روسولأنٚ کأرأن ۵
۵
خودایَ نشأ گول زِئن
1 اینفرم ایسأ بو کی حنانیا نأم دأشتی، خو زن، سفیره اَمرأ، کی ایتأ زیمینَ بوفروخت، 2 ولی فقد ایپچه جٚه او پولَ بأوٚرده روسولانٚ ورجأ و بوگفته کی تومأمٚ پولَ بأوٚرده، و البأقی پولَ خؤرَه بدأشت. اونٚ زنأکٚم اونی جوفت و کلکٚ جَا وأخٚوٚر بو.
3 پطرس بوگفته: «حنانیا، شیطان جٚه طمعٚ تی دیلَ پورَ کوده. او زمأت کی بوگفتی اَن زیمینٚ تومأمٚ پول ایسه، رأس‌رأسِی روح‌القدسَ دورُغ بوگفتی. 4 او زیمین تی شین بو چی بوفروشی چی نوفروشی. اونی فوروختنٚ پٚسی‌یٚم تی دٚس نٚهأ بو کی چندر فأدی یا فأندی. چٚره اَ کأرَ بوکودی؟ تو اَمٚرَه دورُغ نوگفتی، بلکی خودایَ دورُغ بوگفتی.»
5 هطؤ کی حنانیا اَ گبٚ بشتأوسته، زیمینٚ سٚر بٚکفته و جأبجأ بٚمٚرده! همٚتأن زهله بوکودٚد! 6 پس جوأنأن بأمؤده، اونَ کفنٚ دورون وأپختٚد و بیگیلَ کودٚد.
7 سه سأعت بوبوسته پٚسی، اونی زنأی نأخٚوٚر جٚه خو مردأکٚ مٚردن بأمؤ. 8 پطرس اونی جَا وأوٚرسِه: «شومأن شیمی زیمینَ هَندر بوفروختیدی؟»
بوگفته: «هطؤیه، هَندر بو.»
9 پطرس بوگفته: «شومأن چٚره شیمی دٚس ایتأ کأسه میأن نٚهأ کی خودا روحَ ایمتحأن بوکونید؟ او جوأنأن کی تی مردَ ببردٚد و بیگیلَ کودٚد، اَسه وأگردٚستٚد. پس تٚرَم بٚرٚده.»
10 دفأتن او زنأکٚم پطرسٚ پأیأنٚ ورجأ زیمین سٚر بٚکٚفت و جأن بٚدأ. او وخت کی جوأنأن فأرٚسِده، بیدِده کی اونم بٚمٚرده. پس، اونی جٚنأزٚیم ببردٚد و اونی مردٚ ورجأ بیگیلَ کودٚد. 11 اَطؤیی بو کی، کیلیسا و تومأمٚ اوشأنی کی اَ مأجیرأیَ ایشتأوستیدی‌یَ ایتأ پیله ترس بیگیفته.
روسولأن خٚیلیأنَ شفأ دٚهٚده
12 روسولأن موجیزه مأنستَن نیشأنه‌یأن و خٚیلی عجأیب غرأیب کأرأن کودیدی. و تومأمٚ مؤمینأن دال‌بدال معبدٚ میأن ایتأ شرأ کی سولیمأنٚ ایوأن نأم دأشتی دوعأ کودنٚ وأسی جمَ بوستیدی. 13 ولی دِه هیکس نٚیأرستی اَشأنٚ گورویَ دوچوکه، هرچن کی اَشأنَ خٚیلی حورمت نأئیدی. 14 هطؤیٚم، ویشتر و ویشتر مردأکأن و زنأکأن خودایَ ایمأن اَوٚردیدی و اونَ دوچوکستیدی. 15 روسولأنٚ کردکأرٚ وأسی، مردوم تخت و توشَکٚ اَمرأ خوشأنی نأخوش احوألأنَ اَوٚردید کوچه‌یأنٚ میأن کی او وخت کی پطرس جٚه او رأ دٚوأرٚستندٚره، دٚسٚ کم اونی سأیه بعضیأنٚ سٚر دکفه! 16 مردوم حتّا جٚه اورشلیمٚ دؤرٚوٚر اَمؤیید و خوشأنی آزأریأن و نأخوشأنَ اَوٚردیدی و همٚتأن شفأ گیفتیدی.
روسولأنٚ اَمرأ موخألفت بِه
17 پس، پیله کأهین و تومأمٚ اونی پیشکأرأن کی صدوقیأنٚ فرقه شین بود، حسودی جَا ترکستندوبود، 18 و روسولأنَ بیگیفتٚده و زندأنٚ میأن تأوٚدأده.
