ዎጋ 12
12
ማጫ አሳይ የል ስሚደ ጌይያ ዎጋ
1መና ጎዳይ ሙሳ ሀዋዳን ያጌዳ፤ 2“እስራኤልያ አሳዉ ሀዋዳን ያጋደ ኦዳ፤ ‘እት ማጫዉና ሻሃራደ አቱማ ናኣ የሎፐ፥ ባረ ፒላይ ዬዳ ዎደ እዛ ቱና ግድያዋዳንካ፥ ሄዋዳን እዛ ላፑን ጋላሳይ ጋካናዉ ቱና ግዳናኑ። 3ሆስፑን ጋላስ ናአይ ቃጻረታናዉ ኮሼ።#ዶመ 17:12፤ ሉቃሳ 2:21 4ሄዋፐ ጉይያን፥ ማጫዉና ባረ ፒላ ሱይ ጽአና ጋካናዉ፥ ሀታማነ ሄዙ ጋላሳ ጋምኡ፤ ቃይ ባረ ጌይያ ጋላሳቱ ዉራና ጋካናዉ፥ ጌሻባ አያነ ቦቹፑ፤ ጾሳ ጌሻ ሳኣካ ገሉፑ።
5“ ‘ሽን እት ማጫዉና ማጫ ናቶ የሎፐ፥ ባረ ፒላይ ዬዳ ዎደ እዛ ቱና ግድያዋዳንካ፥ ሀዋዳን ላኡ ሳምንታ ጋካናዉ፥ እዛ ቱና ግዳና፤ ሄዋፐ ጉይያን፥ ባረ ፒላ ሱይ ጽአና ጋካናዉ ኡሱፑን ታማነ ኡሱፑን ጋላሳ ጋምኡ።
6“ ‘ማጫዉና አቱማ ናኣ ግድና ማጫ ናኣ ግድና የላደ፥ ባረ ጌይያ ዎድያ ዉርሶዋፐ ጉይያን፥ ጹግያ ያርሾ እት ላይ ዶርሳነ ናጋራ ያርሾ ቃይ እት ሀራጵያ ማራ ዎይ እት ማራ ዶጎሙዋ ጾሳ ዱንካንያ ፐንግያን ደእያ ቄስያኮ አሁ። 7ቄሲ ሄዋ መና ጎዳ ስንን ያርሺደ፥ እዝ ናጋራ አቶ ጊሴ፤ ያቶፐ እዛ ባረ የሉዋ ሱ ጎገፐ ጌያዉ። አቱማ ናኣ ዎይ ማጫ ናኣ የልያ ማጫዉን ዎጋይ ሄዋ።
8“ ‘ሽን እት ላይ ዶርሳ ኦርግያ አሀናዉ እዝዉ ሻሉ ግዳና ዮፐ፥ ላኡ ማራ ዶጎማቱዋ ዎይ ላኡ ማራ ሀራጳቱዋ አሁ፤ ኡንቱንቱፐ እቱ ጹግያ ያርሹዋሳ፤ እቱ ቃይ ናጋራ ያርሹዋሳ፤ ያቶፐ ቄሲ ሄዋንታ ያርሺደ፥ እዝ ናጋራ አቶ ጊሴ፤ እዛካ ጌሻ ግዳዉ’ ያጋ” ያጌዳ።#ሉቃሳ 2:24
Currently Selected:
ዎጋ 12: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia