روسولأنٚ کأرأن ۱
۱
1 اَی تِئوفیلوس، می اوّلی کیتأب میأن، عیسا زٚندیگی و آموجه‌یأنَ کأمیل وأگویا بوکودم و بینیویشتم کی اون چوطؤ، 2 خو حوکمأنَ روح‌القدس اَمرأ، خو اینتخأب بوبوسته روسولأنَ فأدَه پٚسی، آسمأنٚ ور بوجؤر بوشؤ. 3 اون چهل روجٚ میأن خو مٚردنٚ پٚسی، چن وأر خؤرَه زٚنده، روسولأنَ نیشأن بٚدأ و اَشأنَ جوروأجور رأیأنٚ اَمرأ ثأبیت بوکوده کی رأس‌رأسِی زٚنده بوسته. اَ وختأنٚ میأن، اون دروأره‌یٚ خودا پأدیشأیی اَشأنٚ اَمرأ گب بٚزِه.
4 ایتأ جٚه او زمأتأنٚ کی عیسا خؤرَه خو شأگردأنَ نیشأن دٚئی اَشأنَ بوگفته: «اورشلیم شهر جَا بیرون نیشید بلکی روح‌القدس رأفأ بئیسید چونکی اون هو پیشکشی‌یی ایسه کی می پئر اونی قولَ بٚدأ بو و منم جٚه اون شیمی اَمرأ گب بٚزِم.»
5 «یوحنا شٚمٚره آب اَمرأ تعمید بٚدأ ولی شومأن چن روجٚ پٚسی روح‌القدس اَمرأ تعمید گیریدی.»
عیسا شؤئؤن، آسمأنٚ ور
6 او وخت کی عیسا شأگردأنٚ اَمرأ بو اوشأن اونی جَا وأورسئده: «خوداوندا، آیا هه زمأتٚ میأن ایسه کی ایسرأییلٚ او حوکومت، کی جٚه دٚس بوشؤیَ، ایوأردِه وأگردأنی؟»
7 جوأب بٚدأ: «اَشأنٚ دأنٚستٚن شیمی کأر نییٚه، می پئر، خودا، اَ زمأتأنَ موشخص کونه 8 ولی اونچی‌یَ کی وأستی بدأنید اَن ایسه کی او وخت کی روح‌القدس شیمی رو اَیِه، قودرت یأفیدی کی اورشلیمٚ میأن، تومأمٚ یوهودیه میأن، سأمره و تأ دونیأ اوسر می جَا شهأدت بدید.»
9 عیسا اَ گبأنَ تومأنٚ بوسته پٚسی، اَشأنٚ چومأنٚ ورجأ، آسمأنٚ ور بوجؤر ببرده بوبوسته و ایتأ اَبر اونَ جٚه اَشأنٚ چومأن جیگأ بٚدأ.
10 اَشأن هنو اونی دئنٚ وأسی آسمأنَ فأندرستأندوبود کی نأخٚوٚرکی بفأمستده دوتأ سیفیدٚ رخت دوکوده مردأی اوشأنی میأن ایسأده 11 و بوگفتٚده: «اَی جلیلی مردأکأن، چٚره اَیَه ایسأییدی و آسمأنَ فأندرستأندریدی؟ هه عیسا کی شیمی جَا فأگیفته و آسمأنٚ ور ببرده بوبوسته، هطویی کی بیدِییدی بوشؤ آسمأنٚ ور، ایوأردِه وأگرده.»
متیاسٚ اینتخأب کودن یوهودأ عوض
12 اَ تأریخی مأجیرأ زیتون کوه سٚر ایتفأق دکفته کی اورشلیمٚ اَمرأ ای کیلومتر رأ دأشتی. پس، جٚه اویَه وأگردٚستٚده شهرٚ ور. 13 او وخت کی فأرٚسِده، بوشؤده او خأنه تلأرٚ جؤر کی اویَه ایسأ بود.
