یوحنا ۴
۴
سأمری زنأکٚ نیجأت
1 او وخت کی عیسا بٚفأمٚسته کی فریسیأن بشتأوستٚده کی اون ویشتر جٚه یوحنا کی تعمید دِهه مردومَ تعمید دئندره و ویشتر شأگرد دأره. 2 (البت عیسا شأگردأن، مردومَ تعمید دٚئیدی، نه خودش)، 3 یوهودیه‌یَ ترکَ کوده و وأگردسته جلیلَ.
4 عیسا جلیلٚ شؤئؤن رِه وأستی سأمره جَا دٚوأرٚسته بی. 5 رأ دورون، سأمره میأن ایتأ دیهأتَ فأرٚسِه کی اونی نأم سوخار بو، ایتأ زیمین نیزدیکی کی یعقوب خو پٚسر یوسفٚ فأدَه بو. 6 یعقوبٚ پیغمبرٚ چأه او زیمینٚ دورون نٚهأ بو، عیسا جٚه سٚفر خستَه بوسته بو و چأه ورجأ بینیشته.
7 پور زمأت نوبوسته کی ایتأ سأمری زنأی فأرٚسِه، چأه جَا آب فأکشه. عیسا اونَ بوگفته: «ایپچه مٚرَه آب فأدن» 8 اونی شأگردأن غذأ هِئن رِه بوشؤبود او دیهأتٚ ور.
9 او زنأی قأقَ بوسته، چونکی یوهودیأن، سأمریأنٚ اَمرأ موعأشرت نوکونیدی؛ پس عیسایَ بوگفته: «چوطؤ به تو کی یوهودی ایسی، می جَا کی سأمرییٚم آب خأیی؟»
10 عیسا جوأب بٚدأ: «اگه بدأنسته‌بی کی خودا چی خورومٚ پیشکشی خأیه تٚرَه فأدَه و اگه بدأنسته‌بی کی من کی ایسٚم، هو وخت می جَا زٚنده آبَ خأستی.»
11 او زنأی بوگفته: «تو کی بدره و لأفند نأری و چأیٚم کی جولفه؛ پس اَ زٚنده آبٚ حیأتَ جٚه کؤیَه اَوری؟ 12 مگه تو اَمی جد یعقوبٚ جَا پیله‌تری؟ چوطؤ تأنی جٚه اَ آب بِیتر اَمٚرَه فأدی، آبی کی یعقوب و اونی پٚسرأن و اوشأنی گلّه‌یأن اونی جَا وأخوردیدی؟»
13 عیسا جوأب بٚدأ: «مردوم اَ آبٚ وأخوردنٚ اَمرأ، ایوأردِه تشنه بٚدأ. 14 امّا هر کی جٚه اَ آبی کی من فأدٚم وأخوره، هیوخت اونَ تشنَه نوکونه، بلکی اَ آب اونی دورون ایتأ چشمه مأنستَن بِه کی قُل زِئندره و همیشٚکی زٚندیگی‌یَ اونَ بخشه.»
15 زن بوگفته: «آقأ، خأهیش کونم ایپچه اَ آبَ مٚرَه فأدن کی دِه تشنَه نٚبم و مجبور نٚبم هر روج اَ رأیَ بأیٚم و وأگردم.»
16 امّا عیسا بٚفرمأسته: «بوشو تی مردَ بأوٚر.»
17 زن جوأب بٚدأ: «مرد نأرٚم.»
عیسا بٚفرمأسته: «رأس بوگفتی. 18 تأ هسأ پنج وأر مردٚ بوستی و اَ مردأکی کی اَسه اونی اَمرأ زٚندیگی کونی، تی مرد نییٚه. تو رأس بوگفتی!»
