Actes 3
3
1A pats ngiɗè, a dakwaɗ, Pierre a Jean to do a gi Zhiklè, aman ta tsi rai. 2Ndo ngiɗè a zhè, ndo vedal te ngakaɗ na, man ndohi ta zuɓa pèc pècèk, a ta nzedahai a ntamagi gi Zhiklè, man ta baha na ntamagi mbelaʼa, aman a jhèdè skwi te ri ndohi man ta dè a gi Zhiklè. 3Aman a rka nda Pierre a Jean, ta woy a ta dè a gi Zhiklè, a ndzhoɗo skwi te ri tengaʼa. 4Aman Pierre a mpa na dai, ta a Jean, a ngaɗa: Paka nga dai! 5A nengaʼa a mpa ta dai, a nzhor skwi man a ngècè te ri tengaʼa. 6Aman Pierre a ngaɗa: Ver-zhègenè a guro i ngatsa ɓai. Aman skwi man i ngotso, i va ka: A nzlembaɗ Yèsu Kristi te Nazareth, do! 7A ngso ri mandi nengaʼa, a nslambaɗda. 8A nasa nasa sak nengaʼa a vatasl nengaʼa nshfa, a nzevau, a ndè. A mdo a gi Zhiklè a nda tengaʼa, a mhau, a nslubordo Zhiklè. 9Nhèyè ndohi tèlèba ta rkaʼa, ara man a dè a sak na, a slébèrdè Zhiklè. 10Ta sun ndo man a nza a ntamagi mbelaʼa, a ma gi Zhiklè, a ndzhoɗo skwai, a ta gu zlau, a ta rzl ta a géɗ skwi man a gau a sam na.
Njè-ma Pierre te mozodo Salomon
11Aman ndo vedal matsa, man mbela ma, a ndzodzor Pierre a Jean, ndohi tèlèba ta hau a verzi tengaʼa, a mozodo gai man ta baha na man a Salomon, a ta rzl ta.
12Aman Pierre a rkaʼa, a ngaɗa ta ndohai: Kinè, ndohi Israel, kin rzl kinè èhè-mè, a géɗ skwi haha, a kin paka nga dai èhèmè? Nga takaha ndo haha man a dè a wuɗi nga a maya nga ka ɓai. 13Zhiklè Abraham a Isaac a Jacob, Zhiklè babhi nga a nʼnzala Yèsu, ndo mizlinè nengaʼa, man kin da a sam kita, a kin tsokol ma a géɗ nengaʼa a sam Pilate, man a woya a mpraʼa. 14Aman kin tsokol ma a géɗ ndo man Zhiklè a nkezlaʼa, ndo nzuraʼa, a kin dzhoɗo, aman ta va kinè ndo nkeɗ ndo. 15Aman Bi nshèffè, kin keɗaʼa. Nengaʼa, Zhiklè a nslambaâda te ndev ndohi mʼmetsaʼa. Nga ndohi malwuɗihi te skwi haha. 16Ndo haha, man kin rkaʼa, a kin suna, a nco nzlembaɗ nengaʼa a ndav; a ncè-a-ndav nengaʼa a mva na wuɗai. A géɗ ncè-a-ndav nengaʼa a mʼmbela dzaf-dzafaʼa a sam di kinè.
17Anai dalahimam ga, i suna, ko kinè, ko tsuvomhi kinè, kin gu skwi haha te man kin sun ɓai. 18Aman Zhiklè a nrufaʼa, ara man a ngra nga nshèlèkuraʼa, te ma ndohi nhadka ma, ara man Kristi nengaʼa a da si matakwan.
19Anai va-ngwoda ndav kinè, a kin menkada deɓa a sam Bi Zhiklè, aman mali kinè mpana. 20Patsa a di a shkè, aman Bi Zhiklè a ga nga langlangaʼa, aman a da zlinda kinè Yèsu Kristi, man a ngatsa kinè nshèlèkuraʼa. 21Na te zhiklè dai, ha pats man skwi tʼherkeda tèlèba ntila, ara man Zhiklè a goɗ te ma ndohi nhadka ma nengaʼa nkezlaʼa tʼhinkaɗ herkeda. 22Aman Moise a ngaɗa: Bai, Zhiklè kinè, a di a slambaɗda kinè ndo nhadka ma te ndev kramamhi kinè, ara iyè. Sèi kin cinè skwi tèlèba man a da gaɗa kinè. 23A gi ar haha: aman ko wawa man a tsena ma ndo nhadka ma haha ɓai, ta da gedassedaussa te ndev ndohai. 24A ndohi nhadka ma tèlèba, a hün te Samuel, a ndè a ma ma, ta tèlèba ta hodko ma a géɗ pats nasa. 25Kinè wudahi ndohi nhadka ma. Nderzlè-ma, man Zhiklè a derzla a babhi kinè, man a ngaɗa na Abraham, a kinè ba: 26Te tser ngaya, gwoli ndohi herkeda tèlèba ta da ngècè mpshè ma. Aman Zhiklè a nslambaɗda Yèsu, ndo mizlinè nengaʼa, a nzlündo a sam kinè, aman a pshè kinè ma, a gi aman ndo staɗ staɗ a menkada deɓa te mali na.
