मरकुसो 9
9
1दंङ यीशुज़ि भीड़ो मीहतिंङ ए चेला तु हखा कुहतो, “गेह केतंङ साते हेले कुट्रातग कि देर खड़े मीहतु बिचंङज़ि थोड़े अरे मीहच़ी ज़रुर एनोह ज़िंदगी रिंङ खमोर कि परमेश्वरो राज्य सामर्थी रुपंङ दोतु बिचंङ राज लेह अपतो सीमी तुहई।”
यीशु रूप लेहक्सी
(मत्ती 17:1-13; लूको 9:28-36)
2त्रुई ध्याड़ो थल यीशुज़ि पतरस, याकूब दंङ यूहन्ना बि ऐनाहरंङ साते इच्च़ा रंङी गोह टोईच़ी लेन्ज़ा हति, दंङ अपेहल दोरे एकांत रिंङ तोईरे दुह षुमु चेलाज़ि यीशु रूप लेहक्सी तंङरी, 3दंङ दोऊ खमज़ेर झांह ठ्रोह छंङी शुहबी लेहती, दंङ धोंण तचेक छंङी शुहचे इलि, कि धरतीऊ टोईच़ी अरीला धोबी धोंण रुठे लेह मरपतो। 4दुह मुका दोहर यहुदी मीहतु झुह्ट भविष्यवक्ता प्रगट शुहचे इलिर अतु मिन मूसा ए एलियाह तोहई दोकु झुल्ला यीशुरंङ साते गप्पा लेहच़ी लेहकी तोईरे।
5दंङ पतरसे यीशु रंङ साते कुतोह, “हे गुरु, हेंदु देहर बंङज़ी रुठे शुह; झांह हेंज़ी देहर षुमु तम्बू खड़े लोहुनी; इच्च़ा कनु थल्जी, इच्च़ा मूसो थल्जी, इच्च़ा एलियाहो थल्जी।” 6पतरसबि शुंङमी माह अपते कि, “गेह छि कोहग” छना कुचे दोरे चेलारे बेवा इलजी तोईर। 7दंङ इच्च़ा मोह्ड़े डुए दोरे कपची च़रति दंङ दोच़ी हखा डुह बिचंङज़ि परमेश्वरे कुंहई, “दि गिऊ प्यारे योह शुह, दिऊ रेहड्रोंई।” 8दंङ दोच़ी दोहथल ए पिलाहासी खंणी, यीशुबि छोड़के एनातंङ साते ऊई अरीला माह खंणी।
9दंङ यीशु ए दोऊ षुमु चेलारे गोह दोरच़ी तक्सी लेहकी तोईरे दंङ यीशुज़ि दोतिंङ हुकुम रें, “कि केहच़ी अतिंङ ला था कंडूई कि केहच़ी छि खंयातानि आ, अपेहल तचेक कि गेह मीहू योह सिमी दोरच़ी षिङे योग।” 10दोच़ी दी गप्पा एनातु सेहमा तरहिर; दंङ एनातु विचंङ चर्चा लहज़ी लेहती, “सी दोरच़ी श्रींङे शुहबी मी मतलब छी शुह?”
