Payduwaa 2
2
Itti Itti Shaakuu Dunkkaanana sa'aa Bessiyaawaa
1Med'inaa Goday Musanne Aaroona hawaadan yaageedda; 2«Israa'eeliyaa Asay barenttu bagga bagga erissiyaa armmaanne barenttu yaraa yaraa erissiyaa banddiraa kaalliide, S'oossaa Dunkkaaniyaappe guutsaa haakkiide, Aa yuushshuwaan dunkkaanino.
3-4«Away doliyaa baggana Yihudaa baggay barenttu armmaa kaalliide dunkkaanino. Unttunttu zaratuwaa suntsay, zaratuwaa kaappatuwaa suntsaynne olanchchatuwaa paydu hawaappe kaallee:
Yihudaa Aminaadaaba na'aa Na'asoona 74,600;
5-6Yisaakoora S'u'aara na'aa Nataani'eela 54,400;
7-8Zaabiloona Heloona na'aa Eli'aaba 57,400;
9Yihudaa baggaappe paydeteedda olanchchatuu ubbaanna 186,400. Hara sa'aa biyaa wode unttunttu koyiro kesiyaawantta.
10-11«K'ay dugehaa baggana Roobeela baggay barenttu armmaa kaalliide dunkkaanino. Unttunttu zaratuu suntsay, zaratuwaa kaappatuwaa suntsaynne olanchchatuwaa paydu hawaappe kaallee:
Roobeela Shade'uura na'aa Eliis'uura 46,500;
12-13Simoona S'uriishadaaya na'aa Shalumi'eela 59,300;
14-15Gaada Re'u'eela na'aa Eliyasaafa 45,650.
16Roobeela baggaappe paydeteedda olanchchatuu ubbaanna 151,450. Hara sa'aa biyaa wode unttunttu laa"entso kesiyaawantta.
17«Hewaappe guyyiyaan, S'oossaa Dunkkaaniinne Leewiyaa zaratuu koyiro kesiidde laa"u baggaappenne guyyeppe kesiyaa laa"u baggaappe gidduwaan kesino; yaatiide barenttu dunkkaaneedda maaran maaraaninne barenttu banddiraa banddiraa kaalliide kesino.
18-19«K'ay away wulliyaa baggana Efireema baggay barenttu armmaa kaalliide dunkkaanino. Unttunttu zaratuwaa suntsay, zaratuwaa kaappatuwaa suntsaynne olanchchatuwaa paydu hawaappe kaallee:
Efireema Amihuuda na'aa Elishamaa'a 40,500;
20-21Minaasa Padaas'uura na'aa Gamaali'eela 32,200;
22-23Biiniyaama Giidi'oona na'aa Abidaana 35,400;
24Efireema baggaappe paydeteedda olanchchatuu ubbaanna 108,100. Hara sa'aa biyaa wode, unttunttu heezzentso kesiyaawantta.
25-26«K'aykka huup'issa baggana Daana baggay barenttu armmaa kaalliide dunkkaanino. Unttunttu zaratuwaa suntsay, zaratuwaa kaappatuwaa suntsaynne olanchchatuwaa paydu hawaappe kaallee:
Daana Amishadaaya na'aa Ahi'eezera 62,700;
27-28Aaseera Okiraana na'aa Paagi'eela 41,500;
29-30Nifttaaleema Enaana na'aa Ahiraa'a 53,400;
31Daana baggaappe paydeteedda olanchchatuu ubbaanna 157,600. Hara sa'aa biyaa wode unttunttu wurssetsan bare banddiran kesiyaawantta» yaageedda.
32Bare yaran yaran shaakettiide paydeteedda Israa'eeliyaa olanchchatuu ubbaanna 603,550. 33Shin Med'inaa Goday Musa azazeeddawaadan, Leewatuu hara Israa'eelatuwaana paydettibeykkino. 34Israa'eelatuu Med'inaa Goday Musa azazeeddawaa ubbabaa ootseeddino. Simmi unttunttu barenttu banddiraa kaalliide, hewaadan dunkkaaneeddino; k'ay barenttu yaraa yaraanne barenttu soo asaa asaa kaalliide, hewaadan keseeddino.
Currently Selected:
Payduwaa 2: DFBLVL
Highlight
Copy
Compare
Share
Want to have your highlights saved across all your devices? Sign up or sign in
The word for the world Ethiopia
