Jean 19
19
1Te deɓaʼa Pilate a nco Yèsu, a ta ndoho a mènèwèɗ. 2A sojèhi ta tsaffa vatak, a ta paɗa na gèɗ, a ta va na maslaka vèvèzh a va, a ta shkè a sam na, a ta gaɗa na: 3Mbalai, bi ndohi Juif! A ta tsu a bazlazlam.
4A Pilate a ndo auda zaʼa, a ngaɗa ta: Na haha, i daʼa a sam kinè; aman kin suna, i ngatsa mali mʼmetsi a sam na ɓai. 5A Yèsu a mdo auda, gèɗ mpaɗa a vatak, a maslaka vèvèzh a va. A Pilate a ngaɗa ta: Ndoʼa, a haha!
6Aman bihi ndohi mvi skwi a Zhiklè, a bigolahi tengaʼa, ta rkaʼa, ta boho a wuɗai: Gezlalaʼa, gezlalaʼa! A Pilate a ngaɗa ta: Vo-co ar kinè, a kin gezlalaʼa! Aman iyè, i ngatsa mali mʼmetsi a sam na ɓai. 7A ndohi Juif ta mbeɗa na ma: Nga ngots ma kita. Ma kita nga a gaɗa, sèi a metsi na, te man a fu va na a kra Zhiklè.
8Aman Pilate a ntsena ma haha, a ngu zlau holholaʼa. 9A ndo a deɓa a gala na, a ngaɗa na Yèsu: Ka shkè tema? A Yèsu a mʼmbeɗa na a ma ɓai. 10A Pilate a ngaɗa na: Ka mbeɗay a ma azɓi dè? Ka sun ɓi ɗè, wuɗi ga a zhè, man i pre ka auda, wuɗi ga a zhè, man i gezlal ka? 11A Yèsu a ngaɗa na: Wuɗi ngaya a shkè te géɗèʼa, man ɓai ar wuɗi ngaya azɓai. Gar haha, mali ndo mviyè a ri ngaya, mbiaʼa holholaʼa.
12Te deɓaʼa Pilate a woya man a praʼa. Aman ndohi Juif ta boho: Aman ka da pra nengaʼa, ka mandal bi César ka bai! Ko wawa man a fi va na a bai, nengaʼa ndo mayam César. 13Aman Pilate a ntsena ma haha, a nda Yèsu auda, a nʼnzahai a géɗ sam nʼnzi kita, a sam man ta baha na a géɗ pra, a ma Hébreu Gabbatha. 14A pats nasa pats ntil ngolala Pâque, géɗ pats. A ngaɗa ta ndohi Juif: Na haha bi kinè! 15Aman tengaʼa ta goɗ a wuɗai: Gezlalaʼa! A Pilate a ngaɗa ta: I gézlèlè bi kinè dè? Bihi ndohi mvi skwi a Zhiklè ta gaɗa na: Bi nga ngiɗè azɓai, sèi César. 16Te deɓaʼa a mva ta a rai, aman ta gezlalaʼa. A tengaʼa ta co Yèsu, a ta daʼa.
Ta gezlala Yèsu
(Mt. 27,32-44; Marc 15,21-32; Luc 23,26-43)
17A Yèsu a nzuɓ wof ngézlèl na a ri na, a nʼndo auda a sam man ta baha na ‘vatasl gèɗ’, a ma Hébreu Golgotha. A pa, ta gezlalaʼa, a ndohi cèw a nda nengaʼa, 18ngiɗè te ri mandai, ngiɗè te ri gula nengaʼa, Yèsu te ndevaʼa.
19A Pilate a mwindo a géɗ wof ngèzlèlè: Yèsu, ndo Nazareth, bi ndohi Juif. 20Ma haha ndohi Juif kumba ta jongo, te man sam man ta gezlala Yèsu a pa a zhè ndul ndul a ma kokwar mbiaʼa. A ma haha ta Windo a ma hébreu, a ma latin, a ma grèc. 21A bihi ndohi mvi skwi a Zhiklè, a ndohi Juif, ta gaɗa na Pilate: Ka Windo ‘Bi ndohi Juif’ ɓai; aman Windo: ‘I bi ndohi Juif’, ara ngèɗè nengaʼa.