11दंङ चेलाज़ि यीशु हखा रुक्तिर, “यहुदी शास्त्रीज़ि दिह छारिंङ कुट्रातोर कि एलियाह भविष्यवक्ताओ मसीह बे तुई अपि ज़रूरी तोह?” 12-13यीशुज़ि जवाब रेंई, “दिह हेले शुह कि एलियाह भविष्यवक्ताज़ि तुहई अंज़े भत्ते धिर ठीक लोहतो। पर गेह केतिंङ कुट्रातग, यूहन्ना बपतिस्मा रंड्रा एलियाह ओ ठाहरीरिंङ गिहबे लाह तुई अच़ा अंजा। दंङ दोई भत्ते धिर ठीक लोहतो, मीहज़ी एनोह मर्ज़ी लेह दुह लहज़ातोर छना दोच़ी जुन्ज़ातेर छना दोऊ पाहठी च़ेहसी तोह। दाह केहच़ी सोचेकतोंई कि गिऊ पाहठी अरी परमेश्वरो तरफे च़रसी शुगाह, पवित्र शास्त्ररंङ झांह ठ्रोह छिल्ला च़ेहसी तोह? ‘कि मीहज़ी गेह मीहू योह बि महस बर्दो रमोंर, मासुखापोर दंङ गेह स्वीकार ला माह लोहर।’ ”
माजी आत्मा ग्रस्त कटु बि ठीक लहज़ी
14अपेहल यीशु ए दोऊ षुमु चेलार ऊई चेला तु कछंङ अति दंङ दोच़ी खांई कि दोर्तिंङ इच्च़ा मोह्ड़े भीड़ ए दोरे चेलारे बिचंङ लहसी ताहरेर, दंङ यहुदी शास्त्रीर दोतंङ साते बहस लहज़ी लेहकी तोईर। 15छना ए भत्ते मीहच़ी यीशु तंङातोर ध्वांए दोरे महसे हेरान शुहचे इलिर दंङ ज़रका रें यीशु कछंङ अतिर दंङ दोऊ स्वागत लहरिर। 16यीशुज़ि दोतंङ रुहक्ती, “केहच़ी गिऊ चेला तंङ साते छि बहस लहज़ातंई?”
17दंङ भीड़ो दोरच़ी इच्च़ा मीह ए जवाब रें, “गुरू ज़ि, गेह घेंङौ योह बि काह कछंङ हन्देग। छना कुचे गिऊ योह अंद्रेग इच्च़ा मांजी आत्मा तोह अच़ि दोबि टाटह लहच़ी चरच़तो। 18अंऊर लाह दुह मांजी आत्मा दिबे चुम्ज़ा दोहर दि मांजी आत्माज़ि छंङी च़रच़ा। दंङ दोऊ आहच़ि षुफ हुंपा, दंङ छ्वाह रुहक्च़ा दंङ टकटकि शुहचे य्वात। गेह कनु चेला तिंङ कुट्रातग, दि कटु दोरच़ी मांजी आत्मा हुंज़ी च़रतुंई। दंङ दोच़ी हुंज़ी मरतिरे।” 19दी रेड्रा यीशुज़ि जवाब रें, “गेह छि लोहग! केहति गिऊ टोहकठे अईता विशवास ए माह? गेह अपेहल तचेक केतंङ साते बंङज़ोग दंङ अपेहल तचेक गेह केहतु अबिश्वास बि सेहन लोहग? दुह योह बि गिऊ कछंङ हतांई।” 20दंङ मीहच़ी दुह कटु बि यीशु कछंङ हतिर। अपेहल दुह मांजी आत्माज़ि यीशु तंङाते, ध्वांए दुह कटुबि पिरोके षोड़िंङ दंङ दोऊ आहच़ि षुफ हुंच़िरी दंङ दुह षोहु बिचंङ लोटेकपी लेहती।