اَن اوشأنی نأم ایسه کی اویَه ایسأبود: پطرس، یوحنا، یعقوب، آندریاس، فیلیپُس، توما، برتولما، متا، یعقوب (حلفی پٚسر)، شمعون (کی فدأییأنٚ حیزبٚ شین بو)، یوهودأ (یعقوبٚ پٚسر). 14 اَشأن دال‌بدال کس‌کسٚ اَمرأ جمَ بوستید و عیسا مأر مریم، و چنتأ دِه زنأکأن، و عیسا برأرأن اَمرأ دوعأ دورون متحید بوستیدی.
15 ایتأ جٚه او روجأنٚ میأن جِمئیت کی صد و بیست نفر بوستید ایسأبود، پطرس ویریشته و اَشأنَ بوگفته:
16 «برأرأن، وأستی موقدس کیتأبأنٚ پیشگویی، کی یوهودأ رِه بوگفته بود انجأم بٚبه، کی شرورٚ آدمأنَ رأ نیشأن بٚدأ کی عیسایَ بیگیرٚد، چونکی خٚیلی زمأت پیشتر جٚه اون، داوودٚ پیغمبر یوهودأ نأرو زئنَ، جٚه روح‌القدسٚ ایلهام فأگیفتنٚ اَمرأ پیشگویی بوکوده بو. 17 یوهودأ ایتأ جٚه اَمأن بو. عیسای مسیح اونم اینتخأب بوکوده بو کی اَمی مأنستَن خودا روسول بٚبه. 18 ولی او پول کی نأرو زِئن وأسی فأگیفته بو اَمرأ، ایتأ کیشأورزی زیمین بیهه، و هو زیمین میأن خو سٚرٚ اَمرأ بیجیر بٚکفته، و جٚه وٚسٚط وأترکسته و تومأمٚ اونی روده‌یأن بیرون فووُسته. 19 اونی مٚردنٚ خٚوٚر دفأتن اورشلیمٚ میأن بیپیچسته و مردوم او زیمینٚ نأمَ "حَقِل دَما"، بٚنأده ینی خونٚ زیمین.»
پطرس ایدأمه بٚدأ و بوگفته: 20 «اَ موضو مزأمیرٚ کیتأبٚ میأن بینیویشته بوبوسته: "اَی کأش اونی خأنه فوگورده و هیکس اونی میأن زٚندیگی نوکونه." و ایوأردِه فٚرمأیه: "اونی جأجیگأیَ اینفر دیگه‌یَ فأدأد."#۱:۲۰ مزمور۲۵:۶۹و۸:۱۰۹.
21 «پس اَسه، وأستی اینفر دیگه‌یَ اینتخأب بوکونیم کی تومأمٚ او زمأتی کی خوداوند عیسا اَمی میأن زٚندیگی کودی، اَمی اَمرأ بئیسأبی، 22 ینی جٚه او زمأت کی یوحنا مردومَ تعمید دٚئی، تأ او زمأت کی عیسا جٚه اَمی میأن بوجؤر ببرده بوبوسته. چونکی ایتأ جٚه اَشأن وأستی اَمی اَمرأ اونی جٚه مورده‌یأن ویریشتنَ بیدِبی.»
23 اوشأنی کی اویَه ایسأبود دو نفرَ نأم ببردٚد، ایتأ «یوسف برسابا» کی اونَ یوستوسم گفتیدی، و اویتأ «متیاس». 24 او وخت دوعأ بوکودٚد، بوگفتٚده: «خوداوندا، تو همه کسٚ دیلٚ جَا وأخٚوٚری. اَمٚرَه نیشأن بٚدٚن اَ دو تأ میأن کویتأیَ اینتخأب بوکودی 25 کی تی روسول بٚبه و خائنٚ یوهودأ جأ سٚر بینیشینه کی خو کردکأرٚ جوأبَ فأگیفته.»
26 پس اَشأن قرعه تأوٚدأده و متیاس اینتخأب بوبوسته و او یأزده‌تأ روسولٚ جمَ میأن بأمؤ.
