روسولأنٚ کأرأن ۴
۴
مسیحٚ روسولأن یأرستنٚ اَمرأ گب زنٚده
1 اَشأن هنو مردومٚ اَمرأ بوگو بشتأو کودأندوبود کی نأخٚوٚرکی پیله کأهینأن، معبدٚ سٚرنیگهبأن و چن نفر جٚه صدوقیأنٚ فرقه اَمرأ اَشأنٚ سٚر فوتورکستٚد. 2 اَشأن جٚه اَنکی پطرس و یوحنا عیسا زٚنده بوستنٚ جَا مردومٚ اَمرأ گب زِئید، خٚیلی بترسد و پریشأنَ بوسته بود. 3 پس اوشأنَ بیگیفتٚده و چونکی غروب دٚم بو تأ فردأیی زندأنی بوکودٚد. 4 ولی خٚیلی جٚه اوشأنی کی اَشأنٚ پیغأمَ بشتأوسته بود، ایمأن بأوٚردٚد و اَطؤیی بو کی ایمأندأرأنٚ آدم نفرأن، نیزدیکٚ پنج هیزأر نفرَ فأرٚسِه!
5 فردأیی، پیله کسأن و کأهینأن و دینٚ عألیمأن اورشلیمٚ میأن ایتأ جلسه بٚنأده. 6 حنّا کی پیله کأهین بو، قیافا، یوحنا، ایسکندرٚ اَمرأ و اونی البأقی قومٚ خیشأنم اویَه ایسأبود. 7 او وخت پطرس و یوحنایَ بأوٚردٚد و اَشأنٚ جَا وأورسئده: «اَ کأرَ چی قودرت و چی نأمٚ اَمرأ انجأم بدأیید؟»
8 پطرس کی روح‌القدسٚ جَا پور بو، اَشأنَ بوگفته: «اَی قومٚ پیله کسأن و کأهینأن، 9 اگه شیمی منظور اَ خورومٚ کأر ایسه کی اَ چولأقٚ مردأکٚ رِه بوکودیم و وأوٚرسیدی کی چوطؤ شفأ بیأفته، 10 وئألید شومأن همٚتأن و تومأمٚ ایسرأییلٚ قومٚ رِه وأشکأفأنٚم کی اَ موجیزه‌یَ در نأمٚ عیسای مسیحٚ ناصری و اونی قودرتٚ اَمرأ انجأم بٚدأییم، ینی هونی کی شومأن اونَ صلیبٚ سٚر بوکوشتید ولی خودا اونَ زٚنده کوده. هطؤیه، اونی قودرتٚ اَمرأ ایسه کی اَ مردأی اَسه سأق و سألیم اَیَه بٚپأ ایسأ. 11 چونکی موقدسٚ کیتأبأنٚ بوگفته موطأبٚق، عیسا هو سنگی ایسه کی شومأ معمأرأن رٚدَ کودید، ولی هون سأختمانٚ اصلی سنگ بوبوسته. 12 جغرز عیسای مسیح هیکس نییٚه کی بتأنه اَمٚرَه رستگأر چأکونه! چونکی آسمأن جیر، دِه نأمی ننأ کی مردوم بتأنٚد اونی اَمرأ گونأ جَا نیجأت بیأفٚد.»
13 او وخت کی شورأ آدمأن پطرس و یوحنا یأرستنَ بیدِده، بٚخصوص کی دِئیید معمولی آدمأنٚد و مذهبی درسأنَ نٚخأندٚد، قأق بئیسأده. هطؤیٚم بفأمٚستٚده کی اَشأن جٚه عیسا شأگردأن بود. 14 جٚه او ور، او فِقِرم کی فلنگستی سأق و سألیم اَشأنی ورجأ بٚپأ ایسأ بو و نتأنستیدی اونی شفأیَ اینکأر بوکونٚد! 15 پس اَشأنَ شورأ تألأر جَا بیرون اوسه کودٚد کی کس‌کسٚ اَمرأ مشوٚرت بوکونٚد.