21दोई दोऊ बाह बि रुहक्ती, “दिऊ दी हालत अपेहल बेहच़ी तो?” दोई कुतोह, “बाड़ेकतर बेहच़ी। 22धोंण ए मशत पर मांजी आत्मा दिह्बी सच़िमी थल्जी महस फेरा तिऊ बिचंङ केहच़ी च़रच़ा। पर केई छा लेह तरपोन ता दाह लहज़ी ञेंहतु मदत लोह।” 23यीशुज़ि दोबि कुतोह, “केई झांह ठ्रोह छिल्ला कुट्रातन, ‘कि केई लेह तरपोन ता?’ रेड्रु! विशवास लहज़ा दोतु थल्जी भत्ते धिर शुहचे इबी।” 24कटु पिता परमेश्वरे दोहथल ए बिनती लेह कुंई, “हे प्रभु, गेह विशवास लहज़ातग, गिऊ अबिश्वासबि गिऊ दोरच़ी शत्ह लेह च़रतु।” 25अपेहल यीशु ज़ि खंणी कि मीहरे ज़रका रंड्रा ठ्रोहका शुहचे लेखी तो, दोई मांजी आत्माबि दी कूट्रे रैहति, “हे मांजी आत्मा, केई दिह्बी टांऊणे ए नन्डे लहसी ततन, गेह कनिङ आज्ञा रनड्रतग, दिऊ दोरच़ी हुंच़ा इला, दंङ दोऊ अंद्रेग अपेहला थनंदा।” 26दंङ मांजी आत्मा ज़ि हाऊष रंड्रा ए दोबि महसे पिनड्रा हुंच़ा अति; दंङ कटु सिमी श्रो शुहचे इलि, देहर तचेक कि महस मीहरे कुट्री लेहती कि दी ता सी इलि। 27दंङ यीशु ज़ि दोऊ गुहड़ चुमेह दुह खड़े लहरी, दंङ दुह खड़े शुहचे इलि। 28अपेहल यीशु ए दोऊ चेलारे चुंङ वापिस अतिर, दंङ अंऊ मुका दोरे इच्च़ा तोईर, दोच़ी यीशु हखा रुहक्च़ी लेहतिर, “ञेंहच़ी दुह मांजी आत्मा छना हुंपी मरतेनि?” 29दंङ यीशुज़ि जवाब रेंई, “झांह ठ्रोह मांजी आत्मा प्रार्थना ए उपबास रंङ साते हुंचोतो।”
एनोह सिमी बारे यीशु यह्च़ा भविष्यबाणी
30यीशु ए दोऊ चेलारे दुह ठहरि केहट्रा गलील प्रदेशो दोरच़ी शुहचे इबि लेहकी तोईरे। यीशु दि माह जुंज़ाते कि अपिला पता लेहपि माह जूंस कि दोरे अंऊर तोतोर, 31छना कुचे दुह एनोह चेला तंङ साते महस बंङज़ाते दंङ दोतिंङ सिखाएच़ि तते दंङ यीशुज़ि चेला तंङ साते कुहतो, “युरनाह अच़िया गेह मीहू योह बि गिऊ बेरीतु गुहड़िंङ धोखा रंङ साते च़ुमज़ि लोहर, दोच़ी गेह सच़ी च़रपोर, दंङ गेह सिमी दोरच़ी षुमु ध्याड़ो थल यह्च़ा षिङे योग।” 32दंङ दी गप्पा दोतु समझ मादी, दंङ दोरे दोबि रुहक्च़ी वेवातेर।
भत्ते बे मोह्ड़े अरी?
33दंङ यीशुज़ि दुह सनी चेला तंङ साते कफरनहूम नगरंङ अति। चुमु तोंखा इलजी यीशुज़ि एनोह चेला तिंङ रुहक्ती, “केहच़ी अमरिंङ अतु पाहठी गप्पा लहज़ातेनि?” 34पर दोरे चुपे शुहचे इलिर, छना कुंई साते ता अमरिंङ दोच़ी दी बेहस लहज़ाते कि हेंदु बिचंङ अरी मोह्ड़े शुह। 