HADUI DAHA' SIHU TUHAN 15
15
Peng sihu Tuhan ha' Yerusalem
1 #
Lewi 12:3; Gal 5:2 Té' kah daha' balei nei men Yudea, nei ha' Antiokhia, dahin katuk daha' peharin tam tinan, dahun dalo', “Iha' ikam em sunat ngioh adet Musa, nusi' nah ikam deng seng ala urip.” 2#11:30; Gal 2:1 Tegu Paulus dawa' Barnabas pesekdep aya' kenep dahin pehagen dahin dalo', daha' peharin nyihu Paulus dawa' Barnabas dahin kuri-kuri la'ung ha' béh atih tei ha' Yerusalem pala daha' sihu Tuhan dahin daha' aleng dekaya', meteng marung tuk atih.
3Avin iha' nutih daha' sidang maten dawa' sihu Tuhan atih musang, dawa' pah lalau daléh Fenisia dahin Samaria dahin petira marung tuk kelunan aleng alem adet ha' béh men'a uh ngelisah kenep: daho' atih nah na lim daha' harin tam atih kelalau sayu kenep.
4 #
HST 14:27
Ateng nah dawa' ha' Yerusalem, daha' sidang dahin daha' sihu Tuhan dahin daha' aleng dekaya' pelalau ala dawa', pelalau dawa' nira lim-lim tuk aleng uh en Allah na té' dawa' atih. 5Bi nei peju nah kuri-kuri la'ung aleng ngioh adet Farisi bi daha' atih aleng uh nginah lahuh, ken daha', “Adang tekep nyunat daha' dahin nangen daha' ngioh tebara Musa.”
6Lun daha' sihu Tuhan dahin daha' aleng dekaya' pepeng seng pelemana' marung tuk atih. 7#HST 10:44; 11:15 Tegu daha' atih uh kelalau pehakat, peju nah Petrus pelalau kuma' men daha', “U kelo' harik, kitan kam kah akui uh dara en Allah mili té' hang kam ja men ba kui anih nah daha' bengsa' ha' béh kelenghi dengah sayu, dahin nginah na'. 8Allah aleng jam kenep kelunan uh bara kenep Na' men daha' atih, alem Iha' ma'uk men daha' Belua' Ma'ang piah awi Iha' uh ma'uk men itam. 9#HST 10:34 Ji nun pah Iha' em ngetuman té' hang tam dahin daha' atih, avin kenep daha' atih pah hu'un en Na' na ma'ang kenan kinah. 10#Mat 11:30; Gal 3:10; 5:1 Avin ha' nutih, na' nun kelo' pesek Allah dahin ngenep nyangan ket té' la'ip daha' anak sekulah anih, bi sepun tam dahin itam anih pah lahuh em deng nyi'un na'? 11#Gal 2:16; Ef 2:4-10 Bi aleng lan na' itam anih pah uh nginah té' asi Tuhan Yesus aleng ngavan tam ala urip, awi jam tuk daha' atih lahuh.”
12Lun tepaka' tua nah daha' kahum atih kelenghi dahun Barnabas dawa' Paulus nira lim tada' dahin hadui ngavan daha' ngeniheng aleng uh en Allah na té' hang daha' bengsa' ha' béh kenan dawa' atih.
13 #
HST 21:18; Gal 2:9 Hu'uh Paulus dawa' Barnabas nan duan, iha' pah Yakobus duan la'an, ken na', “U kelo' harik-harik lim, kelenghi nah kelo' dahuk. 14#Lk 1:68; HST 15:7-9 Uh nah Simon nira marung tuk men aring na' Allah tei pala kelunan bengsa' ha' béh, dahin mili men hang daha' ji peng men aran Na'. 15#Am 9:11-12 Tuk atih piah-piah dahin dahun daha' nabi, awi jam tuk aleng uh kalung nunih,
16 #
Yer 12:15; Am 9:11-12 ‘Men'uh anih Akui seng nei nekulah
dahin meju la'an uma Daud aleng hu'uh levah,
uvuk-uvuk na' Akui seng na na' maring,
Akui pah seng meju na' la'an,
17ja la'an kelunan atih deng ilau Tuhan,
nurei pah lim kelunan bengsa' ha' béh lahuh aleng uh ga' uvui alem aran Kui.
18 #
Yes 45:21
Nunan nah dahun Tuhan aleng petula tuk-tuk anih men aring usun tana anih.’