16 اوشأن کس‌کسٚ جَا وأورسِئید: «اَشأنٚ اَمرأ چی بوکونیم؟ اَمأن کی نتأنیم اَ پیله موجیزه‌یَ اینکأر بوکونیم، چونکی اورشلیمٚ میأن همٚتأن اونی جَا خٚوٚر دأرٚده. 17 ولی شأید بتأنیم اَشأنی پیغأمٚ پخشٚ کودنٚ جولویَ بیگیریم. پس اَشأنَ گیم اگه ایوأردِه عیسا نأمَ زٚوأنٚ سٚر بأوٚرٚد و اَجور کأرأن بوکونٚد، هر چی بوبوسته اوشأنٚ گردن نٚهأ.» 18 پس اَشأنَ دؤخأدٚد، بوگفتد کی دِه عیسا جَا هیکسٚ اَمرأ گب نٚزٚند.
19 ولی پطرس و یوحنا جوأب بٚدأده: «شومأن قأضی بیبید! آیا دورست ایسه کی خودا حوکمٚ جَا ایطأعت نوکونیم، و شیمی دستورَ ایطأعت بوکونیم؟ 20 اَمأن نتأنیم اونچی‌یَ کی عیسا جَا بیدِه و بشتأوستیم، هیکسٚ رِه نیگیم.» 21 بعد اَنکی او دوتأیَ ایتأ عألمه تهدید بوکودٚد اوشأنَ سرأ دأد، چونکی نأنستید چوطؤ بودونٚ اَنکی ایوأردِه ایتأ آشوب دکفه اَشأنَ موجأزأت بوکوند؛ چونکی اَ پیله موجیزه وأسی، همه خودایَ شوکر کودأندوبود. 22 ایتأ مردأکٚ شفأ گیفتنٚ موجیزه کی ویشتر جٚه چهل سأل چولأق بو!
ایمأندأرأنٚ ایتأ بوستن دوعأ کودنٚ میأن
23 پطرس و یوحنا هطؤ کی آزأدَ بوستٚد، وأگردٚستٚده عیسا البأقی روسولأنٚ ورجأ و پیله کأهینأن و پیله کسأنٚ گبأنَ اَشأنی رِه وأگویا بوکودٚد.
24 او وخت تومأمٚ ایمأندأرأن کس‌کسٚ اَمرأ دوعأ بوکودٚد و بوگفتٚده:
«اَی موتعألٚ خوداوند، اَی اونی کی آسمأن و زیمین و دریأ و هرچی‌یَ کی اوشأنی میأن نٚهأیَ بوجود بأوٚردی، 25 تو خٚیلی زمأت پیشتر روح‌القدس اَمرأ اَمی پیله بأبأ و تی خیدمتگوزأر، داوودٚ پیغمبرٚ زٚوأنٚ جَا بٚفرمأستی: "چٚره قومأن شورش کونٚده؟ چٚره میلّتأن بیخودی جوفت و کلک دیچینٚده؟ 26 دونیأ پأدیشأیأن صف چأکودٚد و سرزیمینأنٚ رهبرأن کس‌کسٚ اَمرأ خوداوند و اونی مسیحٚ ضد جمَ بوستٚده."»
27 «اَن هوچی ایسه کی اَ شهرٚ میأن ایتفأق دکفته، چونکی هیرودیسٚ پأدیشأ، و اونی فرمأندأر پونتیوس پیلاتُس، و اوشأنی کی یوهودی نوبود، ایسرأییلٚ قومٚ اَمرأ، تی موقدسٚ خیدمتگوزأر عیسای مسیحٚ ضد کس‌کسٚ اَمرأ شیریک بوبوستٚد، 28 کی ایتأ کأرَ انجأم بٚدٚد کی تی قودرت و ایرأده جٚه پیشتر اونَ موشخص بوکوده بو. 29 و هسأ، اَی خوداوند، اَشأنٚ تهدیدأنَ بشتأو و اَمٚرَه کی تی خیدمتگوزأرأن ایسیمَ جورأت فأدن کی تی پیغأمَ مردومَ فأرٚسأنیم. 30 تی قودرتٚ کی شفأ دِهِه‌یَم اَمٚرَه بٚبٚخش کی تی موقدسٚ خیدمتگوزأر عیسا نأم اَمرأ پیله موجیزه‌یأن و عجأیب غرأیبٚ کأرأن بوکونیم.»