35दंङ यीशुज़ि दुह सनी चेला तिंङ एनोह कछंङ बुलाके कुहतो, “अरीया मोह्ड़े शुहबी जुंज़ा, दुह भत्ते बे कवचि ए भत्ते तु सेवा लहज़ा बणाके ईल।” (दुह मीह परमेश्वरो नज़रारिंङ महस मोह्ड़े शोतो।) 36दंङ यीशुज़ि इच्च़ा कटु बि हन्जे दोतु विचंङ खड़े लहरी, दंङ दोबि टूणीङ लेह दोतंङ साते कुतोह, 37अगर अच़िया गिऊ चेला शुहबिमी बज़ाहज़ि अरीया कटु अपनाच़ा, “दंङ दोई गेह अपनाच़ा दंङ अच़िला गेह अपनाच़ा दोई परमेश्वरा बि अपनाच़ा।”
अंऊ बिरोधंङ मा तो, दुह पक्षङ तो
(लूको 9:49,50)
38दंङ यूहन्ना ज़ि यीशु हखा कुतोह, “हे गुरु, ञेंहच़ी इच्च़ा मीहबी कनु मिन्दु अधिकारो इस्तेमाल लहज़ा मांजी आत्मा हुंपी तंङरी दंङ ञेंहच़ी दोबि मना लेहि लेहकी तोहई, छना कुचे दुह हेन्दंङ साते माह बंङज़ा।” 39यीशुज़ि कुतोह, “दोबि मना थालांई; छना कुंई साते ता झांह अरीला मा अंऊ गिऊ मिन्दिंङ सामर्थो कम लहज़ा, दंङ युरनाह गिह्बी मांजी कुट्री तर्पोतो, 40छना कुंई साते ता अंऊ ला हेंदु बिरोधंङ मा तो, दुह हेंदु हखा शुह। 41दि हेले शुह कि अच़िला मीह केतिंङ मसीहू चेला मनेके इच्च़ा गिलास ती रमतो दंङ दुह मुका परमेश्वरे दोबि पक्का ए ईनाम रमतो।”
ठोकरो बजह
(मत्ती 18:7-9)
42यीशुज़ि दी ला कुहतो, “गिऊ टोहकठे विशवास लहज़ा चाहे दुह कवचि ए शोतो, अरीला मीह दोबि पापो अमो दोरच़ी लेन्ज़ा दोऊ विशवासो दोरच़ी थलका लोहतो, झांह ठ्रोह मीहबी परमेश्वरो सज़ा खोकसिरी बे रुठे तोह कि दोऊ मुथूरिंङ घहटो रघ छ़ुचे दोबि समुन्द्र छांङे च़रतु छना कुचे परमेश्वर दोबि दिह्बे बेह्द अंज़े सज़ा रमतो 43पाप लहज़िमी भत्ते बजह केनोह जीवनो दोरच़ी शत्ह लेह च़रतु, छना ठ्रोह केहच़ी केनातु इच्च़ा गुहड़ ट्रिकी चरच़ातंई अच़ि केहतु दोरच़ी पाप लहज़ी लाह। दंङ केहतु थल्जी झुल्ला गुहड़ तंङ साते नरकंङ इबिमी रुठे तोह कि टुंडे शुहचे सर्गंङ ईलांई। 44अंऊर मीहबी ओमड्रा लेहपि अंऊ अपेहल ला माह सि, दंङ दोरकी मेह अपेहल ला माह सी। 45ध्वांए दुह कोन्ज़ा ट्रिकी च़रतुंई अच़ि केहतु दोरच़ी पाप लहच़ी लाह, दंङ केहतु थल्जी झुल्ला कोन्ज़ारंङ साते नरकंङ इबिमी रुठे तोह कि लट्टे शुहचे सर्गंङ ईलांई। 46अंऊर मीहबी ओमड्रा लेहपि अंऊ अपेहल ला माह सि, दंङ दोरकी मेह अपेहल ला माह सी। 47ध्वांए दुह टिरा हुंज़े च़रतु, दंङ केहतु थल्जी झुल्ला टिरारंङ साते नरकंङ इबिमी रुठे तोह कि काणे शुहचे सर्गंङ ईलांई। 