ARING KELESING 36
36
Pahu Esau
1 Tuk 1:34-36
1Anih nah pahu Esau, iha' tih Edom. Anih nah daha' anak na' dahin pahu na'. 2#Ar Kel 26:34 Esau ala dalo' doh Kanaan hawan na'. Ji hawan na', Ada anak Elon kelunan Het atih. Ji hawan na' la'an Oholibama anak Ana, Ana atih aleng anak Zibeon daha' Hewi. 3#Ar Kel 28:9 Ji la'an hawan na', Basmat aleng harin doh Nebayot anak Ismael. 4Aleng anak Esau té' Ada, iha' nah Elifas. Aleng anak na' té' Basmat, iha' nah Rehuel, 5aleng anak na' té' Oholibama, iha' nah Yeusy, Yaelam dahin Korah. Atih nah anak Esau, aleng anak na' ha' tana Kanaan.
6Esau pah tei geri dalo' doh na' dahin daha' anak-anak aké' na' dahin anak-anak doh na' dahin lim-lim kelunan aleng alem uma na' lahuh, nurei pah sapi' dahin kading dahin ketu-ketu tulan aleng hulung na' dahin lim-lim daven na' aleng uh kelan na' ha' tana Kanaan, lun tei nah iha' melek harin na' Yakub aleng da'uk anan, tei ha' daléh aleng ha' béh, 7avin daven dawa' aleng en dawa' puboh uh piah-piah kelalau kahum, nusi' nah tana aleng avan dawa' murip anan deng ngavan dawa' seng peji murip la'an, avin hulung dawa' atih uh kelalau kahum. 8Esau pah tei murip ha' ngalang Seir, Esau atih, iha' nah aleng Edom.
9Esau anih nah taman daha' kelunan Edom, aleng ha' ngalang Seir. 10Aran anak na', iha' nah Elifas anak Ada doh Esau tih. Aleng aran ji Rehuel, anak Esau té' doh na' Basmat. 11Aleng anak Elifas la'an, iha' nah Teman dahin Omar, Zefo, Gaetam dahin Kenas. 12Timna, iha' nah hawa' apit Elifas aleng anak Esau. Amalek iha' aleng anak Elifas té' Timna. Atih nah aleng sau-sau Ada hawan Esau. 13Anih nah aleng anak Rehuel, iha' tih, Nahat, Zerah, Syama dahin Miza, daha' anih aleng sau Basmat aleng hawan Esau.
14Anih nah aleng anak Oholibama doh Esau aleng anak Ana, Ana atih aleng ana Zibeon. Aleng anak Esau té' Oholibama nan, Yeusy, Yaelam dahin Korah.
15Anih aleng dekaya' mayak daha' panak-panak Esau, aleng men pahu Elifas anak una' Esau, aleng mayak ha'ut na'an panak daha', iha' nah, Teman, Omar, Zefo, Kenas, Korah, Gaetam, Amalek. 16Daha' atih nah aleng mayak daha' men pahu Elifas ha' tana Edom, lim daha' atih pahu men Ada.
17Anih aleng pahu Rehuel anak Esau. Aleng mayak daha' men ha'ut-ha'ut na'an panak daha', iha' nah daha' anih, Nahat, Zerah, Syama, Miza, daha' atih nah aleng mayak daha' panak Rehuel ha' tana Edom. Daha' atih nah aleng men pahu Basmat hawan Esau.
18Anih nah daha' aleng men pahu Oholibama doh Esau. Aleng mayak ha'ut-ha'ut na'an pahu daha', iha' nah dalo' anih, Yeusy, Yaelam, Korah. Atih nah dalo' aleng mayak daha' panak Oholibama Ana dawa' Esau, iha' tih Edom. 19Anan nah kelunan aleng dekaya' men ha'ut na'an pahu-pahu daha'.
