ከሳ 23

ሱረ ፕርዳ

1“ዎርዶ ኦዱዋ ፑኮፓ፤ ዎርዱዋ ማርካ ግዳደ፥ ኢታ አሳ ማዶፓ።#ከሳ 20:16፤ ዎጋ 19:11-12፤ ዛረ. 5:20 2ኢታባ ኦናዉ ጮራ አሳ ካሎፓ፤ ፕርዳ ጌላያናዉ ጮራ አሳና እታ ግዳደ ማርካቶፓ። 3ህዬሳይ ፕርዳዉ ሺቆፐ፥ ሞቱዋን አ መቱዋ ጼላደ ማዶፓ።#ዎጋ 19:15

4“ነ ሞርክያ ቦራይ ዎይ ሀሪ ባዬዳዋ ደሞፐ፥ ዛራደ አዉ አፋ።#ዛረ. 22:1-4 5ኔና እጽስያ ብታንያ ሀሪ ጫናና ኩንዴዳዋ በኦፐ፥ ሄዋን አጎፓ፤ ማዳደ አናና ደን።

6“ፕርዳ ዳባባን ማዳደ፥ ህዬሳ አሳ ፕርዳ ጌላዮፓ።#ዎጋ 19:15፤ ዛረ. 16:19 7ዎርዶ የዉዋ ኡባፐ ሃካ፤ ጌሻ ዎይ ጽሉዋ ዎፓ፤ አያዉ ጎፐ፥ ኮባ ኦዳዋ ታን ሳሮ የድከ። 8ማታይያ (ማጋንጻ) አኮፓ፤ አያዉ ጎፐ፥ ማታዪ ጼልያዋንቱ አይፍያ ቆቅሴነ ጽላቱዋ ቃላ ምርቄ።

9“በትያ ናቆፕተ፤ በተ ግድያዌ አይ ኬሻ ካዮይንቶ ኤሪታ፤ አያዉ ጎፐ፥ ህንተንቱ ህንተንቱ ሁጲያዉ በተ ግዲደ ግብጼ ጋድያን ደኤድታ።#ከሳ 22:21፤ ዎጋ 19:33-34፤ ዛረ. 24:17-18፤ 27:19

ላፑን ላይነ ላፑን ጋላሳ

10“ኔን ነ ጋድያ ኡሱፑን ላይዉ ጎሻደ፥ ዘራደ ካ ቆይጫ አካ።#ዎጋ 25:1-7 11ላፑን ላይን ጋድያ ጎሸናን ሻቻ፤ ያቶፐ፥ ነ አሳ ግዶን ደእያ ህዬሳቱ ሄዋፐ ምያባ ደማና፤ ቃይ ኡንቱንቱፐ አትያዋ ዶአቱ ማና። ኔን ነ ዎይንያ ቱራካ ነ ዎጋራካ ሄዋዳን ኦ። 12ኡሱፑን ጋላሳ ነ ኪታ ኪተታ፤ ነ ቦራይነ ነ ሀሪ ሸምፓና ማላነ ነ ሶን የለቴዳ አይሊነ በቲ፥ ሸምፓና ማላ፥ ላፑን ጋላስ ኦሱዋ ኦፓ።#ከሳ 20:9-11፤ 31:15፤ 34:21፤ 35:2፤ ዎጋ 23:3፤ ዛረ. 5:13-14

13“ታን ህንተንታ ጌዳዋ ኡባ ምንሲደ ኦተ፤ ሀራ ጾሳቱዋ ሱን ጼሶፕተ፤ ህንተንቱ እንጻርሳፐ ሄዌ ስሰቶፖ።

ዎልቃማ ባላቱዋ

(34:18-26፤ ዛረ. 16:1-17)

14“ላይን ሄዙ ገደ ህንተንቱ ታዉ ባላ ቦንችተ። 15ማጋገ ኡክ ባላ ቦንችተ፤ ታን ህንተንታ አዛዜዳዋዳን፥ ላፑን ጋላሳ እርሹዋ የግቤና ኡክ ሚተ፤ ህንተንቱ አቢባ ጌተትያ አግናን ኬሬዳ ጋላሳቱዋን ሀ ባላ ቦንችተ፤ አያዉ ጎፐ፥ ህንተንቱ ግብጼፐ ከሴዳዌ ሄ አግናና።

“ህንተፐ እት አሳይነ ታ ስንን መላ ኩሸ ቤቶፖ።#ከሳ 12:14-20፤ ዎጋ 23:6-8፤ ፓይ. 28:17-25

16“ቃይ ህንተንቱ ህንተንቱ ጋደን ዘርና፥ ኮይሮ ጋኬዳ ካ ጫክያ ዎደ፥ ካ ጫክያ ባላ ቦንችተ።#ዎጋ 23:15-21፣ 39-43፤ ፓይ. 28:26-31

“ቃይካ ላይ ዉርሰን፥ ካ አይፍያ ጋደፐ ሺሽያ ዎደ፥ ሺሹዋ ባላ ቦንችተ። 17አቱማ አሳይ ኡባይ ኡባ ሞድያ መና ጎዳ ስንን ላይን ሄዙ ገደ ቤቶ።