48अंऊर मीहबी ओमड्रा लेहपि अंऊ अपेहल ला माह सि, दंङ दोरकी मेह अपेहल ला माह सी। 49भत्तेतिंङ मेह रंङ साते शुद्ध लोहतो, छना छा रे इच्च़ा बलिदान शुद्ध लेह। 50छ़ाए बगतो स्वाद रुठे लेहई, अगर छ़ाऊ स्वाद अच़ा इलि सईता, दंङ दुह छना छ़कू लहज़ी? केन्दु व्यवहार ला छ़ाऊ ठ्रोह शुबि जूंस, दंङ केन्दु बिचंङ रुठे रंङ बंङज़ोंई।”
Currently Selected:
मरकुसो 9: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
मरकुसो 9
9
1दंङ यीशुज़ि भीड़ो मीहतिंङ ए चेला तु हखा कुहतो, “गेह केतंङ साते हेले कुट्रातग कि देर खड़े मीहतु बिचंङज़ि थोड़े अरे मीहच़ी ज़रुर एनोह ज़िंदगी रिंङ खमोर कि परमेश्वरो राज्य सामर्थी रुपंङ दोतु बिचंङ राज लेह अपतो सीमी तुहई।”
यीशु रूप लेहक्सी
(मत्ती 17:1-13; लूको 9:28-36)
2त्रुई ध्याड़ो थल यीशुज़ि पतरस, याकूब दंङ यूहन्ना बि ऐनाहरंङ साते इच्च़ा रंङी गोह टोईच़ी लेन्ज़ा हति, दंङ अपेहल दोरे एकांत रिंङ तोईरे दुह षुमु चेलाज़ि यीशु रूप लेहक्सी तंङरी, 3दंङ दोऊ खमज़ेर झांह ठ्रोह छंङी शुहबी लेहती, दंङ धोंण तचेक छंङी शुहचे इलि, कि धरतीऊ टोईच़ी अरीला धोबी धोंण रुठे लेह मरपतो। 4दुह मुका दोहर यहुदी मीहतु झुह्ट भविष्यवक्ता प्रगट शुहचे इलिर अतु मिन मूसा ए एलियाह तोहई दोकु झुल्ला यीशुरंङ साते गप्पा लेहच़ी लेहकी तोईरे।
5दंङ पतरसे यीशु रंङ साते कुतोह, “हे गुरु, हेंदु देहर बंङज़ी रुठे शुह; झांह हेंज़ी देहर षुमु तम्बू खड़े लोहुनी; इच्च़ा कनु थल्जी, इच्च़ा मूसो थल्जी, इच्च़ा एलियाहो थल्जी।” 6पतरसबि शुंङमी माह अपते कि, “गेह छि कोहग” छना कुचे दोरे चेलारे बेवा इलजी तोईर। 7दंङ इच्च़ा मोह्ड़े डुए दोरे कपची च़रति दंङ दोच़ी हखा डुह बिचंङज़ि परमेश्वरे कुंहई, “दि गिऊ प्यारे योह शुह, दिऊ रेहड्रोंई।” 8दंङ दोच़ी दोहथल ए पिलाहासी खंणी, यीशुबि छोड़के एनातंङ साते ऊई अरीला माह खंणी।
9दंङ यीशु ए दोऊ षुमु चेलारे गोह दोरच़ी तक्सी लेहकी तोईरे दंङ यीशुज़ि दोतिंङ हुकुम रें, “कि केहच़ी अतिंङ ला था कंडूई कि केहच़ी छि खंयातानि आ, अपेहल तचेक कि गेह मीहू योह सिमी दोरच़ी षिङे योग।” 10दोच़ी दी गप्पा एनातु सेहमा तरहिर; दंङ एनातु विचंङ चर्चा लहज़ी लेहती, “सी दोरच़ी श्रींङे शुहबी मी मतलब छी शुह?”
