ARING KELESING 10
10
Pahu Sem, Ham, Yafet
1 Tuk 1:5-23
1Anih nah pahu-pahu anak Sem, Ham dahin Yafet, dalo' anak Nuh atih. Men'uh hungei aya' anan dih, anak dalo' pah nei katan la'an té' usun tana anih.
2Pahu Yafet iha' nah Gomer, dahin Magog, Madai, Yawan, Tubal, Mesekh dahin Tiras. 3Dalo' anak Gomer, iha' nah Askenas, Rifat dahin Togarma. 4Dalo' anak Yawan iha' nah Elisa, Tarsis, kelunan Kitim dahin kelunan Dodanim. 5Daha' pahu Yafet anih nah aleng putat purat pahu daha' té' busang-busang dahin té' bahé' banget ngioh na'an daha', ngioh ha'ut na'an daha' kah pahu daha' dahin dahun daha' lahuh.
6Pahu Ham iha' nah Kusy, Misraim, Put dahin Kanaan. 7Anak Kusy iha' nah Seba, Hawila, Sabta, Raema dahin Sabtekha. Anak-anak Raema iha' nah Syeba dahin Dedan. 8Kusy nganak Nimrod, iha' nah aleng aring-aring tugé' té' usun tana. 9Iha' ji kelunan aleng tu'a dahin makang ngaso' ilau tulan ha' unan Tuhan, avin anan nah daha' kuma', “Awi Nimrod ji kelunan aleng makang dahin tu'a ngaso' ha' unan Tuhan.” 10Aring daléh aleng en na' gem iha' nah Babel, Erekh, dahin Akad, lim anan ha' tana Sinear. 11Men daléh anan iha' tei ha' Asyur meju daléh Niniwe, Rehobot-Ir, 12Kalah, dahin Resen té' hang Niniwe dahin Kalah. Atih nah aleng daléh aya'.
13Misraim nganak daha' pahu Ludim dahin pahu Anamim, pahu Lehabim, pahu Naftuhim, pahu Patrusim, 14pahu Kasluhim, (daha' anih nah pa'un daha' pahu kelunan Filistin) dahin pahu Kaftorim lahuh.
15Kanaan nganak Sidon, iha' aleng anak una' na', dahin Het, 16dahin daha' Yebusi, daha' Amori dahin daha' Girgasi, 17daha' kelunan Hewi, Arki, Sini, 18daha' Arwadi, daha' Semari dahin daha' Hamati. Uh anan petat nah lim daha' pahu Kanaan atih. 19Daléh daha' Kanaan atih men Sidon ateng béh Gerar tei ateng ha' Gaza ateng alan aleng téi ha' Sodom dahin Gomora, Adma dahin Zeboim ateng ha' Lasa. 20Anih nah anak Ham dahin amin na', dahin lim panak-panak dalo' té' alem tana dalo', ngioh ha'ut na'an daha' kah pahu daha' dahin dahun daha' lahuh. 21Nganak nah Sem, iha' tih aleng taman daha' lim anak Eber, Sem aleng harin aké' Yafet aleng dekaya' atih. 22Pahu-pahu Sem atih, iha' nah Elam, Asyur, Arpakhsad, Lud dahin Aram. 23Anak Aram iha' nah Us, Hul, Geter dahin Mas. 24Arpakhsad nganak Selah, Selah pah nganak Eber. 25Eber pah nganak dua' anak aké', aran ji men dawa' Peleg, avin tegu anan nah kelunan tei putat té' usun tana. Aran harin na' aleng da'uk Yoktan. 26Yoktan nganak Almodad, Selef, Hazar-Mawet dahin Yerah, 27Hadoram, Uzal dahin Dikla, 28Obal, Abimael dahin Syeba, 29Ofir, Hawila dahin Yobab. Lim daha' anih pah pahu Yoktan. 30Daléh avan daha' anan Mesa, ateng daléh Sefar, iha' tih ha' ngalang béh matan dau pa'un. 31Anan nah anak Sem dahin amin na', dahin lim panak-panak na' té' té' alem tana daha' ngioh ha'ut na'an dalo' kah pahu daha' dahin dahun daha'.
32Anih nah pahu anak Nuh aleng alem amin na'. Ngioh ha'ut-ha'ut na'an daha' nah anak daha' dahin pahu daha' tei peken'an. Men daha' anih nah lim na'an kelunan tei petat purat té' usun tana men'uh hungei aya' atih dih.
Currently Selected:
ARING KELESING 10: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