19 او زنأی کی قأقَ بوسته بو، بوگفته: «آقأ، دینٚم کی شومأن پیغمبری!» 20 و دفأتن گب بٚسٚرَ کود و بوگفته: «چٚره شومأن یوهودیأن ایصرأر کونیدی کی فقد اورشلیمَ خودا عیبأدتٚ جیگأ بدأنید؟ ولی اَنکی اَمأن سأمریأن، اَمی پئرأنٚ مأنستَن اَ کوهَ عیبأدتٚ جیگأ دأنیم؟»
21 عیسا جوأب بٚدأ: «اَی زنأی، می گبأنَ بأوٚر بوکون. ای وخت فأرٚسِه کی پئرَ، نه اَ کوه جؤر عیبأدت کونیدی، نه اورشلیمٚ میأن. 22 شومأن سأمریأن اونٚ کی عیبأدت کونیدی جَا هیچی نأنیدی ولی اَمأن یوهودیأن اونَ شنأسیمی، چونکی نیجأت جٚه یوهود اَ دونیأ رِه فرأهم بِه. 23 ولی ایتأ زمأت فأرٚسِه و رأس‌رأسِی کی هسأ بأمؤ، کی رأس‌رأسِی پرستٚنده‌یأن، پئرَ روح و رأستی اَمرأ پرستٚش کونٚده. پئر اَطؤچی آدمأنَ خأیه کی اونَ پرستش بوکونٚد. 24 چونکی خودا روح ایسه و هر کی بٚخأیٚه اونَ پرستٚش بوکونه، وأستی روح و رأستی اَمرأ پرستٚش بوکونه.»
25 زنأی بوگفته: «من دأنٚم پور زمأت نیبه کی مسیح اَیِه. شومأن یوهودیأنٚم اَنَ قوبیل دأریدی و او وخت کی اون بأیٚه همه چی‌یَ اَمِرِه وأشکأفأنه.»
26 عیسا بٚفرمأسته: «من کی تی اَمرأ گب زئندرم هو مسیح ایسٚم!»
27 هه زمأت میأن، عیسا شأگردأن جٚه رأ فأرٚسِده و او وخت کی بیدِده اون ایتأ زنأکٚ اَمرأ گب زِئندره، قأقَ بوستٚد، امّا هیکس جٚه اوشأن نٚیأرٚستٚد وأوٚرسٚد کی چٚره اونی اَمرأ گب زِئندره.
28 او زمأت او زنأی خو خومَ چأه ورجأ بٚنأ و وأگردسته شهر و مردومَ بوگفته: 29 «بأیید اَ مردأکَ بیدینید هر چی کی تأ هسأ بوکوده بوم، مٚرَه وأگویا بوکوده. فیکر نوکونیدی اون هو مسیح بٚبه؟» 30 پس مردوم، آبادی جَا بیرون فووُستٚده کی عیسایَ بیدینٚد.
31 اَ میأنی، شأگردأن حقٚ و سعی زِئید کی عیسا ایچی بوخوره. 32 امّا عیسا اوشأنَ بوگفته: «من ایتأ خورأک دأرم کی شومأن اونی جَا وأخٚوٚر نیئیدی.»
33 شأگردأن کس‌کسٚ جَا وأورسئده: «مگه کسی اونی رِه خوردنی بأوٚرده؟»
34 عیسا بٚفرمأسته: «می خوردنی اَنٚ کی خودا خأسته‌یَ بجأ بأوٚرٚم و کأری کی مٚرَه بیسپأرده انجأم بدم. 35 شومأن فیکر کونیدی کی مأصولأنٚ چِئنٚ زمأت چأر مأه دِه، تأوستأنٚ آخرأنٚ ایسه؟ شیمی دؤرٚوٚرَ فأندرید کی بیدینید آدمأنٚ جأنٚ جَا پیله مزرعه‌یأن چِئنٚ رِه آمأده ایسه. 36 اوشأنی کی وأوینٚده، خوروم دٚسموزد فأگیرٚده کی اَ مأصولأنَ آسمأنٚ انبأرأنٚ میأن ذخیره بوکونٚد. چی پیله برکتی فأرٚسِه اوشأنی‌یَ کی کأرٚده و وأوینٚده! 37 اَ مثأل، اَیَه شینه کی دیگرأن بٚکأشتٚد و اَمأن وأوِییم. 38 من شٚمٚره اوسه کونم مأصولی‌یَ وأوینید کی اونی کأشتٚنٚ مرأرتَ البأقی آدمأن بٚکٚشئید. مرأرتَ اوشأن بٚکٚشئیدی ولی شومأن مأصولَ اوچینیدی!»