11दंङ चेलाज़ि यीशु हखा रुक्तिर, “यहुदी शास्त्रीज़ि दिह छारिंङ कुट्रातोर कि एलियाह भविष्यवक्ताओ मसीह बे तुई अपि ज़रूरी तोह?” 12-13यीशुज़ि जवाब रेंई, “दिह हेले शुह कि एलियाह भविष्यवक्ताज़ि तुहई अंज़े भत्ते धिर ठीक लोहतो। पर गेह केतिंङ कुट्रातग, यूहन्ना बपतिस्मा रंड्रा एलियाह ओ ठाहरीरिंङ गिहबे लाह तुई अच़ा अंजा। दंङ दोई भत्ते धिर ठीक लोहतो, मीहज़ी एनोह मर्ज़ी लेह दुह लहज़ातोर छना दोच़ी जुन्ज़ातेर छना दोऊ पाहठी च़ेहसी तोह। दाह केहच़ी सोचेकतोंई कि गिऊ पाहठी अरी परमेश्वरो तरफे च़रसी शुगाह, पवित्र शास्त्ररंङ झांह ठ्रोह छिल्ला च़ेहसी तोह? ‘कि मीहज़ी गेह मीहू योह बि महस बर्दो रमोंर, मासुखापोर दंङ गेह स्वीकार ला माह लोहर।’ ”
माजी आत्मा ग्रस्त कटु बि ठीक लहज़ी
14अपेहल यीशु ए दोऊ षुमु चेलार ऊई चेला तु कछंङ अति दंङ दोच़ी खांई कि दोर्तिंङ इच्च़ा मोह्ड़े भीड़ ए दोरे चेलारे बिचंङ लहसी ताहरेर, दंङ यहुदी शास्त्रीर दोतंङ साते बहस लहज़ी लेहकी तोईर। 15छना ए भत्ते मीहच़ी यीशु तंङातोर ध्वांए दोरे महसे हेरान शुहचे इलिर दंङ ज़रका रें यीशु कछंङ अतिर दंङ दोऊ स्वागत लहरिर। 16यीशुज़ि दोतंङ रुहक्ती, “केहच़ी गिऊ चेला तंङ साते छि बहस लहज़ातंई?”
17दंङ भीड़ो दोरच़ी इच्च़ा मीह ए जवाब रें, “गुरू ज़ि, गेह घेंङौ योह बि काह कछंङ हन्देग। छना कुचे गिऊ योह अंद्रेग इच्च़ा मांजी आत्मा तोह अच़ि दोबि टाटह लहच़ी चरच़तो। 18अंऊर लाह दुह मांजी आत्मा दिबे चुम्ज़ा दोहर दि मांजी आत्माज़ि छंङी च़रच़ा। दंङ दोऊ आहच़ि षुफ हुंपा, दंङ छ्वाह रुहक्च़ा दंङ टकटकि शुहचे य्वात। गेह कनु चेला तिंङ कुट्रातग, दि कटु दोरच़ी मांजी आत्मा हुंज़ी च़रतुंई। दंङ दोच़ी हुंज़ी मरतिरे।” 19दी रेड्रा यीशुज़ि जवाब रें, “गेह छि लोहग! केहति गिऊ टोहकठे अईता विशवास ए माह? गेह अपेहल तचेक केतंङ साते बंङज़ोग दंङ अपेहल तचेक गेह केहतु अबिश्वास बि सेहन लोहग? दुह योह बि गिऊ कछंङ हतांई।” 20दंङ मीहच़ी दुह कटु बि यीशु कछंङ हतिर। अपेहल दुह मांजी आत्माज़ि यीशु तंङाते, ध्वांए दुह कटुबि पिरोके षोड़िंङ दंङ दोऊ आहच़ि षुफ हुंच़िरी दंङ दुह षोहु बिचंङ लोटेकपी लेहती।