31 اَ دوعأ کودنٚ پٚسی، او خأنه کی اونٚ دورون ایسأبود بلرزسته و همٚتأن روح‌القدس جَا پورَ بوستد و خودا پیغأمَ یأرستنٚ اَمرأ مردومَ فأرٚسأنِد.
ایمأندأرأنٚ شرأکت کس‌کسٚ مأل و مینألٚ میأن
32 تومأمٚ ایمأندأرأن کس‌کسٚ اَمرأ ایتأ دیل و فیکر دأشتید و هیکس خو مأل و مینألَ خوشین نأنستی، چونکی هرچی‌یَ کی دأشتید، کس‌کسٚ اَمرأ سأم کودیدی. 33 عیسایٚ خوداوندٚ زٚنده بوستنٚ جَا، روسولأن ایتأ پیله قودرتٚ اَمرأ شهأدت دٚئیدی، و خودا فیض، قودرت اَمرأ اَشأنی میأن کأر کودی. 34 هیکسٚم موحتأج نوبو، چونکی هرکی زیمین یا ایتأ خأنه دأشتی، فوروختی و اونٚ پولَ 35 روسولأنَ فأدأیی کی فِقِرأنٚ میأن سأم بوکوند.
36 مثألٚ رِه، اینفر یوسف نأم کی لاوی طأیفه و قبرسٚ شین بو کی روسولأن اونَ برنابا ینی «مُشوّق» لقب بٚدأ بود. 37 اون خو کیشأورزی زیمینَ بوفروخته و اونی پولَ بأوٚرده و بٚنأ روسولأنٚ پأ جیر.
Currently Selected:
روسولأنٚ کأرأن ۴: GLK_NT
Highlight
Share
Copy
Want to have your highlights saved across all your devices? Sign up or sign in
© 2024 Transform Iran
روسولأنٚ کأرأن ۴
۴
مسیحٚ روسولأن یأرستنٚ اَمرأ گب زنٚده
1 اَشأن هنو مردومٚ اَمرأ بوگو بشتأو کودأندوبود کی نأخٚوٚرکی پیله کأهینأن، معبدٚ سٚرنیگهبأن و چن نفر جٚه صدوقیأنٚ فرقه اَمرأ اَشأنٚ سٚر فوتورکستٚد. 2 اَشأن جٚه اَنکی پطرس و یوحنا عیسا زٚنده بوستنٚ جَا مردومٚ اَمرأ گب زِئید، خٚیلی بترسد و پریشأنَ بوسته بود. 3 پس اوشأنَ بیگیفتٚده و چونکی غروب دٚم بو تأ فردأیی زندأنی بوکودٚد. 4 ولی خٚیلی جٚه اوشأنی کی اَشأنٚ پیغأمَ بشتأوسته بود، ایمأن بأوٚردٚد و اَطؤیی بو کی ایمأندأرأنٚ آدم نفرأن، نیزدیکٚ پنج هیزأر نفرَ فأرٚسِه!