خٚیلی جٚه سأمره مردوم ایمأن اَوٚرٚده
39 او زنأی او شهر میأن هر کی‌یَ فأرٚسِیی، عیسا گبأنَ اوشأنی رِه وأگویا کودی: «اَ شخص، هر چی کی می عمرٚ میأن بوکوده بوم، مٚرَه وأگویا بوکوده!» هنٚ وأسی، خٚیلی جٚه سأمره مردوم عیسایَ ایمأن بأوٚردٚد. 40 او وخت کی اوشأن فأرٚسِده عیسا ورجأ، خأهیش بوکودٚد کی اوشأنی ورجأ بئیسه. اونم دو روج اَشأنٚ اَمرأ بئیسأ. 41 هو دو روجٚ میأن، خٚیلیأن اونی گبأنَ بشتأوستٚده و اونَ ایمأن بأوٚردٚد. 42 او وخت او زنأکَ بوگفتٚده: «اَمأن دِه فقد تی گبأنَ وأسی اونَ ایمأن نأوریم، بلکی خودمأن اونی گبأنَ بشتأوستیم و ایمأن دأریم کی اون دونیأ، نیجأت بٚدأ کس ایسه.»
عیسا ایتأ افسرٚ پٚسرَ شفأ دِهه
43 دو روجٚ پٚسی، عیسا جٚه اویَه، بوشؤ جلیلٚ اوستأن، 44 چونکی هوطؤ کی خودش بوگفته: «پیغمبر، خو شهر میأن ایحترأم نأرِه.» 45 او وخت کی فأرٚسِه جلیل، مردوم ذوق و شوقٚ اَمرأ بأمؤده اونی پیشوأز، چونکی او عَیدٚ روجأن اورشلیم میأن اونی موجیزه‌یأنَ بیدِه بود.
46 هوطؤ کی جلیلٚ میأن گردٚستأندوبو، ایوأردِه بوشؤ قانا شهرٚ میأن، هو جأیی کی عروسی جشنٚ دورون آبَ شرأب چأکوده بو. او وخت کی عیسا اویَه ایسأبو، ایتأ افسر کی اونی پٚسر نأخوش بو، جٚه کفرناحومٚ شهر بأمؤ اونی ورجأ. 47 اون بشتأوسته بو کی عیسا یوهودیه اوستأنٚ جَا رأ دکفته و فأرٚسِه جلیل. پس بأمؤ قانا میأن، عیسایَ بیأفته و اونی جَا خأهیش بوکوده کی بأیٚه و اونی پٚسرَ شفأ بٚده، چونکی اونی پٚسر مٚردأندوبو.
48 عیسا وأوٚرسِه: «آیا تأ خٚیلی موجیزه‌یأنَ نیدینید، ایمأن نأوٚریدی؟»
49 او افسر مینّت بوکوده و بوگفته: «خأهیش کونم تأ می پٚسر نٚمرده بیأ و اونَ شفأ بٚدٚن.»
50 او وخت عیسا بٚفرمأسته: «وأگرد بوشو بٚخأنه؛ تی پٚسر شفأ بیأفته.» او مردأی عیسا گبَ ایعتمأد بوکوده و وأگردسته خو شهر. 51 هنو رأ میأن ایسأبو کی اونی خیدمتکأرأن شأدی و خوشألی اَمرأ بأمؤده و بوگفتٚده: «اربأب شیمی پٚسر خُبَ بوسته.»
52 وأوٚرسِه: «اَ کی خُبَ بوسته؟» بوگفتٚده: «دیروج سأعتٚ یکٚ بعد ظهرٚ فأرٚسِئندوبو، ایوأرکی اونی تب بٚکفته.» 53 پئر بٚفأمٚسته اَن هو وخت بو کی عیسا بٚفرمأسته: «تی پٚسر شفأ بیأفته.» پس تومأمٚ خو خأنوأرٚ اَمرأ عیسایَ ایمأن بأوٚرٚد.
54 اَن عیسا دویُمی موجیزه بو کی جٚه یوهودیه بیرون اَمؤنٚ پٚسی، جلیلٚ میأن انجأم بٚدأ.