19 ولی هو شب خوداوندٚ فٚرٚشته بأمؤ، زندأنٚ درأنَ وأکوده و اوشأنَ بیرون بأوٚرده و اَشأنَ بوگفته: 20 «بیشید و معبدٚ اَیوأنٚ میأن بئیسید و اَ زٚندیگی کأمیلٚ پیغأمَ اَشأنٚ رِه وأگویا بوکونید!»
21 پس صُبٚ دٚمٚ رِه موعیظه کودنٚ وأسی بوشؤد معبدٚ میأن! پیله کأهین و اونی پیشکأرأن بأمؤد معبدٚ میأن و تومأمٚ ایسرأییلٚ پیله کسأن و یوهودٚ شورأ آدمأنٚ جَا دعوت بوکودٚد کی ایتأ جلسه بٚنٚد. چن نفرم اوسه کودٚد کی روسولأنَ زندأنٚ جَا بأوٚرٚد و موحأکمه بوکونٚد. 22 ولی او وخت کی مأمورأن بوشؤد زندأنٚ میأن، هیکسَ اویَه نیأفتٚده. پس وأگردٚستٚده و اَطؤ خٚوٚر بٚدأد، بوگفتٚده: 23 «زندأنٚ درأن کأمیل چٚفت بو، نیگهبأنأنم درأنٚ کنأر پأستأندوبود. ولی او وخت کی زندأنٚ درأنَ وأکودیم، هیکس زندأنٚ میأن نئیسأبو!»
24 نیگهبأنأنٚ رئیس و پیله کأهینأن اَ خٚوٚرٚ جَا مأت و قأقَ بوستٚد و خوشأنی جَا وأوٚرسِئید کی اَ مأجیرأ آخرپٚسی چی بِه! 25 هه وختٚ میأن اینفر خٚوٚر بأوٚرد و بوگفته: «اوشأنَ کی شومأن زندأنی بوکوده بید، معبدٚ میأن مردومٚ رِه موعیظه کودن دٚرٚد!»
26 نیگهبأنأنٚ فرمأنده خو آدمأنٚ اَمرأ بوشؤ و اَشأنَ ایحترأمٚ اَمرأ شورأ جلسه میأن بأوٚردٚد، چونکی ترسئیدی مردوم اَشأنَ سنگسأر بوکونٚد، هنٚ وأسی زورٚ اَمرأ اَشأنَ نأوٚردٚد. 27 پس روسولأنَ بأوٚردٚد و اَشأنَ شورأ ورجأ حأضیرَ کودٚد. او وخت پیله کأهین اَشأنٚ جَا وأوٚرسِه: 28 «مگه اَمأن شٚمٚره نوگفتیم کی دِه هیذره اَ مردأکٚ نأمٚ اَمرأ موعیظه نوکونید؟ ولی شومأن اَمی دستورٚ نشتأوستنٚ اَمرأ، تومأمٚ اورشلیمٚ شهرَ شیمی گبأنٚ اَمرأ پورَ کودید و خأیید اَ مردٚ خونَ اَمی گردن تأوٚدید!»
29 پطرس و روسولأن جوأب بٚدأده: «اَمأن خودا دستورَ ایطأعت کونیم، نه اینسأنٚ دستورَ. 30 شومأن عیسایَ صلیبٚ سٚر بوکوشتید، ولی اَمی پیله بأبأیأنٚ خودا اونَ زٚنده کوده، 31 و اونَ خو رأستٚ دٚسٚ ور بینیشأنِه، سٚربولندَ کود کی پأدیشأ و نیجأت بٚدأ کس بٚبه و ایسرأییلٚ قوم توبه کودنٚ رِه فورصت بٚدأرٚد کی اوشأنی گونأیأن بٚبخشه بٚبه. 32 هسأ، اَمأن روسولأن، اَ ایتفأقَ شأهید ایسیم و روح‌القدسٚم شأهید ایسه، هو پأکٚ روح کی خودا اونَ اوشأنَ فأدِه، کی اونی جَا ایطأعت کونٚده.»
33 روسولأنٚ جوأب جَا شورأ آدمأنَ غیظَ گیفته و تصمیم بیگیفتٚد کی اَشأنٚم بوکوشٚد. 34 ولی اینفر غمالائیل نأم کی جٚه شورأ آدمأن، و فریسیأنٚ فرقه شین بو، و دینی حوکمأنٚ میأنم اوستأد بو و مردوم اونَ حورمت نأئیدی، ویریشته و خأهیش بوکوده کی روسولأنَ ایپچه بیرون ببرد.
