Gen 13
13
Ukwahlukana kukaAbrama loLoti
1UAbrama wasuka eGibithe kanye lomkakhe lakho konke ayelakho loLoti, waya eNegebi.
2UAbrama wayenothile kakhulu ngezinkomo langesiliva langegolide. 3Wahamba esuka eNegebi, waze wafika eBetheli, endaweni lapho lalikhona ithente lakhe kuqala phakathi kweBetheli leAyi; 4endaweni lapho lalikhona ialtare abelenzile kuqala; uAbrama wadumisa ibizo leNkosi lapho. 5Laye uLoti owayehamba loAbrama wayelezimvu lezinkomo lamathente. 6Ilizwe lalingelakubanela ukuba bahlale ndawonye, ngoba impahla yabo yayinengi, behluleka ukuhlala ndawonye. 7Kwaba khona ukuxabana phakathi kwabelusi bezinkomo zikaAbrama labelusi benkomo zikaLoti. Ngalesosikhathi amaKanani lamaPerizi ayehlala elizweni.
8UAbrama wasesithi kuLoti: Kakungabi khona ukuxabana phakathi kwami lawe, laphakathi kwabelusi bami labelusi bakho, ngoba singabazalwane. 9Ilizwe lonke kalisobala phambi kwakho na? Yahlukana lami; uba usiya ngakwesokhohlo, ngizakuya ngakwesokunene; kodwa uba usiya ngakwesokunene, ngizakuya ngakwesokhohlo. 10ULoti wasephakamisa amehlo akhe, wabona ukuthi lonke igceke laseJordani lalilamanzi, iNkosi ingakachithi iSodoma leGomora; lalinjengensimu yeNkosi lanjengelizwe laseGibithe kuze kufike eZowari. #Gen 2:10 11ULoti wasekhetha lonke igceke laseJordani, waya ngasempumalanga; behlukana omunye lomunye. 12UAbrama wahlala elizweni laseKanani, uLoti wahlala emizini yasemagcekeni, wamisa ithente lakhe ngaseSodoma. 13Abantu baseSodoma babebabi, besona kakhulu phambi kweNkosi.
14INkosi yathi kuAbrama lapho uLoti esehlukene laye: Phakamisa amehlo akho lapho umi khona, ukhangele ngasenyakatho langaseningizimu langasempumalanga langasentshonalanga, 15ngoba ilizwe lonke olibonayo ngizakukunika lona, ngilinike lenzalo yakho kuze kube nininini. #Seb 7:5 16Ngizakuyenza inzalo yakho ibe ngangothuli lomhlaba, kuze kuthi uba umuntu engabala uthuli lomhlaba, izakubalwa lenzalo yakho. 17Suka udabule ilizwe, ubude balo lobubanzi balo, ngoba ngizakukunika lona. 18UAbrama wasukake wayakwakha eduze lezihlahla ezinkulu eziseMamre eliseHebroni, wakhela iNkosi khona ialtare.
Currently Selected:
Gen 13: BE1978
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978