Currently Selected:
یوحنا ۴: GLK_NT
Highlight
Share
Copy
Want to have your highlights saved across all your devices? Sign up or sign in
© 2024 Transform Iran
یوحنا ۴
۴
سأمری زنأکٚ نیجأت
1 او وخت کی عیسا بٚفأمٚسته کی فریسیأن بشتأوستٚده کی اون ویشتر جٚه یوحنا کی تعمید دِهه مردومَ تعمید دئندره و ویشتر شأگرد دأره. 2 (البت عیسا شأگردأن، مردومَ تعمید دٚئیدی، نه خودش)، 3 یوهودیه‌یَ ترکَ کوده و وأگردسته جلیلَ.
4 عیسا جلیلٚ شؤئؤن رِه وأستی سأمره جَا دٚوأرٚسته بی. 5 رأ دورون، سأمره میأن ایتأ دیهأتَ فأرٚسِه کی اونی نأم سوخار بو، ایتأ زیمین نیزدیکی کی یعقوب خو پٚسر یوسفٚ فأدَه بو. 6 یعقوبٚ پیغمبرٚ چأه او زیمینٚ دورون نٚهأ بو، عیسا جٚه سٚفر خستَه بوسته بو و چأه ورجأ بینیشته.
7 پور زمأت نوبوسته کی ایتأ سأمری زنأی فأرٚسِه، چأه جَا آب فأکشه. عیسا اونَ بوگفته: «ایپچه مٚرَه آب فأدن» 8 اونی شأگردأن غذأ هِئن رِه بوشؤبود او دیهأتٚ ور.
9 او زنأی قأقَ بوسته، چونکی یوهودیأن، سأمریأنٚ اَمرأ موعأشرت نوکونیدی؛ پس عیسایَ بوگفته: «چوطؤ به تو کی یوهودی ایسی، می جَا کی سأمرییٚم آب خأیی؟»
10 عیسا جوأب بٚدأ: «اگه بدأنسته‌بی کی خودا چی خورومٚ پیشکشی خأیه تٚرَه فأدَه و اگه بدأنسته‌بی کی من کی ایسٚم، هو وخت می جَا زٚنده آبَ خأستی.»
11 او زنأی بوگفته: «تو کی بدره و لأفند نأری و چأیٚم کی جولفه؛ پس اَ زٚنده آبٚ حیأتَ جٚه کؤیَه اَوری؟ 12 مگه تو اَمی جد یعقوبٚ جَا پیله‌تری؟ چوطؤ تأنی جٚه اَ آب بِیتر اَمٚرَه فأدی، آبی کی یعقوب و اونی پٚسرأن و اوشأنی گلّه‌یأن اونی جَا وأخوردیدی؟»
13 عیسا جوأب بٚدأ: «مردوم اَ آبٚ وأخوردنٚ اَمرأ، ایوأردِه تشنه بٚدأ. 14 امّا هر کی جٚه اَ آبی کی من فأدٚم وأخوره، هیوخت اونَ تشنَه نوکونه، بلکی اَ آب اونی دورون ایتأ چشمه مأنستَن بِه کی قُل زِئندره و همیشٚکی زٚندیگی‌یَ اونَ بخشه.»
15 زن بوگفته: «آقأ، خأهیش کونم ایپچه اَ آبَ مٚرَه فأدن کی دِه تشنَه نٚبم و مجبور نٚبم هر روج اَ رأیَ بأیٚم و وأگردم.»
16 امّا عیسا بٚفرمأسته: «بوشو تی مردَ بأوٚر.»
17 زن جوأب بٚدأ: «مرد نأرٚم.»
عیسا بٚفرمأسته: «رأس بوگفتی. 18 تأ هسأ پنج وأر مردٚ بوستی و اَ مردأکی کی اَسه اونی اَمرأ زٚندیگی کونی، تی مرد نییٚه. تو رأس بوگفتی!»