35 بأزون خو همکأرأنَ بوگفته:
«اَی ایسرأییلٚ قومٚ پیله کسأن، شیمی حواس جم بٚبه اَشأنٚ رِه چی تصمیم گیفتندرید. 36 ایپچه پیشتر، ایتأ مردأی تئودا نأم ایدعأ کودی کی ایتأ پیله کس ایسه، چأرصٚد نفرَ خو اَمرأ همدٚس چأکود. اون بوکوشته بوبوسته و اونی شأگردأنم یوأش یوأشِی دورجین ورجینَ بوستٚد.»
37 «اونی پٚسی، سٚرایشماردنٚ زمأتٚ میأن، اینفر دِه بأمؤ کی اونی نأم یوهودأیٚ جلیلی بو و چنتأ شأگرد بیأفته. ولی اونم بوکوشته بوبوسته و اونی شأگردأن پٚخشَ و پلأ بوبوستٚد.»
38 «پس فیکر کونم کی اَشأنٚ اَمرأ کأر نوأدأشتنید. اگه اونچی کی گده و کونٚده خودشأنٚ جَا بٚبه، پور دِه نٚپأیه کی خؤرَه خؤرَه جٚه بین شٚده. 39 ولی اگه جٚه خودا ور بٚبٚد، نتأنید اوشأنَ جٚه بین اوسأنید. شیمی حواس بمأنه نوکونه کی خودا اَمرأ ور دکفته بید.»
40 شورأ آدمأن اونی اَندرزَ قوبیل بوکودٚد، و روسولأنَ بأوٚردٚد، شلّاق بٚزِ‌ده و بوگفتٚده: کی عیسا جَا دِه هیذره هیکسٚ اَمرأ گب نٚزٚند. بأزون اَشأنَ آزأدَ کودٚد. 41 روسولأن جٚه اویَه بیرون بأمؤده و خوشأل بود کی خودا اَشأنَ لأیٚق بدأنسته کی اونی نأمٚ وأسی رنج بٚکشد و بی‌حورمتی بیدینٚد. 42 جٚه او زمأتٚ پٚسی هر روج خأنه‌یأنٚ میأن خودا کلامَ مردومَ آمؤختیدی و معبدٚ میأن موعیظه کودید کی عیسا هو مسیح ایسه.
Currently Selected:
روسولأنٚ کأرأن ۵: GLK_NT
Highlight
Share
Copy
Want to have your highlights saved across all your devices? Sign up or sign in
© 2024 Transform Iran
روسولأنٚ کأرأن ۵
۵
خودایَ نشأ گول زِئن
1 اینفرم ایسأ بو کی حنانیا نأم دأشتی، خو زن، سفیره اَمرأ، کی ایتأ زیمینَ بوفروخت، 2 ولی فقد ایپچه جٚه او پولَ بأوٚرده روسولانٚ ورجأ و بوگفته کی تومأمٚ پولَ بأوٚرده، و البأقی پولَ خؤرَه بدأشت. اونٚ زنأکٚم اونی جوفت و کلکٚ جَا وأخٚوٚر بو.
3 پطرس بوگفته: «حنانیا، شیطان جٚه طمعٚ تی دیلَ پورَ کوده. او زمأت کی بوگفتی اَن زیمینٚ تومأمٚ پول ایسه، رأس‌رأسِی روح‌القدسَ دورُغ بوگفتی. 4 او زیمین تی شین بو چی بوفروشی چی نوفروشی. اونی فوروختنٚ پٚسی‌یٚم تی دٚس نٚهأ بو کی چندر فأدی یا فأندی. چٚره اَ کأرَ بوکودی؟ تو اَمٚرَه دورُغ نوگفتی، بلکی خودایَ دورُغ بوگفتی.»
5 هطؤ کی حنانیا اَ گبٚ بشتأوسته، زیمینٚ سٚر بٚکفته و جأبجأ بٚمٚرده! همٚتأن زهله بوکودٚد! 6 پس جوأنأن بأمؤده، اونَ کفنٚ دورون وأپختٚد و بیگیلَ کودٚد.
7 سه سأعت بوبوسته پٚسی، اونی زنأی نأخٚوٚر جٚه خو مردأکٚ مٚردن بأمؤ. 8 پطرس اونی جَا وأوٚرسِه: «شومأن شیمی زیمینَ هَندر بوفروختیدی؟»
بوگفته: «هطؤیه، هَندر بو.»
9 پطرس بوگفته: «شومأن چٚره شیمی دٚس ایتأ کأسه میأن نٚهأ کی خودا روحَ ایمتحأن بوکونید؟ او جوأنأن کی تی مردَ ببردٚد و بیگیلَ کودٚد، اَسه وأگردٚستٚد. پس تٚرَم بٚرٚده.»
