HADUI DAHA' SIHU TUHAN 14
14
Hadui Paulus dawa' Barnabas ha' Ikonium dahin ha' Listra
1Ha' daléh Ikonium tei nah dawa' anan tugung halem uma sebayang daha' Yahudi, pelalau duan nuréh-nutih ateng kuri-kuri kahum daha' Yahudi dahin daha' Yunani pah nginah. 2#HST 13:45 Bi daha' Yahudi aleng muau atih peperah kenep daha' bengsa' ha' béh dahin na daha' heléh dahin daha' harin tam atih. 3#Mk 16:20; HST 19:11; Ib 2:4 Dara nah dawa' melo' hinan, dawa' pah sa' nei makang bara dahun Tuhan men daha'. Tuhan pah menglan dengah sayu dahin halam Na' aleng dawa' bara atih teneng lan, dahin ma'uk tingan men dawa' ngavan dawa' na hadui ngavan daha' ngeniheng. 4Bi lim daha' kahum alem daléh atih pah petulan nah, iha' atih balei ngioh daha' Yahudi dahin aleng ha' béh atih ngioh dawa' sihu Tuhan. 5#HST 14:19; 2 Tim 3:11 Tegu daha' aleng alem adet ha' béh dahin daha' Yahudi pah dahin daha' kelunan aya' nei peju seng pekaté' dawa' dahin nyeparik bato' té' dawa', 6#Mat 10:23 bi kitan dawa' atih pah dengah atih, pelalau dawa' lap ha' daléh Listra, dahin Derbe, aleng alem daléh Likaonia, dahin ha' daléh-daléh aleng teliling anan. 7#HST 11:19-20 Hinan pah dawa' pedengah dengah sayu atih.
8 #
Yoh 9:1; HST 3:2,9 Té' pah ha' Listra atih té' ji kelunan aleng melo' pa'en-pa'en avin kudek na' lema, aleng uh kapet men alem butit hinan na', aleng em payan panau. 9#Mat 9:28; HST 3:4 Laké' anan kelenghi dahun Paulus; Paulus pah ngetneng nyineng iha'. Tegu iha' nelana' kenep lake' atih nginah iha' deng nei magéh, 10pelalau Paulus kuma' dahin dekaya' dahun na', ken na', “Biti nah im, nekring té' kudek ka'.” Lun nepujuk nah iha', pelalau panau. 11#HST 28:6 Tegu daha' kahum nyineng hadui Paulus atih daha' pah nya'ui pelalau kuma' alem dahun daha' Likaonia, “Dayung uh nesun té' ji la'ung té' hang tam.” 12Daha' na aran Barnabas atih Zeus, dahin Paulus atih Hermes, avin iha' nah aleng matoh na-na daho'. 13Nei nah imam aleng puboh hudo' Zeus aleng té' hawang daléh atih pelalau geri kelebau dahin lavung bunga' ha' ketamen daléh atih, avin daha' bangu ngenep ma'uk laluh men dawa' sihu Tuhan atih.
14Bi tegu dawa' sihu Tuhan atih, Barnabas dahin Paulus, kelenghi daho' atih, pelalau dawa' mirak nah basung dawa', dahin tepurung té' hang daha' kahum, dahin medéng, 15#Us 20:11; NDI 146:6; Yes 37:16; Yer 32:17; Yak 5:17 kuma', “U Amei, nun tavit na' ikam na nunih? Kawa' pah kelunan lahuh, piah barik awi barik kam. Kawa' nei bara dengah aleng sayu, ja ikam ngelisah men ket aleng tung-tung anih tei uli pala Tuhan Allah aleng murip, aleng uh na langit dahin usun tana dahin ata' banget, dahin lim-lim ket aleng té' alem na'. 16#HST 17:30 Alem kuri-kuri dara urip menuna' Allah mekoh daha' ha'ut na'an hipun kenep daha' dep. 17#NDI 147:8; Yer 5:24 Bi nusi' Ha' em té' daho' aleng petula Iha', avin Iha' uh na sayu dahin ma'uk usan men langit men ikam, dahin ma'uk melei murip ha'ut duman, dahin ngebesoh ikam té' kanen dahin na kenep kam melu,” ken na'.
18Té' daho' anih nah en dawa' eng nah daha' kahum aleng ngenep ma'uk laluh atih men dawa'.