19 او زنأی کی قأقَ بوسته بو، بوگفته: «آقأ، دینٚم کی شومأن پیغمبری!» 20 و دفأتن گب بٚسٚرَ کود و بوگفته: «چٚره شومأن یوهودیأن ایصرأر کونیدی کی فقد اورشلیمَ خودا عیبأدتٚ جیگأ بدأنید؟ ولی اَنکی اَمأن سأمریأن، اَمی پئرأنٚ مأنستَن اَ کوهَ عیبأدتٚ جیگأ دأنیم؟»
21 عیسا جوأب بٚدأ: «اَی زنأی، می گبأنَ بأوٚر بوکون. ای وخت فأرٚسِه کی پئرَ، نه اَ کوه جؤر عیبأدت کونیدی، نه اورشلیمٚ میأن. 22 شومأن سأمریأن اونٚ کی عیبأدت کونیدی جَا هیچی نأنیدی ولی اَمأن یوهودیأن اونَ شنأسیمی، چونکی نیجأت جٚه یوهود اَ دونیأ رِه فرأهم بِه. 23 ولی ایتأ زمأت فأرٚسِه و رأس‌رأسِی کی هسأ بأمؤ، کی رأس‌رأسِی پرستٚنده‌یأن، پئرَ روح و رأستی اَمرأ پرستٚش کونٚده. پئر اَطؤچی آدمأنَ خأیه کی اونَ پرستش بوکونٚد. 24 چونکی خودا روح ایسه و هر کی بٚخأیٚه اونَ پرستٚش بوکونه، وأستی روح و رأستی اَمرأ پرستٚش بوکونه.»
25 زنأی بوگفته: «من دأنٚم پور زمأت نیبه کی مسیح اَیِه. شومأن یوهودیأنٚم اَنَ قوبیل دأریدی و او وخت کی اون بأیٚه همه چی‌یَ اَمِرِه وأشکأفأنه.»
26 عیسا بٚفرمأسته: «من کی تی اَمرأ گب زئندرم هو مسیح ایسٚم!»
27 هه زمأت میأن، عیسا شأگردأن جٚه رأ فأرٚسِده و او وخت کی بیدِده اون ایتأ زنأکٚ اَمرأ گب زِئندره، قأقَ بوستٚد، امّا هیکس جٚه اوشأن نٚیأرٚستٚد وأوٚرسٚد کی چٚره اونی اَمرأ گب زِئندره.
28 او زمأت او زنأی خو خومَ چأه ورجأ بٚنأ و وأگردسته شهر و مردومَ بوگفته: 29 «بأیید اَ مردأکَ بیدینید هر چی کی تأ هسأ بوکوده بوم، مٚرَه وأگویا بوکوده. فیکر نوکونیدی اون هو مسیح بٚبه؟» 30 پس مردوم، آبادی جَا بیرون فووُستٚده کی عیسایَ بیدینٚد.
31 اَ میأنی، شأگردأن حقٚ و سعی زِئید کی عیسا ایچی بوخوره. 32 امّا عیسا اوشأنَ بوگفته: «من ایتأ خورأک دأرم کی شومأن اونی جَا وأخٚوٚر نیئیدی.»
33 شأگردأن کس‌کسٚ جَا وأورسئده: «مگه کسی اونی رِه خوردنی بأوٚرده؟»
34 عیسا بٚفرمأسته: «می خوردنی اَنٚ کی خودا خأسته‌یَ بجأ بأوٚرٚم و کأری کی مٚرَه بیسپأرده انجأم بدم. 35 شومأن فیکر کونیدی کی مأصولأنٚ چِئنٚ زمأت چأر مأه دِه، تأوستأنٚ آخرأنٚ ایسه؟ شیمی دؤرٚوٚرَ فأندرید کی بیدینید آدمأنٚ جأنٚ جَا پیله مزرعه‌یأن چِئنٚ رِه آمأده ایسه. 36 اوشأنی کی وأوینٚده، خوروم دٚسموزد فأگیرٚده کی اَ مأصولأنَ آسمأنٚ انبأرأنٚ میأن ذخیره بوکونٚد. چی پیله برکتی فأرٚسِه اوشأنی‌یَ کی کأرٚده و وأوینٚده! 37 اَ مثأل، اَیَه شینه کی دیگرأن بٚکأشتٚد و اَمأن وأوِییم. 38 من شٚمٚره اوسه کونم مأصولی‌یَ وأوینید کی اونی کأشتٚنٚ مرأرتَ البأقی آدمأن بٚکٚشئید. مرأرتَ اوشأن بٚکٚشئیدی ولی شومأن مأصولَ اوچینیدی!»
