ከሳ 9

መህያ ቦላ ቦሻይ ዎዳ

1መና ጎዳይ ሙሳ ሀዋዳን ያጌዳ፤ “ግብጼ ካትያኮ ባደ፥ ‘መና ጎዳይ፥ እብራዌቱዋ ጾሳይ ኔና፥ “ኡንቱንቱ ታዉ ጎይናና ማላ ታ አሳ የዳ” ያጌ። 2ኔን የደናን እጻደ፥ ኡንቱንታ ኦይቃ ኡትያዋ ግዶፐ፥ 3መና ጎዳ ኩሺ ደርያን ደእያ ነ መህያ ቦላ፥ ፓራቱዋ ቦላ፥ ሀረቱዋ ቦላ፥ ጋሎቱዋ ቦላ፥ ምያ ቦላ፥ ዶርሳቱዋ ቦላነ ዴሻቱዋ ቦላ ዎልቃማ ኢታ ሀርግያ የዳና። 4ሽን ታን መና ጎዳይ እስራኤልያ መህያ ግዱዋንነ ግብጼቱዋ መህያ ግዱዋን ሻኮታ መና። እስራኤላቱ መህያፐ እቱነ ሀይቀና’ ያጋ” ያጌዳ። 5መና ጎዳይ ዎድያ ኬሪደ፥ “ታን ዎንት ሀዋ ሀ ጋድያ ቦላን ኦና” ያጌዳ። 6ዎንተ ጋላስ መና ጎዳይ ሄዋ ኦዳ። ግብጼ አሳ መህያ ኡባይ ሀይቄዳ፤ ሽን እስራኤልያ አሳ መህያፐ እቱነ ሀይቂቤና። 7ካቲ ሀ የዉዋ ፓጫናዉ አሳ ኪቲደ፥ እስራኤለቱዋ መህያፐ፥ ሀራይ አቶ፥ እቱነ ሀይቂቤናዋ ኤሬዳ። ግዶፐነ ካትያ ዎዛናይ ዶንጭሎ ሳኣፐ ስመናን እጽና፥ አሳ የደናን ድጌዳ።

ጺባ

8ሜና ጎዳይ ሄዋፐ ጉይያን፥ ሙሳነ አሮና፥ “ህንተንቱ ኩሽያ ኩንደ ጮጭያፐ ብድን ኡጭተ፤ ሙሴ ካቲ ጼልሽን፥ ሄዋ ፑደ ጫርኮ ላሎ፤ 9ሄዌ ግብጼ ቢታ ኡባ ቦላ ሊቆ ባና ግዳናዋ፤ ግብጼ ቢታ ኡባን አሳ ቦላነ መህያ ቦላ ጊይያ ጺባይ ዎናዋ” ያጌዳ። 10ኡንቱንቱ ጮጭያፐ ብድን አኪደ፥ ካትያ ስንን ኤቄድኖ፤ ሙሴ ሄዋ ፑደ ጫርኩዋን ላልና፥ አሳ ቦላነ መህያ ቦላ ጊይያ ጺባይ ዎ አጌዳ።#ሳፃ 16:2 11ሻሬቻቱካ ኡንቱንቱ ቦላነ ግብጼ አሳ ኡባ ቦላ ዎዳ ጺባይ ኤሱዋ ድግና፥ ሙሴ ስንን ኤቃናዉ ዳንዳይበይክኖ። 12ሽን መና ጎዳይ ሙሴዉ ጌዳዋዳንካ፥ ካትያ ዎዛና ዶንጭልሴዳ ድራዉ፥ ሙሴነ አሮነ ኦድያዋ ካቲ ስሰናን እጼዳ።

ሻቻ

13ሄዋፐ ጉይያን መና ጎዳይ ሙሳ፥ “ጉራን ደንዳ ባደ፥ ካትያና ጋከታደ አ፥ ‘መና ጎዳይ፥ እብራዌቱዋ ጾሳይ ኔና፥ “ታዉ ጎይናና ማላ ታ አሳ የዳ። 14ሄዌ ዮፐ፥ ነ ቦላ፥ ነ ኦሳንቻቱዋ ቦላነ ነ አሳ ቦላ ታ ቦሻዉ ደእያ ኩመን ዎልቃ ታን ኪታና፤ ሳኣን ኡባን ታ ማል ባይናዋ ኔን ሄዋን ኤራናሳ። 15ታን ሀኖደ ታ ኩሽያ የዳደ፥ ኔናነ ነ አሳ ኢታ ሀርግያን ሀ ሳኣ ቦላፐ ምልጽ ኡዳናሽን። 16ታን ኔና ታ ዎልቃ በሳናዉነ ታ ሱንይ ሳኣ ኡባ ቦላን ኦደታናዉ፥ ሄዎ ታን ኔና ካተ ኦደ ዎድ።#ሮመ 9:17 17ኔን ሀእካ ኦቶረታደ፥ ታ አሳ የደናን እጻዳ። 18ሄዋ ድራዉ፥ ታን ዎንት ሀኖደ ግብጼ ግብጼ ግዶደፐ ሀቼ ጋካናዉ ኡባካ ዎ ኤረና፥ ዳሪ ዎልቃማ ሻቻ ቡክሳና። 19ሀእ ኔን ነ መህያነ ጋደን ነዉ ደእያዋ ኡባ ኤለካ ሶ ገልሳናዳን አዛዛ፤ አያዉ ጎፐ፥ ሶይ ገለናን ብሮ ጋደን ደእያ አሳ ኡባ ቦላነ መህያ ኡባ ቦላ ሻቻይ ዎናዋ፤ ኡንቱቱ ሀይቃና” ያጌ’ ያጋ” ያጌዳ። 20ካትያ ኦሳንቻቱዋፐ መና ጎዳ ቃላዉ ያዬዳዋንቱ ባረንቱ አይለቱዋነ ባረንቱ መህያ ኤሌሊደ ሶይ ገልሴድኖ። 21ሽን መና ጎዳ ቃላ ካዳዋንቱ ባረንቱ አይለቱዋነ ባረንቱ መህያ ጋደን አግ ባሼድኖ።