19 #
2 Kor 11:25; 2 Tim 3:11 Bi nei nah kuri-kuri la'ung daha' Yahudi men Antiokhia dahin Ikonium. Tegu daha' uh mejat kenep daha' kahum, en daha' separik nah bato' té' Paulus, en daha' hin nah iha' ji'ek musang men daléh atih, avin kurin kenep daha' iha' uh matei. 20Alem daha' anak sekulah nekring teliling iha', beka' nei nah iha' peju, dahin tei halem daléh. Dau malah jima, musang nah iha' tei ha' daléh Derbe tei tugung Barnabas.
Paulus dawa' Barnabas uli ha' Antiokhia
21 #
Mat 28:19
Tegu dawa' uh pedengah dengah sayu ha' daléh anan, dahin na kahum anak sekulah, uli nah dawa' ha' Listra la'an dahin Ikonium dahin Antiokhia, 22#Mat 7:14; HST 11:23; 1 Tes 3:3 dahin petageng kenep daha' anak sekulah dahin nangen daha' ja daha' nginah pa'en, té' pah dawa' bara adang seng té' kahum katé', uh anan itam tei halem keligem Allah. 23#HST 13:3 En dawa' petneng nah kelunan aleng mayak daha' ha'ut-ha'ut sidang dahin sebayang dahin pelien, en dawa' uk nah dalo' anan men Tuhan aleng ngavan dalo' nginah atih.
24Uh dawa' tutam anau dawa' ha' daléh Pisidia, ateng nah dawa' ha' daléh Pamfilia. 25Tegu dawa' uh na'lung ha' Perga, dawa' ngiléh tei ha' Atalia. 26#HST 13:1-2 Men inan nah dawa' tei té' kapen ateng ha' Antiokia ngavan daha' uh ma'uk dawa' men asi Allah aring dawa' matoh hadui dawa' menuna' dih, aleng uh en dawa' pela'ung atih. 27#HST 11:18; 1 Kor 16:9 Uh nah dawa' ateng hinan, dahin mepeng daha' sidang atih, en dawa' nira nah lim-lim ket aleng uh en Allah na té' dawa', dahin marung tuk Iha' uh neng'ap ba ketamen kinah men kelunan aleng alem adet ha' béh. 28Melo' nah dawa' kuri-kuri dara dahin daha' anak sekulah atih.
Currently Selected:
HADUI DAHA' SIHU TUHAN 14: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 14
14
Hadui Paulus dawa' Barnabas ha' Ikonium dahin ha' Listra
1Ha' daléh Ikonium tei nah dawa' anan tugung halem uma sebayang daha' Yahudi, pelalau duan nuréh-nutih ateng kuri-kuri kahum daha' Yahudi dahin daha' Yunani pah nginah. 2#HST 13:45 Bi daha' Yahudi aleng muau atih peperah kenep daha' bengsa' ha' béh dahin na daha' heléh dahin daha' harin tam atih. 3#Mk 16:20; HST 19:11; Ib 2:4 Dara nah dawa' melo' hinan, dawa' pah sa' nei makang bara dahun Tuhan men daha'. Tuhan pah menglan dengah sayu dahin halam Na' aleng dawa' bara atih teneng lan, dahin ma'uk tingan men dawa' ngavan dawa' na hadui ngavan daha' ngeniheng. 4Bi lim daha' kahum alem daléh atih pah petulan nah, iha' atih balei ngioh daha' Yahudi dahin aleng ha' béh atih ngioh dawa' sihu Tuhan. 5#HST 14:19; 2 Tim 3:11 Tegu daha' aleng alem adet ha' béh dahin daha' Yahudi pah dahin daha' kelunan aya' nei peju seng pekaté' dawa' dahin nyeparik bato' té' dawa', 6#Mat 10:23 bi kitan dawa' atih pah dengah atih, pelalau dawa' lap ha' daléh Listra, dahin Derbe, aleng alem daléh Likaonia, dahin ha' daléh-daléh aleng teliling anan. 7#HST 11:19-20 Hinan pah dawa' pedengah dengah sayu atih.