22Aman Pilate a ngaɗa ta: Skwi man i Windo, i mwindèʼa klèng ma. 23Aman ta gezlala Yèsu ma, sojèhi ta co maslaka nengaʼa, a ta kezla te va faɗ, a ngiɗè staɗ, a ngiɗè staɗ, a suɗkova, diaʼa azɓai. 24A ta goɗ a va ta: Nga woy a nga kuratsa nengaʼa ɓai, sèi ngo-gokoy jimèr, a nga rka ndo man a da ngècèʼa. A ngu ara man ɗèlèwèr Zhiklè a gaɗa: Ta kezla maslaka ga a va ta, a ta gu jimèr a géɗ suɗkova ga. A sojèhi ta gu arsa.
25A mam na, a demam mam na, Marie, ngwoz Cléophas, a Marie Magdala, ta zlatsa a sam wof ngézlèl Yèsu. 26Aman Yèsu a rka mam na, a gol nengaʼa man a woya a ndav na, a tsagi na, a ngaɗa na mam na: Ngwoz, na haha, kra ngaya! 27Te deɓaʼa a ngaɗa na gol nengaʼa: Na haha, mam ngaya! A pats nasa gol matsa a nceda a tsagai.
Mʼmetsi Yèsu
(Mt. 27,45-56; Marc 15,33-41; Luc 23,44-49)
28Te deɓaʼa, aman Yèsu a suna, skwi tèlèba nʼndeva ma, a ngaɗa, ara man ɗèlèwèr Zhiklè a gaɗa: Iyam a dzayè! 29Duzlak staɗ a zhè a pa, a iyam mbertékté-kaʼa. A ta co maslaka, a ta feda a gaɗa, a ta tsuloɓda a iyam matsa, a ta va na. 30Aman Yèsu a tor iyam, a ngaɗa: Nrufa ma! A nkalda gèɗ na hai, a mʼmets na.
Ta teza zlazlar Yèsu
31A ndohi Juif, a géɗ man pats ntil ngolala Pâques, ta dzhoɗ Pilate, ta woya nckondohi ta nzi a wof ngézlèl ta azɓai a pats nshèk va (pats nshèk va sa mbiaʼa). Ta woya ta paslama ta sak, a ta helka ta hai a deɓ wof. 32A sojèhi ta shkè, a ta paslama na sak a ndo nshèlèku-raʼa, a sak a ndo ngiɗè, man ta gezlala a nda Yèsu. 33Aman ta shkè a sam Yèsu, ta rka, mʼmetsa ma, ta paslama na sak ɓai; 34aman sojè staɗ a ntuzo zlazlar nengaʼa a tsakwal. A nasa nasa Pombaz a iyam ta hakaɗauda te pa. 35A ndo man a rkaʼa, a ngreda, ma malwuɗi nengaʼa nzuraʼa. Nengaʼa a suna, skwi man a gaɗa, zuraʼa, aman kinè ba kin cè a ndav kinè. 36Skwi haha a gu ara man ta Windo te ɗèlèwèr Zhiklè. Ta paslama na ko vatasl staɗ ɓai.
37A sam ngiɗè ɗèlèwèr Zhiklè a gaɗa: Ta da pi di a nengaʼa man ta tuzo.
Ta rda Yèsu
(Mt. 27,57-61; Marc 15,42-47; Luc 23,50-56)
38Te deɓ nengaʼa, Joseph te Arimathée, gol Yèsu ngiɗè man a gi zlau ndohi Juif, a ngu a gol nengaʼa a metsar, a ndzhoɗo Pilate, a woya a ckoɗi va Yèsu a hai a wof. A Pilate a mva na civèɗ. A nengaʼa a mshkè, a nco ckondo Yèsu. 39A Nicodème ba a mshkè, ndo man a shkè a sam Yèsu a vaɗ, a ncko mbar ɓurdi kilo 30. 40A ta co ckondo Yèsu, ta paɗaʼa a maslaka gogumai a ta geda ɓurdi a pa, ara tsuf ndohi Juif, aman ta til ndohi man ta pe ta a gi dzavai. 41Aman a sam man ta gezlalaʼa, sam mbelaʼa a zhè, gi dzavi mɓuaʼa, man ta fa ndo a pa di ɓai. 42A géɗ man pats ntil ngolala Pâque ndohi Juif, a géɗ man gi dzavi sa ndul ndul, a ta feda Yèsu a pa.