22ሄዋፐ ጉይያን መና ጎዳይ ሙሳ፥ “ግብጼ ቢታ ኡባ ቦላን: አሳ ቦላ፥ መህያ ቦላነ ግብጼ ጎሻቱዋን ድጭያባ ኡባ ቦላ ሻቻይ ዎናዳን፥ ነ ኩሽያ ሳሉዋ ደን” ያጌዳ። 23ሙሴ ባረ ጋትማ ሳሉዋ ዛሪደ ደንዳ ዎደ፥ ጾሳይ ጉጉንነ ሻቻ የዴዳ፤ ዋልቃንይካ ዱገ ሳአዉ ዋልቃሜዳ። ጾሳይ ግብጼ ጋድያን ሻቻ ያት ቡክሴዳ። 24ሻቻይ ዎዳ፤ ዋልቃንይ ያነ ሃነ ዋልቃሜዳ፤ ግብጼ ጋድያን ካቲ ካተቶደፐ ዶምና፥ ግብጼ ቢታ ኡባን ዎዳ ሻቻ ኡባፐ ሄዌ አያ ኢታ ሻቻ።#ሳፃ 8:7፤ 16:21 25ሄ ሻቻይ ግብጼ ቢታ ኡባ ጋደን ደእያ ኡባባ፥ አሳካ መህያካ ሾጬዳ፤ ጋደን ዶሌዳባ ኡባ ዱገ ዛሪደ ብዶዬዳ፤ ም ኡባ መንሬዳ። 26ሻቻይ ዎቤና ጋዲ እስራኤላቱ ኡቴዳ ጎሸና ጋድያ ጻላላ።

27ካቲ ኪት ሙሳነ አሮና ጼስሲደ፥ “ሀእ ስም፥ ታን ናጋራ ኦድ፤ መና ጎዳይ ቱማንቻ፤ ታንነ ታ አሳይ ባይዛንቻ። 28ኑዉ ጉጉንይነ ሻቻይ ዳሬዳ ድራዉ፥ መና ጎዳ ዎስተ። ታን ህንተንታ የዳና፤ ስም ሀዋፐ ስንን ህንተንቱ ሀዋን ጋምእክታ” ያጌዳ። 29ሙሴ አ፥ “ታን ሀ ካታማፐ ከሴዳ ዎደ፥ ታን ዎሳናዉ ታ ኩሽያ መና ጎዳኮ ምጫና፤ ያቶፐ ጉጉንይ አጋናዋ፤ ቃይ ሻቻ ዎይ ኤቃና፤ ሳአይ መና ጎዳዋ ግድያዋ ኔን ሄዋን ኤራና። 30ሽን ኔንነ ነ ኦሳንቻቱ መና ጎዳዉ ጾሳዉ ሀእካ ያየናዋ ታን ኤራይ” ያጌዳ። 31ታልባይ ጪሼዳ ድራዉነ ባንጋይ ትሼዳ ድራዉ፥ ታልባይነ ባንጋይ ሻቻን ባዬድኖ። 32ሽን ዛርጋይነ ሞርገ ምይ ካእያ ዎዲ ብራ ግዴዳ ድራዉ፥ ሻቻን ባይበይክኖ።

33ሄዋፐ ጉይያን ሙሴ ካትያ ማታፐ ደንዲደ፥ ካታማፐ ጋጻ ከሴዳ። ባረ ኩሽያ መና ጎዳኮ ምጬዳ፤ ያትና ጉጉንይነ ሻቻይ አጌዳ፤ እራይካ ቢታ ቦላን ዱገ ትገትያዌ ኤቄዳ። 34ሽን ካቲ እራይ፥ ሻቻይነ ጉጉንይ አጌዳዋ በኤዳ ዎደ ዛሪደካ ናጋራ ኦዳ፤ እካ አ ኦሳንቻቱካ ባረንቱ ዎዛና ዶንጭልሴድኖ። 35መና ጎዳይ ሙሴ ዶናን ሃሳዬዳዋዳንካ ካትያ ዎዛናይ ዶንጭልና፥ እስራኤላቱዋ እ የደናን እጼዳ።

Currently Selected:

ከሳ 9: DFBE

Highlight

Compare

Copy