19“Avin iha' nutih, aleng kenep kui, meng tam pela'ei daha' men hang kelunan aleng alem adet ha' béh men'a, aleng uh ngelisah pala Allah. 20#Ar Kel 9:4; Lewi 3:17; 5:2; 17:10-16 Bi sayu nah itam na surat men daha', ja daha' mukéh men lim asep hudo', men petuyang, men lim tulan aleng matei jelevin keran na' dahin men daha lahuh. 21#HST 13:15 Avin men urip menuna' tebara Musa en daha' pedengah alem ha'ut-ha'ut daléh, ateng kerei inih pah tebara atih en daha' basa' ha'ut Dau Kelarah alem ha'ut-ha'ut uma sebayang.”
22Avin anan teneng nah pakat daha' sihu Tuhan dahin daha' kelunan aya' dahin lim daha' sidang mili kuri-kuri kelunan men hang daha' seng tei ha' Antiokhia tugung Paulus dawa' Barnabas, iha' atih Yudas aleng aran na' Barsabas lahuh, dahin Silas, iha' anan nah aleng mayak harin tam atih. 23En daha' kato' nah ji surat tugung dalo' atih, nunih dahun na':
Sayu lelan kenep alo' sihu Tuhan, dahin daha' kelunan aya' lim, kamé' aleng harin kam menei surat anih men ikam aleng ha' daléh Antiokhia dahin daléh Siria dahin daléh Kilikia lahuh, aleng pa'un kam men adet ha' béh men'a. 24#HST 15:1 Té' dengah en amé' kelenghi, iha' tih marung balei daha' men kamé' nih aleng nei ngelesé' ikam dahin daho' aleng na kenep kam tei tusah dahin tei benghang té' katuk daha'. Bi marung daha' anan nusi' nah té' kamé' nyihu daha' anan nei. 25Avin iha' nutih, uh butet nah daho' dahin pakat amé' mili kuri-kuri kelunan nyihu nei ha' ikam tugung Barnabas dawa' Paulus aleng en amé' nyalam atih, 26kelunan aleng uh ma'uk hengan dawa' avin aran Tuhan tam Yesus Kristus. 27Avin iha' nutih kamé' nyihu Yudas dahin Silas nei geri dahun amé' nengaran daho' anih men ikam. 28#Mat 23:4 Avin nunan utet aleng pega' men Belua' Ma'ang dahin men kamé' lahuh, ja meng nah metei bé' aleng bahat té' ujung kam men'uh ket aleng té' bang na' lan men ikam nunih, 29iha' tih meng kam kuman ket aleng en daha' uk men hudo', meng kam kani daha tulan, meng kam kani tulan aleng matei jelevin keran na', mengan nah batung kam men barik petuyang. Mengan nah ikam sayu-sayu, tuboh nah batung kam men lim ket anih. Dena' sayu nah kenep kam.”
30Avin ha' nutih tegu dalo' atih uh en daha' koh, dalo' ngiléh tei ha' Antiokhia. Hu'uh dalo' mepeng daha' lim atih en dalo' uk nah surat atih. 31Tegu daha' hu'uh basa' surat atih, pelalau melu nah daha' marung katuk aleng alem surat atih. 32#HST 12:12,25 Yudas dahin Silas aleng kelunan nabi lahuh nangen kenep daha' harin tam atih té' kuri-kuri kahum daho', dahin petageng daha'. 33Tegu dalo' atih uh melo' tinan kuri-kuri dara, en daha' harin tam koh nah dalo' dahin sayu kenep ja dalo' uli ha' daha' aleng uh nyihu dalo'. 34Bi kenep Silas ngenep melo' tinan.
Anau aleng kedua' ngavan bara dengah sayu.
Paulus dawa' Barnabas sekdep kenep
35Bi Paulus dahin Barnabas melo' ha' Antiokhia, dahin kahum kelunan aleng ha' béh lahuh, katuk dahin bara dahun Tuhan.
36Men'uh kuri-kuri dau, Paulus kuma' men Barnabas, “Tei nah itu' ngelua ha' harin-harin tu' alem ha'ut daléh ngavan tu' hu'uh bara dahun Tuhan dih, nyineng nuno' tuk jam daha'.” 37Barnabas ngenep seng geri Yohanes dahin dawa' lahuh, aleng en daha' kuma' Markus. 38#HST 13:13; Kol 4:10 Bi Paulus menangen kuma', “Meng tu' geri iha' avin iha' melek itu' ha' Pamfilia em kaséh peji nyadui dahin tu' dih,” ken na'. 39#HST 4:36; 13:4 Bi nei nah kenep dawa' selepi lelan ateng dawa' petat, Barnabas atih pah geri Markus dahin na', pelalau leka' tugung kapen tei ha' Siprus. 40Bi Paulus mili Silas dahin tei leka', iha' tih men'uh daha' harin tam ma'uk iha' alem asi Tuhan. 41Pelalau iha' panau alem lim daléh Siria dahin Kilikia dahin petageng lim sidang.