Currently Selected:
Jean 19: MOF89
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989
Jean 19
19
1Te deɓaʼa Pilate a nco Yèsu, a ta ndoho a mènèwèɗ. 2A sojèhi ta tsaffa vatak, a ta paɗa na gèɗ, a ta va na maslaka vèvèzh a va, a ta shkè a sam na, a ta gaɗa na: 3Mbalai, bi ndohi Juif! A ta tsu a bazlazlam.
4A Pilate a ndo auda zaʼa, a ngaɗa ta: Na haha, i daʼa a sam kinè; aman kin suna, i ngatsa mali mʼmetsi a sam na ɓai. 5A Yèsu a mdo auda, gèɗ mpaɗa a vatak, a maslaka vèvèzh a va. A Pilate a ngaɗa ta: Ndoʼa, a haha!
6Aman bihi ndohi mvi skwi a Zhiklè, a bigolahi tengaʼa, ta rkaʼa, ta boho a wuɗai: Gezlalaʼa, gezlalaʼa! A Pilate a ngaɗa ta: Vo-co ar kinè, a kin gezlalaʼa! Aman iyè, i ngatsa mali mʼmetsi a sam na ɓai. 7A ndohi Juif ta mbeɗa na ma: Nga ngots ma kita. Ma kita nga a gaɗa, sèi a metsi na, te man a fu va na a kra Zhiklè.
8Aman Pilate a ntsena ma haha, a ngu zlau holholaʼa. 9A ndo a deɓa a gala na, a ngaɗa na Yèsu: Ka shkè tema? A Yèsu a mʼmbeɗa na a ma ɓai. 10A Pilate a ngaɗa na: Ka mbeɗay a ma azɓi dè? Ka sun ɓi ɗè, wuɗi ga a zhè, man i pre ka auda, wuɗi ga a zhè, man i gezlal ka? 11A Yèsu a ngaɗa na: Wuɗi ngaya a shkè te géɗèʼa, man ɓai ar wuɗi ngaya azɓai. Gar haha, mali ndo mviyè a ri ngaya, mbiaʼa holholaʼa.
12Te deɓaʼa Pilate a woya man a praʼa. Aman ndohi Juif ta boho: Aman ka da pra nengaʼa, ka mandal bi César ka bai! Ko wawa man a fi va na a bai, nengaʼa ndo mayam César. 13Aman Pilate a ntsena ma haha, a nda Yèsu auda, a nʼnzahai a géɗ sam nʼnzi kita, a sam man ta baha na a géɗ pra, a ma Hébreu Gabbatha. 14A pats nasa pats ntil ngolala Pâque, géɗ pats. A ngaɗa ta ndohi Juif: Na haha bi kinè! 15Aman tengaʼa ta goɗ a wuɗai: Gezlalaʼa! A Pilate a ngaɗa ta: I gézlèlè bi kinè dè? Bihi ndohi mvi skwi a Zhiklè ta gaɗa na: Bi nga ngiɗè azɓai, sèi César. 16Te deɓaʼa a mva ta a rai, aman ta gezlalaʼa. A tengaʼa ta co Yèsu, a ta daʼa.
Ta gezlala Yèsu
(Mt. 27,32-44; Marc 15,21-32; Luc 23,26-43)
17A Yèsu a nzuɓ wof ngézlèl na a ri na, a nʼndo auda a sam man ta baha na ‘vatasl gèɗ’, a ma Hébreu Golgotha. A pa, ta gezlalaʼa, a ndohi cèw a nda nengaʼa, 18ngiɗè te ri mandai, ngiɗè te ri gula nengaʼa, Yèsu te ndevaʼa.
19A Pilate a mwindo a géɗ wof ngèzlèlè: Yèsu, ndo Nazareth, bi ndohi Juif. 20Ma haha ndohi Juif kumba ta jongo, te man sam man ta gezlala Yèsu a pa a zhè ndul ndul a ma kokwar mbiaʼa. A ma haha ta Windo a ma hébreu, a ma latin, a ma grèc. 21A bihi ndohi mvi skwi a Zhiklè, a ndohi Juif, ta gaɗa na Pilate: Ka Windo ‘Bi ndohi Juif’ ɓai; aman Windo: ‘I bi ndohi Juif’, ara ngèɗè nengaʼa.