خٚیلی جٚه سأمره مردوم ایمأن اَوٚرٚده
39 او زنأی او شهر میأن هر کی‌یَ فأرٚسِیی، عیسا گبأنَ اوشأنی رِه وأگویا کودی: «اَ شخص، هر چی کی می عمرٚ میأن بوکوده بوم، مٚرَه وأگویا بوکوده!» هنٚ وأسی، خٚیلی جٚه سأمره مردوم عیسایَ ایمأن بأوٚردٚد. 40 او وخت کی اوشأن فأرٚسِده عیسا ورجأ، خأهیش بوکودٚد کی اوشأنی ورجأ بئیسه. اونم دو روج اَشأنٚ اَمرأ بئیسأ. 41 هو دو روجٚ میأن، خٚیلیأن اونی گبأنَ بشتأوستٚده و اونَ ایمأن بأوٚردٚد. 42 او وخت او زنأکَ بوگفتٚده: «اَمأن دِه فقد تی گبأنَ وأسی اونَ ایمأن نأوریم، بلکی خودمأن اونی گبأنَ بشتأوستیم و ایمأن دأریم کی اون دونیأ، نیجأت بٚدأ کس ایسه.»
عیسا ایتأ افسرٚ پٚسرَ شفأ دِهه
43 دو روجٚ پٚسی، عیسا جٚه اویَه، بوشؤ جلیلٚ اوستأن، 44 چونکی هوطؤ کی خودش بوگفته: «پیغمبر، خو شهر میأن ایحترأم نأرِه.» 45 او وخت کی فأرٚسِه جلیل، مردوم ذوق و شوقٚ اَمرأ بأمؤده اونی پیشوأز، چونکی او عَیدٚ روجأن اورشلیم میأن اونی موجیزه‌یأنَ بیدِه بود.
46 هوطؤ کی جلیلٚ میأن گردٚستأندوبو، ایوأردِه بوشؤ قانا شهرٚ میأن، هو جأیی کی عروسی جشنٚ دورون آبَ شرأب چأکوده بو. او وخت کی عیسا اویَه ایسأبو، ایتأ افسر کی اونی پٚسر نأخوش بو، جٚه کفرناحومٚ شهر بأمؤ اونی ورجأ. 47 اون بشتأوسته بو کی عیسا یوهودیه اوستأنٚ جَا رأ دکفته و فأرٚسِه جلیل. پس بأمؤ قانا میأن، عیسایَ بیأفته و اونی جَا خأهیش بوکوده کی بأیٚه و اونی پٚسرَ شفأ بٚده، چونکی اونی پٚسر مٚردأندوبو.
48 عیسا وأوٚرسِه: «آیا تأ خٚیلی موجیزه‌یأنَ نیدینید، ایمأن نأوٚریدی؟»
49 او افسر مینّت بوکوده و بوگفته: «خأهیش کونم تأ می پٚسر نٚمرده بیأ و اونَ شفأ بٚدٚن.»
50 او وخت عیسا بٚفرمأسته: «وأگرد بوشو بٚخأنه؛ تی پٚسر شفأ بیأفته.» او مردأی عیسا گبَ ایعتمأد بوکوده و وأگردسته خو شهر. 51 هنو رأ میأن ایسأبو کی اونی خیدمتکأرأن شأدی و خوشألی اَمرأ بأمؤده و بوگفتٚده: «اربأب شیمی پٚسر خُبَ بوسته.»
52 وأوٚرسِه: «اَ کی خُبَ بوسته؟» بوگفتٚده: «دیروج سأعتٚ یکٚ بعد ظهرٚ فأرٚسِئندوبو، ایوأرکی اونی تب بٚکفته.» 53 پئر بٚفأمٚسته اَن هو وخت بو کی عیسا بٚفرمأسته: «تی پٚسر شفأ بیأفته.» پس تومأمٚ خو خأنوأرٚ اَمرأ عیسایَ ایمأن بأوٚرٚد.
54 اَن عیسا دویُمی موجیزه بو کی جٚه یوهودیه بیرون اَمؤنٚ پٚسی، جلیلٚ میأن انجأم بٚدأ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Transform Iran