Currently Selected:
HADUI DAHA' SIHU TUHAN 15: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
HADUI DAHA' SIHU TUHAN 15
15
Peng sihu Tuhan ha' Yerusalem
1 #
Lewi 12:3; Gal 5:2 Té' kah daha' balei nei men Yudea, nei ha' Antiokhia, dahin katuk daha' peharin tam tinan, dahun dalo', “Iha' ikam em sunat ngioh adet Musa, nusi' nah ikam deng seng ala urip.” 2#11:30; Gal 2:1 Tegu Paulus dawa' Barnabas pesekdep aya' kenep dahin pehagen dahin dalo', daha' peharin nyihu Paulus dawa' Barnabas dahin kuri-kuri la'ung ha' béh atih tei ha' Yerusalem pala daha' sihu Tuhan dahin daha' aleng dekaya', meteng marung tuk atih.
3Avin iha' nutih daha' sidang maten dawa' sihu Tuhan atih musang, dawa' pah lalau daléh Fenisia dahin Samaria dahin petira marung tuk kelunan aleng alem adet ha' béh men'a uh ngelisah kenep: daho' atih nah na lim daha' harin tam atih kelalau sayu kenep.
4 #
HST 14:27
Ateng nah dawa' ha' Yerusalem, daha' sidang dahin daha' sihu Tuhan dahin daha' aleng dekaya' pelalau ala dawa', pelalau dawa' nira lim-lim tuk aleng uh en Allah na té' dawa' atih. 5Bi nei peju nah kuri-kuri la'ung aleng ngioh adet Farisi bi daha' atih aleng uh nginah lahuh, ken daha', “Adang tekep nyunat daha' dahin nangen daha' ngioh tebara Musa.”
6Lun daha' sihu Tuhan dahin daha' aleng dekaya' pepeng seng pelemana' marung tuk atih. 7#HST 10:44; 11:15 Tegu daha' atih uh kelalau pehakat, peju nah Petrus pelalau kuma' men daha', “U kelo' harik, kitan kam kah akui uh dara en Allah mili té' hang kam ja men ba kui anih nah daha' bengsa' ha' béh kelenghi dengah sayu, dahin nginah na'. 8Allah aleng jam kenep kelunan uh bara kenep Na' men daha' atih, alem Iha' ma'uk men daha' Belua' Ma'ang piah awi Iha' uh ma'uk men itam. 9#HST 10:34 Ji nun pah Iha' em ngetuman té' hang tam dahin daha' atih, avin kenep daha' atih pah hu'un en Na' na ma'ang kenan kinah. 10#Mat 11:30; Gal 3:10; 5:1 Avin ha' nutih, na' nun kelo' pesek Allah dahin ngenep nyangan ket té' la'ip daha' anak sekulah anih, bi sepun tam dahin itam anih pah lahuh em deng nyi'un na'? 11#Gal 2:16; Ef 2:4-10 Bi aleng lan na' itam anih pah uh nginah té' asi Tuhan Yesus aleng ngavan tam ala urip, awi jam tuk daha' atih lahuh.”
12Lun tepaka' tua nah daha' kahum atih kelenghi dahun Barnabas dawa' Paulus nira lim tada' dahin hadui ngavan daha' ngeniheng aleng uh en Allah na té' hang daha' bengsa' ha' béh kenan dawa' atih.
13 #
HST 21:18; Gal 2:9 Hu'uh Paulus dawa' Barnabas nan duan, iha' pah Yakobus duan la'an, ken na', “U kelo' harik-harik lim, kelenghi nah kelo' dahuk. 14#Lk 1:68; HST 15:7-9 Uh nah Simon nira marung tuk men aring na' Allah tei pala kelunan bengsa' ha' béh, dahin mili men hang daha' ji peng men aran Na'. 15#Am 9:11-12 Tuk atih piah-piah dahin dahun daha' nabi, awi jam tuk aleng uh kalung nunih,
16 #
Yer 12:15; Am 9:11-12 ‘Men'uh anih Akui seng nei nekulah
dahin meju la'an uma Daud aleng hu'uh levah,
uvuk-uvuk na' Akui seng na na' maring,
Akui pah seng meju na' la'an,
17ja la'an kelunan atih deng ilau Tuhan,
nurei pah lim kelunan bengsa' ha' béh lahuh aleng uh ga' uvui alem aran Kui.
18 #
Yes 45:21
Nunan nah dahun Tuhan aleng petula tuk-tuk anih men aring usun tana anih.’