Pahu Seir
1 Tuk 1:38-42
20Anih nah anak-anak Seir daha' bengsa' Hori, kelunan aleng murip alem daléh anan pa'en, Lotan, Syobal, Zibeon, Ana, 21Disyon, Ezer, Disyan. Atih nah daha' aleng dekaya', aleng mayak daha' bengsa' Hori aleng anak Seir ha' tana Edom.
22Aleng anak Lotan, iha' nah Hori dawa' Heman. Aleng harin doh Lotan, iha' nah Timna.
23Anih aleng anak Syobal, iha' tih Alwan, Manahat, Ebal, Syefo, dahin Onam.
24Anih aleng anak Zibeon, Aya dahin Ana. Ana anih nah aleng pesuk ata' itung aleng lasu ha' tana hit aleng layang atih, tegu iha' puboh hulung keledei taman na'. 25Anih nah aleng anak Ana anan, Disyon dawa' Oholibama anak doh Ana. 26Anih aleng anak Disyon, Hemdan, Esyban, Yitran dahin Keran.
27Anih aleng anak Ezer, Bilhan, Zaawan dahin Akan.
28Anih aleng anak Disyan, Us dahin Aran.
29Daha' atih nah aleng dekaya' mayak daha' pahu Hori, aleng dekaya' men daha' ha'ut-ha'ut panak daha', iha' tih pahu Lotan, pahu Syobal, pahu Zibeon, pahu Ana, 30Pahu Disyon, pahu Ezer, dahin pahu Disyan. Daha' atih nah aleng dekaya' men pahu Hori ha'ut-ha'ut na'an panak, daha' kah kelunan aleng mayak daha' ha' tana Seir.
Laja'-laja' Edom
1 Tuk 1:43-45
31Anih nah laja' aleng gem tana daha' Edom, men em payan ha' té' laja' aleng gem daha' Israel. 32Laja' aleng aring gem tana Edom nan, iha' nah Bela anak Beor, aleng aran daléh na', Dinhaba. 33Men'uh Bela matei, Yobab anak Zerah aleng men Bozra pah aleng jadi' laja' ngalui iha' la'an. 34Matei pah Yobab, Husyam men daléh daha' Teman pah aleng jadi' laja' kalui iha' la'an. 35Men'uh Husyam matei Hadad anak Bedad pah la'an kalui iha', iha' aleng pekalah daha' Midian ha' daléh Moab, aran daléh na' Awit. 36Men'uh Hadad matei, Samla men daléh Masreka aleng jadi' laja' kalui iha'. 37Matei pah Samla anan dih, Saul men Rehobot aleng ha' bahé' hungei pah kalui iha' jadi' laja' la'an. 38Men'uh Saul matei, Baal-Hanan anak Akhbor pah aleng kalui iha'. 39Men'uh Baal-Hanan anak Akhbor matei, Hadar pah laja' kalui iha' la'an. Aran daléh na' Pahu, aran doh na' Mehetabeel anak Matred aleng anak Mezahab.
40Anih nah aran daha' aleng dekaya' men pahu Esau, ngioh ha'ut-ha'ut na'an panak daha' dahin ngioh ha'ut na'an ngavan-ngavan daléh-daléh daha' lahuh. Anih nah aran daha' aleng mayak ha'ut na'an daha'. Timna aleng mayak pahu na', Alwa aleng mayak pahu na', Yetet kah mayak pahu na'. 41Oholibama mayak pahu na', Ela kah mayak pahu na', Pinon kah mayak pahu na', 42Kenas kah mayak pahu na, Teman kah mayak pahu na', Mibzar kah mayak pahu na', 43Magdiel kah mayak pahu na', dahin Iram kah mayak pahu na' lahuh. Daha' anih nah aleng mayak-mayak daha' pahu Edom, ngioh ha'ut-ha'ut na'an daha' kah ngavan daha' té' té' tana aleng en daha' sengayan. Edom, iha' nah aleng Esau, taman daha' Edom.
Currently Selected:
ARING KELESING 36: TDK1990
Highlight
Share
Compare
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
