یوحنا ۲۱
۲۱
عیسایٚ زٚنده خو شأگردأنٚ اَمرأ
1 چن روج کی بوبوسته، جلیلٚ دریأچه کنأر، عیسا خؤرَه ایوأردِه خو شأگردأنَ نیشأن بٚدأ. اَ مأجیرأ اَطؤیی بو. 2 چنتأ عیسا شأگردأن دریأ کنأر ایسأبود: شمعونٚ پطرس، توما کی اونی لقب دوقولو بو، نتنائیل کی قانای جلیلٚ شین بو، زبدی پٚسرأن و دو نفر دِه جٚه شأگردأن. 3 شمعونٚ پطرس بوگفته: «من شوئؤندرٚم مائی بیگیرم.»
همٚتأن بوگفتٚده: «اَمأنٚم اَییم.» پس، لوتکأ بینیشتٚد و بوشؤده، امّا او شبٚ رِه هیچی نیگیفتٚده.
4 صُبٚ دٚمٚ رِه بیدِده اینفر دریأ کنأر ایسأ، چونکی هوا هنو روشنَ نوبوسته بو، نتأنستٚد خُب بیدینٚد کیسه.
5 اون دؤخأده: «جأغألأن، مائی بیگیفتیدی؟»
جوأب بٚدأده: «نه.»
6 بوگفته: «شیمی تورَ، لوتکأ رأستٚ ور تأوٚدید کی بیگیرید.»
اوشأنٚم تأوٚدأده و اَندر مائی تورٚ میأن جمَ بوسته کی جٚه سنگینی نتأنستٚد تورَ بوجؤر فأکٚشٚد.
7 او وخت او شأگرد کی عیسا اونَ دوس دأشتی، پطرسَ بوگفته: «اَن خوداوندٚ!» پطرسٚم کی تأ کمر برأنده بو، دفأتن خو رختأنَ خو دؤر وأپخته و وأز بوکوده آبٚ دورون و شنا اَمرأ خؤرَه فأرٚسأنه دریأ کنأره. 8 البأقی لوتکأ میأن بئیسأده و تورٚ کی مائی جَا پورَ بوسته بویَ فأکٚشِده دریأ کنأر. قأیق صد متر سأحیلٚ جَا دؤر بو. 9 او وخت کی فأرٚسِده دریأ کنأره، بیدِده کی آتش روشنه و مأئی‌یٚم اونی رو نٚهأ و ایپچه نأنٚم اویَه نٚهأ بو.
10 عیسا بٚفرمأسته: «چنتأ جٚه او مائییأنی‌یَ کی تأزه بیگیفتیدی، بأوٚرید.» 11 پطرس بوشؤ و تورَ فأکشه و بأوٚرده سأحیل و مائی‌یأنَ بیشمأرده، صد و پنجأه و سه تأ دأنه پیله مائی تورٚ میأن نٚهأ بو ولی تور پأرَه نوبوسته بو.
12 عیسا بٚفرمأسته: «بأیید و صُبانه بوخورید.» امّا هیتأن نیأرٚستٚده اونی جَا وأوٚرسِه کی اون عیسایٚ خوداوند ایسه یا نه، چونکی همٚتأن خأطر جم بود کی اون خودشه. 13 او وخت عیسا مائی و نأنَ فأگیفته و شأگردأنٚ میأن سأم بوکوده. 14 اَ سیومی وأر بو کی عیسا زٚنده بوستنٚ پٚسی، خؤرَه شأگردأنَ نیشأن دٚیی.
عیسا پطرسٚ اَمرأ گب زٚنِه
15 صُبانه بوخورده پٚسی، عیسا پطرسٚ جَا وأوٚرسِه: «شمعون، یونا پٚسر، آیا تو مٚرَه البأقیأنٚ جَا ویشتر دوس دأری؟» پطرس جوأب بٚدأ: «هطؤیه آقأ جأن، شومأن دأنیدی کی من شٚمٚره دوس دأرم.»
عیسا اونَ بٚفرمأسته: «پس می بٚرّه‌یأنَ خورأک فأدن.»
16 عیسا ایوأردِه وأوٚرسِه: «شمعون، یونا پٚسر، آیا رأس‌رأسِی مٚرَه دوس دأری؟»
پطرس جوأب بٚدأ: «هطؤیه خوداوندا، شومأن دأنیدی کی من شٚمٚره دوس دأرم.»
عیسا بٚفرمأسته: «پس می گوسوٚندأنٚ هوایَ بٚدأر.»
17 سیومی وأرٚ رِه عیسا اونَ بٚفرمأسته: «اَی شمعون، اَی یونا پٚسر، آیا مٚرَه دوس دأری؟»
پطرس دیلخوره بوسته چٚره کی عیسا سه وأر اونی جَا وأوٚرسِه کی «آیا مٚرَه دوس دأری؟» پس بوگفته: «خوداوندا، تو همه چی‌یَ دأنی. خودت دأنی کی من تٚرَه دوس دأرم.»
