि आ? छना कि दिऊ थल गेह सच़ी च़रपोग छि केरे ध्वांए सिए योंई आ?” 39याकूब ए यूहन्ना कुट्री लेहतिर, “वेई ञेंहच़ी लेह तरपोंई।” यीशुज़ि कुहतो, “छना गेह दुख सेहन लोहग ध्वांए केहच़ी ला बर्दो ज़खफी लोहनि दंङ छना गेह सचे च़रपोग ध्वांए केरे ला सच़ी सपोओर। 40दंङ गिऊ सुचंङ ए फुचंङ हासी बंङज़िमी दोरे परमेश्वरे ए अंङषी। दी गिऊ कम माह शुह।”
41अपेहल दुह साह चेला तिंङ दी गप्पा पता लेहती दंङ दोरे याकूब ए यूहन्नो थल्जी महस रोहषेक्सि लेहतिर। 42दंङ यीशुज़ि दोरे कछंङ बुलाके दोतंङ साते कुतोह, “केहच़ी ञेंच़ातंई कि अंऊ ऊई जातितु अधिकारी तोतोर दोरे दोतु टोईच़ी जोररंङ साते राज लहज़ातोर, दोच़ी मीहतु टोईच़ी अधिकार लहज़ातोर, दंङ अंऊ दोरे मोढ़े अधिकारी तोतोर, दोतु टोईच़ी एनोह अधिकार कंड्रातोर। 43दंङ केहतु बिचंङ झांह शुहबी मेस। केहतु बिचंङ अंऊ मोह्ड़े बणेक्पी ततो दुह भत्तेतु सेवा लहज़ा बणेकतु। 44दंङ अंऊ ला केहतु दोरच़ी प्रधान शुहबी जूंस, दुह भत्ते तु सेवक बणेक्पी जूंस। 45छना कुचे गेह मीहू योह शुगाह, ऊईतु दोरच़ी घेंङौ सेवा लहज़ी अंज़े माह शुगाह, दंङ ऊईतु सेवा लहज़ी अंज़े शुगाह। देर तचेक कि गिह्बी सच़ी च़रपोर। गिऊ सिमी रंङ साते महसे मीहरे एनोह पापो दोरच़ी छुटकारा खोकसा योतो।”
काणे बर्तिमाई बि टीरा रंड्री
(मत्ती 20:29-34; लूको 18:35-43)
46दंङ दोहथल यीशु एनोह चेला तंङ साते यरीहो शहरंङ अति। अपेहल यीशु दोरच़ी य्वाते दंङ दोहरंङ साते मोडे भीड़ तोहई। इच्च़ा काणे मीह भीख पेट्री लेहकी तोहई दोऊ मिन बरतिमाई तोहई दुह तिमाई मिंदंङ मीह ऊ योह तोहई। 47अपेहल दोई मीहतु दोरच़ी थाहशतो कि नासरत नगरो यीशु दि अमो दोरच़ी इबि लेहकी तोह, दंङ दोई हाऊष रें कुहतो, “हे यीशु, रज्ज़ा दाऊद ओ खानदानो योह, गिऊ टोहकठे दया लोह।” 48महस ज़ि दुह रैहति कि चुपे बंङज़ु, दंङ दुह ऊईला महस जोरे हाऊष रेह कुट्री लेहती, “हे यीशु, रज्ज़ा दाऊदो खानदानो योह, गिऊ टोहकठे दया लोहु।” 49दंङ यीशु ज़ि नहचे कुतोह, “दुह काणे दोबि देर हतांई।” दंङ मीहज़ी दुह काणे दोबि बुलाके दोहरंङ साते कुतोह, “हिम्मत लोहु। अहच़ु। यीशुज़ि कनिङ अता कुट्री लेहकी तोह।” 50दुह कांणे दोई एनोह लेहसी चादर छ़ंङज़ा दोपहल ए खड़े शुहचे यीशु ऊ कछंङ अति। 51दिऊ टोईच़ी यीशुज़ि दोबि कुतोह, “केई छी पेट्रातंई कि गेह कनु थल्जी लोहु?” काणे दोई दोबि कुतोह, “हे गुरु, दी के गेह खंड्री जूंङगा।” 52यीशुज़ि दोबि कुतोह, “गेह कनिंङ अईन लहज़ातग छना कुचे केई गिऊ टोहकठे विशवास लहज़ातन।” दुह दोहथल ए खंड्री लेहती, दंङ अम रिंङ दोऊ थालेची शुहचे इलि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.