10 دفأتن او زنأکٚم پطرسٚ پأیأنٚ ورجأ زیمین سٚر بٚکٚفت و جأن بٚدأ. او وخت کی جوأنأن فأرٚسِده، بیدِده کی اونم بٚمٚرده. پس، اونی جٚنأزٚیم ببردٚد و اونی مردٚ ورجأ بیگیلَ کودٚد. 11 اَطؤیی بو کی، کیلیسا و تومأمٚ اوشأنی کی اَ مأجیرأیَ ایشتأوستیدی‌یَ ایتأ پیله ترس بیگیفته.
روسولأن خٚیلیأنَ شفأ دٚهٚده
12 روسولأن موجیزه مأنستَن نیشأنه‌یأن و خٚیلی عجأیب غرأیب کأرأن کودیدی. و تومأمٚ مؤمینأن دال‌بدال معبدٚ میأن ایتأ شرأ کی سولیمأنٚ ایوأن نأم دأشتی دوعأ کودنٚ وأسی جمَ بوستیدی. 13 ولی دِه هیکس نٚیأرستی اَشأنٚ گورویَ دوچوکه، هرچن کی اَشأنَ خٚیلی حورمت نأئیدی. 14 هطؤیٚم، ویشتر و ویشتر مردأکأن و زنأکأن خودایَ ایمأن اَوٚردیدی و اونَ دوچوکستیدی. 15 روسولأنٚ کردکأرٚ وأسی، مردوم تخت و توشَکٚ اَمرأ خوشأنی نأخوش احوألأنَ اَوٚردید کوچه‌یأنٚ میأن کی او وخت کی پطرس جٚه او رأ دٚوأرٚستندٚره، دٚسٚ کم اونی سأیه بعضیأنٚ سٚر دکفه! 16 مردوم حتّا جٚه اورشلیمٚ دؤرٚوٚر اَمؤیید و خوشأنی آزأریأن و نأخوشأنَ اَوٚردیدی و همٚتأن شفأ گیفتیدی.
روسولأنٚ اَمرأ موخألفت بِه
17 پس، پیله کأهین و تومأمٚ اونی پیشکأرأن کی صدوقیأنٚ فرقه شین بود، حسودی جَا ترکستندوبود، 18 و روسولأنَ بیگیفتٚده و زندأنٚ میأن تأوٚدأده.
19 ولی هو شب خوداوندٚ فٚرٚشته بأمؤ، زندأنٚ درأنَ وأکوده و اوشأنَ بیرون بأوٚرده و اَشأنَ بوگفته: 20 «بیشید و معبدٚ اَیوأنٚ میأن بئیسید و اَ زٚندیگی کأمیلٚ پیغأمَ اَشأنٚ رِه وأگویا بوکونید!»
21 پس صُبٚ دٚمٚ رِه موعیظه کودنٚ وأسی بوشؤد معبدٚ میأن! پیله کأهین و اونی پیشکأرأن بأمؤد معبدٚ میأن و تومأمٚ ایسرأییلٚ پیله کسأن و یوهودٚ شورأ آدمأنٚ جَا دعوت بوکودٚد کی ایتأ جلسه بٚنٚد. چن نفرم اوسه کودٚد کی روسولأنَ زندأنٚ جَا بأوٚرٚد و موحأکمه بوکونٚد. 22 ولی او وخت کی مأمورأن بوشؤد زندأنٚ میأن، هیکسَ اویَه نیأفتٚده. پس وأگردٚستٚده و اَطؤ خٚوٚر بٚدأد، بوگفتٚده: 23 «زندأنٚ درأن کأمیل چٚفت بو، نیگهبأنأنم درأنٚ کنأر پأستأندوبود. ولی او وخت کی زندأنٚ درأنَ وأکودیم، هیکس زندأنٚ میأن نئیسأبو!»
24 نیگهبأنأنٚ رئیس و پیله کأهینأن اَ خٚوٚرٚ جَا مأت و قأقَ بوستٚد و خوشأنی جَا وأوٚرسِئید کی اَ مأجیرأ آخرپٚسی چی بِه! 25 هه وختٚ میأن اینفر خٚوٚر بأوٚرد و بوگفته: «اوشأنَ کی شومأن زندأنی بوکوده بید، معبدٚ میأن مردومٚ رِه موعیظه کودن دٚرٚد!»