Currently Selected:
روسولأنٚ کأرأن ۱: GLK_NT
Highlight
Share
Copy
Want to have your highlights saved across all your devices? Sign up or sign in
© 2024 Transform Iran
روسولأنٚ کأرأن ۱
۱
1 اَی تِئوفیلوس، می اوّلی کیتأب میأن، عیسا زٚندیگی و آموجه‌یأنَ کأمیل وأگویا بوکودم و بینیویشتم کی اون چوطؤ، 2 خو حوکمأنَ روح‌القدس اَمرأ، خو اینتخأب بوبوسته روسولأنَ فأدَه پٚسی، آسمأنٚ ور بوجؤر بوشؤ. 3 اون چهل روجٚ میأن خو مٚردنٚ پٚسی، چن وأر خؤرَه زٚنده، روسولأنَ نیشأن بٚدأ و اَشأنَ جوروأجور رأیأنٚ اَمرأ ثأبیت بوکوده کی رأس‌رأسِی زٚنده بوسته. اَ وختأنٚ میأن، اون دروأره‌یٚ خودا پأدیشأیی اَشأنٚ اَمرأ گب بٚزِه.
4 ایتأ جٚه او زمأتأنٚ کی عیسا خؤرَه خو شأگردأنَ نیشأن دٚئی اَشأنَ بوگفته: «اورشلیم شهر جَا بیرون نیشید بلکی روح‌القدس رأفأ بئیسید چونکی اون هو پیشکشی‌یی ایسه کی می پئر اونی قولَ بٚدأ بو و منم جٚه اون شیمی اَمرأ گب بٚزِم.»
5 «یوحنا شٚمٚره آب اَمرأ تعمید بٚدأ ولی شومأن چن روجٚ پٚسی روح‌القدس اَمرأ تعمید گیریدی.»
عیسا شؤئؤن، آسمأنٚ ور
6 او وخت کی عیسا شأگردأنٚ اَمرأ بو اوشأن اونی جَا وأورسئده: «خوداوندا، آیا هه زمأتٚ میأن ایسه کی ایسرأییلٚ او حوکومت، کی جٚه دٚس بوشؤیَ، ایوأردِه وأگردأنی؟»
7 جوأب بٚدأ: «اَشأنٚ دأنٚستٚن شیمی کأر نییٚه، می پئر، خودا، اَ زمأتأنَ موشخص کونه 8 ولی اونچی‌یَ کی وأستی بدأنید اَن ایسه کی او وخت کی روح‌القدس شیمی رو اَیِه، قودرت یأفیدی کی اورشلیمٚ میأن، تومأمٚ یوهودیه میأن، سأمره و تأ دونیأ اوسر می جَا شهأدت بدید.»
9 عیسا اَ گبأنَ تومأنٚ بوسته پٚسی، اَشأنٚ چومأنٚ ورجأ، آسمأنٚ ور بوجؤر ببرده بوبوسته و ایتأ اَبر اونَ جٚه اَشأنٚ چومأن جیگأ بٚدأ.
10 اَشأن هنو اونی دئنٚ وأسی آسمأنَ فأندرستأندوبود کی نأخٚوٚرکی بفأمستده دوتأ سیفیدٚ رخت دوکوده مردأی اوشأنی میأن ایسأده 11 و بوگفتٚده: «اَی جلیلی مردأکأن، چٚره اَیَه ایسأییدی و آسمأنَ فأندرستأندریدی؟ هه عیسا کی شیمی جَا فأگیفته و آسمأنٚ ور ببرده بوبوسته، هطویی کی بیدِییدی بوشؤ آسمأنٚ ور، ایوأردِه وأگرده.»
متیاسٚ اینتخأب کودن یوهودأ عوض
12 اَ تأریخی مأجیرأ زیتون کوه سٚر ایتفأق دکفته کی اورشلیمٚ اَمرأ ای کیلومتر رأ دأشتی. پس، جٚه اویَه وأگردٚستٚده شهرٚ ور. 13 او وخت کی فأرٚسِده، بوشؤده او خأنه تلأرٚ جؤر کی اویَه ایسأ بود.