عیسا اونَ بٚفرمأسته: «پس می کوجه بٚرّه‌یأنَ خورأک فأدن.»
18 «حِئقت اَنٚ کی او وخت کی جوأن بی هر چی خأستی تأنستی بوکونی و هر جأیی کی خأستی تأنستی بیشی، ولی او وخت کی پیرَ بی، البأقیأن تی دٚسَ گیرده و اَرَ اورو فأکٚشِئده، و تٚرَه جأیی بٚرٚده کی نخأیی بیشی.» 19 اَنَ بٚفرمأسته کی پطرس بٚدأنه کی چوطؤ میرِه و خودایَ جلال دِهه. بأزین عیسا اونَ بٚفرمأسته: «اَسه می دونبألسر بیأ.»
20 پطرس وأگردسته و بیدِه کی او شأگرد کی عیسا اونَ دوس دأشتی اوشأنی دونبألسر اَمؤندره، ینی هونی کی شأمٚ سٚر عیسا ورجأ لَم بدأبو، اونی جَا وأوٚرسِه بو: «اوستأد، کویتأ جٚه اَمأن تٚرَه نأرو زنیمی؟»
21 پطرس عیسا جَا وأوٚرسِه: «خوداوندا، اونی سٚر چی اَیِه؟»
22 عیسا جوأب بٚدأ: «اگه بخأیٚم اون بئیسه کی من وأگردم، تٚرَه چی ربطی دأره؟ تو می دونبألسر بیأ.»
23 پس اَ خٚوٚر برأرأنٚ میأن چؤ دکفته کی او خورومٚ شأگرد نیمیره. ولی عیسا هیوخت اَطؤ نوگفته بو، اون فقد بٚفرمأسته: «اگه بخأیٚم اون بئیسه کی من وأگردم، تٚرَه چی ربطی دأره.»
آخرسٚر
24 او شأگرد همه چی‌یَ بیدِه و اَیَه بینیویشته، اَمأن همٚتأن دأنیمی کی اَ بینیویشته‌یأن حِئقتٚ مأنه.
25 گومأن کونم کی اگه تومأمٚ عیسا زٚندیگی ایتفأقأن کیتأبأنٚ میأن بینیویشته بوبوسته‌بی، او کیتأبأن دونیأ میأن جأ نوبوستید.
Currently Selected:
یوحنا ۲۱: GLK_NT
Highlight
Share
Copy
Want to have your highlights saved across all your devices? Sign up or sign in
© 2024 Transform Iran
یوحنا ۲۱
۲۱
عیسایٚ زٚنده خو شأگردأنٚ اَمرأ
1 چن روج کی بوبوسته، جلیلٚ دریأچه کنأر، عیسا خؤرَه ایوأردِه خو شأگردأنَ نیشأن بٚدأ. اَ مأجیرأ اَطؤیی بو. 2 چنتأ عیسا شأگردأن دریأ کنأر ایسأبود: شمعونٚ پطرس، توما کی اونی لقب دوقولو بو، نتنائیل کی قانای جلیلٚ شین بو، زبدی پٚسرأن و دو نفر دِه جٚه شأگردأن. 3 شمعونٚ پطرس بوگفته: «من شوئؤندرٚم مائی بیگیرم.»
همٚتأن بوگفتٚده: «اَمأنٚم اَییم.» پس، لوتکأ بینیشتٚد و بوشؤده، امّا او شبٚ رِه هیچی نیگیفتٚده.
4 صُبٚ دٚمٚ رِه بیدِده اینفر دریأ کنأر ایسأ، چونکی هوا هنو روشنَ نوبوسته بو، نتأنستٚد خُب بیدینٚد کیسه.
5 اون دؤخأده: «جأغألأن، مائی بیگیفتیدی؟»
جوأب بٚدأده: «نه.»
6 بوگفته: «شیمی تورَ، لوتکأ رأستٚ ور تأوٚدید کی بیگیرید.»
اوشأنٚم تأوٚدأده و اَندر مائی تورٚ میأن جمَ بوسته کی جٚه سنگینی نتأنستٚد تورَ بوجؤر فأکٚشٚد.
7 او وخت او شأگرد کی عیسا اونَ دوس دأشتی، پطرسَ بوگفته: «اَن خوداوندٚ!» پطرسٚم کی تأ کمر برأنده بو، دفأتن خو رختأنَ خو دؤر وأپخته و وأز بوکوده آبٚ دورون و شنا اَمرأ خؤرَه فأرٚسأنه دریأ کنأره. 8 البأقی لوتکأ میأن بئیسأده و تورٚ کی مائی جَا پورَ بوسته بویَ فأکٚشِده دریأ کنأر. قأیق صد متر سأحیلٚ جَا دؤر بو. 9 او وخت کی فأرٚسِده دریأ کنأره، بیدِده کی آتش روشنه و مأئی‌یٚم اونی رو نٚهأ و ایپچه نأنٚم اویَه نٚهأ بو.
