Genèse 25
25
Mʼmetsi Abraham
1A Abraham a nco ngwoz ngiɗè, nzlembaɗ na Ketura. 2A nya na Jokshan, Zimran, Medan, Madian, Jishbak a Shuach. 3Jokshan a myau Séba a Dedan. Wudahi Dedan, Ashurim, Letushim a Leummim. 4Wudahi Madian, Epha, Epher, Hénoc, Abida a Eldaa. Na haha wudahi Ketura tèlèba.
5Abraham a mva na skwi na tèlèba a Isaac. 6A wudahi ngwozi ngiɗè a mva ta skwi mbalai, a nzlinda ta dra a sam Isaac, kra na, a herkeda te man a civèɗ mvèng pats, te va man Abraham a zhè a nshèffè dai. 7Mvi Abraham a gi 175. 8Te deɓaʼa a mʼmets na. Abraham a mʼmets na, nhala kumba ma, a nzu a nshèffè kumba, a mʼmets na a va gwoli na. 9A Isaac a Ismael, wudahi na, ta rda a gi dzavi Macpéla, te dak Ephron, ndo Heth, zuraʼa a Mamré, 10te dak man Abraham a suma a sam ndohi Heth. Ta rda nda Abraham a Sara, ngwoz na, a pa. 11Te deɓ mʼmetsi Abraham, Bi Zhiklè a mpshè na ma Isaac kra na. Isaac a nʼnza a sam thal Lachai-roi.
Verzi Ismael
12Na haha ndohi verzi Ismael, kra Abraham, man Agar, ngwoz Egypte, ɓèl Sara, a ya na Abraham. 13Na haha nzlembaɗ wudahi Ismael, ara nzlembaɗ ta a gwoli ta: Nebajoth, tsuvom Ismael; Kédar, 14Adbeel, Mibsam, Mishma, Duma, Massa, 15Hadad, Théma, Jethur, Naphish a Kedma. 16Na haha wudahi Ismael, ara nzlembaɗ ta, ara sam gi ta. Tengaʼa bihi herkeda 12 te verzi ta. 17Mvi Ismael tèlèba, 137. Te deɓaʼa a mʼmets na, a mʼmets na a va gwoli na. 18Wudahi nengaʼa ta nza a kokwar Havila, ha ndè Shur, a tsagi Assyrie. A nʼnza ta ma a kramamhi na tèlèba.
Nyi Esau a Jacob
19Na haha ndohi verzi Isaac, kra Abraham: Abraham a myu Isaac. 20Mvi Isaac 40 aman a nco dem Béthuel, ndo Aram, te Paddan-Aram, demam Laban, ndo Aram, a ngwoz. 21Isaac a ntsu ri a Zhiklè a gèɗ ngwoz na. Ta ngatsa kra ɓai. A Ndo nzi pèc pècèk a ntsena ntsi ri nengaʼa, a Rebecca, ngwoz nengaʼa, a ngu a hwaɗ. 22Wudahi cèw tʼhwaɗ na ta bèzl va, a nengaʼa a ngaɗa: Aman skwi a gi ar haha, dara i mets ga. A mdo, a ndzhoɗo Ndo nzi pèc pècèk. 23A Ndo nzi pèc pècèk a ngaɗa na: Verzi ndohi herkeda cèw tʼhwaɗ ngaya. Verzi ndohi cèw ta da shkè auda tʼhwaɗ ngaya a ta kezli gèɗ. Verzi ndohi staɗ a gi a ngul ngiɗè, a tsuvomaʼa a da gi ɓèl ntabawaʼa. 24A pats nyi nengaʼa, a myu tsakali. 25Nshèlèkuraʼa, nteva, gwots a va ara tambak, a ta baha na Esau. 26Te deɓaʼa a myu ngiɗè, a ri nengaʼa a ngsko va a ndudok sak Esau, a ta baha na Jacob#Ara ngèɗè, Ndo ngshè ndudok sak.. Mvi Isaac 60, man a yi wudahai.
Esau a preda nʼndi-gi nengaʼa a ma
27Aman wudahi ta grè, Esau a nda a ndo lèkèɗ, a nshèwèlè te dak. Jacob a nʼnza shèffaʼa te ngwai. 28Isaac a woy Esau holholaʼa, a gèɗ man a cko na zluèɗ dak. A Rebecca a woy Jacob holholaʼa. 29A pats ngiɗè, Jacob a nta ɗaf. Esau a mshkè ngwi te dak, mi a keɗaʼa. 30A Esau a ngaɗa na Jacob: Tsakay skwi nʼndi nduzaʼa a haha dai! Mi a keɗyè. A géɗ nengaʼa ta baha na Edom (nteva). 31A Jacob a ngaɗa na: Sèi ka pray nʼndi-gi ngaya dai! 32A Esau a mʼmbeɗa na a ma: Na haha pats ngiɗè i da metsi ga genè, a i gi a nʼndi-gi mè? 33A Jacob a ngaɗa na: Sèi ka mbaɗayè dai! A nengaʼa a mʼmbaɗa na, a mpreda nʼndi-gi nenga a ma aranta a sam Jacob. 34A Jacob a mva na movar a lak a Esau. Nengaʼa a nʼndau, a msau, a nslambaɗa, a ndo na. Aranta Esau a nkwola nʼndi-gi nengaʼa.
Currently Selected:
Genèse 25: MOF89
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989