اَن اوشأنی نأم ایسه کی اویَه ایسأبود: پطرس، یوحنا، یعقوب، آندریاس، فیلیپُس، توما، برتولما، متا، یعقوب (حلفی پٚسر)، شمعون (کی فدأییأنٚ حیزبٚ شین بو)، یوهودأ (یعقوبٚ پٚسر). 14 اَشأن دال‌بدال کس‌کسٚ اَمرأ جمَ بوستید و عیسا مأر مریم، و چنتأ دِه زنأکأن، و عیسا برأرأن اَمرأ دوعأ دورون متحید بوستیدی.
15 ایتأ جٚه او روجأنٚ میأن جِمئیت کی صد و بیست نفر بوستید ایسأبود، پطرس ویریشته و اَشأنَ بوگفته:
16 «برأرأن، وأستی موقدس کیتأبأنٚ پیشگویی، کی یوهودأ رِه بوگفته بود انجأم بٚبه، کی شرورٚ آدمأنَ رأ نیشأن بٚدأ کی عیسایَ بیگیرٚد، چونکی خٚیلی زمأت پیشتر جٚه اون، داوودٚ پیغمبر یوهودأ نأرو زئنَ، جٚه روح‌القدسٚ ایلهام فأگیفتنٚ اَمرأ پیشگویی بوکوده بو. 17 یوهودأ ایتأ جٚه اَمأن بو. عیسای مسیح اونم اینتخأب بوکوده بو کی اَمی مأنستَن خودا روسول بٚبه. 18 ولی او پول کی نأرو زِئن وأسی فأگیفته بو اَمرأ، ایتأ کیشأورزی زیمین بیهه، و هو زیمین میأن خو سٚرٚ اَمرأ بیجیر بٚکفته، و جٚه وٚسٚط وأترکسته و تومأمٚ اونی روده‌یأن بیرون فووُسته. 19 اونی مٚردنٚ خٚوٚر دفأتن اورشلیمٚ میأن بیپیچسته و مردوم او زیمینٚ نأمَ "حَقِل دَما"، بٚنأده ینی خونٚ زیمین.»
پطرس ایدأمه بٚدأ و بوگفته: 20 «اَ موضو مزأمیرٚ کیتأبٚ میأن بینیویشته بوبوسته: "اَی کأش اونی خأنه فوگورده و هیکس اونی میأن زٚندیگی نوکونه." و ایوأردِه فٚرمأیه: "اونی جأجیگأیَ اینفر دیگه‌یَ فأدأد."#۱:۲۰ مزمور۲۵:۶۹و۸:۱۰۹.
21 «پس اَسه، وأستی اینفر دیگه‌یَ اینتخأب بوکونیم کی تومأمٚ او زمأتی کی خوداوند عیسا اَمی میأن زٚندیگی کودی، اَمی اَمرأ بئیسأبی، 22 ینی جٚه او زمأت کی یوحنا مردومَ تعمید دٚئی، تأ او زمأت کی عیسا جٚه اَمی میأن بوجؤر ببرده بوبوسته. چونکی ایتأ جٚه اَشأن وأستی اَمی اَمرأ اونی جٚه مورده‌یأن ویریشتنَ بیدِبی.»
23 اوشأنی کی اویَه ایسأبود دو نفرَ نأم ببردٚد، ایتأ «یوسف برسابا» کی اونَ یوستوسم گفتیدی، و اویتأ «متیاس». 24 او وخت دوعأ بوکودٚد، بوگفتٚده: «خوداوندا، تو همه کسٚ دیلٚ جَا وأخٚوٚری. اَمٚرَه نیشأن بٚدٚن اَ دو تأ میأن کویتأیَ اینتخأب بوکودی 25 کی تی روسول بٚبه و خائنٚ یوهودأ جأ سٚر بینیشینه کی خو کردکأرٚ جوأبَ فأگیفته.»
26 پس اَشأن قرعه تأوٚدأده و متیاس اینتخأب بوبوسته و او یأزده‌تأ روسولٚ جمَ میأن بأمؤ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Transform Iran