21दोई दोऊ बाह बि रुहक्ती, “दिऊ दी हालत अपेहल बेहच़ी तो?” दोई कुतोह, “बाड़ेकतर बेहच़ी। 22धोंण ए मशत पर मांजी आत्मा दिह्बी सच़िमी थल्जी महस फेरा तिऊ बिचंङ केहच़ी च़रच़ा। पर केई छा लेह तरपोन ता दाह लहज़ी ञेंहतु मदत लोह।” 23यीशुज़ि दोबि कुतोह, “केई झांह ठ्रोह छिल्ला कुट्रातन, ‘कि केई लेह तरपोन ता?’ रेड्रु! विशवास लहज़ा दोतु थल्जी भत्ते धिर शुहचे इबी।” 24कटु पिता परमेश्वरे दोहथल ए बिनती लेह कुंई, “हे प्रभु, गेह विशवास लहज़ातग, गिऊ अबिश्वासबि गिऊ दोरच़ी शत्ह लेह च़रतु।” 25अपेहल यीशु ज़ि खंणी कि मीहरे ज़रका रंड्रा ठ्रोहका शुहचे लेखी तो, दोई मांजी आत्माबि दी कूट्रे रैहति, “हे मांजी आत्मा, केई दिह्बी टांऊणे ए नन्डे लहसी ततन, गेह कनिङ आज्ञा रनड्रतग, दिऊ दोरच़ी हुंच़ा इला, दंङ दोऊ अंद्रेग अपेहला थनंदा।” 26दंङ मांजी आत्मा ज़ि हाऊष रंड्रा ए दोबि महसे पिनड्रा हुंच़ा अति; दंङ कटु सिमी श्रो शुहचे इलि, देहर तचेक कि महस मीहरे कुट्री लेहती कि दी ता सी इलि। 27दंङ यीशु ज़ि दोऊ गुहड़ चुमेह दुह खड़े लहरी, दंङ दुह खड़े शुहचे इलि। 28अपेहल यीशु ए दोऊ चेलारे चुंङ वापिस अतिर, दंङ अंऊ मुका दोरे इच्च़ा तोईर, दोच़ी यीशु हखा रुहक्च़ी लेहतिर, “ञेंहच़ी दुह मांजी आत्मा छना हुंपी मरतेनि?” 29दंङ यीशुज़ि जवाब रेंई, “झांह ठ्रोह मांजी आत्मा प्रार्थना ए उपबास रंङ साते हुंचोतो।”
एनोह सिमी बारे यीशु यह्च़ा भविष्यबाणी
30यीशु ए दोऊ चेलारे दुह ठहरि केहट्रा गलील प्रदेशो दोरच़ी शुहचे इबि लेहकी तोईरे। यीशु दि माह जुंज़ाते कि अपिला पता लेहपि माह जूंस कि दोरे अंऊर तोतोर, 31छना कुचे दुह एनोह चेला तंङ साते महस बंङज़ाते दंङ दोतिंङ सिखाएच़ि तते दंङ यीशुज़ि चेला तंङ साते कुहतो, “युरनाह अच़िया गेह मीहू योह बि गिऊ बेरीतु गुहड़िंङ धोखा रंङ साते च़ुमज़ि लोहर, दोच़ी गेह सच़ी च़रपोर, दंङ गेह सिमी दोरच़ी षुमु ध्याड़ो थल यह्च़ा षिङे योग।” 32दंङ दी गप्पा दोतु समझ मादी, दंङ दोरे दोबि रुहक्च़ी वेवातेर।
भत्ते बे मोह्ड़े अरी?
33दंङ यीशुज़ि दुह सनी चेला तंङ साते कफरनहूम नगरंङ अति। चुमु तोंखा इलजी यीशुज़ि एनोह चेला तिंङ रुहक्ती, “केहच़ी अमरिंङ अतु पाहठी गप्पा लहज़ातेनि?” 34पर दोरे चुपे शुहचे इलिर, छना कुंई साते ता अमरिंङ दोच़ी दी बेहस लहज़ाते कि हेंदु बिचंङ अरी मोह्ड़े शुह। 35दंङ यीशुज़ि दुह सनी चेला तिंङ एनोह कछंङ बुलाके कुहतो, “अरीया मोह्ड़े शुहबी जुंज़ा, दुह भत्ते बे कवचि ए भत्ते तु सेवा लहज़ा बणाके ईल।” (दुह मीह परमेश्वरो नज़रारिंङ महस मोह्ड़े शोतो।) 36दंङ यीशुज़ि इच्च़ा कटु बि हन्जे दोतु विचंङ खड़े लहरी, दंङ दोबि टूणीङ लेह दोतंङ साते कुतोह, 37अगर अच़िया गिऊ चेला शुहबिमी बज़ाहज़ि अरीया कटु अपनाच़ा, “दंङ दोई गेह अपनाच़ा दंङ अच़िला गेह अपनाच़ा दोई परमेश्वरा बि अपनाच़ा।”