18“ኔን ያርሹዋ ሱ ታዉ ሺሻደ፥ እርሹዋ የጊደ ኡኬዳ ኡክና ሺሾፓ። ታ ባላ ቦንችያ ጋላስ ያርሸቴዳ ሞዋፐ ዎንታዉ አይነ አቶፖ። 19ነ ጋደን ባይራ ካኤዳ ካፐ ኡባፐ ሎእያዋ መና ጎዳ ሶ፥ ነ ጾሳ ሶ አሀ።#ከሳ 34:26፤ ዛረ. 14:21፤ 26:2 ዴሻ ማራ አ ዳይ ማን ዶይሶፓ።

ህዶታ ቃላቱዋነ ካልያ ዎጋቱዋ

20“ነ ኦግያን ኔና ናጋና ማላነ ታን ነዉ ጊግሴዳ ሳኣ ኔና አፋና ማላ፥ ታን ኪታንቻ ነ ስንን ኪታና። 21እ ኦድያዋ ሀይዛ አዉ አዛዘታ፤ አ ቦላ ማካሎፓ፤ ታ ሱንይ አ ቦላ ደእያ ድራዉ፥ ህንተንቱ ናጋራ ኦያዋ ግዶፐ፥ ህንተንቶ እ አቶ ጌና። 22እ ኦድያዋ ህንተንቱ ምንሲደ ሀይዞፐነ ታን ኦድያዋ ኡባ ኦፐ፥ ህንተንቱ ሞርከቱዋ ታን ሞርካና፤ ህንተናና ኤቀትያዋንቱና ታንካ ኤቀታና። 23ታ ኪታንቻይ ህንተፐ ስንና ቢደ፥ ህንተንታ አሞራዋናቱዋ ጋድያ፥ ሂተቱዋ ጋድያ፥ ፓርዛዋናቱዋ ጋድያ፥ ካናነቱዋ ጋድያ፥ ሂዌቱዋ ጋድያነ ያቡሳዋናቱዋ ጋድያ አሀና። ታን ኡንቱንቱ ኡባ ይሳና። 24ኡንቱንቱ ጾሳቱዋ ስንን ሆኮፕተ፥ ዎይ ጎይኖፕተ፥ ዎይ ኡንቱንቱ ሀኑዋ ቁሎፕተ። ህንተንቱ ኡንቱንቱ ጾሳቱዋነ ኡንቱንቱ ሹቻ ምስለቱዋ መንሬናዉ ኮሼ። 25መና ጎዳ፥ ህንተንቱ ጾሳዉ፥ ጎይንተ፤ ያቶፐ፥ እ ህንተንቱ ቁማነ ህንተንቱ ሃ አንጃናዋ፤ ታን ሀርግያ ህንተንቱ ግዶፐ ድጋና። 26ህንተንቱ ቢታን አይ ማጫ አሳይነ ቦሸተና፤ ማይነና። ታን ህንተንቱ ደአና ላይ ፓይዱዋ አዱሳና።

27“ታን ታ ያሻ ህንተንቱ ስንን የዳና፤ ህንተናና ጋከትያ ካዉተ ኡባ ዳጋንና፤ ህንተንቱ ሞርከቱ ኡባይ ህንተንቶ ዞኪያ ዛሪደ፥ ባቃታናዳን ታን ኦና። 28ታን ህንተፐ ስንዉ ዱክያ ካጅያ የዳና፤ ሂዌቱዋ፥ ካናነቱዋነ ሂተቱዋ ህንተንቱ ስንፐ ላጋደ ከሳና። 29ሽን ቢታይ መላ አተናዳንነ ባዙዋ ዶአይ ህንተንታ ዋይሰናዳን፥ እት ላይን ኡንቱንታ የደርስከ። 30ሽን ህንተንቱ ፓይዱዋን ዳሪደ፥ ሄ ጋድያ ላታና ጋካናዉ፥ ታን ኡንቱንታ ላፋ ላፋ ላጋደ ህንተንቱ ስንፐ ከሳና። 31ታን ህንተንቱ ዛዋ ዞኦ አባፐ ፕልስጼማ አባ፥ መላ ቢታፐ ኤፍራጺሳ ሻፋ ጋና። ሄ ጋድያን ደእያ ኡባ ታን ህንተንቱ ኩሽያን አደ እማና፤ ህንተንቱካ ኡንቱንታ ህንተንቱ ስንፐ ላጊደ ከሳና። 32ኡንቱንቱና ዎይ ኡንቱንቱ ጾሳቱዋና ጫቁዋ ዎፕተ። 33ኡንቱንታ ህንተንቱ ጋድያን ዎፕተ፤ ሄዌ ዮፐ ኡንቱንቱ ህንተንታ ታ ቦላ ናጋራ ኦስሳናዋንታ፤ አያዉ ጎፐ፥ ኡንቱንቱ ጾሳቶ ጎይንያዌ ቱሙፐ ህንተንቶ ጲረ ግዳናዋ” ያጌዳ።

Currently Selected:

ከሳ 23: DFBE

Highlight

Copy

Compare