8 #
Yoh 9:1; HST 3:2,9 Té' pah ha' Listra atih té' ji kelunan aleng melo' pa'en-pa'en avin kudek na' lema, aleng uh kapet men alem butit hinan na', aleng em payan panau. 9#Mat 9:28; HST 3:4 Laké' anan kelenghi dahun Paulus; Paulus pah ngetneng nyineng iha'. Tegu iha' nelana' kenep lake' atih nginah iha' deng nei magéh, 10pelalau Paulus kuma' dahin dekaya' dahun na', ken na', “Biti nah im, nekring té' kudek ka'.” Lun nepujuk nah iha', pelalau panau. 11#HST 28:6 Tegu daha' kahum nyineng hadui Paulus atih daha' pah nya'ui pelalau kuma' alem dahun daha' Likaonia, “Dayung uh nesun té' ji la'ung té' hang tam.” 12Daha' na aran Barnabas atih Zeus, dahin Paulus atih Hermes, avin iha' nah aleng matoh na-na daho'. 13Nei nah imam aleng puboh hudo' Zeus aleng té' hawang daléh atih pelalau geri kelebau dahin lavung bunga' ha' ketamen daléh atih, avin daha' bangu ngenep ma'uk laluh men dawa' sihu Tuhan atih.
14Bi tegu dawa' sihu Tuhan atih, Barnabas dahin Paulus, kelenghi daho' atih, pelalau dawa' mirak nah basung dawa', dahin tepurung té' hang daha' kahum, dahin medéng, 15#Us 20:11; NDI 146:6; Yes 37:16; Yer 32:17; Yak 5:17 kuma', “U Amei, nun tavit na' ikam na nunih? Kawa' pah kelunan lahuh, piah barik awi barik kam. Kawa' nei bara dengah aleng sayu, ja ikam ngelisah men ket aleng tung-tung anih tei uli pala Tuhan Allah aleng murip, aleng uh na langit dahin usun tana dahin ata' banget, dahin lim-lim ket aleng té' alem na'. 16#HST 17:30 Alem kuri-kuri dara urip menuna' Allah mekoh daha' ha'ut na'an hipun kenep daha' dep. 17#NDI 147:8; Yer 5:24 Bi nusi' Ha' em té' daho' aleng petula Iha', avin Iha' uh na sayu dahin ma'uk usan men langit men ikam, dahin ma'uk melei murip ha'ut duman, dahin ngebesoh ikam té' kanen dahin na kenep kam melu,” ken na'.
18Té' daho' anih nah en dawa' eng nah daha' kahum aleng ngenep ma'uk laluh atih men dawa'.
19 #
2 Kor 11:25; 2 Tim 3:11 Bi nei nah kuri-kuri la'ung daha' Yahudi men Antiokhia dahin Ikonium. Tegu daha' uh mejat kenep daha' kahum, en daha' separik nah bato' té' Paulus, en daha' hin nah iha' ji'ek musang men daléh atih, avin kurin kenep daha' iha' uh matei. 20Alem daha' anak sekulah nekring teliling iha', beka' nei nah iha' peju, dahin tei halem daléh. Dau malah jima, musang nah iha' tei ha' daléh Derbe tei tugung Barnabas.
Paulus dawa' Barnabas uli ha' Antiokhia
21 #
Mat 28:19
Tegu dawa' uh pedengah dengah sayu ha' daléh anan, dahin na kahum anak sekulah, uli nah dawa' ha' Listra la'an dahin Ikonium dahin Antiokhia, 22#Mat 7:14; HST 11:23; 1 Tes 3:3 dahin petageng kenep daha' anak sekulah dahin nangen daha' ja daha' nginah pa'en, té' pah dawa' bara adang seng té' kahum katé', uh anan itam tei halem keligem Allah. 23#HST 13:3 En dawa' petneng nah kelunan aleng mayak daha' ha'ut-ha'ut sidang dahin sebayang dahin pelien, en dawa' uk nah dalo' anan men Tuhan aleng ngavan dalo' nginah atih.
24Uh dawa' tutam anau dawa' ha' daléh Pisidia, ateng nah dawa' ha' daléh Pamfilia. 25Tegu dawa' uh na'lung ha' Perga, dawa' ngiléh tei ha' Atalia. 26#HST 13:1-2 Men inan nah dawa' tei té' kapen ateng ha' Antiokia ngavan daha' uh ma'uk dawa' men asi Allah aring dawa' matoh hadui dawa' menuna' dih, aleng uh en dawa' pela'ung atih. 27#HST 11:18; 1 Kor 16:9 Uh nah dawa' ateng hinan, dahin mepeng daha' sidang atih, en dawa' nira nah lim-lim ket aleng uh en Allah na té' dawa', dahin marung tuk Iha' uh neng'ap ba ketamen kinah men kelunan aleng alem adet ha' béh. 28Melo' nah dawa' kuri-kuri dara dahin daha' anak sekulah atih.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.