अंऊ बिरोधंङ मा तो, दुह पक्षङ तो
(लूको 9:49,50)
38दंङ यूहन्ना ज़ि यीशु हखा कुतोह, “हे गुरु, ञेंहच़ी इच्च़ा मीहबी कनु मिन्दु अधिकारो इस्तेमाल लहज़ा मांजी आत्मा हुंपी तंङरी दंङ ञेंहच़ी दोबि मना लेहि लेहकी तोहई, छना कुचे दुह हेन्दंङ साते माह बंङज़ा।” 39यीशुज़ि कुतोह, “दोबि मना थालांई; छना कुंई साते ता झांह अरीला मा अंऊ गिऊ मिन्दिंङ सामर्थो कम लहज़ा, दंङ युरनाह गिह्बी मांजी कुट्री तर्पोतो, 40छना कुंई साते ता अंऊ ला हेंदु बिरोधंङ मा तो, दुह हेंदु हखा शुह। 41दि हेले शुह कि अच़िला मीह केतिंङ मसीहू चेला मनेके इच्च़ा गिलास ती रमतो दंङ दुह मुका परमेश्वरे दोबि पक्का ए ईनाम रमतो।”
ठोकरो बजह
(मत्ती 18:7-9)
42यीशुज़ि दी ला कुहतो, “गिऊ टोहकठे विशवास लहज़ा चाहे दुह कवचि ए शोतो, अरीला मीह दोबि पापो अमो दोरच़ी लेन्ज़ा दोऊ विशवासो दोरच़ी थलका लोहतो, झांह ठ्रोह मीहबी परमेश्वरो सज़ा खोकसिरी बे रुठे तोह कि दोऊ मुथूरिंङ घहटो रघ छ़ुचे दोबि समुन्द्र छांङे च़रतु छना कुचे परमेश्वर दोबि दिह्बे बेह्द अंज़े सज़ा रमतो 43पाप लहज़िमी भत्ते बजह केनोह जीवनो दोरच़ी शत्ह लेह च़रतु, छना ठ्रोह केहच़ी केनातु इच्च़ा गुहड़ ट्रिकी चरच़ातंई अच़ि केहतु दोरच़ी पाप लहज़ी लाह। दंङ केहतु थल्जी झुल्ला गुहड़ तंङ साते नरकंङ इबिमी रुठे तोह कि टुंडे शुहचे सर्गंङ ईलांई। 44अंऊर मीहबी ओमड्रा लेहपि अंऊ अपेहल ला माह सि, दंङ दोरकी मेह अपेहल ला माह सी। 45ध्वांए दुह कोन्ज़ा ट्रिकी च़रतुंई अच़ि केहतु दोरच़ी पाप लहच़ी लाह, दंङ केहतु थल्जी झुल्ला कोन्ज़ारंङ साते नरकंङ इबिमी रुठे तोह कि लट्टे शुहचे सर्गंङ ईलांई। 46अंऊर मीहबी ओमड्रा लेहपि अंऊ अपेहल ला माह सि, दंङ दोरकी मेह अपेहल ला माह सी। 47ध्वांए दुह टिरा हुंज़े च़रतु, दंङ केहतु थल्जी झुल्ला टिरारंङ साते नरकंङ इबिमी रुठे तोह कि काणे शुहचे सर्गंङ ईलांई। 48अंऊर मीहबी ओमड्रा लेहपि अंऊ अपेहल ला माह सि, दंङ दोरकी मेह अपेहल ला माह सी। 49भत्तेतिंङ मेह रंङ साते शुद्ध लोहतो, छना छा रे इच्च़ा बलिदान शुद्ध लेह। 50छ़ाए बगतो स्वाद रुठे लेहई, अगर छ़ाऊ स्वाद अच़ा इलि सईता, दंङ दुह छना छ़कू लहज़ी? केन्दु व्यवहार ला छ़ाऊ ठ्रोह शुबि जूंस, दंङ केन्दु बिचंङ रुठे रंङ बंङज़ोंई।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.