5 فردأیی، پیله کسأن و کأهینأن و دینٚ عألیمأن اورشلیمٚ میأن ایتأ جلسه بٚنأده. 6 حنّا کی پیله کأهین بو، قیافا، یوحنا، ایسکندرٚ اَمرأ و اونی البأقی قومٚ خیشأنم اویَه ایسأبود. 7 او وخت پطرس و یوحنایَ بأوٚردٚد و اَشأنٚ جَا وأورسئده: «اَ کأرَ چی قودرت و چی نأمٚ اَمرأ انجأم بدأیید؟»
8 پطرس کی روح‌القدسٚ جَا پور بو، اَشأنَ بوگفته: «اَی قومٚ پیله کسأن و کأهینأن، 9 اگه شیمی منظور اَ خورومٚ کأر ایسه کی اَ چولأقٚ مردأکٚ رِه بوکودیم و وأوٚرسیدی کی چوطؤ شفأ بیأفته، 10 وئألید شومأن همٚتأن و تومأمٚ ایسرأییلٚ قومٚ رِه وأشکأفأنٚم کی اَ موجیزه‌یَ در نأمٚ عیسای مسیحٚ ناصری و اونی قودرتٚ اَمرأ انجأم بٚدأییم، ینی هونی کی شومأن اونَ صلیبٚ سٚر بوکوشتید ولی خودا اونَ زٚنده کوده. هطؤیه، اونی قودرتٚ اَمرأ ایسه کی اَ مردأی اَسه سأق و سألیم اَیَه بٚپأ ایسأ. 11 چونکی موقدسٚ کیتأبأنٚ بوگفته موطأبٚق، عیسا هو سنگی ایسه کی شومأ معمأرأن رٚدَ کودید، ولی هون سأختمانٚ اصلی سنگ بوبوسته. 12 جغرز عیسای مسیح هیکس نییٚه کی بتأنه اَمٚرَه رستگأر چأکونه! چونکی آسمأن جیر، دِه نأمی ننأ کی مردوم بتأنٚد اونی اَمرأ گونأ جَا نیجأت بیأفٚد.»
13 او وخت کی شورأ آدمأن پطرس و یوحنا یأرستنَ بیدِده، بٚخصوص کی دِئیید معمولی آدمأنٚد و مذهبی درسأنَ نٚخأندٚد، قأق بئیسأده. هطؤیٚم بفأمٚستٚده کی اَشأن جٚه عیسا شأگردأن بود. 14 جٚه او ور، او فِقِرم کی فلنگستی سأق و سألیم اَشأنی ورجأ بٚپأ ایسأ بو و نتأنستیدی اونی شفأیَ اینکأر بوکونٚد! 15 پس اَشأنَ شورأ تألأر جَا بیرون اوسه کودٚد کی کس‌کسٚ اَمرأ مشوٚرت بوکونٚد.
16 اوشأن کس‌کسٚ جَا وأورسِئید: «اَشأنٚ اَمرأ چی بوکونیم؟ اَمأن کی نتأنیم اَ پیله موجیزه‌یَ اینکأر بوکونیم، چونکی اورشلیمٚ میأن همٚتأن اونی جَا خٚوٚر دأرٚده. 17 ولی شأید بتأنیم اَشأنی پیغأمٚ پخشٚ کودنٚ جولویَ بیگیریم. پس اَشأنَ گیم اگه ایوأردِه عیسا نأمَ زٚوأنٚ سٚر بأوٚرٚد و اَجور کأرأن بوکونٚد، هر چی بوبوسته اوشأنٚ گردن نٚهأ.» 18 پس اَشأنَ دؤخأدٚد، بوگفتد کی دِه عیسا جَا هیکسٚ اَمرأ گب نٚزٚند.
19 ولی پطرس و یوحنا جوأب بٚدأده: «شومأن قأضی بیبید! آیا دورست ایسه کی خودا حوکمٚ جَا ایطأعت نوکونیم، و شیمی دستورَ ایطأعت بوکونیم؟ 20 اَمأن نتأنیم اونچی‌یَ کی عیسا جَا بیدِه و بشتأوستیم، هیکسٚ رِه نیگیم.» 21 بعد اَنکی او دوتأیَ ایتأ عألمه تهدید بوکودٚد اوشأنَ سرأ دأد، چونکی نأنستید چوطؤ بودونٚ اَنکی ایوأردِه ایتأ آشوب دکفه اَشأنَ موجأزأت بوکوند؛ چونکی اَ پیله موجیزه وأسی، همه خودایَ شوکر کودأندوبود. 22 ایتأ مردأکٚ شفأ گیفتنٚ موجیزه کی ویشتر جٚه چهل سأل چولأق بو!
