ከሳ 38

ጹግያ ያርሹዋ ያርሽያ ሳኣ

(27:1-8)

1ኦዶሩዋፐ ጹግያ ያርሹዋ ያርሽያ ሳኣ ኬጼዳ። ሄ ያርሽያ ሳአዉ ጌሳይ ሄዙ ዋ፥ ጎምፓይነ አዱሳተይ እት ልከ፥ እቼሹ እቼሹ ዋ ግዲደ፥ ኦይዱ ጋጻና ደእያዋ ኦድኖ። 2ኦይዱ ጋጻቱዋ ዉርሰ ጋጻን ጋጻን እት እት ካጭያ መዳ። ሄ ካጨቱ ያርሽያ ሳኣና እትፐ ኦይቀቲደ ኦሰቴድኖ። ያትና ያርሽያ ሳኣ ናሃስያ ብራታን ሼሼዳ። 3አን ጎኤትያ ኡባ ሚሻቱዋ፥ ባልደቱዋ፥ አካፋቱዋ፥ ብድን ሺሽያ ኩይጻሮቱዋ፥ አሹዋ ኦይቂያ ዛምቤልያነ ታማ ጮጨቱዋ ኡባ ናሃስያ ብራታፐ መዳ። 4ያቲደ ናሃስያ ብራታፐ ዛዝርያ ያርሽያ ሳአዉ ጊግሲደ ያርሽያ ሳአዉ ዱገ ግዶ ባጋን ደእያ ሻሽያ ቦላ ዎዳ። 5ናሃስያ ብራታፐ መዳ ዛዝርያዉ ኦይዱ ጋጻን ካሱዋ አናዉ ኦይዱ ሳጋየቱዋ መዳ። 6ኦዶሩዋፐ ያርሽያ ሳአዉ ካሱዋ ከሲደ፥ ናሃስያ ብራታን ሼሼዳ። 7ያርሽያ ሳኣ ቶክያ ዎደ ማዳና ማላ፥ ሀ ካሱዋ ላኡ ምይያና ደእያ ሳጋየቱዋን አዳ። ያርሽያ ሳኣ ግዱዋ ኮፋ ከሲደ፥ ጻዉላፐ መዳ።

ሜቻ ከርያ

(30:18)

8ናሃስያ ብራታፐ ሜቻ ከርያነ አ ዎያዋ መዳ፤ ሄ ብራታይ ጋከ ዱንካንያ ፐንግያን ኦያ ማጫ አሳቱ አሄዳ ሄረጋፐ አከቴዳ።

ጾሳ ዱንካንያ ዳባባ

(27:9-19)

9ሄዋፐ ጉይያን ዳባባ ጊግሴዳ። ዳባባዉ ገድሳ ባጋ አዱሳተዉ ጼቱ ዋ ኦደ፥ ሊቆ ሊኑዋፐ ዳደቴዳ ጋርዳቱዋ ጊግሴዳ። 10አዉ ናሃስያ ብራታፐ ላታሙ ቱሳቱዋነ ቱሳቱ ኤቂያ ናሃስያ ሉካቱዋ ኦዳ፤ ኡንቱንቱ ሁጲያን ቃይ ብራፐ መቴዳ ካቂያዋንታነ ቱሳቱዋ ሁጲያን ቃችያዋንታ ኦዳ። 11ዳባባዉ ሁጲሳ ባጋ አዱሳተይ ጼቱ ዋ አዱሳ፤ ቃይ ላታሙ ቱሳቱነ ሄ ቱሳቶ ላታሙ ናሃስያ ገደቱ ደኢኖ። ያቲደ ብራፐ መቴዳ ካቂያዋንቱነ ቱሳቱዋ ሁጲያን ቃችያዋንቱ ደኢኖ። 12አዋይ ዉልያ ባጋ ዳባባ ጎምፓይ እሻታሙ ዋ አካ ግዲደ፥ ታሙ ቱሳቱነ ቱሳቶ ታሙ ገደቱ ደእያ ጋርዳቱዋ ጊግሴዳ፤ ሄ ቱሳቱዋ ሁጲያን ብራፐ መቴዳ ካቂያዋንታነ ቱሳቱዋ ሁጲያን ቃችያዋንታ ኦዳ። 13ቃይ አዋይ ዶልያ ባጋ ዳባባ ጎምፓይ እሻታሙ ዋ አካ። 14ዳባባ ገልያ ሳኣፐ እት ባጋና ታማነ እቼሹ ዋ አዱቂያ ጋርዶቱ፥ ሄዙ ቱሳቱነ ቱሳቶ ሄዙ ገደቱ ደኢኖ። 15ሄዋዳንካ፥ ዳባባ ገልያ ሳኣፐ ህንኮ ባጋና፥ ታማነ እቼሹ ዋ አዱቂያ ጋርዶቱ፥ ኡንቱንቶ ሄዙ ቱሳቱነ ቱሳቶ ሄዙ ገደቱ ደኢኖ። 16ዳባባ ዩሹዋን ደእያ ጋርዶቱ ኡባይ ሊቆ ሊኑዋፐ ዳደቴዳዋንታ። 17ሄ ቱሳቱዋ ገደቱ ናሃስያፐ፥ ካቂያዋንቱነ ቱሳቱዋ ሁጲያን ቃችያዋንቱ ብራፐ ኦሰቴድኖ፤ ኡንቱንቱ ሁጲ ብራን ሼሸቴዳ። ሄዋ ድራዉ፥ ዳባባ ዩሹዋን ደእያ ቱሳቱዋ ኡባ ሁጲያን ብራፐ ኦሰቴዳ ቃችያዋንቱ ደኢኖ። 18ዳባባ ገልያ ሳኣን ካቂያ ጋርዱ ሳሉዋ ማላትያ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳድያዋ ጽልፕያን አሌቂስያዋን ጊግሴዳዋ። አዉ አዱሳተይ ላታሙ ዋ፤ ጌሳይ ዳባባ ጋርዳቱዋ ልከ፥ እቼሹ ዋ። 19ናሃስያ ብራታፐ ኦሰቴዳ ኦይዱ ቱሳቱነ ቱሳቶ ኦይዱ ገደቱ ደኢኖ። ኡንቱንቱ ካቂያዋንቱነ ቱሳቱዋ ሁጲያን ቃችያዋንቱ ብራፐ መቴድኖ፤ ኡንቱንቱ ሁጰቱካ ብራን ሼሸቴድኖ። 20ጾሳ ዱንካንያ ሽካላቱ ኡባይነ አ ዩሹዋን ደእያ ዳባባ ሽካላቱ ኡባይ ናሃስያ ብራታፐ መቴዳዋንታ።