19“Avin iha' nutih, aleng kenep kui, meng tam pela'ei daha' men hang kelunan aleng alem adet ha' béh men'a, aleng uh ngelisah pala Allah. 20#Ar Kel 9:4; Lewi 3:17; 5:2; 17:10-16 Bi sayu nah itam na surat men daha', ja daha' mukéh men lim asep hudo', men petuyang, men lim tulan aleng matei jelevin keran na' dahin men daha lahuh. 21#HST 13:15 Avin men urip menuna' tebara Musa en daha' pedengah alem ha'ut-ha'ut daléh, ateng kerei inih pah tebara atih en daha' basa' ha'ut Dau Kelarah alem ha'ut-ha'ut uma sebayang.”
22Avin anan teneng nah pakat daha' sihu Tuhan dahin daha' kelunan aya' dahin lim daha' sidang mili kuri-kuri kelunan men hang daha' seng tei ha' Antiokhia tugung Paulus dawa' Barnabas, iha' atih Yudas aleng aran na' Barsabas lahuh, dahin Silas, iha' anan nah aleng mayak harin tam atih. 23En daha' kato' nah ji surat tugung dalo' atih, nunih dahun na':
Sayu lelan kenep alo' sihu Tuhan, dahin daha' kelunan aya' lim, kamé' aleng harin kam menei surat anih men ikam aleng ha' daléh Antiokhia dahin daléh Siria dahin daléh Kilikia lahuh, aleng pa'un kam men adet ha' béh men'a. 24#HST 15:1 Té' dengah en amé' kelenghi, iha' tih marung balei daha' men kamé' nih aleng nei ngelesé' ikam dahin daho' aleng na kenep kam tei tusah dahin tei benghang té' katuk daha'. Bi marung daha' anan nusi' nah té' kamé' nyihu daha' anan nei. 25Avin iha' nutih, uh butet nah daho' dahin pakat amé' mili kuri-kuri kelunan nyihu nei ha' ikam tugung Barnabas dawa' Paulus aleng en amé' nyalam atih, 26kelunan aleng uh ma'uk hengan dawa' avin aran Tuhan tam Yesus Kristus. 27Avin iha' nutih kamé' nyihu Yudas dahin Silas nei geri dahun amé' nengaran daho' anih men ikam. 28#Mat 23:4 Avin nunan utet aleng pega' men Belua' Ma'ang dahin men kamé' lahuh, ja meng nah metei bé' aleng bahat té' ujung kam men'uh ket aleng té' bang na' lan men ikam nunih, 29iha' tih meng kam kuman ket aleng en daha' uk men hudo', meng kam kani daha tulan, meng kam kani tulan aleng matei jelevin keran na', mengan nah batung kam men barik petuyang. Mengan nah ikam sayu-sayu, tuboh nah batung kam men lim ket anih. Dena' sayu nah kenep kam.”
30Avin ha' nutih tegu dalo' atih uh en daha' koh, dalo' ngiléh tei ha' Antiokhia. Hu'uh dalo' mepeng daha' lim atih en dalo' uk nah surat atih. 31Tegu daha' hu'uh basa' surat atih, pelalau melu nah daha' marung katuk aleng alem surat atih. 32#HST 12:12,25 Yudas dahin Silas aleng kelunan nabi lahuh nangen kenep daha' harin tam atih té' kuri-kuri kahum daho', dahin petageng daha'. 33Tegu dalo' atih uh melo' tinan kuri-kuri dara, en daha' harin tam koh nah dalo' dahin sayu kenep ja dalo' uli ha' daha' aleng uh nyihu dalo'. 34Bi kenep Silas ngenep melo' tinan.
Anau aleng kedua' ngavan bara dengah sayu.
Paulus dawa' Barnabas sekdep kenep
35Bi Paulus dahin Barnabas melo' ha' Antiokhia, dahin kahum kelunan aleng ha' béh lahuh, katuk dahin bara dahun Tuhan.
36Men'uh kuri-kuri dau, Paulus kuma' men Barnabas, “Tei nah itu' ngelua ha' harin-harin tu' alem ha'ut daléh ngavan tu' hu'uh bara dahun Tuhan dih, nyineng nuno' tuk jam daha'.” 37Barnabas ngenep seng geri Yohanes dahin dawa' lahuh, aleng en daha' kuma' Markus. 38#HST 13:13; Kol 4:10 Bi Paulus menangen kuma', “Meng tu' geri iha' avin iha' melek itu' ha' Pamfilia em kaséh peji nyadui dahin tu' dih,” ken na'. 39#HST 4:36; 13:4 Bi nei nah kenep dawa' selepi lelan ateng dawa' petat, Barnabas atih pah geri Markus dahin na', pelalau leka' tugung kapen tei ha' Siprus. 40Bi Paulus mili Silas dahin tei leka', iha' tih men'uh daha' harin tam ma'uk iha' alem asi Tuhan. 41Pelalau iha' panau alem lim daléh Siria dahin Kilikia dahin petageng lim sidang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.