26 نیگهبأنأنٚ فرمأنده خو آدمأنٚ اَمرأ بوشؤ و اَشأنَ ایحترأمٚ اَمرأ شورأ جلسه میأن بأوٚردٚد، چونکی ترسئیدی مردوم اَشأنَ سنگسأر بوکونٚد، هنٚ وأسی زورٚ اَمرأ اَشأنَ نأوٚردٚد. 27 پس روسولأنَ بأوٚردٚد و اَشأنَ شورأ ورجأ حأضیرَ کودٚد. او وخت پیله کأهین اَشأنٚ جَا وأوٚرسِه: 28 «مگه اَمأن شٚمٚره نوگفتیم کی دِه هیذره اَ مردأکٚ نأمٚ اَمرأ موعیظه نوکونید؟ ولی شومأن اَمی دستورٚ نشتأوستنٚ اَمرأ، تومأمٚ اورشلیمٚ شهرَ شیمی گبأنٚ اَمرأ پورَ کودید و خأیید اَ مردٚ خونَ اَمی گردن تأوٚدید!»
29 پطرس و روسولأن جوأب بٚدأده: «اَمأن خودا دستورَ ایطأعت کونیم، نه اینسأنٚ دستورَ. 30 شومأن عیسایَ صلیبٚ سٚر بوکوشتید، ولی اَمی پیله بأبأیأنٚ خودا اونَ زٚنده کوده، 31 و اونَ خو رأستٚ دٚسٚ ور بینیشأنِه، سٚربولندَ کود کی پأدیشأ و نیجأت بٚدأ کس بٚبه و ایسرأییلٚ قوم توبه کودنٚ رِه فورصت بٚدأرٚد کی اوشأنی گونأیأن بٚبخشه بٚبه. 32 هسأ، اَمأن روسولأن، اَ ایتفأقَ شأهید ایسیم و روح‌القدسٚم شأهید ایسه، هو پأکٚ روح کی خودا اونَ اوشأنَ فأدِه، کی اونی جَا ایطأعت کونٚده.»
33 روسولأنٚ جوأب جَا شورأ آدمأنَ غیظَ گیفته و تصمیم بیگیفتٚد کی اَشأنٚم بوکوشٚد. 34 ولی اینفر غمالائیل نأم کی جٚه شورأ آدمأن، و فریسیأنٚ فرقه شین بو، و دینی حوکمأنٚ میأنم اوستأد بو و مردوم اونَ حورمت نأئیدی، ویریشته و خأهیش بوکوده کی روسولأنَ ایپچه بیرون ببرد.
35 بأزون خو همکأرأنَ بوگفته:
«اَی ایسرأییلٚ قومٚ پیله کسأن، شیمی حواس جم بٚبه اَشأنٚ رِه چی تصمیم گیفتندرید. 36 ایپچه پیشتر، ایتأ مردأی تئودا نأم ایدعأ کودی کی ایتأ پیله کس ایسه، چأرصٚد نفرَ خو اَمرأ همدٚس چأکود. اون بوکوشته بوبوسته و اونی شأگردأنم یوأش یوأشِی دورجین ورجینَ بوستٚد.»
37 «اونی پٚسی، سٚرایشماردنٚ زمأتٚ میأن، اینفر دِه بأمؤ کی اونی نأم یوهودأیٚ جلیلی بو و چنتأ شأگرد بیأفته. ولی اونم بوکوشته بوبوسته و اونی شأگردأن پٚخشَ و پلأ بوبوستٚد.»
38 «پس فیکر کونم کی اَشأنٚ اَمرأ کأر نوأدأشتنید. اگه اونچی کی گده و کونٚده خودشأنٚ جَا بٚبه، پور دِه نٚپأیه کی خؤرَه خؤرَه جٚه بین شٚده. 39 ولی اگه جٚه خودا ور بٚبٚد، نتأنید اوشأنَ جٚه بین اوسأنید. شیمی حواس بمأنه نوکونه کی خودا اَمرأ ور دکفته بید.»
40 شورأ آدمأن اونی اَندرزَ قوبیل بوکودٚد، و روسولأنَ بأوٚردٚد، شلّاق بٚزِ‌ده و بوگفتٚده: کی عیسا جَا دِه هیذره هیکسٚ اَمرأ گب نٚزٚند. بأزون اَشأنَ آزأدَ کودٚد. 41 روسولأن جٚه اویَه بیرون بأمؤده و خوشأل بود کی خودا اَشأنَ لأیٚق بدأنسته کی اونی نأمٚ وأسی رنج بٚکشد و بی‌حورمتی بیدینٚد. 42 جٚه او زمأتٚ پٚسی هر روج خأنه‌یأنٚ میأن خودا کلامَ مردومَ آمؤختیدی و معبدٚ میأن موعیظه کودید کی عیسا هو مسیح ایسه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Transform Iran