ዶመ 12
12
አብራማ፥ ይሳቃነ ያቆባ ታርክያ
(12:1—35:29)
አብራሞ ጼሳ
1መና ጎዳይ አብራማ ያጌዳ፤ “ኔን ነ ጋድያፐ፥ ነ ዳቦቱዋፐነ ነ አዉዋ ጎለ አሳፐ ሻከታደ፥ ታን ኔና በስያ ጋድያ ባ።#ኪታ 7:2-3፤ እብራ. 11:8 2ታን ኔና ዎልቃማ ካዉተ ኦና፤ ቃይ ታን ኔና አንጃና፤ ታን ነ ሱን ግታያና፤ ያትና ኔን አንጆ ግዳና፤ 3ታን ኔና አንጅያዋንታ አንጃና፤#ጋላ. 3:8 ቃይ ኔና ሸቂያዋንታ ታን ሸቃና፤ ሀ ሳኣ ቦላን ደእያ አሳይ ኡባይ ነ ባጋና አንጀታና”#12:3 ነ ባጋና አንጀታና፦ ኔና አንጆዋዳ አንጃና ማላ ኡባይ ዎሳና። ያጌዳ።
4አብራመ መና ጎዳይ አዉ ኦዴዳዋዳን ደንዲደ ቤዳ፤ ሎጸካ አናና ቤዳ፤ አብራመ ካራነፐ ቤዳ ዎደ፥ አዉ ላይይ ላፑን ታማነ እቼሻ። 5አብራመ ባረ ማቻቶ ሳሮ፥ ባረ እሻ ናኣ ሎጻ፥ ያን ሺሼዳ ባረንቱ ማጹዋ ኡባነ፥ ካራነን ኡንቱንቱ ደሜዳ ቆማቱዋ አኪደ፥ ካናነ ጋድያ ባናዉ ደንዴዳ፤ ቢደ ኡንቱንቱ ካናነ ጋድያ ጋኬድኖ።
6አብራመ ሄ ጋድያን ሰኬማ ግያ ሳኣን ደእያ ሞረ ግያ ዎልቃማ ዎላ ጋካናዉ ሀመቲደ ቤዳ። ሄ ዎደ ካናነ አሳቱ ሄ ጋድያን ደእኖ። 7ሽን መና ጎዳይ አብራማዉ ቆንጪደ አ፥ “ሀ ጋድያ ታን ነ ዘረዉ እማና” ያጌዳ። እ ባረዉ ቆንጬዳ መና ጎዳዉ ሄ ሳኣን ያርሽያ ሳኣ ኬጺደ ጎይኔዳ።#ኪታ 7:5፤ ጋላ. 3:16 8ሄዋፐ ደንዲደ፥ ቤቴለፐ አዋይ ዶልያ ባጋና ደእያ ደረትያ ሳኣ ቢደ፥ ሄዋን ቤቴለ አዋይ ዉልያ ባጋ አጊደ፥ ቃይ አይ አዋይ ዶልያ ባጋ አጊደ፥ ግዱዋን ባረ ዱንካንያ ጌዳ፤ ሄዋን መና ጎዳዉ ያርሽያ ሳኣ ኬጺደ፥ መና ጎዳ ሱን ጼሴዳ። 9ሄዋፐ ጉየ፥ አብራመ ያፐ ደንድ ቢደ ኔጌባ ባዙዋ ጋኬዳ።
አብራመ ግብጼ ቤዳ
10ሄ ዎደ ሄ ጋዲ ኮሻቴዳ፤ ኮሻይ ጺጽ ደእያ ድራዉ፥ አብራመ አማሬዳ ዎድያ ደአናዉ ዱገ ግብጼ ዎዳ። 11ግብጼ ገላና ሀንሽን፥ አብራመ ባረ ማቻቶ ሳሮ ሀዋዳን ያጌዳ፤ “ስሳ፤ ኔን ሎይ ማላ ሎኦ ማጫ አሳ ግድያዋ ታን ኤራይ። 12ግብጼ አሳቱ ኔና በእያ ዎደ ኡንቱንቱ፥ ‘ሀና አ ማቻቶ’ ያጊደ ኡንቱንቱ ታና ዎና፤ ሽን ኔና ፓጻ አጋና። 13ስም ኡንቱንቱ ታዉ ነ ጋሱዋን ኬካና ማላነ፥ ቃይ ታን ሀይቀናን ነ ጋሱዋን አታና ማላ ኔን፥ ‘ታን አ ምቻቶ’ ያጋ”#ዶመ 20:2፤ 26:7 ያጌዳ።
14አብራመ ግብጼ ቢታ ገሌዳ ዎደ፥ ግብጼ አሳቱ ሄ ምሽራታ ዳሮ ማላ ሎኦ ማጫ አሳ ግድያዋ በኤድኖ። 15ቃይ ግብጼ ካትያዉ ኦያ ካፓቱካ እዞ በኤዳ ዎደ፥ ካትያ ስንን እዞ ናሼድኖ፤ ያቲደ እዞ ካትያ ጎለ አፌድኖ። 16ያትና እዝ ጋሱዋን ካቲ አብራማ ሎኦ አይፍያን ጼሌዳ፤ አብራማዉ ዶርሳቱዋነ ቦራቱዋ፥ አቱማ ሀረቱዋነ ማጫ ሀረቱዋ፥ አቱማ ቆማቱዋነ ማጫ ቆማቱዋ፥ ጋሉዋ እሜዳ።
17ሽን መና ጎዳይ አብራሞ ማቻት ሳር ጋሱዋን ግብጼ ካትያ ቦላነ አ ሶ አሳ ቦላ ዳሮ ካእያ ሀርግያ የዴዳ። 18ያትና ካቲ አብራማ ጼሲደ፥ “ኔን ሀዋ አያዉ ታ ቦላ ኦድ? እዛ ነ ማቻቶ ግዴዳዋ አያዉ ታዉ ኦዳበይኪ? 19ኔን እዞ፥ ‘እዛ ታ ምቻቶ’ ጋደ ታዉ አያዉ ኦዳዲ? ታን እዞ ታዉ ማቼ ኦናዉ አኬዳዌ ሄዋ ድራሳ። ስም ሀእ ነ ማቻቶ ሀኖ በአ፤ እዞ አካደ ባ” ያጌዳ። 20ባረ አሳ አዛዝና፥ ኡንቱንቱ አብራማ አ ማቻትናነ አዉ ደእያ ኡባባና ከሲደ የዴድኖ።
Currently Selected:
ዶመ 12: DFBE
Highlight
Share
Copy
Want to have your highlights saved across all your devices? Sign up or sign in
The Word for the World Ethiopia