ایمأندأرأنٚ ایتأ بوستن دوعأ کودنٚ میأن
23 پطرس و یوحنا هطؤ کی آزأدَ بوستٚد، وأگردٚستٚده عیسا البأقی روسولأنٚ ورجأ و پیله کأهینأن و پیله کسأنٚ گبأنَ اَشأنی رِه وأگویا بوکودٚد.
24 او وخت تومأمٚ ایمأندأرأن کس‌کسٚ اَمرأ دوعأ بوکودٚد و بوگفتٚده:
«اَی موتعألٚ خوداوند، اَی اونی کی آسمأن و زیمین و دریأ و هرچی‌یَ کی اوشأنی میأن نٚهأیَ بوجود بأوٚردی، 25 تو خٚیلی زمأت پیشتر روح‌القدس اَمرأ اَمی پیله بأبأ و تی خیدمتگوزأر، داوودٚ پیغمبرٚ زٚوأنٚ جَا بٚفرمأستی: "چٚره قومأن شورش کونٚده؟ چٚره میلّتأن بیخودی جوفت و کلک دیچینٚده؟ 26 دونیأ پأدیشأیأن صف چأکودٚد و سرزیمینأنٚ رهبرأن کس‌کسٚ اَمرأ خوداوند و اونی مسیحٚ ضد جمَ بوستٚده."»
27 «اَن هوچی ایسه کی اَ شهرٚ میأن ایتفأق دکفته، چونکی هیرودیسٚ پأدیشأ، و اونی فرمأندأر پونتیوس پیلاتُس، و اوشأنی کی یوهودی نوبود، ایسرأییلٚ قومٚ اَمرأ، تی موقدسٚ خیدمتگوزأر عیسای مسیحٚ ضد کس‌کسٚ اَمرأ شیریک بوبوستٚد، 28 کی ایتأ کأرَ انجأم بٚدٚد کی تی قودرت و ایرأده جٚه پیشتر اونَ موشخص بوکوده بو. 29 و هسأ، اَی خوداوند، اَشأنٚ تهدیدأنَ بشتأو و اَمٚرَه کی تی خیدمتگوزأرأن ایسیمَ جورأت فأدن کی تی پیغأمَ مردومَ فأرٚسأنیم. 30 تی قودرتٚ کی شفأ دِهِه‌یَم اَمٚرَه بٚبٚخش کی تی موقدسٚ خیدمتگوزأر عیسا نأم اَمرأ پیله موجیزه‌یأن و عجأیب غرأیبٚ کأرأن بوکونیم.»
31 اَ دوعأ کودنٚ پٚسی، او خأنه کی اونٚ دورون ایسأبود بلرزسته و همٚتأن روح‌القدس جَا پورَ بوستد و خودا پیغأمَ یأرستنٚ اَمرأ مردومَ فأرٚسأنِد.
ایمأندأرأنٚ شرأکت کس‌کسٚ مأل و مینألٚ میأن
32 تومأمٚ ایمأندأرأن کس‌کسٚ اَمرأ ایتأ دیل و فیکر دأشتید و هیکس خو مأل و مینألَ خوشین نأنستی، چونکی هرچی‌یَ کی دأشتید، کس‌کسٚ اَمرأ سأم کودیدی. 33 عیسایٚ خوداوندٚ زٚنده بوستنٚ جَا، روسولأن ایتأ پیله قودرتٚ اَمرأ شهأدت دٚئیدی، و خودا فیض، قودرت اَمرأ اَشأنی میأن کأر کودی. 34 هیکسٚم موحتأج نوبو، چونکی هرکی زیمین یا ایتأ خأنه دأشتی، فوروختی و اونٚ پولَ 35 روسولأنَ فأدأیی کی فِقِرأنٚ میأن سأم بوکوند.
36 مثألٚ رِه، اینفر یوسف نأم کی لاوی طأیفه و قبرسٚ شین بو کی روسولأن اونَ برنابا ینی «مُشوّق» لقب بٚدأ بود. 37 اون خو کیشأورزی زیمینَ بوفروخته و اونی پولَ بأوٚرده و بٚنأ روسولأنٚ پأ جیر.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Transform Iran