ጾሳ ዱንካንያን ጎኤትያ ሚሻቱዋ

21ጾሳ ዱንካንያዉ፥ ሄዌካ ቃላ ጫቁዋ ዱንካንያዉ፥ ጎኤቴዳ ሚሻቱዋ ሌዋቱ ፓይዴድኖ። ሄ ሚሻቱዋ ቄስያ አሮና ናኣ እታማራ ካፖተ ጋርሳን ደእያ ሌዋቱ ማዝጋባን ጻፋናዳን ሙሴ አዛዜዳ።

22ይሁዳ ዛረ ግዴዳ ሆራ ናኣ ናኣ፥ ኡራ ናኣ፥ ባጻልኤል መና ጎዳይ ሙሳ አዛዜዳ ኡባ ኦዳ። 23ዳና ዛረ ግዴዳ አህሳማካ ናኣ ኦሆልኣብ አናና ደኤ፤ እ ኩሽያ ሂላንቻነ ኦያባዉ ኮይሮ ሀልቹዋ ከስያዋ፤ ቃይ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናንነ ሊቆ ሊኑዋን ዳዲደ፥ ጽልፕያን አሌቂስያ አሳ።

24ጾሳ ዱንካንያ ኦሶ ጾሳዉ እመቴዳ ዎርቃይ ጾሳ ዱንካንያን ኤረትያ ሚዛናን ዎና፥ እት ሻአ ኪሎ ግራምያ ዴጼዳ። 25ፓይዱዋን ደእያ ማባራ አሳፐ ቤቴዳ ብራይ ጾሳ ዱንካንያን ኤረትያ ሚዛናን ዎና፥ 3,430 ኪሎ ግራምያ ዴጼዳ።#ከሳ 30:11-16 26አሳ ፓይድያ ዎደ ፓይደቴዳ አቱማ አሳይ ኡባይ ሁጲያን ሁጲያን ጾሳ ዱንካንያን ኤረትያ ሚዛናን ዎና፥ ኡሱፑን ግራመ ኬሻ እሜዳ። ፓይደቴዳ አሳይ ላታሙ ላይ ኩሜዳዌነ ላታሙዋፐ ቦላና ደእያዌ ኡባይ 603,550.#ማቶሳ 17:24 27ጾሳ ዱንካንያ ጋርዱዋ ኤሴዳ ጼቱ ፖይ ገልያ ሉኮቱ 3,400 ኪሎ ግራመ ብራን ኦሰቴድኖ። ሄዌካ እት እት ገድያዉ ሀታማነ ኦይዱ ኪሎ ግራመ ብራ። 28አቴዳ ሀታሙ ኪሎ ግራመ ትግያ ብራ ቱሳቱዋን ካቂያዋንታ መናዉ፥ ቱሳቱዋ ሁጲያን ሼሻናዉነ ኡንቱንቱ ሁጲያን ቃችያዋንታ መናዉ ጎኤቴድኖ። 29ሄዋዳንካ፥ አሳይ ጾሳዉ አሄዳ ናሃስያ ብራታይ 2,425 ኪሎ ግራመ። 30ሄ ናሃስያ ብራታፐ ጾሳ ዱንካንያ ገልያ ሳኣን ኤቂያ ቱሳቱዋ ገደቱ፥ ናሃስያ ያርሽያ ሳኣ ግያ ያርሽያ ሳአይ፥ አ ግዶን ሂጼዳ ናሃስያ ዛዝሪነ አ ግዶን ጎኤትያ ዱማ ዱማ ሚሻ ኡባይ መቴ። 31ሄዋዳንካ፥ ቃይ ዳባባ ዩሹዋን ደእያ ድርሳነ ገልያ ሳኣ ፐንጊ ኤቄዳ ገደቱ፥ ቃይ ጾሳ ዱንካኒነ አ ዩሹዋን ደእያ ዳባባ ድርሳይ ገቴዳ ሽካላቱ ኡባይ ሄ ናሃስያ ብራታፐ መቴድኖ።

Currently Selected:

ከሳ 38: DFBE

Highlight

Copy

Compare