10 عیسا بٚفرمأسته: «چنتأ جٚه او مائییأنی‌یَ کی تأزه بیگیفتیدی، بأوٚرید.» 11 پطرس بوشؤ و تورَ فأکشه و بأوٚرده سأحیل و مائی‌یأنَ بیشمأرده، صد و پنجأه و سه تأ دأنه پیله مائی تورٚ میأن نٚهأ بو ولی تور پأرَه نوبوسته بو.
12 عیسا بٚفرمأسته: «بأیید و صُبانه بوخورید.» امّا هیتأن نیأرٚستٚده اونی جَا وأوٚرسِه کی اون عیسایٚ خوداوند ایسه یا نه، چونکی همٚتأن خأطر جم بود کی اون خودشه. 13 او وخت عیسا مائی و نأنَ فأگیفته و شأگردأنٚ میأن سأم بوکوده. 14 اَ سیومی وأر بو کی عیسا زٚنده بوستنٚ پٚسی، خؤرَه شأگردأنَ نیشأن دٚیی.
عیسا پطرسٚ اَمرأ گب زٚنِه
15 صُبانه بوخورده پٚسی، عیسا پطرسٚ جَا وأوٚرسِه: «شمعون، یونا پٚسر، آیا تو مٚرَه البأقیأنٚ جَا ویشتر دوس دأری؟» پطرس جوأب بٚدأ: «هطؤیه آقأ جأن، شومأن دأنیدی کی من شٚمٚره دوس دأرم.»
عیسا اونَ بٚفرمأسته: «پس می بٚرّه‌یأنَ خورأک فأدن.»
16 عیسا ایوأردِه وأوٚرسِه: «شمعون، یونا پٚسر، آیا رأس‌رأسِی مٚرَه دوس دأری؟»
پطرس جوأب بٚدأ: «هطؤیه خوداوندا، شومأن دأنیدی کی من شٚمٚره دوس دأرم.»
عیسا بٚفرمأسته: «پس می گوسوٚندأنٚ هوایَ بٚدأر.»
17 سیومی وأرٚ رِه عیسا اونَ بٚفرمأسته: «اَی شمعون، اَی یونا پٚسر، آیا مٚرَه دوس دأری؟»
پطرس دیلخوره بوسته چٚره کی عیسا سه وأر اونی جَا وأوٚرسِه کی «آیا مٚرَه دوس دأری؟» پس بوگفته: «خوداوندا، تو همه چی‌یَ دأنی. خودت دأنی کی من تٚرَه دوس دأرم.»
عیسا اونَ بٚفرمأسته: «پس می کوجه بٚرّه‌یأنَ خورأک فأدن.»
18 «حِئقت اَنٚ کی او وخت کی جوأن بی هر چی خأستی تأنستی بوکونی و هر جأیی کی خأستی تأنستی بیشی، ولی او وخت کی پیرَ بی، البأقیأن تی دٚسَ گیرده و اَرَ اورو فأکٚشِئده، و تٚرَه جأیی بٚرٚده کی نخأیی بیشی.» 19 اَنَ بٚفرمأسته کی پطرس بٚدأنه کی چوطؤ میرِه و خودایَ جلال دِهه. بأزین عیسا اونَ بٚفرمأسته: «اَسه می دونبألسر بیأ.»
20 پطرس وأگردسته و بیدِه کی او شأگرد کی عیسا اونَ دوس دأشتی اوشأنی دونبألسر اَمؤندره، ینی هونی کی شأمٚ سٚر عیسا ورجأ لَم بدأبو، اونی جَا وأوٚرسِه بو: «اوستأد، کویتأ جٚه اَمأن تٚرَه نأرو زنیمی؟»
21 پطرس عیسا جَا وأوٚرسِه: «خوداوندا، اونی سٚر چی اَیِه؟»
22 عیسا جوأب بٚدأ: «اگه بخأیٚم اون بئیسه کی من وأگردم، تٚرَه چی ربطی دأره؟ تو می دونبألسر بیأ.»
23 پس اَ خٚوٚر برأرأنٚ میأن چؤ دکفته کی او خورومٚ شأگرد نیمیره. ولی عیسا هیوخت اَطؤ نوگفته بو، اون فقد بٚفرمأسته: «اگه بخأیٚم اون بئیسه کی من وأگردم، تٚرَه چی ربطی دأره.»
آخرسٚر
24 او شأگرد همه چی‌یَ بیدِه و اَیَه بینیویشته، اَمأن همٚتأن دأنیمی کی اَ بینیویشته‌یأن حِئقتٚ مأنه.
25 گومأن کونم کی اگه تومأمٚ عیسا زٚندیگی ایتفأقأن کیتأبأنٚ میأن بینیویشته بوبوسته‌بی، او کیتأبأن دونیأ میأن جأ نوبوستید.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Transform Iran