Currently Selected:
Actes 3: MOF89
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989
Actes 3
3
1A pats ngiɗè, a dakwaɗ, Pierre a Jean to do a gi Zhiklè, aman ta tsi rai. 2Ndo ngiɗè a zhè, ndo vedal te ngakaɗ na, man ndohi ta zuɓa pèc pècèk, a ta nzedahai a ntamagi gi Zhiklè, man ta baha na ntamagi mbelaʼa, aman a jhèdè skwi te ri ndohi man ta dè a gi Zhiklè. 3Aman a rka nda Pierre a Jean, ta woy a ta dè a gi Zhiklè, a ndzhoɗo skwi te ri tengaʼa. 4Aman Pierre a mpa na dai, ta a Jean, a ngaɗa: Paka nga dai! 5A nengaʼa a mpa ta dai, a nzhor skwi man a ngècè te ri tengaʼa. 6Aman Pierre a ngaɗa: Ver-zhègenè a guro i ngatsa ɓai. Aman skwi man i ngotso, i va ka: A nzlembaɗ Yèsu Kristi te Nazareth, do! 7A ngso ri mandi nengaʼa, a nslambaɗda. 8A nasa nasa sak nengaʼa a vatasl nengaʼa nshfa, a nzevau, a ndè. A mdo a gi Zhiklè a nda tengaʼa, a mhau, a nslubordo Zhiklè. 9Nhèyè ndohi tèlèba ta rkaʼa, ara man a dè a sak na, a slébèrdè Zhiklè. 10Ta sun ndo man a nza a ntamagi mbelaʼa, a ma gi Zhiklè, a ndzhoɗo skwai, a ta gu zlau, a ta rzl ta a géɗ skwi man a gau a sam na.
Njè-ma Pierre te mozodo Salomon
11Aman ndo vedal matsa, man mbela ma, a ndzodzor Pierre a Jean, ndohi tèlèba ta hau a verzi tengaʼa, a mozodo gai man ta baha na man a Salomon, a ta rzl ta.
12Aman Pierre a rkaʼa, a ngaɗa ta ndohai: Kinè, ndohi Israel, kin rzl kinè èhè-mè, a géɗ skwi haha, a kin paka nga dai èhèmè? Nga takaha ndo haha man a dè a wuɗi nga a maya nga ka ɓai. 13Zhiklè Abraham a Isaac a Jacob, Zhiklè babhi nga a nʼnzala Yèsu, ndo mizlinè nengaʼa, man kin da a sam kita, a kin tsokol ma a géɗ nengaʼa a sam Pilate, man a woya a mpraʼa. 14Aman kin tsokol ma a géɗ ndo man Zhiklè a nkezlaʼa, ndo nzuraʼa, a kin dzhoɗo, aman ta va kinè ndo nkeɗ ndo. 15Aman Bi nshèffè, kin keɗaʼa. Nengaʼa, Zhiklè a nslambaâda te ndev ndohi mʼmetsaʼa. Nga ndohi malwuɗihi te skwi haha. 16Ndo haha, man kin rkaʼa, a kin suna, a nco nzlembaɗ nengaʼa a ndav; a ncè-a-ndav nengaʼa a mva na wuɗai. A géɗ ncè-a-ndav nengaʼa a mʼmbela dzaf-dzafaʼa a sam di kinè.
17Anai dalahimam ga, i suna, ko kinè, ko tsuvomhi kinè, kin gu skwi haha te man kin sun ɓai. 18Aman Zhiklè a nrufaʼa, ara man a ngra nga nshèlèkuraʼa, te ma ndohi nhadka ma, ara man Kristi nengaʼa a da si matakwan.
19Anai va-ngwoda ndav kinè, a kin menkada deɓa a sam Bi Zhiklè, aman mali kinè mpana. 20Patsa a di a shkè, aman Bi Zhiklè a ga nga langlangaʼa, aman a da zlinda kinè Yèsu Kristi, man a ngatsa kinè nshèlèkuraʼa. 21Na te zhiklè dai, ha pats man skwi tʼherkeda tèlèba ntila, ara man Zhiklè a goɗ te ma ndohi nhadka ma nengaʼa nkezlaʼa tʼhinkaɗ herkeda. 22Aman Moise a ngaɗa: Bai, Zhiklè kinè, a di a slambaɗda kinè ndo nhadka ma te ndev kramamhi kinè, ara iyè. Sèi kin cinè skwi tèlèba man a da gaɗa kinè. 23A gi ar haha: aman ko wawa man a tsena ma ndo nhadka ma haha ɓai, ta da gedassedaussa te ndev ndohai. 24A ndohi nhadka ma tèlèba, a hün te Samuel, a ndè a ma ma, ta tèlèba ta hodko ma a géɗ pats nasa. 25Kinè wudahi ndohi nhadka ma. Nderzlè-ma, man Zhiklè a derzla a babhi kinè, man a ngaɗa na Abraham, a kinè ba: 26Te tser ngaya, gwoli ndohi herkeda tèlèba ta da ngècè mpshè ma. Aman Zhiklè a nslambaɗda Yèsu, ndo mizlinè nengaʼa, a nzlündo a sam kinè, aman a pshè kinè ma, a gi aman ndo staɗ staɗ a menkada deɓa te mali na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989