22Aman Pilate a ngaɗa ta: Skwi man i Windo, i mwindèʼa klèng ma. 23Aman ta gezlala Yèsu ma, sojèhi ta co maslaka nengaʼa, a ta kezla te va faɗ, a ngiɗè staɗ, a ngiɗè staɗ, a suɗkova, diaʼa azɓai. 24A ta goɗ a va ta: Nga woy a nga kuratsa nengaʼa ɓai, sèi ngo-gokoy jimèr, a nga rka ndo man a da ngècèʼa. A ngu ara man ɗèlèwèr Zhiklè a gaɗa: Ta kezla maslaka ga a va ta, a ta gu jimèr a géɗ suɗkova ga. A sojèhi ta gu arsa.
25A mam na, a demam mam na, Marie, ngwoz Cléophas, a Marie Magdala, ta zlatsa a sam wof ngézlèl Yèsu. 26Aman Yèsu a rka mam na, a gol nengaʼa man a woya a ndav na, a tsagi na, a ngaɗa na mam na: Ngwoz, na haha, kra ngaya! 27Te deɓaʼa a ngaɗa na gol nengaʼa: Na haha, mam ngaya! A pats nasa gol matsa a nceda a tsagai.
Mʼmetsi Yèsu
(Mt. 27,45-56; Marc 15,33-41; Luc 23,44-49)
28Te deɓaʼa, aman Yèsu a suna, skwi tèlèba nʼndeva ma, a ngaɗa, ara man ɗèlèwèr Zhiklè a gaɗa: Iyam a dzayè! 29Duzlak staɗ a zhè a pa, a iyam mbertékté-kaʼa. A ta co maslaka, a ta feda a gaɗa, a ta tsuloɓda a iyam matsa, a ta va na. 30Aman Yèsu a tor iyam, a ngaɗa: Nrufa ma! A nkalda gèɗ na hai, a mʼmets na.
Ta teza zlazlar Yèsu
31A ndohi Juif, a géɗ man pats ntil ngolala Pâques, ta dzhoɗ Pilate, ta woya nckondohi ta nzi a wof ngézlèl ta azɓai a pats nshèk va (pats nshèk va sa mbiaʼa). Ta woya ta paslama ta sak, a ta helka ta hai a deɓ wof. 32A sojèhi ta shkè, a ta paslama na sak a ndo nshèlèku-raʼa, a sak a ndo ngiɗè, man ta gezlala a nda Yèsu. 33Aman ta shkè a sam Yèsu, ta rka, mʼmetsa ma, ta paslama na sak ɓai; 34aman sojè staɗ a ntuzo zlazlar nengaʼa a tsakwal. A nasa nasa Pombaz a iyam ta hakaɗauda te pa. 35A ndo man a rkaʼa, a ngreda, ma malwuɗi nengaʼa nzuraʼa. Nengaʼa a suna, skwi man a gaɗa, zuraʼa, aman kinè ba kin cè a ndav kinè. 36Skwi haha a gu ara man ta Windo te ɗèlèwèr Zhiklè. Ta paslama na ko vatasl staɗ ɓai.
37A sam ngiɗè ɗèlèwèr Zhiklè a gaɗa: Ta da pi di a nengaʼa man ta tuzo.
Ta rda Yèsu
(Mt. 27,57-61; Marc 15,42-47; Luc 23,50-56)
38Te deɓ nengaʼa, Joseph te Arimathée, gol Yèsu ngiɗè man a gi zlau ndohi Juif, a ngu a gol nengaʼa a metsar, a ndzhoɗo Pilate, a woya a ckoɗi va Yèsu a hai a wof. A Pilate a mva na civèɗ. A nengaʼa a mshkè, a nco ckondo Yèsu. 39A Nicodème ba a mshkè, ndo man a shkè a sam Yèsu a vaɗ, a ncko mbar ɓurdi kilo 30. 40A ta co ckondo Yèsu, ta paɗaʼa a maslaka gogumai a ta geda ɓurdi a pa, ara tsuf ndohi Juif, aman ta til ndohi man ta pe ta a gi dzavai. 41Aman a sam man ta gezlalaʼa, sam mbelaʼa a zhè, gi dzavi mɓuaʼa, man ta fa ndo a pa di ɓai. 42A géɗ man pats ntil ngolala Pâque ndohi Juif, a géɗ man gi dzavi sa ndul ndul, a ta feda Yèsu a pa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989